Kogon tuman hokimligi |Rasmiy kanal

KOGONLIK YOSH SHAXMATCHI JAHON CHEMPIONATIGA YO’LLANMANI QO’LGA KIRITDI

🔸Andijon shahridagi Universal sport majmuasida 7 yoshdan 17 yoshgacha boʻlgan maktab o'quvchilari o'rtasida shaxmat bo'yicha o'tkazilayotgan O'zbekiston chempionatining standart yo'nalishi g’oliblari aniqlandi.

🔸Musobaqa qizg'in va murosasiz bahslarga boy bo'ldi. Yakuniy natijalarga ko'ra Kogon tuman sport maktabi shaxmat toʼgaragi aʼzosi Norqulova Malika 11 yoshgacha qiz bolalar oʼrtasida 9 turdan 7,5 ochko jamgʻargan holda faxrli 🥇1-oʼringa sazovor boʼldi. Mazkur natijasi orqali chempion sportchimiz shaxmat boʻyicha maktab oʼquvchilari oʼrtasida oʼtkaziladigan Jahon chempionatiga yoʻllanmani qoʻlga kiritdi.

Kogon tuman hokimligi hamda sport maktabi jamoasi nomidan ushbu yosh chempionimizni g‘alaba bilan tabriklaymiz.

|Kogon tuman hokimligi rasmiy kanali

Telegram | facebook | Youtube

#Kun_hikmati

Kishining qanday kulishidan tarbiyasini,
nimaga kulganidan aql saviyasini bilish mumkin!

✍️Jaloliddin Rumiy

|Kogon tuman hokimligi rasmiy kanali

Telegram | facebook | Youtube

#qurilish_bunyodkorlik
#hokim_hududlarda
#Kogon_tumani

Botir Zaripov boshchiligidagi mutasaddilar “Buxoro sanoat rivojlantirish majmuasi” maxsus sanoat parkida amalga oshirilayotgan qurilish ishlarini ko‘zdan kechirishdi.

Qayd etish lozimki, Kogon tumani “Zirabod” massivi hududida tanlangan ming gektar maydonda amalga oshirilayotgan loyiha natijasida Buxoro viloyatiga to‘g‘ridan-to‘g‘ri investitsiyalarni jalb qilish, yuqori texnologiyalarga asoslangan zamonaviy sanoat quvvatlarini ishga tushirish, ichki va tashqi bozorlar uchun raqobatbardosh tayyor mahsulotlar ishlab chiqarishni yo‘lga qo‘yish bo‘yicha investitsiya loyihalarini amalga oshirish hamda yangi ish o‘rinlarini yaratilishiga erishiladi. Tatariston ushbu obyektni barpo etishda konsalting yordamini ko‘rsatmoqda.

Birinchi bosqichda 300 million dollarlik loyiha amalga oshiriladi. Bu – viloyat iqtisodiyotiga yiliga 250 million dollar qo‘shilgan qiymat, 2 mingta ish o‘rni, 250 milliard so‘m soliq tushumi va 100 million dollar eksport beradi.

Ayni paytda umumiy maydoni 93 ming kvadrat metr bo‘lgan ikkita yirik ishlab chiqarish binosida qurilish ishlari olib borilmoqda.

Obyekt 2025-yilning ikkinchi choragida foydalanishga topshirish, bunda polimer quvurlari va PET tolasi ishlab chiqarishni yo‘lga qo‘yish rejalashtirilgan.

Botir Zaripov hududni infratuzilma bilan ta’minlash bo‘yicha bajarilayotgan ishlarni muhokama qildi.

Buxoro.uz | Facebook | Instagram | YouTube

#qurilish_bunyodkorlik
#hokim_hududlarda
#Kogon_tumani

Qayd etish joizki, Bahoudin Naqshband majmuasida 2023-yildan boshlab katta bunyodkorlik ishlari amalga oshirib kelinmoqda. Hozirga qadar ziyoratgoh atrofi devorlari yangilandi, majmua ichkarisidagi yo‘laklar to‘liq ta’mirlandi. Toqi Miyona darvozasi, 100 kishiga mo‘ljallangan erkaklar va ayollar tahoratxonasi, muzey, Dahmai shohon dahmasi va boshqa bir qator tarixiy obyektlar asl holiga qaytdi. Shuningdek, ziyoratgoh hududiga kiradigan milliy uslubda yangi darvoza qurilib, ziyoratgoh hududi ko‘kalamzolashtirildi. Majmua atrofida avtomobillar to‘xtash joylari ham qurildi.

Hozirda Doniyolbiy Otaliq madrasasi tarixiy ko‘rinishini tiklash, kututbxona ta’mirlash, ziyoratchilar uchun yotoq joylari hozirlash ishlari qizg‘in pallaga kirgan.

Ta’mirlash va va rekonstruksiya ishlari esa viloyat hokimi Botir Zaripovning doimiy nazorati ostida kechmoqda.

Bugun ham viloyat rahbari mazkur manzildagi ta’mirlash ishlarini ko‘zdan kechirdi.

Viloyat rahbari qurilishi borayotgan har bir obyektdagi jarayonlarni tanqidiy muhokama qildi. Ta’mirlash-tiklash ishlari ishlab chiqilgan loyiha asosida bo‘lishini ta’minlash, ishlarni jadallashtirish bo‘yicha mutasaddilarga qat’iy topshiriqlar berdi.

Buxoro.uz | Facebook | Instagram | YouTube