Kosonsoy.uz | rasmiy kanal

🔰 Ўрганишлар давом этмоқда

▫️Бугун, 21 январь куни Наманган вилояти ФВБ бошлиғи полковник Бунёд Эгамназаров томонидан Гидрометеорологик жараёнларга таъсир кўрсатишни бошқарувини таъминлаш хизмати ва унинг ихтиёридаги ҳудудий Косонсой туман мутахассислари билан ҳамда ишчи ва хизматчиларга яратилган шароитларни, бошқармадан бириктирилган ҳарбий хизматчилар билан ўрганиб чиқилди.

Шахсий таркибига мавсумга тайёргарлик кўриш ва уни ўтказиш даврида техника хавфсизлиги риоя қилиш юзасидан йўриқномалар ҳамда қўшимча топшириқлар берди.

Шунингдек, ишчи-хизматчиларга шароитни яхшилаш мақсадида амалга оширилиши лозим бўлган ишлар юзасидан керакли тавсиялар берилди.

👉 Telegram | Facebook  | Instagram | Youtube

🔰 Ўзбекистон Республикаси Президенти Шавкат Мирзиёев Америка Қўшма Штатлари Президенти Дональд Трампни ушбу лавозимга расмий киришгани муносабати билан табриклади.

▫️Давлатимиз раҳбари ўз мактубида Дональд Трампнинг янги муддатдаги фаолияти давомида АҚШнинг халқаро майдондаги нуфузи ва обрў-эътибори, иқтисодий қудрати ва салоҳияти, глобал миқёсдаги ўрни ва аҳамияти янада ортишига ишонч билдирди.

Ўзбекистон АҚШнинг мамлакатимиз мустақиллиги, суверенитети ва ҳудудий яхлитлигини доимий қўллаб-қувватлашга қаратилган сиёсатини юқори баҳолайди ва алоҳида қадрлайди.

"Сизнинг биринчи Президентлик даврингизда Ўзбекистон-АҚШ ўртасида янги даврдаги стратегик шериклик муносабатлари ўрнатилганини ва кўп қиррали алоқаларимиз юқори босқичга кўтарилганини истар эдим. Биз бундан кейин ҳам икки ва кўп томонлама платформалар доирасида узоқ муддатли ҳамкорлигимизни янада ривожлантиришдан манфаатдормиз", – дейилади Президентимиз мактубида.

Шунингдек, Шавкат Мирзиёев Дональд Трампни ташриф билан Ўзбекистонга келишга таклиф этди.

👉 Telegram | Facebook  | Instagram | Youtube

🔰 Жорий йилнинг 21 январь куни Косонсой тумани Миллий маданият марказида туман сектор раҳбарлари ва назорат остидаги ёшлар билан учрашув ўтказилди.

Унда Наманган вилояти ИИБ ЖХХ Пробация бошқармаси бошлиғи ва туман сектор раҳбарлари иштирок этишди. Учрашувда ёшларнинг муаммолари тингланиб, аниқланган муаммоларни бартараф этиш юзасидан топшириқлар белгилаб олинди. Бундай учрашувлар вилоятнинг барча туманларида ўтказиб келинмоқда.

👉 Telegram | Facebook  | Instagram | Youtube

🔰 CNN ўзбек алломалари ҳақида мақолалар эълон қилмоқда

▫️Дунёнинг етакчи ахборот платформаларидан бири — CNN буюк алломаларимиз ҳақида мақолалар чоп этган. Бу ҳақида Ислом цивилизацияси маркази хабар бермоқда.

Жумладан, Аҳмад ал-Фарғоний, Муҳаммад ал-Хоразмий, Абу Райҳон Беруний ва Ибн Сино каби алломаларнинг ўзбек миллатига мансуб бўлгани алоҳида эътироф этилган.

Шунингдек, январь ойи якунида CNN дунёга машҳур астроном ва математик Мирзо Улуғбек ҳақида ҳам мақола эълон қилиши кутилмоқда.

👉 Telegram | Facebook  | Instagram | Youtube

🔰 Халқ депутатлари Косонсой тумани Кенгашининг 4-сессияси бўлиб ўтди

▫️Бугун, Халқ депутатлари Косонсой тумани Кенгашининг навбатдаги тўртинчи сессияси бўлиб ўтди. Туман Кенгаши раиси олиб борган сессия ишида депутатлар, сектор раҳбарлари, ҳоким ўринбосарлари, тегишли ташкилотлар раҳбарлари иштирок этдилар.

Кун тартибида Ўзбекистон Республикаси Президентининг Косонсой туман Халқ қабулхонаси мудири Т.Муйдинованинг 2024 йил 12 ой давомида аҳоли мурожаатлари ва муаммолари билан ишлаш аҳволи юзасидан киритилган ахбороти, Косонсой тумани маъмурий-ҳудудий чегарасини белгилаш бўйича амалга оширилган ишларининг якуний натижаларини тасдиқлаш, “Ҳудудларни комплекс ижтимоий-иқтисодий ривожлантириш бўйича секторлар фаолиятини янада такомиллаштиришга доир қўшимча чора-тадбирлар тўғрисида”ги ПҚ-4102-сонли қарори ижросини таъминлаш, 2024 йилнинг IV-чораги давомида амалга оширилган ишлар юзасидан туман сектор раҳбарининг ҳисоботи ҳамда 2025 йил I-чораги учун тузган “Йўл харита”сини тасдиқлаш, Косонсой туман Ички ишлар бўлими жамоат хавфсизлиги хизмати томонидан жиноятчиликка қарши кураш, жамоат тартиби ва фуқаролар хавфсизлигини таъминлаш борасида 2024 йил давомида амалга оширилган ишлари юзасидан туман ИИБ бошлиғи Р.Каримовнинг ҳисоботи, Косонсой туман Адлия бўлими бошлиғининг 2024 йил давомида туман халқ депутатлари Кенгашига тумандаги давлат органлари ва ташкилотларининг норма ижодкорлиги ҳамда ҳуқуқни қўллаш амалиёти аҳволи бўйича ахбороти, Мажбурий ижро бюроси Косонсой туман бўлими бошлиғининг 2024 йил давомида амалга оширилган ишлар борасида олиб борган ишлари юзасидан ҳисоботи, Ўзбекистон Республикаси Олий Мажлиси Сенати Кенгашининг 2024 йил 29 ноябрдаги “Камбағалликни қисқартириш бўйича белгиланган устувор вазифаларнинг бажарилишини назорат қилиш чора-тадбирлари тўғрисида”ги KQ-6-V-сон Қарори ижроси, Ёшларга оид Давлат сиёсатининг ижроси юзасидан Ёшлар ишлари агентлиги Косонсой туман бўлими томонидан 2024 йилнинг 12 ойи давомида амалга оширилган ишлар юзасидан ҳисоботи, Косонсой туманида янги иш ўринларини яратиш ва аҳоли бандлигини таъминлаш борасидаги вазифалар ижроси бўйича 2024 йил мобайнида туман Камбағалликни қисқартириш ва бандликка кўмаклашиш бўлими бошлиғининг ҳисоботи, Халқ депутатлари Косонсой туман Кенгаши ва доимий комиссияларининг 2025 йил учун тузилган иш режаларини тасдиқлаш тўғрисидаги масалалар кўриб чиқилди.

Муҳокама ва мунозараларга бой ўтган сессия якунида Халқ депутатлари Косонсой тумани Кенгашининг тегишли қарорлари қабул қилинди.

👉 Telegram | Facebook  | Instagram | Youtube

🔥 Агар газ ҳидини сезсангиз!

👉 Telegram | Facebook  | Instagram | Youtube

🔰 Шавкат Мирзиёев Туркия Президентига ҳамдардлик йўллади

▫️Туркиянинг Болу музофотидаги тоғ-чанғи курортида юз берган кучли ёнғин оқибатида кўплаб инсонлар қурбон бўлгани ва жиддий жароҳат олгани муносабати билан Ўзбекистон Президенти Шавкат Мирзиёев Туркия Президенти Режеп Таййип Эрдоғанга ҳамдардлик йўллади.

Қардош Туркия етакчиси ва халқига чуқур таъзия изҳор этиб, давлатимиз раҳбари марҳумларнинг оила аъзолари ва яқинларига сабр-тоқат ва бардамлик, жабрланганлар тез фурсатда соғайиб кетишини тилади.

👉 Telegram | Facebook  | Instagram | Youtube