PAYGʻAMBAR-OTA jome masjidi 🕌

#mutolaa #isro #meroj #namoz
😀 МЕЪРОЖ КЕЧАСИ ҚАЧОН?

Бисмиллаҳир Роҳманир Роҳийм

💬Исро нима дегани?
“Исро” (الإسراء) Аллоҳ таоло Пайғамбаримиз Муҳаммад соллаллоҳу алайҳи васалламни кечанинг бир бўлагида Маккадаги Масжидул Ҳаромдан Қуддусдаги Масжидул Ақсога сайр қилдиришидир.

💬Меърож нима дегани?
“Меърож” (المعراج) эса, Аллоҳ таоло Пайғамбаримиз Муҳаммад соллаллоҳу алайҳи васалламни Қуддуси шарифдан юқорига, яъни, Ўзининг Ҳузурига кўтаришидир.

Исро ва меърож кечаси қачон бўлган?
Исро ва Меърож ҳодисаси юз бергани ҳақида Ислом умматида мутлақо ихтилоф йўқ. Бу ҳақда Қуръони каримда: «(Ўз) бандаси (Муҳаммад)ни, унга мўъжизаларимиздан кўрсатиш учун (Маккадаги) Масжидул Ҳаромдан (Қудсдаги) Биз атрофини баракотли қилган Масжидул Ақсога тунда сайр қилдирган Зотга тасбеҳ айтилур. Дарҳақиқат, У эшитувчи ва кўрувчидир» (Исро сураси, 1-оят), дейилган.
Аммо қачон содир бўлгани ҳақида турлича қарашлар бор. Аллома Муборакфурий раҳимаҳуллоҳ “Ар-Раҳийқул махтум” китобида “Исро ва Меърож” воқеаси қачон содир бўлгани тўғрисида айтилган қуйидаги олти хил қарашни келтирган:

🫥Исро Аллоҳ таоло у зотни нубувватга мушарраф этган йили бўлган.

🫥Пайғамбар бўлганларидан беш йил кейин бўлган.

🫥Нубувватнинг ўнинчи йили ражаб ойининг 27-кечасида бўлган.

🫥Ҳижратдан ўн олти ой олдин нубувватнинг 12-йили рамазон ойида бўлган.

🫥Ҳижратдан бир йилу икки ой олдин нубувватнинг 13-йилида муҳаррам ойида бўлган.

🫥Ҳижратдан бир йил олдин нубувватнинг 13-йилида робиъул аввал ойида бўлган.

🌙 Нега Расулуллоҳ ўнг қўлларини ёноқларига қўйиб ухлардилар?

Уммул мўминин Ҳафса розияллоҳу анҳо айтадилар: “Қачонки Набий соллаллоҳу алайҳи васаллам ухлашга ётмоқчи бўлсалар ўнг қўлларини ёноқлари остига қўярдилар. Сўнгра: “Аллоҳумма қиний ъазабака явма табъасу ъибадак”

اللَّهُمَّ قِنِي عَذَابَكَ يَوْمَ تَبْعَثُ عِبَادَكَ

“Аллоҳим, мени, бандаларингни жамлайдиган кунда азобингдан сақла”, дердилар" (Имом Можа ривояти).

Расулуллоҳ соллаллоҳу алайҳи васаллам ҳамиша уйқуга Аллоҳни зикр қилиб, ўнг томонга ёнбошлаб, таҳорат олган ҳолда ётардилар. Чунки уйқу – кичик ўлим. Инсон уйқуга ётар экан, ўрнидан қайта туриши ёки турмаслигини билмайди.

Олимлар олиб борган тадқиқотларга кўра, ўнг қўлни ўнг ёноқ остига қўйиб ухлаш инсон танасининг тинчланишига, тез уйқуга кетишга, ҳатто қўрқинчли тушлар кўришнинг олдини олишга сабаб бўларкан. Бу эса, депрессия ва стрессдан азият чекаётган одамларни турли уйқу дориларини қабул қилишдан халос этади.

Калифорния (АҚШ) университети профессори, мисрлик олим Доктор Жамолиддин Иброҳим бошчилигида ўтказилган тадқиқотларда ўнг томонга ёнбошлаб ётганда юрак камроқ куч сарфлаши, қоннинг осон айланиши, асабларнинг тинчланиши ва дам олиши ҳамда тезда уйқуга кетишга сабаб бўлиши аниқланди.

Мисвок ишлатиш суннат
#Мисвок #суннат

Мисвок билан тиш тозалаш Пайғамбаримиз (соллаллоҳу алайҳи ва саллам)­нинг яхши кўрган одатларидан эди.

Бу ҳақда Расулуллоҳ (соллаллоҳу алайҳи ва саллам): “Умматимга машаққат бўлмаганида, ҳар бир намоз(га таҳорат олиш)да мисвок ишлатишга буюрган бўлардим”, деганлар.

Бошқа ривоятда “ҳар бир таҳоратда”, деб келган (Имом Бухорий, Имом Муслим). Ойша (розияллоҳу анҳо)дан ривоят қилинади: «Расулуллоҳ (соллаллоҳу алайҳи ва саллам): “Мисвок ишлатиб, ўқилган намоз бошқа намоздан етмиш баробар афзалдир”, дедилар» (Имом Байҳақий). Мисвок йўқ бўлган вақтда бармоқлар билан тиш­ларни ишқалаш мисвок ўрнига ўтади. Бунда Расулуллоҳ (соллаллоҳу алайҳи ва саллам)нинг суннатларига эргашишни ният қилиш шарт бўлади.

Бу ҳақда Анас ибн Молик (розияллоҳу анҳу)дан ривоят қилинади: «Бану Амр қабиласидан бири: “Ё Расулуллоҳ, мисвок ишлатишга кўп тарғиб қилдингиз, тиш тозалашга ундан бошқа нарса йўқми?” деб сўради. Шунда Набий (соллаллоҳу алайҳи ва саллам): “Икки бармоғинг мис­вокдир. Иккисини тишларинг устида юргизиб, ишқайсан. Нияти йўқ инсоннинг амали йўқ, савобдан умиди йўқ кимсага ажр йўқдир”, дедилар» (Имом Байҳақий).