"MILLIY TIKLANISH" QASHQADARYO VILOYATI RASMIY SAHIFASI

#Milliy_tiklanish
#QASHQADARYO_VILOYATI

ISHCHI GURUH A’ZOLARI SHAHRISABZ SHAHRIDA O‘RGANISHLAR OLIB BORISHDI
O‘zbekiston “Milliy tiklanish” demokratik partiyasi viloyat kengashi faollari hamda O‘zMTDPdan Oliy Majlis va mahalliy kengashlarga saylangan deputatlardan iborat Ishchi guruh Shahrisabz shahrida faoliyat yuritayotgan “Shahrisabz hunarmandlar klasteri“ MCHJ faoliyatini o‘rgandi.
Ta’kidlash joiz, mazur jamiyat rahbari hunarmandchilikning olti yo‘nalishiga oid 50 turdan ziyod buyumlar ishlab chiqarmoqda. U hududdagi eng faol hunarmandlardan biri hisoblanadi. Shu bilan bir qatorda, tadbirkorning o‘ziga yarasha muammolari ham yo‘q emas.
-  Xomashyoning bir qismini xorij mamlakatlaridan import qilamiz, - deydi u. – Mahsulotni olib kirishda hunarmandlar uuchun alohida imtiyozlar berilsa, bu bizning faoliyatimizni yanada rivojlantirishimiz uchun muhim omil bo‘lardi.
Shuningdek, tadbirkorning ta’kidlashicha, hozirgi kunda sub’yektda aylanma mablag‘larni shakllantirish bilan bog‘liq muammo ham mavjud.
Ishchi guruh a’zolari tomonidan tadbirkorning muammolari ro‘yxatga olinib, uni hal qilish bo‘yicha amalga oshirilishi lozim bo‘lgan ishlar rejasi belgilab olindi.
Shuningdek, Ishchi guruh a’zolari tomonidan  Shahrisabz shahridagi  “Shahrisabz” davlat muzey – qo‘riqxonasi, Malik ajdar masjidi, Abdushukur og‘alik masjidi, Gumbazi Sayidon maqbarasi va yana qator me’moriy obidalar o‘rganildi.
Mavjud kamchiliklarni bartaraf etish bo‘yicha mas’ullarga tegishli topshiriqlar berildi.

https://t.me/qashqadaryomilliytiklanish

#Milliy tiklanish
#Qashqadaryo viloyati

O’RGANISHLAR DAVOM ETMOQDA.
Oliy Majlis Qonunchilik palatasi deputati Jaxongir Mamajonov hamda viloyat Kengashi mas’ullarining navbatdagi manzili Qarshi tumani Madaniyat bo’limiga qarashli madaniyat markazlari faoliyati bo’ldi.
Tashrif davomida deputat tumanda mavjud 4 ta madaniyat markazlarida bo’lib, u yerda yaratilgan sharoitlarni o’rganish bilan birga markaz xodimlari bilan muloqot qildi.
Mazkur madaniyat markazlarining aksariyati ta’mirtalabligi, isitish moslamalari yaxshi ishlamasligi, zallarda kino ko’rsatish uchun kinoprektor, ovoz kuchaytirgich apparatlari yo’qligi, madaniyat markazi kontsert tomosha, madaniy-ma’rifiy tadbirlar va uchrashuvlar uchun tomosha zaliga ehtiyoji mavjudligi muloqotlar mobaynida aytib o’tildi. Bundan tashqari, 6-sonli Gullola madaniyat markazining ko’rinishi juda achinarli ekanligi, bino 1985 yildan buyon ta’mirlanmaganligi, markazdan foydalanish imkoni yo’qligi tashrif davomida aniqlandi.
Mazkur o’rganishlar davomida aniqlangan muammolarni bartaraf etish yuzasidan deputat tomonidan bir qator takliflar ilgari surildi. Ko‘tarilgan masalalar deputat nazoratiga olinib, mas‘ul tashkilotlarga deputatlik so‘rovlari yuborilishi belgilab olindi.
"Milliy tiklanish" demokratik partiyasi Qashqadaryo viloyati kengashi Axborot xizmati
⏯️Bizni ijtimoiy tarmoqda kuzating:👇
👉"Milliy tiklanish" partiyasi Qashqadaryo https://t.me/milliy_tiklanish_Qashqadaryo

#Milliy tiklanish
#Qashqadaryo viloyati
#Deputat faoliyati
Kitob tumanidagi “Bektemir” va “Alaquyliq” mahallalari aholisi bilan o‘tkazilgan navbatdagi uchrashuvda “2025 yil - “Atrof-muhitni asrash va yashil iqtisodiyot yili” davlat dasturida belgilangan ustuvor vazifalar to‘g‘risida targ‘ibot o‘tkazildi.
Targ‘ibot tadbirida O‘zMTDP viloyat Kengashi deputatlari Yulduz Ergasheva, Gulandom Sattorova, tuman hokimi o‘rinbosari Gulbahor Begimova, tuman IIB xotin-qizlar masalalari bo‘yicha katta inspektor, mayyor Dilabza Sevinova, Respublika Ma’naviyat va ma’rifat markazi tuman bo‘linmasi xodimlari, mahalla raislari, xotin-qizlar faollari, nuroniylar, xotin-qizlar va yoshlar ishtirok etishdi.
- Bu dasturda “yashil” texnologiyalarni joriy etish, suvni tejash, ko‘kalamzor hududlarni keskin ko‘paytirish, Orol fojiasining oqibatlarini yumshatish, chiqindilar muammosini hal qilish, eng muhimi, aholi salomatligini mustahkamlash kabi masalalar ustuvor ahamiyat kasb etadi,-dedi o'z maruzasida viloyat Kengashi deputati G. Sattorova.
2025 yilgi davlat dasturi har bir insonga o‘z salohiyatini ro‘yobga chiqarishi uchun munosib sharoitlarni yaratish, barqaror iqtisodiy o‘sish orqali aholi farovonligini ta’minlash, suv resurslarini tejash va atrof-muhitni muhofaza qilish, qonun ustuvorligini ta’minlash, xalq xizmatidagi davlat boshqaruvini tashkil etish, “Xavfsiz va tinchliksevar davlat” tamoyiliga asoslangan siyosatni izchil davom ettirishdek dolzarb yo‘nalish hamda shu asosdagi 100 ta maqsadni o‘z ichiga olganligi hamda qabul qilingan Prezident farmoni xalqimiz manfaati uchun xizmat qilishi ta’kidlandi.

"Milliy tiklanish" demokratik partiyasi Qashqadaryo viloyati kengashi Axborot xizmati
⏯️Bizni ijtimoiy tarmoqda kuzating:👇
https://t.me/milliy_tiklanish_Qashqadaryo

#Milliy tiklanish
#Kitob_tumani
#Deputat faoliyati

O‘zbekiston “Milliy tiklanish” demokratik partiyasi viloyat Kengashi deputati Gulandom Sattarova tumandagi "Xalqlar do’stligi" mahalla fuqarolar yig‘inida bo‘lib, saylovchilar bilan sayyor qabul o’tkazdi.
Mazkur qabulda jami 6 nafar fuqarolarning murojaatlari ko’rib chiqildi.
Qabul davomida sog’lig’ini tiklash uchun moddiy yordam, uy-joy ta’mirlash, kontrakt masalasida, vasiylikka olish, «Ayollar daftari»ga kiritish, yo’l va boshqa turli masalalar bo’yicha murojaatlar ro’yxatga olinib, 3ta murojaat joyida ijobiy hal etildi, 3ta murojaat egasiga huquqiy tushuntirish berildi.
Mazkur mahallada istiqomat qiluvchi, boquvchisini yo’qotgan, 4 nafar farzandi bor fuqaro O.To’raeva «Ayollar daftari»ga kiritish bo’yicha deputatga murojaat bilan chiqdi. Oilaning moddiy ahvoli o’rganilib, murojaat joyida ijobiy hal etildi.
Qolgan murojaatlarni o’z muddatlarida ijrosini ta’minlash bo’yicha tegishli tashkilot va muassasa rahbarlariga topshiriqlar berildi va ijrosi nazoratga olindi.
"Milliy tiklanish" demokratik partiyasi Qashqadaryo viloyati kengashi Axborot xizmati
⏯️Bizni ijtimoiy tarmoqda kuzating:👇
https://t.me/milliy_tiklanish_Qashqadaryo