Telegram-канал "Кинопуб" — @kinopub_uz

Кинопуб

11 Feb, 08:50

Стальная хватка (The Iron Claw, 2023)
#биография #драма #спорт #фильм

IMDb: 8.1/10
Кинопоиск: 7.6/10
Кинопуб: 9.0/10

Фильм рестлинг тарихида ўз ўрнига эга бўлган машҳур оила ҳақида ҳикоя қилади. У реал воқеалар асосида суратга олинган бўлиб, ушбу оила ҳақида тўқсонингчи йилларда деярли барча америкалик билган.

Баъзи бир фильмларни кўрганингдан сўнг уни реал ҳаётда содир бўлганига ишонгинг келмайди ва уни википедиядан суриштириб, солиштириб чиқасан. Бу фильм билан ҳам шундай бўлди менда.

Фильм ҳақиқатдан ҳам ишониб бўлмас даражадаги воқеа ҳақида ҳикоя қилади. Ҳикоя ҳам жуда ажойиб тарзда саҳналаштирилган. Актёрлар реал ҳаётдаги ўзларини прототипларига ташқи тарафлама ўхшашидан ташқари уларнинг ички дунёсини ҳам ўхшата олган. Персонажлар сифатли тарзда очиб берилган, биз уларнинг ҳаракатларини мантиқ билан қабул қиламиз ва бу фильмнинг асосий ютуқларидан.

Актёр Зак Эфрон эса ва ниҳоят қизларнинг любимчиги образмдан чиқиб кета олган ва ҳақиқатдан ҳам мукофотларга лойиқ образни гавдалантирган. Шубҳасиз бундай рол актёрни янги қирраларини очади ва каръерасига ижобий таъсир қилади.

Умуман олганда бу филъмни кўриш учун рестлинг мухлиси бўлишинг шарт эмас, эртага қандай ота-она бўлиш ёки бўлмасликни ҳам ўргатади бу драма. Сўзсиз йилнинг энг зўр киноларидан бири.

#тақриз
@kinopub_uz

4k 0 23 2 31

Кинопуб

8 Feb, 19:03

Ничья земля (No Man’s Land, 2001)
#драма #ҳарбий #комедия #фильм

IMDb: 7.9/10
Кинопоиск: 7.5/10
Кинопуб: 8.5/10

Босниялик аскарлар гуруҳи тунда адашиб сербларни чегарасига бориб қолади. Натижада тонг отгач улар ўртасида жанг бўлиб ўтади ва битта босниялик ҳамда битта сербиялик окопда бирга қолиб кетишади. Уларга қўшилиб битта мина устида ётган ярадор аскар ҳам бор. Агар у ўрнидан турса нариги икки аскар ҳам ўлади. Агар икки аскардан бири ўз томонига кетса окопни душман томон ўққа тутади. Бу чигал вазиятдан эсон-омон чиқиш учун бу икки яримта аскар режалар тузишни бошлайди.

Фильмни уруш ҳақидаги сатира деса ҳам бўлади. Ундаги икки томон ўртасидаги диалоглар, командирларнинг бефарқликлари, генералларнинг ватанга бўлган қўштирноқ ичидаги севгиси фақат пиар учун эканлиги ва шу каби майда деталлар урушнинг қанчалик мантиқсиз эканлигини кун тартибига чиқариб қўяди.

Шунчаки фильмни кўриб баъзи жойларида куласан, баъзи жойларида хафа бўласан, лекин охирида барибир битта савол берилади. “Нима учун бунча одам ўлиб кетаяпти?”.

Фильм балки бир неча йиллар аввал унчалик жиддий кўринмагандир, лекин аниқ айта оламанки ҳозирги кун учун у энг актуал мавзуни кўтара олган.

Айниқса мана бу диалог олтинга тенг.

#тақриз
@kinopub_uz

3.9k 0 30 26

Кинопуб

5 Feb, 17:01

Ёмон кунларда кўрамиз

Бу сафарги кинорўйхатда фақатгина кайфиятни кўтарувчи ва инсонга позитив улашувчи фильмлар кўрсатилган. Бу фильмларни кўргандан кейин ёмон кайфият сени тарк этиши аниқ.

Маленькая мисс Счастье (2006)
Ўз орзулари йўлида охиригача курашган митти қизалоқ ҳақида катталар учун фильм. Фильм фалсафаси сенга мотивация бериши шубҳасиз, уни кўриб бўлгач эса супер кайфият кафолатланади.

Унесённые призраками (2001)
Эртак мени қизиқтирадиган ёшдан ўтганман' деб ҳисобласанг мана шу аниме сени нақадар адашаётганингни исботлаб бера олади. Хаяо Миядзакининг олтинга тенг асари.

Королевство полной луны (2012)
Голливвуднинг энг катта перфекционисти Уэс Андерсоннинг энг машҳур комедияларидан бири. Асосан болалар талқинида катталар учун мазмунли бўла оладиган фильм.

Бойфренд из будущего (2017)
Бу фильм ҳақида яқиндагина ёзгандим. Вақтлар аро ғаройиб саргузаштларга бой севги қиссаси.

Капитан Фантастик (2016)
Бир куни бир одам ўзини бир этак фарзандларини олиб цивилизация етиб бормаган маконларга кўчиб боришга қарор қилибди. Бироқ вақти келиб у ўзининг ёввойитабиат лекин жуда ақлли фарзандлари билан одамлар орасига қайтишга мажбур бўлади. Ажойиб сценарий, супер комедия.

Охота на дикарей (2016)
Шаҳардаги безориликлари учун ёввойи ўрмон қўйнидаги одам билан яшашга мажбур бўлган шаҳарлик безорининг “одам”га айланиш операцияси. Ёввойи табиат иҳлосмандларига алоҳида ёқади.

Реальная любовь (2003)
Фильм бир нечта севги қиссаларини ўзида бирлаштирган ҳикоя. Унда турли ёш ва турли шароитдаги одамларнинг севиб қолиши ҳақида гап боради.

Амели (2001)
Амели ортиқча тарифга мухтож бўлмаса керак. Қанақадир “добрый” фильмлар ҳақида гап кетса у албатта биринчилардан бўлиб эсланади.

Джефф, живущий дома (2011)
Ўттизга киргани билан ўзини ҳали ҳам ёш боладек тутувчи ва ҳаётдаги тасодифлар ортидан ишораларни изловчи эркакнинг бир кун давом этган ўта ноёб саргузаштлари ҳақидаги фильм. Оилани қадрлашни пропаганда қилувчи зўр кино.

#кинорўйхат
@kinopub_uz

4.4k 3 83 7 44

Кинопуб

31 Jan, 16:47

Поездка (I onde dager, 2021)
#триллер #комедия #фильм

IMDb: 6.9/10
Кинопоиск: 6.8/10
Кинопуб: 7.5/10

Эр-хотин цивилизациядан йироқда бўлган дала ҳовлига бориб дам олишни режалаштиради. Бир қарашда ҳаммаси оддийдек, лекин уларнинг иккисини ҳам сирли режаси бор. Иккиси ҳам бир-бирини ўлдиришни, буни қандай амалга оширишни ва бунинг ортидан нималарга эга чиқишни режа қилиб қўйган. Албатта улардан бирининг режаси амалга ошар эди ҳам, агар уйга умуман кутилмаган меҳмонлар келишни бошламаганида.

Фильмнинг режиссёри Тарантинони мухлиси эканлиги аниқ. Буни билиш учун фильмни ярмигача кўриш ҳам етарли. Оёғи осмондан бўлиб кетадиган воқеалар кетма-кетлиги, меъёрдан ортиқ даражада кетчупнинг сарфланиши ва қоп-қора юмор.

Кинони мен кўпроқ қанақадир компанияларда кўришни маслаҳат берган бўлардим. Унинг скандинавча юморидан максимал лаззатланиш учун ёнингда шерик бўлиши керак деб ҳисоблайман. Трэш услубида олинган фильм кўрмоқчи бўлганлар учун ва аксинча трэш қанақа услуб эканлигини билмоқчи бўлганлар учун бу жуда мос келадиган фильм. Энг қизиғи айнан трэшни керагидан кўп бўрттирилиши ҳам кинони озгина бузиб қўйгандек. Лекин бу, кинони ўтказиб юбориш учун сабаб бўла олмайди деб ўйлайман.

#тақриз
@kinopub_uz

4.5k 0 32 1 26

Кинопуб

31 Jan, 08:10

00:20

Видео недоступно для предпросмотра

Смотреть в Telegram

2012 йилда йўлидан чиққан барча мукофотларни ютган, шу жумладан Олтин Глобус ва Оскарда ҳам энг яхши хориж фильми бўла олган Развод Надера и Симин (2011) киносидан парча.

— Унинг отаси альцгеймер, бу унинг ўғли эканлигини ҳам билмайди у.
— Нималар деяпсан?
— Отанг, сен уни ўғли эканлигингни биладими?
— Мен уни отам эканлигини биламан-ку?!

#парча
@kinopub_uz

6.6k 1 76 72

Кинопуб

28 Jan, 15:32

Пекло (Sunshine, 2007)
#фантастика #триллер #фильм

IMDb: 7.2/10
Кинопоиск: 7.3/10
Кинопуб: 8.0/10

2057 йил. Инсоният йўқ бўлиб кетиш арафасида. Ердан узоқлашиб кетаётган қуёшни қайтариш масаласида иккинчи йирик операция амалга оширилмоқда. Биринчиси операция муваффақиятсизликка учраган ва инсониятнинг бор умиди шундан.

Албатта бу жанрдаги фильмларни кўрган одам борки уни “Интрестеллар” билан солиштираверади. Тўғри даража сифатида унга ета олмаслиги аниқ, лекин ундан унчалик ҳам узоқда деб айта олмайман. Ҳар ҳолда рейтинг баллари ҳам бунга ишора қилиб турибди.

Мен техник жиҳатдан фильмни реаллик билан солиштиришадиган даражада билимга эга эмасман, шунчаки фильм ҳикоя, кино сифатида зўр эканлигини айта оламан. Унда бир кинода бўлиши керак деярли барчаси бор. Фильмнинг техник ишлари 2007 йил стандартлари билан ўляанганда жуда юқори. Махсус эффектлар, овоз, саундтрек.. буларнинг барчаси блокбастерлар билан рақобат қила оладиган даражада. Актёрлар ижроси ҳам фильмни бузиб қўймаган, сюжет сўнггигача сенда қизиқиш бўлади, зерикиб қолмаслигинг аниқ. Ушбу йўналишдаги хоррорларни ҳам фильмга таъсири сезилади. Умуман олганда “Интерстелларни” кўриб, унга ўхшаш космонавтлар ҳақидаги утопик яна нимадир кўрмоқчи бўлганлар, илмий-фантастика фанатлари учун ёқиши катта эҳтимол. Қолганлар ҳам бир марта кўрганига афсусланмаслиги аниқ.

#тақриз
@kinopub_uz

4.2k 0 23 14 20

Кинопуб

27 Jan, 16:41

Шпион, выйди вон! (Tinker Tailor Soldier Spy, 2011)
#детектив #триллер #фильм

IMDb: 7.0/10
Кинопоиск: 6.6/10
Кинопуб: 8.0/10

Британия разведкасида СССРга ишлайдиган жосус бор. Буни борлигини гапирган одам борки кўп ўтмай ишдан кетади. Жосус энг юқори лавозимлардан бирида ўтиради ва уни фақатгина таҳмин қилиш мумкин. Вазият жиддийлигини ҳисобга олган ҳолда нафақадаги разведкачи жосусни топиш бўйича яширин операциясини бошлайди.

Кино яралибдики жосуслар ҳақидаги фильмлар доим энг қизиқ бўлиб келган. Чунки бундай киноларда интрига доим юқори, сюжетнинг детектив линияси мураккаброқ тасвирланади. Бу фильм ҳам классик жосуслар ҳақидаги асарлардан фарқ қилмайди. Сифатли актёрлар (иккинчи суратда) жамоаси ваяхши сценарий томошабинни экран қаршисига чақириб оладиган потенциалга эга. Уни кўриб ўтирган одам борки аслида жосус кимлиги ҳақида ўз таҳмиларини бериб боради, ҳар бир детални кўздан қочирмай ўзидан "Шерлокни ёқиб олади. Фильм охиригача интрига юқори ушланган ва сен якунда таҳминларинг ўзини қанчалик оқлаганини гувоҳи бўласан. Сендан разведкачи чиқадими йўқ-ми, буни ҳам тагига етиб олишинг мумкин.

Алоҳида таъкидлаб ўтиш керакки, фильмни диққат билан кузатмасанг кўп нарсаларни ўтказиб юборишинг, воқеалар ривожини тушунмай қолишинг мумкин. Телефонни чеккага қўйиб икки соат вақтингни фильмга ажратсанг, разведкачилар ҳақида жуда ҳам қизиқ маълумотлар олиш билан бирга яхшигина маданий ҳордиқ ҳам чиқарасан.

#тақриз
@kinopub_uz

3.9k 0 47 5 28

Кинопуб

26 Jan, 17:22

Оправданная жестокость (A History of Violence, 2005)
#триллер #криминал #фильм

IMDb: 7.4/10
Кинопоиск: 6.9/10
Кинопуб: 8.0/10

Америка бўйлаб сайрга чиққан икки нафар “бандит”, кофе ичиш учун кирган тамаддихонасида жанжал келтириб чиқаради. Натижада бу икки бешафқатни оддийгина бармен ўлдириб қўйиб бу кичик шаҳар қаҳрамонига айланади. Бироқ бу билан муаммо тугамайди, аксинча бу одамни оддий бармен эканлигига шубҳаланган бошқа жиддий одамлар ҳам бу ерда пайдо бўла бошлайди.

Цезар Рим яқинидаги Рубикон дарёсини кечиб ўтганида ортга қайтиб бўлмас нуқтадан ўтганидек, бош қаҳрамон ҳам бандитларни ўлдирганида ўз Рубиконидан кечиб ўтган эди ва энди ортга қайтиб бўлмаслигини тан олмаса ҳам ич-ичидан тушуниб турарди. Энди уни нафақат ўзи балки бутун оиласи хавф остида, оилани ҳимояси учун эса ҳар қандай эркакда йиртқичлик инстинкти ёниб қолиши мумкин.

Фильм кўпчилик киноманлар биладиган, зўравонликни чўққисини ўзгача бир дид билан тасвирлайдиган Дэвид Кроненбергни энг машҳур фильмларидан бири. У суратга олинган пайтлар ҳали бунақа зўравонлик саҳналари ҳозиргидек нормал қабул қилинмаган ва қойил қолиш керак бу эпизодлар ҳозир ҳам одамни этини жунжиктира олади. Бундан ташқари супер каст ва воқеалар ривожининг тезлиги ҳам кинони зерикмасдан кўришингга бемалол сабаб бўлади.

#тақриз
@kinopub_uz

3k 0 35 6 24

Кинопуб

25 Jan, 17:43

Бойфренд из будущего (About time, 2017)
#фэнтези #мелодрама #комедия #драма #фильм

IMDb: 7.8/10
Кинопоиск: 7.9/10
Кинопуб: 9.0/10

Вақтлар аро саёҳат қилиш имконияти борлигини яқиндагина билиб қолган йигит бундан фақатгина бахтини топиш мақсадида фойдаланади. У ўзига ёққан қизга яхши кўриниш учун келажакдан ортга қайтиб хатоларини тўғирлайверади, муҳими унга етишиш.

Баъзи бир тоифадаги фильмлар бўлади. Уларнинг вазифаси инсонларга яхши кайфият улашиш, келажакка нисбатан ишонч билан қарашга ундаш. Бу фильм ҳам шундай тоифага киради ва депрессиядан чиқишда кўмаклаша олади.

Фильмни ўзига келадиган бўлсак унинг биринчи галда сценарийси ажойиб. Вақтлар аро саёҳат мавзусини ёқтирадиган, вақт билан боғлиқ чалкашликларга қизиқадиган мухлислар учун бу ажойиб сюжет. Бундан ташқари актёрларнинг топ ижроси, содда ва самимий мелодрама линияси ҳам томошабинда симпатия уйғотиши аниқ. Бир сўз билан айтганда беғубор севги қиссаси.

#тақриз
@kinopub_uz

3.3k 1 42 11 29

Кинопуб

14 Jan, 13:31

Смотри по сторонам(Better Watch Out, 2016)
#триллер #комедия #фильм

IMDb: 6.5/10
Кинопоиск: 6.4/10
Кинопуб: 7.5/10

Ота-онаси рождество байрамини нишонлаш учун кетаётган бола уйда вақтинчалик энага билан қолишга мажбур. Болани эса энагаси учун бошқа режаси бор. Бироқ боланинг режаси ўз натижасини бермагандан сўнг у “Б” режасига ўтмоқчи бўлади.

Кутилмаганда кўзим тушиб қолган ва ҳатто охиригача кўриб нима қиламан, барчаси тушунарли’ деб ўйлаб турган пайтимда барчаси оёғи осмондан бўлиб кетган кино. Классик услубдаги кичик бюджетли навбатчи фильмларга ўхшаб кетадиган лекин жуда кўп сюжетдаги бурилиш нуқталарига эга, қанақадир ноодатий комедиявий трэш бу. Ҳаётда унчалик бўлмайди дейишинг мумкин ва бунга қўшиламан, лекин қанақадир даврада, қанақадир ноодатий телбанамо кино кўришни қўмсаб қолсанг - бу ҳудди ўша кино.

#тақриз
@kinopub_uz

4.5k 0 27 4 35

Кинопуб

9 Jan, 17:30

Углерод (Carbone, 2017)
#криминал #триллер #фильм

IMDb: 6.5/10
Кинопоиск: 6.5/10
Кинопуб: 8.0/10

Ишлари орқага кетаётган бизнесмен, кўпчилик билмайдиган лекин солиқдан қочиш эвазига жуда кўп пул ишлаш мумкин бўлган бизнес ҳақида билиб қолади. Бироқ бу ишни бошлаш учун ҳам унга яхшигина пул керак. Унга пул бериши мумкин бўлган одамлар бор, лекин уларнинг ҳам ўзларига яраша талаблари бор.

«36 Набережная орфевр» киносини ишлаган режиссёр Оливье Маршалдан навбатдаги французча криминал. Фильм ўзининг атмосферный суратга олингани билан менга кўпроқ ёқди. Тунгги криминал Париж ва ундаги “кучинский” гангстерларни нуар услубида тасвирланиши, айни керак жойида гангста рэпларни фильмдаги воқеалар билан синхрон қилиш ва ҳақиқий бандитча башараларни ўзларига мос образларга йиғилгани топ. Сюжет сени ҳайрон қолдира олмаслиги мумкин, у кўпроқ классик криминал фильмлардан қолишмайди, лекин воқеалар динамикаси айни маромида. Битта хазм қилишда кўрворишлик кино.

#тақриз
@kinopub_uz

5.6k 0 26 9 30

Кинопуб

8 Jan, 15:06

00:20

Видео недоступно для предпросмотра

Смотреть в Telegram

Бугун бўлиб ўтган Олтин Глобус кинофестивалига ўзбекистон томонидан қўйилган ушбу фильм ҳам ғолиблик учун сўнгги дақиқаларгача курашган ва жуда ҳам кичик фарқ билан Оппенгеймер фильмига ютқазгани хабар қилинмоқда.

Бундан ташқари Жаҳонгир Позилжонов ҳам Киллиан Мерфи билан “энг яхши актёр” номинациясида сўнгги сонияларгача кураш олиб борган, ҳакамлар ҳаъяти бу масалада тортишиб, парда ортида жанжалгача боришгани айтилмоқда.

#парча
@kinopub_uz

4.4k 0 26 10 92

Кинопуб

8 Jan, 09:51

00:08

Видео недоступно для предпросмотра

Смотреть в Telegram

“Suck it, Pedro”

Олтин Глобусни Педро Паскалдан тортиб олган Киран Калкинни саҳнадаги гапи шунақа бўлибди.

Маълумот учун: бу актёр бизга “Один дома” фильмлари билан машҳур бўлган ва кейинчалик йўқолиб қолган Маколей Калкиннинг укаси ҳисобланади. Энди расман у акасидан машҳурроқ бўлди.

@kinopub_uz

3.3k 0 15 5 35

Кинопуб

8 Jan, 08:40

Бугун тонгда Беверли-Хиллзда «Олтин глобус» мукофотининг 2024 йилдаги ғолиблари аниқланди.

Мен Оскарга шпаргалка вазифасини бажарадиган ва сериаллар учун олий мукофот сифатида кўриладиган ушбу тадбирдаги энг асосий ғолибларни санаб ўтаман. Спойлер сифатида айтиш мумкинки, фильмлар ичида энг кўп мукофотни «Оппенгеймер» (5 та) ютди. Шунингдек «Бедные-несчастные» (2 та) ва «Анатомия падения» (2 та)фильмлари ҳам асосий йўналишларда ғолиб чиққан. Сериаллар борасида кутилганидек «Наследники» (4 та) номинацияда ғолиб чиққан бўлса, «Медведь»(3 та) ва «Грызня»(3 та) ҳам йилнинг зўрларидан бўлди.

Фильмлар:

• Энг яхши фильм — драма:
«Оппенгеймер»
• Энг яхши фильм — комедия/мюзикл:
«Бедные-несчастные»
• Энг яхши режиссёр:
Кристофер Нолан — «Оппенгеймер»
• Энг яхши актёр — драма:
Киллиан Мёрфи — «Оппенгеймер»
• Энг яхши актриса — драма:
Лили Глэдстоун — «Убийцы цветочной луны»
• Энг яхши актёр — комедия/мюзикл:
Пол Джаматти — «Оставленные»
• Энг яхши актриса — комедия/мюзикл:
Эмма Стоун — «Бедные-несчастные»
• Энг яхши актёр иккинчи пландаги:
Роберт Дауни мл. — «Оппенгеймер»
• Энг яхши актриса иккинчи пландаги:
Давайн Джой Рэндольф — «Оставленные»
• Энг яхши сценарий:
Жюстин Трие, Артюр Арари — «Анатомия падения»
• Энг яхши хориж фильми:
«Анатомия падения» — Франция
• Энг яхши анимацион фильм:
«Мальчик и птица»

Сериаллар:

• Энг яхши сериал — драма:
«Наследники»
• Энг яхши актриса — драма:
Сара Снук — «Наследники»
• Энг яхши актёр — драма:
Киран Калкин — «Наследники»
• Энг яхши сериал — комедия/мюзикл:
«Медведь»
• Энг яхши актриса — комедия/мюзикл:
Айо Эдебири — «Медведь»
• Энг яхши актёр — комедия/мюзикл:
Джереми Аллен Уайт — «Медведь»
• Энг яхши мини-сериал/телефильм/антология:
«Грызня»
• Энг яхши актриса мини-сериал/телефильм/антология:
Али Вонг — «Грызня»
• Энг яхши актёр мини-сериал/телефильм/антология:
Стивен Ян — «Грызня»

@kinopub_uz

2.7k 0 49 16 26

Кинопуб

7 Jan, 16:27

00:21

Видео недоступно для предпросмотра

Смотреть в Telegram

“Очень страшное кино” франшизаси кинопародия жанрини тугаши сифатида тарихга кирган бўлса ажаб эмас. Улардан олдин сифатли пародиялар кўп бўлган, улардан кейин эса жуда камайиб кетди. Албатта улар ҳам энг зўри бўлмаган, лекин ҳозиргиларни олдида анча зўр.

#парча
@kinopub_uz

2.9k 0 9 4 35

Кинопуб

7 Jan, 13:29

Быть присяжным (Jury Duty, 2023-...)
#комедия #реалитишоу #сериал

IMDb: 8.2/10
Кинопоиск: 7.8/10
Кинопуб: 9.0/10

Кўпчилик Голливуд фильмларида кўрган присяжныйлар (ўзбекчасини билмайман) ким эканлигини. Айнан улар судда ўтирган ҳолда сўнгги ҳукмни эълон қилишади. Айнан улар суд бошлангандан токи тугаганича, керак бўлса бир неча ойлаб ташқи дунёдан узилиб бир меҳмонхонада яшаб фақатгина ишни кўриб чиқиш билан шуғулланади. Бу АҚШ Конституцияда ёзилган ва улар учун фуқаролик бурчи ҳисобланади.

Ушбу сериал ҳам айнан улар ҳақида. Аниқроғи битта одам ҳақида. У ўзини присяжныйлардан бириман деб ўйлайди лекин билмайдики атрофидаги ҳамма одам актёрлар. присяжныйлардан тортиб гумонланувчию қоровулгача барча-барчаси актёр ва бу ердаги барча-барча нарса суратга олинмоқда.

Сўнгги вақтларда ремейк, циквел ва бошқа шунақа қийин сўзли ижод намуналарини бозори ўлмоқда. Томошабин оригинал нарсага қараб кўпроқ қизиқа бошлаяпти. Бу эса ижодкорлардан кўпроқ креатив ва фантазия талаб қилади. Ушбу реалити деб аташга сал қийналаётган сериалим ҳам айнан шундан ижод намунаси.

Тасаввур қилишинг учун осонроқ тушунтираман. Барчамиз "Трумен шоу"сини кўрганмиз. Жим Керри Труменни кинода гавдалантирган бу ерда эса ҳақиқий Труменимиз бор. У атрофидаги барчаси у учун сахналаштирилган томоша эканлигини, ҳамма жойда яширин камералар борлигини ва кўзи тушган одам борки барчаси у учун рол ўйнаётганини билмайди.

Сериални охирги қисмини кўриб актёрлар уч ҳафта ичида қанчалик кўп импровизация қилишга мажбур бўлганини билиб лол қоласан. Ҳар қандай вазиятдан чиқиб кетиш учун майда деталларгача ижодкорларнинг эътибор қаратгани ҳам уларни профи эканлигини англатиб туради.

Юқорида мен фақат суратга олиш жараёни ҳақида сўзладим, лекин тайёр маҳсулотни мақтамай бўлмайди. Таҳминан уч соат давом этган сериалда жуда ҳам кўп кулгили эпизодлар бор. Атрофдаги актёрлар бундан бехабар одамни жуда кўп треш вазиятларга тортиб кетишади, уни бу ҳолатларга реакция билдиришини ўзи ҳам буни томоша эканлигини билиб туриб кўраётган одамга жуда кулгили. Қисқароқ қилиб айтганда сериал жуда узун ва муваффақиятли давом этган катта пранк.

Одатий сюжтели фильм ва сериаллардан чарчаган, қанақадир оригинал ва ҳайрон қолдирадиган нарса кўрмоқчи бўлсанг мана шу сен кутган нарса. Эндорфин гормонига чанқоқ бўлган, позитив кайфиятни қидираётган одамларга албатта ёқади.

#тақриз
@kinopub_uz

Смотреть Быть присяжным онлайн в хорошем качестве

Смотреть Быть присяжным 2023 на HDRezka Сериал рассказывает о работе американского суда присяжных глазами Рональда Гладдена, присяжного, который не подозревает, что все дело подстроено. Все,

2.9k 0 25 2 22

Кинопуб

Гео и язык канала

Категория

Кинопуб

Кинопуб

Кинопуб

Кинопуб

Кинопуб

Кинопуб

Кинопуб

Кинопуб

Кинопуб

Кинопуб

Кинопуб

Кинопуб

Кинопуб

Кинопуб

Кинопуб

Кинопуб

3 571

Популярное в канале

Язык сайта

Кинопуб

Гео и язык канала

Категория

3 571

Популярное в канале