MEHMONXONA

🔥O‘zbekiston turizm bozoriga Germaniyaning yetakchi xalqaro mehmonxona brendi kirib kelmoqda🔥.

✅ Bugun, poytaxtimizda joylashgan “Roadside by Khorrot” mehmonxonasida Markaziy Osiyo mamlakatlari orasida birinchi bo‘lib Toshkent shahrida yetakchi xalqaro mehmonxona brendlaridan biri hisoblanuvchi “IntercityHotel” brendi ostida ish boshlashi kutilayotgan mehmonxona majmuasining barpo etilishiga bag‘ishlangan OAV hamda turizm sohasi vakillari uchun press-konferensiya tashkil etildi.

📜 Press-konferensiyada Germaniyaning yurtimizdagi Favqulodda va muxtor elchisi Dr. Tilo Klinner, AQShning “VALOR Hospitality Partners” kompaniyasining ta’sischilaridan biri Julien Bergue, Germaniyaning “Deutsche Hospitality” kompaniyasi Vitse-prezidenti Siegfried Nierhaus, “Hotel Pro” kompaniyasi asoschisi Dilshod Odilov, “The Globus Hotel” MChJ rahbari Raxmatulla Rahmetov va boshqalar ishtirok etdi.

📌 Press-konferensiyada so‘z olganlar, so‘nggi yillarda yurtimizda turizm sohasi jadal rivojlanayotganligini qayd etib, sohada Prezidentimiz Shavkat Mirziyoyev rahbarligi amalga oshirilayotgan islohotlar darajasini yuqori baholashdi. Aynan shu sababli, Germaniyalik hamkorlar Markaziy Osiyo mamlakatlari orasida birinchi bo‘lib aynan yurtimiz turizm bozoriga kirishni rejalashtirilganliklarini ta’kidlab o‘tishdi.

📎 Aytib o‘tish kerakki, “IntercityHotel” brendi ostidagi mehmonxona majmuasi poytaxtimizning Mirobod tumani markazida Germaniyaning “Deutsche Hospitality” kompaniyasiga tegishli “franchayzing” huquqi asosida barpo etilmoqda. Mehmonxona ishga tushgandan so‘ng, kelgusida uning boshqaruvi mehmonxona boshqaruvi sohasida jahonning yetakchi kompaniyalaridan biri hisoblanadigan “VALOR Hospitality Partners” tomonidan amalga oshiriladi. Majmua 122 ta xonadan iborat bo‘lib, 2023-yilning aprel oyida ishga tushishi kutilmoqda. Mehmonxona o'zining joylashuvi, xizmat ko‘rsatish sifati va qulayliklari sababli biznes va dam olish maqsadida tashrif buyurgan sayyohlarga uchun unutilmas onlarni taqdim etadi.

📝 Konferensiya so‘nggida, hamkorlar o‘rtasida rasmiy hujjat imzolash marosimi bo‘lib o‘tdi va mas’ullar jurnalistlarning savollariga javob berdilar.

🔖 Ma’lumot uchun:
“VALOR Hospitality Partners” kompaniyasi - shtab-kvartirasi Atlanta, AQShda joylashgan, to'liq xizmat ko'rsatish bo'yicha yetakchi global mehmonxona boshqaruv kompaniyasi hisoblanadi. AQSh, Buyuk Britaniya, Afrika va Yaqin Sharqda o‘z portfelida 85 dan ortiq mehmonxonani jamlagan kompaniya hozirda faoliyatini Yaqin Sharq, MDH va Hind okeani mintaqalarida jadallik bilan kengayib bormoqda.

“Deutsche Hospitality” kompaniyasi esa mehmonlarga mukammal xizmat ko'rsatuvchi mehmondo'stlik sanoati sohasida jahon yetakchilaridan biri hisoblanadi. “Intercity Hotel” brendi kompaniyaga tegishli 8 ta yirik brenddan biri hisoblanadi va kompaniya butun dunyo bo'ylab 160 dan ortiq mehmonxonalarga ega.

🇺🇿Toshkent shahar Turizm va madaniy meros bosh boshqarmasi Matbuot xizmati🇺🇿