🐛Kitob.qurti

—blogingga bogʻlanib qolgansan, hayoting internet boʻlib qolibdi..

Bir necha oy avval shu gapni bir “yaqin” dugonam aytgandi. Bunday oʻylab qarasam, gapida jon bor ekan. Chindan ham blogim orqali koʻp foyda va zarar olganman. Zararli tomoni vaqtimni yeydi. Ammo…

Kalavaning ikkinchi tomoni ham bor.
Man dugonamga aytolmadim oʻshanda: — siz yaqinlarimga aytolmaganlarimni shu yerda yozib tinchlanishimni, bu yerdagi aksariyat odamlar begona. Shunday boʻlsada, ular orqamdan pichoq urmaydi, gap-soʻz qilmaydi, xatolarimni deb voz kechmaydi, aksincha blogimni yaxshi yurgizmasam ketishadi. Ular mani husnim, uyim, boyligim uchun kuzatishmaydi. Ilmim, kitoblarim, fikrlarim, hislarim, xotiralarim uchun kuzatishadi. Bu gaplar bilan obunachilarimga komplement qilmoqchi emasman.
Lekin, atrofimda shunday “yaqinlarim” borki, mani kuzatish ularga malol keladi, muvaffaqiyatimni koʻrishmaydi, ular uchun kuyib yonsam, birgina xatoni deb kechib ketishga shay turishadi.

Aytishadiku, sen kimga zorsan-u, senga kimlar zor deb. Qanchadan-qancha qizlar siz bilan dugona boʻlsam deya orzu qilishadi, lekin yonimdagilar shunchaki qadrimga yetishmaydi, xolos. Ular hozir shu yozganimni oʻqib ham, hattoki bularni man yozganimni ham yuzlari bujmayib qabul qilishadi. Ularga hislarimni ocholmayman, kitoblardan soʻz boshlolmayman, gap orasida iymon, islom, namoz, hijob deya gapirolmayman. Allohdan doim shafoatchi doʻst berishini yolvorib soʻrardim. Hozir ham soʻrayman. Birga oʻtkazgan xotiralarim koʻp. Eslasam kulgim keladi va oʻsha paytlarimdagi “oʻzimga” achinish hissi bilan qarayman. Shu miyyam 5 yil oldin qayerda edi? Mayli Allohga hamd.
Yashayversak, koʻrar ekanmiz kimni kim ekanligini bilib boraveramiz. Shunchaki kimni hayotida qanday oʻringa ega ekanligingni keyinchalik anglar ekansan, jimgina kuzatib!

Allohga havola🙂

Nimagadir erishish uchun nimadandir voz kechish kerak..

—xotiralardan post yozmay qoʻydiz? Sogʻindik..

—yozaymikan, oʻqiysizlarmi? 🌝

*ha deganday, kitobqurtining ikkinchi ismi #xotiraqizi, bilmaganlar bilsin🙂‍↔️

“Futuvvat” kitobi haqida fikr

Kitob nomini oʻziyoq insonni oʻqishga chorlaydi. Futuvvat oʻzi nima? Futuvvat bu — fazilatli yoshlarning axloqi hisoblanadi. Ya’ni axloq tushunchasi keng yoritilgan. Oʻtgan asrlarda futuvvat yoʻlida yurgan salafi solihlarning axloqi, saodat asrida yashagan moʻmin musulmonlarning iymon-axloqidan kelib chiqib bir qancha maslahatlar berilgan ushbu kitobda. Barcha yoshi katta-kichiklar oʻqishini tavsiya qilaman.

Saodat asrida biz uchun namuna boʻladigan futuvvat namunalari talaygina. Ulardan eng yuksagi Paygʻambarimiz salollohu alayhi vassalam hisoblanadilar. Kitobni oʻqir ekansiz, bir qancha axloqimizda tuzatishimiz kerak boʻlgan amallar bor boʻlib, hayotimizga tatbiq qilishimiz shartligi koʻzga tutilgan.

Tavsiya qilaman: oʻqing!✨

“Qoʻrqma” kitobi haqida fikr

Asarning asl maqsadi XX asrda yashagan Germaniyaga oʻqishga joʻnatilgan va yetuk kadr boʻlib, oʻz yurtiga qaytganida shavqatsizlarcha otib oʻldirilgan 70 nafar Turkiston yoshlari bilan hozirgi paytdagi yoshlar solishtirilgan. Achchiq haqiqatlar hech tortinmay, soʻzga ustamollik bilan ifodalangan. Yozuvchi Javlon Jovliyev arxiv titkilar ekan oʻsha 70 nafar talaba kabi soʻzlovchi yarimta ham talaba topolmaydi. Ulardek “Millat uchun” oʻqiydigan zarracha fikr egasini topolmay qiynaladi. Asarni oʻqish davomida behayo sahnalarga ham duch kelasiz, lekin bular oʻsha davrlarda avj olgan tuzum oqibatida boʻlgan. Yozuvchi qogʻozga oʻralgan jumlalarda ifoda etmagan asl maqsadini.

Toʻgrisi asarni ilk oʻqiyotgan paytimda qiziqish uygʻotmadi. Ammo oʻsha davrdagi 70 talaba hayotiga qiziqishim kuchlilik qilib, oʻqishda davom etdim. Ular nega otib oʻldirildi? Nega aynan oʻz yurtida oʻldirildi? Germaniyada ta’lim olib, oʻz davlatiga xizmat qilib, uni botqoqlikdan olib chiqish edi-ku, ularning maqsadi.
Nega hozirgi biz yoshlar nega oʻqiyotganimiz sababini bilmaymiz?

Achindim. Turkistonning oʻsha paytdagi ahvoliga achindim. Tuzumiga achindim.

—xullas, bu kitobni taviya qilamanmi? —ha, agar asarda keltirilgan voqealar biroz etingizni junjiktirmasa, va fikrlashda oqsamasangiz oʻqishiz mumkin!

Oʻqiganlar boʻlsa, fikringizni yozib qoldiring🙂

Allohim! Men sendan naf bermaydigan ilmdan va qo’rqmaydigan qalbdan, to’ymaydigan nafsdan va ijobat bo’lmaydigan duodan panoh so’rayman!

•bulutsevar

Musaqqafim tugʻilgan kun bugun✨

Sizni hayotimga uchratgan Robbimga hamdlar boʻlsin🌷

*Musaqqaf bu - mani dugonam😊 tanishganimizga hali koʻp boʻlmadi. Ramazon oyida tanishgandik hamd🤗 Allohim jannatlarda ham birga qilsin. Qiyomatda shafoatchi boʻlaylik bir birimizga..

Oramizda talabalar bor shundaymi? Yoki endi talaba boʻlish orzusidagi abituriyentlar bor. Sizlarga bir savol bilan murojaat qilaman. Javob berishga majbursiz!🙂

-Nega institut yoki universitetda oʻqiyapsiz? Sababini yozing!

-abituriyentlar, nega univerda oʻqimoqchisiz?

Bugun eng uzun kun va eng qisqa kun ekanligidan xabaringiz bormidi?

🌝

Hamd..✨