𝆹𝅥𝐌꯭𝐢꯭𝐥꯭𝐥꯭𝐢꯭𝐲꯭ ꯭𝐒꯭𝐞꯭𝐫꯭𝐭꯭𝐢꯭𝐟꯭𝐢꯭𝐤꯭𝐚꯭𝐭꯭~𝐎꯭𝐧꯭𝐚꯭ ꯭𝐭꯭𝐢꯭𝐥꯭𝐢꯭|𝐀꯭𝐝꯭𝐚꯭𝐛꯭𝐢꯭𝐲꯭𝐨꯭𝐭꯭

Esse ballari qiziqmi?


Unday boʻlsa, reaksiya go!


@milliy_sertifikat_onaa_tili

Bugungi ravnaq topib borayotgan 21-asr—kompyuter texnologiyalari davrida masofadan turib ta'lim olishning o'rni beqiyos .Bir guruh insonlar online ta'lim olishning bir qancha qulay tomonlarini e'tirof etsalar ,boshqalar bu turdagi ta'limni rad etgan holda , uning zararli oqibatlarini sabab qilib ko'rsatishadi .Xo'sh ,aslida ommalashib borayotgan ta'limning bu shakli o'rganuvchilar uchun nechog'liq manfaatli bo'ladi ?
Barchamizga ma'lumki "Har yumushning fasli ,har bir ishning asli bor ",–deganlaridek ,masofaviy ta'lim olishni yoqlaydiganlarning ham bir talay asoslari bor .Avvalo ,turli xil qurilmalar orqali ta'lim olish vaqt va joy kabi muammolarni keltirib chiqarmaydi ,ya'ni istalgan vaqtda istalgan joyda, hattoki uy kiyimida, qahva ichib turgan holatda ham bemalol darsda ishtirok etish mumkin .Bu esa yo'l bosib ma'lum hududga borish va qaytish kabilarga pul va vaqt sarflanishining oldini oladi. Ikkinchidan, yoshi ,dini, irqi ,jinsi ,millatidan qatʼiy nazar ,har kim online ta'limda hech qanday to'siqlarsiz qatnashishi mumkin ,faqatgina xohish va yetarlicha mablag' bo'lsa bas .Bu esa yangi kelinchaklar ,nogironligi bo'lgan shaxslar ,chekka qishloqlarda istiqomat qiluvchilar ,uy bekalari yoki pullik kursga qatnay olmaydigan barcha uchun ayni muddaodir .Statistik ma'lumotlarga qaraganda ,Amerika universitetlarining 77 foiz o'qituvchilari online ta'limni sifat jihatdan an'anaviy taʼlimdan ustun ko'rishadi.
"Guruch kurmaksiz bo'lmagani" kabi, bu shakldagi o'qitish tizimining ham o'ziga xos salbiy taraflari ham yo'q emas.Birinchidan ,"Sog'liq -umr garovi "ammo ,telefon ,kompyuterlar orqali o'qish inson sog'ligiga ta'sir qiladi, chunki ular tarqatayotgan nurlanish sababli ko'z pardalariga shikast yetishi mumkin .Qolaversa ,qurilmalarga ortiqcha bog'lanib qolish xavfi ham bor .Ya'ni ba'zi yoshlar kattalarning nazoratisiz , o'qish maqsadida ijtimoiy tarmoqqa kirib chalg'ib ketishi mumkin .Ommaviy axborot vositalarining xabar berishicha, online ta'lim olayotganlarning ko'pchiligi ko'z muammosi tufayli ko'zoynak taqishga majbur bo'lgan .
Mening fikrimcha ,masofaviy ta'lim olishning ijobiy jihatlari salbiy tomonlaridan ustun keladi ,chunki ilm olish talab qilgan shart-sharoitlarning barchasini online ta'limdan topish mumkin .
"So'ngso'z oʻrnida bir so'z ",—deyishganidek ,ta'limning qaysi shaklida bo'lmasin , ilm olish asosiy maqsaddir .Zeroki ,dunyo tamadduniga munosib hissa qoʻshgan Yusuf Hos Hojib bejizga, "o'quv qayda bo'lsa ulug'lik bo'lur ,bilim qayda bo'lsa buyuklik bo'lur "deb aytmagan .


Sevinch
313ta so'z✅✅✅

Kirish qism✅

Soʻnggi yillarda taʼlim tizimida boʻlayotgan oʻzgarishlar hamda yangiliklar kishilarni hayratga solmasdan qoʻymayapti. Nafaqat taʼlimdagi yangiliklar, oʻquv dasturidagi oʻzgarishlar, bundan tashqari, texnologiyaning rivojlanishi taʼlim tizimida yangi oʻquv usullarini yaratdi. Xususan, onlayn taʼlim soʻnggi yillarda omma orasida keng tarqaldi. Nima deb oʻylaysiz? Onlayn taʼlimning oʻquvchilarga beradigan ijobiy taraflari nazarga tashlangudekmi yoki salbiy taraflari? Keling, quyidagi esse orqali fkrimizni atroflicha yoritsak.

Asosiy qism✅

Maʼlumki, smart telefon va kompyuterlarning keng tarqalishi har bir sohaga oʻz taʼsirini oʻtkazmay qolmadi. Onlayn taʼlim tizimi bunga yaqqol misol boʻlib, ilm olish jarayonida maʼlum qulayliklarga olib keldi. Birinchidan, bunday taʼlim barcha uchun birdek manfaatli boʻlib, yoshi katta oʻqituvchilar ham bemalol bilim olishiga sharoit yaratildi. Ikkinchidan, ilm tolibining vaqtining tejalishiga olib keldi. Yaʼni koʻplab taʼlim olish maskanlari markaziy hududlarda joylashganligi sababli borib kelish uchun qanchadir vaqtimizni oʻgʻirlar edi. Bundan tashqari, umuman oʻquv markazi joylashmagan tuman va qishloqlarimizda ham ilm olish uchun imkoniyat paydo boʻldi . Uchinchidan, onlayn taʼlimda xohlagan ustozimizdan dars olishga, qolaversa, oʻquvchilarga qulay sharoitda darslarni qabul qilishga ochiq eshik boʻldi. Chunki hech qaysi oʻquv markaz yoki dargohlar sizning uyingizdagi sharoitchalik qulaylikni yaratib berolmaydi. Masalan, mening oʻzim onlayn darslar oʻtaman. Bu men uchun tik oyoqda turib dars oʻtish azobidan qutulishga yordam bermoqda.


Oyning ham dogʻi boʻlgani kabi onlayn taʼlim ham kamchiliklardan mustasno emas. Masalan, uzviy smartfonlardan foydalanish koʻrish tizimining keskin tushib ketishiga olib keladi. Shuni ham aytish mumkinki, onlayn taʼlimda baʼzi bir oʻquvchilarda masʼuliyatsizlik paydo boʻladi. Oʻquvchi oʻzini aldash bilan birga ustozini ham aldaydi. Vaholanki, bunday holatlar johillikning keskinlashuviga olib keladi. Bundan tashqari, smartfonlarga qaramlik holatlari kelib chiqishi ham shular jumlasidandir. Lekin aql-u farosati bor oʻquvchi uchun bunday vajlar hech qanday muammoga sabab boʻlmaydi. Aksincha, yuqoridagi ijobiy holatlar oʻquvchi uchun ajoyib imkoniyatlar eshigidir. Oʻz sohamdan kelib chiqib, shuni aytishim mumkinki, onlayn taʼlim orqali milliy sertifikat imtihonlaridan yuqori natijaga erishgan oʻquvchilar juda ham koʻp boʻldi.


Mening fikrimcha, sharoiti ogʻir oʻquvchilar uchun onlayn taʼlimning qulayliklari koʻp. Hattoki koʻplab mashhur ustozlarning bepul darslaridan barhamand boʻlish mumkin. Zero, "Hayotda muvaffaqiyatga erishish uchun uch narsa kerak: diqqat, intizom va harakat", — degan edi Jaloliddin Rumiy.

Xulosa✅

Xullas, fikrimni muxtasar qiladigan boʻlsam, onlayn taʼlimning ijobiy jihatlari salbiy jihatlaridan ustunlik qiladi.

330 ta soʻz atrofida


Muallif: Mahliyo Odilboyeva✍


Kanal: @milliy_sertifikat_onaa_tili

Mualliflik huquqi saqlansin!

@milliy_sertifikat_onaa_tili