KriptoBlockchain

Davomi

Qanday markazlashgan kripto-birjalar bor?
Eng yirik va eng ishonchli markazlashgan kripto-birjalarga quyidagilar kiradi: Binance, Coinbase, Kraken, OKX, Kucoin, Bybit va boshqalar. CEX birjalarining to'liq, kunlik yangilangan reytingini Coinmarketcap va Coingecko portallarida topish mumkin.

Markazlashgan kripto-birjalarning afzalliklari
Markazlashgan kripto-birjalar o'z foydalanuvchilariga bir qator afzalliklarni taklif qiladi, ulardan biri foydalanuvchi uchun qulay interfeysdir. Ushbu platformalar odatda sodda bo'lib, yangi va tajribali foydalanuvchilarga ham o'z mablag'larini osongina boshqarish, depozit qilish va yechib olish imkonini beradi. Bundan tashqari, markazlashgan kirpto-birjalar odatda markazlashmaganlarga qaraganda savdo qilish uchun ko’proq kriptovalyutalarni qo'llab-quvvatlaydi. Bu investitsiya portfellarini diversifikatsiya qilmoqchi bo'lgan foydalanuvchilar uchun qulaydir. Yana bir afzallik shundaki, ular markazlashmagan kripto-birjalarga (DEX) nisbatan yuqori likvidlikka ega. Likvidlik foydalanuvchining aktivni bozor qiymatiga sezilarli ta'sir qilmasdan sotib olish yoki sotish qulayligini anglatadi va past o'zgaruvchanlik bilan tezkor operatsiyalarni amalga oshirishni xohlaydigan treyderlar uchun muhim omil hisoblanadi. Bozor qonunlariga ko'ra, aktiv qanchalik likvidli bo'lsa, uning qiymatiga ta'sir qilmasdan uni almashtirish osonroq bo'ladi.

Markazlashgan kripto-birjalarning kamchiliklari
Markazlashgan kripto-birjalar kamchiliklardan xoli emas. Ushbu platformalardan foydalanishning asosiy kamchiliklaridan biri shundaki, foydalanuvchilar o’z kripto hamyonining kalitlarini boshqara olmaydi. Bu ularning aktivlariga to'g'ridan-to'g'ri kirish imkoniga ega emasligini anglatadi, bu esa masalan kripto-birja to'satdan yopilsa, katta yo'qotishlarga olib kelishi mumkin. Ikkinchi kamchilik - bu xavfsizlik muammolari. Yillar davomida markazlashgan kripto-birjalar shov-shuvli xakerlik hujumlarining nishoniga aylandi, buning natijasida kriptovalyutalarda yuzlab million dollar yo'qotildi. Yana bir kamchilik shundaki, ko'plab markazlashgan kripto-birjalar tartibga solinadigan tashkilotlar (regulyator) tomonidan nazorat qilinadi. Regulyatorlar odatda platformalarda litsenziyalashning yangi talablari va muvofiqlik qoidalari kabi qat’iy cheklovlar qo‘yish huquqiga ega va bu ba’zan ularning ma’lum tokenlarni qo‘llab-quvvatlash yoki ma’lum bir davlat foydalanuvchilarga xizmat ko‘rsatishni cheklashi mumkin.

Xulosa
Yuqoridagilardan ko’rinib turibdiki markazlashgan kripto-birjalarning o’ziga yarasha afzallik va kamchiliklari bor. Lekin yuqori reytingli kripto-birjalarda bemalol, qo’rqmasdan treydinglik faoliyati bilan shug’ullansangiz bo’ladi. Ammo yirik sarmoyador bo’lsangiz va siz faqatgina kriptovalyuta sotib olib, uni uzoq muddat saqlamoqchi bo’lsangiz unda sizga u yerda saqlamaslikni maslahat beraman. Uning o’rniga kripto-birjada sotib olib uni Trust wallet, metamask kabi kripto hamyonlarga o’tkazib o’sha yerda xohlagan muddatgacha saqlasangiz bo’ladi.

Kanal | Chat

Kriptovalyuta atamalarining lug'ati:

A

Adress - bu kriptovalyuta manzili, blokcheyndagi tranzaktsiyalar shu orqali amalga oshiriladi.

Airdrop - bu ma'lum shartlar bilan tangalarni bepul tarqatish.

Altcoin - Bitcoinning o'zidan boshqa har qanday kriptovalyuta altkoin deb ataladi. Masalan: Ethereum, Litecoin, Ripple, Binance Coin, Cardano va boshqalar.

ASIC (Application-Specific Integrated Circuit) - mayning qilish uchun maxsus qurilma.

51% Attack - bu kriptovalyuta tarmog'ining umumiy hisoblash kuchining katta qismi maynerlar tomonidan boshqariladigan bir lahzadir. Nazariy jihatdan, bunday hisoblash quvvati butun tarmoqqa hukmronlik qilish imkonini beradi.

ATH (ATH - All Time High) - barcha vaqtlardagi aktivlar narxining eng yuqori qiymati. Boshqa nomi - "High".

ATL (ATL - All Time Low) - barcha vaqtlardagi aktivlar narxining eng past qiymati. Boshqa nomi - "Low".

Arbitrage - Investorlar daromad olish uchun kripto-birjada kriptovalyuta sotib olib, boshqa birjada qimmatroq narxda sotish strategiyasi.

AMA (Ask Me Anything-Mendan biror narsani so'rang) - Mendan biror narsa so‘rang deganda ma’lum bir kasb egalari (masalan, o‘t o‘chiruvchi, hamshira, jurnalistlar) yoki kompaniya (masalan, Tesla bosh direktori) foydalanuvchilarga savollar berish uchun sessiya o‘tkazadigan harakatlar nazarda tutiladi.

Kanal | Chat

#mavzu

Kriptovalyuta tokenlarining turlari
4-qism: Meme coinlar
(hazil tangalar)

Memkoin nima?

Memkoin nima ekanligini tushunish uchun avvalo mem nima ekanligini tushunishingiz kerak. Mem - bu "ahamiyatli ma'lumotlarning kulgili yoki qiziqarli qismi, masalan sarlavhali rasm yoki video internetda ayniqsa ijtimoiy tarmoqlar orqali keng tarqalgan qismlarning butun guruhi". Oddiy qilib aytganda, mem - bu internetdagi hazil. Shunday qilib, memkoin ma'lum bir hazilga (mem) asoslangan raqamli valyutadir.

Eng mashhur memkoinlar qaysi?

Dogecoin
Eng mashhur memkoin bu Dogecoin (DOGE) bo'lib, u asosan Ilon Mask tomonidan Twitter orqali ommalashtirilgan. KISS solisti Gen Simmons va reper Snoop Dogg ham tangani ommalashtirishga hissa qo’shishgan lekin eng katta e’tiborni jalb qilgan odam bu albatta Ilon.
U Jekson Palmer va Billi Markus tomonidan altkoinlar o'sishini masxara qilish, internet “mem-doge”ni kriptovalyutaga aylantirish uchun yaratilgan. Ko'rinishidan memkoinlarning jozibadorligi nafaqat odamlar ulardan pul ishlashlari mumkinligi balki ular go'yoki odamlarga yordam berishidadir.
Dogecoin hamma uchun foydali bo'lgan tanga sifatida joylashtirilganligi sababli, internetda u odamlarga qanday yordam berganligi haqidagi hikoyalar tarqalgan. Masalan uning yordamida Yamayka bobsley jamoasini 2014 yildagi Rossiyaning Sochi shahrida bo'lib o'tgan qishki Olimpiya o'yinlariga yuborish uchun qanday pul yig'ilgani haqida hikoya bor. Keyin Keniyadagi odamlarga toza ichimlik suvi olishga yordam berish uchun "Doge4Water" kampaniyasi boshlangan.
DOGE hozirda CoinMarketCap ma'lumotlariga ko'ra bozorda
9-o'rinni egallaydi. Barcha memkoinlar ichida DOGE eng mashhuri hisoblanadi. Uning bozordagi ulushi deyarli 1% va bozor qiymati 12 milliard dollardan oshadi.

Shiba Inu
Keyingi eng yaxshi ko'rsatkichli memkoin Shiba Inu (SHIB) bo'lib, u bozorning 0,34 foizini egallab, kapitallashuvi deyarli 5 milliard dollarni tashkil qiladi. SHIB 2020-yil 1-avgustda Dogecoin-ga javob reaksiyasi sifatida ishga tushirilgan. Ular o'z veb-saytida o’zlarini "Dogecoin qotili" deb nomlashganini aytishgan. Shunga ko'ra SHIB ham, DOGE ham bir xil obrazga ega - Yaponiyaning Shiba Inu naslli iti. Shiba Inu shunchaki token emas, balki butun ekotizimni ifodalaydi. Ularning veb-saytida aytilishicha, "SHIB - markazlashmagan o'z-o'zidan jamiyat qurishdagi tajriba". Ushbu da'voni qo'llab-quvvatlash uchun ular ShibaSwap deb nomlangan markazlashmagan birjasini yaratgan. Ular, shuningdek, o'zlarining loyihalari maqsadlarini tushuntiruvchi texnik hujjat “white paper”ga o’xshash “woofpaper” ni e’lon qilishgan.

Xulosa
Asosiy memkoinlar shular ularga yana joriy yil boshida yaratilgan PEPEni ham qo’shish mumkin. U ham yuqoridagilar kabi shov-shuv qilinib mashhurlikka erishgan va narxi ham shu tarzda o’sgan. To’g’risi o’zim bunaqa memkoinlarni yoqtirmayman chunki juda ko’p memkoinlar yaratilgan lekin ularning sanoqlilari muvaffaqiyatga erishgan. Ko’plarining orqasida hech qanday foydalilik xususiyati yo’q. Bunaqa koin va tokenlar o’z nomi bilan hazil va unda muvaffaqiyatga erishish lotereyada jekpot yutishga o’xshaydi lekin memkoinlarni yoqtirib ularni o’rganib yuradiganlar ham ko’plab topiladi.

Kanal | Chat

#mavzu

Kriptovalyuta tokenlarining turlari 3-qism: Utility tokenlar.

Utility tokenlar (foydali tokenlar) - Bular ma'lum bir blokcheyn loyihasi doirasida o'ziga xos qo’llanishga ega bo'lgan aktivlardir. Ushbu tokenlarning egalari kengaytirilgan xizmatlar va imtiyozlardan foydalanish huquqiga ega bo’lishadi. Utility tokenlar ko'pincha tangalarni dastlabki chiqarish (ICO) paytida qo'llaniladi va ma'lum bir loyiha hamjamiyatiga odatda bir necha raundlar doirasida taklif etiladi. Bunday tokenlar egalari loyiha bilan bog'liq xizmatlar va mahsulotlardan erta foydalanish huquqiga, ba'zan esa boshqa imtiyozlarga ega bo'lish huquqini ham oladi. Bunday yondashuv kompaniyalarga o'z mustaqilligini yo'qotmasdan moliyalashtirish imkonini beradi. Biroq, utility tokenlar ICO-lardan tashqari ham qo’llanilishga ega. Agar faoliyati blokcheyn bilan bog'liq bo'lgan kompaniya qo'shimcha moliyalashtirishga muhtoj bo'lsa, u bu maqsadda utility tokenlardan foydalanishi mumkin. Utility tokenlar loyihani moliyalashtirish bilan bog'liq bo'lmasligi, masalan ular kompyuter o'yinlarida ishlab topilishi va undagi ba'zi bonuslarni olish imkoniga ega bo’lish ham mumkin. Utility tokenlar egalari oddiy foydalanuvchilar uchun mavjud bo'lmagan loyiha funksiyalaridan foydalanish huquqiga ega bo’ladilar. Bundan tashqari, Utility token egalari blokcheyn platformasining mahsulot va xizmatlariga chegirmalarni, shuningdek tokenlarni steyking qilish orqali uning ishlashini ta’minlaganliklari uchun mukofotlarni olishadi. Utility tokenlar tranzaktsiyalarni to'lash va smart kontraktlarni joylashtirish uchun ham ishlatiladi. Bularning barchasi yangi foydalanuvchilarni birjalarda utility tokenlarni sotib olishga undaydi, bu ularning qiymatini oshiradi (ayniqsa, kichik cheklangan taklif bo'lganda).

Utility tokenning turlari:

Utility tokening klassik namunasi Brave brauzeri tomonidan reklama xizmati platformasining to’lov vositasi sifatida foydalaniladigan Basic Attention token (BAT)idir. Yana bir misol bu Filecoin - har qanday foydalanuvchiga tarmoqda ma’lumotlarni saqlash qurilmasining bo’sh joyini ijaraga olish va berish imkonini beruvchi markazlashmagan saqlash tarmog'i (iCloud yoki Google Cloudning blokcheyndagi analogi)dir. Ma'lumotlaringizni bitta kompaniyaga ishonib topshirish o'rniga, uni butun dunyo bo'ylab turli xil kompyuterlarda saqlashingiz mumkin, Filecoin esa buning uchun to’lov vositasi bo’lib xizmat qiladi.

Xulosa

Hozirgi kunda utility tokenlar juda ko’p va oxirgi vaqtlarda ularning foydalilik darajasiga qarab ularga bo’lgan talab ham yuqorilab bormoqda.

@kriptoblockchain

#mavzu

Kriptovalyuta tokenlarining turlari 2-qism.

Stablecoin nima?

Stablecoin (inglizcha, stable — barqaror, coin — tanga) ya’ni barqaror tanga. Steyblkoin - bu AQSh dollari kabi fiat valyutasiga bog'langan kriptovalyuta turi.

U nimaga yartilgan?

Steyblkoinni yaratishdan maqsad boshqa kriptovalyutalarga nisbatan barqarorroq va kamroq oʻzgaruvchan muqobil taqdim etish bo’lgan. Steyblkoinlar ko'pincha tovarlar va xizmatlar uchun to'lov vositasi sifatida ishlatiladi. U xalqaro operatsiyalarni amalga oshirish uchun ham juda qulay. Juda past tranzaksiya to'lovlari tufayli ular PayPal, Visa, Western Union kabi mashhur pul o'tkazmalari xizmatlariga muqobil bo'lishi mumkin. Ya’ni uning komissiya to’lovlari bank tizimidagidan ancha past.

Ularning qanday turlari bor?

Steyblkoinlar mavjud va mashhur blokcheynlarda ommalashgan bular Ethereum, Tron, BSClardir. Coinmarketcap sayti ma’lumotlar bo’yicha steyblkoinlar turlari: 545454USDT (Tether), USDC (Circle usd), DAI, TUSD (True USD), FDUSD (First Digital USD), USDP (Pax Dollar). Bulardan eng ishonchlisi va ommabopi boshidagi ikkitasi hisoblanadi. Chukni ularning naqd dollardagi banklardagi rezervi ko’p va shaffof, ular o’z veb saytlarida rezervlar miqdorlarini va ulushlarini ko’rsatgan. Masalan Tetherni saytidan ko’rishingiz mumkinki ularning rezerv aktivlari 85,7% naqd AQSH dollarida banklarda, 5,98% kafolatlangan kreditlarda, 3,65% qimmatbaho metallarda, 2,61% boshqa investitsiyalarda, 1,92% bitkoinda, 0,1% korporativ obligatsiyalarda saqlanadi. Bu juda muhim chunki 2022-yilning 8-mayidan 11-mayigacha Terra kriptovalyutasi (LUNA) bir kun ichida o‘z qiymatining 86 foizini yo‘qotib, unga tegishli UST platformasining USTC steyblkoini ham qulagan edi. USTCning shunaqa rezerv aktivlari bo’lmagan u shunchaki pufak steyblkoin bo’lgan va qiymati deyarli nolga tenglashdi ya’ni o’sha vaqtda kimdir $1 millionga 1 million USTC sotib olgan bo’lsa uning qiymati nolga tushgan.

Xulosa

Kriptovalyutachilar ushbu steyblkoinlarni asosan Spot bozorida boshqa kriptovalyutalarni sotib olish va sotishda, Fyuchers bozorida ishlatishadi. Shaxsan o’zimga Tron blokcheynidagi USDT yoqadi ancha tez va komissiyasi arzon.

@kriptoblockchain