KOMMUNAL

#OAV_NIGOHIDA

🌧❄️ Kuz-qish mavsumiga tayyorgarlik ishlari nazorati

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#JARAYON

📍Vazir o’rinbosari Navoiy viloyatida

Qurilish va uy-joy kommunal xo’jaligi vaziri o’rinbosari Ozoda Jo’rayeva ayni damda Navoiy viloyati Xatirchi tumanida bo’lib turibdi.

Ozoda Jo’rayeva tumandagi ko’p qavatli uylar holati, kuz-qish mavsumiga tayyorgarlik jarayonlari bilan tanishmoqda.

“Best kommunal” boshqaruv servis kompaniyasi Xatirchi tumanidagi 53 ta ko’p qavatli uyga xizmat ko’rsatib keladi. Kompaniya sifatida ish boshlaganiga 4 oy bo’lgan boshqaruv tashkiloti bugun aholining ishonchini qozonib, ularga sifatli xizmat taqdim qilib kelmoqda.

Tumandagi eng muammoli hududlardan biri bo’lgan Langar qishlog’ida 23 ta ko’p qavatli uyda ta’mirlash-tiklash ishlari amalga oshirilmoqda.

O’tgan qisqa davr mobaynida 2 ta ko’p qavatli uyning tom qismi mukammal ta’mirlandi. Umumiy hojatxonalarni maxsus texnikalar yordamida tozalash choralari ko’rildi.

Muhimi mazkur ishlardan aholi minnatdor. To’lov qobiliyati ham 40 foizga o’sgan.

- Birdamlikda hikmat ko’p. Boshqaruv tashkilotlari aholi bilan hamkorlikda faoliyat olib borsa, zarur muammolar yechimi o’zaro kelishgan holda ishlab chiqilsa har qanday vaziyat ijobiy tomonga o’zgaradi. Hududingizda olib borilayotgan ishlar, albatta quvonarli. Ammo hududlar obodligini ta’minlashda aholi daxldorligini oshirishga e’tiborni kuchaytirish zarur,- dedi Ozoda Jo’rayeva.

🏘Vazir o’rinbosari mazkur hududda hali muammolar yetarli ekanligini, ko’p qavatli uylar texnik holatini yaxshilash hamda tutash yer uchastkalarini obodonlashtirish lozimligini ta’kidlab o’tdi. Shuningdek, mas’ullarga ish sifatini yanada oshirish, qo’shimcha servis xizmatlarini ko’paytirish yuzasidan bir qator tavsiyalar berildi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#JARAYON

🏢 Kuni kecha ko‘p kvartirali uylarni kuz-qish mavsumiga tayyorlash, bu yo‘lda davlatimiz rahbari tomonidan belgilangan topshiriqlar ijrosini qat’iy ta’minlash hamda aholi uchun qulay sharoitlarni yaratishni tashkil etish masalalariga bag‘ishlangan yig‘ilish bo‘lib o‘tdi.

Unda Qurilish va uy-joy kommunal xo‘jaligi vaziri o‘rinbosari Ozoda Jo‘rayeva, Toshkent shahri prokurori o‘rinbosari Habibulla Mirsoatov hamda Toshkent shahar Uy-joy kommunal xo‘jaligi bosh boshqarmasi Shohrux Rahimjonov ishtirok etib, sohadagi dolzarb vazifalar, yutuqlar va mavjud kamchiliklar xususida muhokama o‘tkazdilar.

⚫️Dastavval, o‘tgan davrda sohani takomillashtirish yo‘lida amalga oshirilgan ishlar yuzasidan tuman mas’ullari hisoboti tinglandi. Shuningdek, vazirlik va prokuratura mas’ullari tomonidan tashkil etilgan nazorat tadbirlari, unda aniqlangan bir qator masalalar bo‘yicha fikr-mulohaza almashildi.

Ta’kidlanganidek, Toshkent shahrida 539 ming xonadondan iborat 11 216 ta ko‘p kvartirali uy mavjud bo‘lib, mazkur uylarga 259 ta boshqaruv tashkiloti hamda 119 ta uy-joy mulkdorlari shirkati xizmat ko‘rsatadi. 336 ta uy bevosita mulkdorlar tomonidan boshqarilib kelinmoqda.

Ozoda Jo‘rayeva so‘zga chiqar ekan, shahardagi boshqaruv organlari faoliyatini qo‘llab quvvatlash bo‘yicha vazirlik tomonidan amalga oshirilayotgan ishlarga to‘xtaldi:

- Hozir asosiy e’tibor sohada raqamlashtirishni kuchaytrishga qaratilgan. Jumladan, “Turar joy” milliy axborot tizimi yaratilib, mazkur tizimga uylarning texnik holati to‘g‘risidagi ma’lumotlar kiritilishi ta’minlanadi. Aholining murojaatlari to‘liq “Mening uyim” tizimi orqali boshqaruv organlariga yuboriladi va vazirlik tomonidan ularning ijrosi kuzatib boriladi. Tizimda shuningdek, boshqaruv tashkilotlarining reytingi shakllantirilishi ta’minlanadi. Joriy yilda umumiy yig‘ilishlar, hisobotlar, ariza va shikoyatlar, liftlarni boshqarish va dispetcherlik hizmatlarining barchasi raqamli ko‘rinishga o‘tkazilishi rejalashtirilgan,- dedi Ozoda Jo‘rayeva.

Shu bilan birga aholi orasida kommunal madaniyatni shakllantirish, ta’lim tizimiga joriy etish rejalashtirilganligi ta’kidlandi.

Tanqidiy va muhokamalarga boy bo‘lgan tadbirda mutasaddilar tomonidan boshqaruv tashkilotlari oldiga qo‘yilgan muhim vazifalar, mavjud kamchiliklarni oldini olish va eng asosiysi xalqning e’tiroziga sabab bo‘lishi mumkin bo‘lgan jihatlarga e’tibor qaratish lozimligi ta’kidlandi. Shuningdek, kuz-qish mavsumi oldidan galdagi muhim vazifalar belgilab olindi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|