Shu kungacha AppSheetni o'rganish va buyurtma olgan dasturimni tuzish bo'yicha ba'zi taassurotlarim.
1. Dastur tuzish tezligi baland. Sheetsda jadval ochasiz, AppSheetga import qilasiz, ustunlarni sozlaysiz, ko'rinishini to'g'rilaysiz. Tayyor. Server sotib olish, sozlash, build qilish degan narsalar yo'q.
2. AppSheet back office muammolariga yechim berish uchun ko'proq mos. Back office - mijozlar uchun emas, korxona o'z ichki hisob-kitoblari, jarayonlari. Ommaga mo'ljallangan loyihalarga noldan kod yozib dastur tuzilgani yaxshi.
Lekin bu bilan AppSheet kabi instrumentlar bozorda mijoz topolmaydi, deb o'ylamang. Back office va ommaga mo'ljallangan dasturlar ikki xil alohida bozorga ega. B2B va B2C deylik.
3. O'rganish tezligi baland. Dastur MVPsini tuzib ishga tushirishni o'rganishga qisqa vaqtda o'rganish mumkin. Lekin davomidan olgan buyurtmangizga qarab qo'shimcha o'rganish shart.
4. Boshqa sohadan o'tib mustaqil darajaga chiqish vaqti qisqaroq. Kod yozib (frontend/backend/mobile) dasturlashni o'rganib mustaqil natijaga chiqquncha 1.5-2 yil vaqt ketadi. AppSheetda esa bu davr 6 oy bo'lishi mumkin deb tahmin qilyapman. Sharti - doimiy turli buyurtmalarda ko'z va qo'l pishishi.
5. AppSheetda mustaqil buyurtma olib ish boshlash uchun atrofingizda sizga biznes sirini ishonib topshira oladigan tanishlaringiz bo'lgani ma'qul.
O'zi boshqa sohalarda ham shunday. AppSheetda dasturga to'liq o'zingiz javobgar bo'lganingiz uchun bor mas'uliyat sizning bo'yningizga tushadi. Shu sababli dastlabki buyurtmalarda xatolaringizga ko'z yumib konstruktiv fidbek bilan muloqot qila oladigan tanishlar bo'lgani yaxshi.
6. Ba'zi biznesmenlar tayyor yechimlarni oylik obuna evaziga olishdan ko'ra o'zidagi jarayonlarga xoslab (fine-tune) dastur tuzdirishni ma'qul ko'rishi mumkin.
7. Dastur tuzishdagi muhim masala - tuzishdan oldin biznesdagi jarayonlar bilan yaqindan tanishish. Ko'proq. Bu dasturni qayta-qayta to'g'rilab chiqishning oldini oladi.
8. AppSheet bilan muammoga yechim bersa bo'ladigan bozor katta. Tanish mebelchi, ishlab chiqaruvchilar, savdogarlar bilan ishlanganda ham 1 yil vaqt ketadigan buyurtma topib qo'ysa bo'ladi.
Balki, networking katta bo'lishi sabablidir yoshi kattaroq odam bu instrumentni yaxshi o'rgansa, ko'proq mijoz topa olishi mumkin. Yoshlarda savdo, tijorat, muomala bo'yicha tajriba kam bo'ladi.
9. Dasturni jamoa bo'lib tuzishning imkoni bor, lekin noqulay. Dastur ustida bir vaqtda bir necha kishi ishlolmaydi. Vaqtini kelishib ishlash kerak.
10. Biznes egasining vaqti kam, bor vaqtida ham qisqa-lo'nda, uning o'ziga qulay atamalar bilan gaplashish kerak.
11. Noodatiy, biron korxona ichidagi o'ziga xos jarayonlarga oid dastur tuzayotganda amallar ketma-ketligini sxema qilib chizib olgan yaxshi. Dasturni test qilayotganda qo'l keladi.
12. AppSheetda ishlashni davom ettiramanmi? Ha. Menga yoqyapti. O'rganib bo'ldimmi? Yo'q. Hali bir dunyo fishkalari bor.
13. Mahalliy bozorda AppSheetdan dars beradigan 2 kishini ko'rdim. O'zbek tilida hali hamjamiyat/guruhga duch kelmadim. Ruslardagi guruh va AppSheet rasmiy forumi bor. YouTubeda ham bir nechta kanalda darslar bor ekan. Lekin tezroq o'rganmoqchi bo'lganlarga mentor yordam beradigan kurs bo'lgani yaxshi.
===
AppSheetdan kurs chiqaramanmi? Ha. AppSheet bo'yicha buyurtmalardan $10K topganimdan keyin.
Shu summadagi daromad qilgunimcha CS2ni ham o'chirib yubordim 29-martda (oldingi postdagi rasm).
Hozir o'rganishga kurs kerakmi? Kurs bor. Shu yakshanba boshlanadi. 2-3 ta joy qolgan deyishdi.
Batafsil ma'lumot:
https://telegra.ph/Kod-yozmasdan-dastur-tuzish-va-pul-topish-onlayn-kurs-03-29Qabul jarayonlari haqida mana bu kanalda yozib borishyapti:
@kodsiz_dasturlashBu instrumentni YouTube va boshqa manbalardan o'rganish imkoni bo'lsa ham ustoz bilan o'rganishni tavsiya qilaman. Farqi yer bilan osmoncha.