karalimededu

Oliy ta’lim darajalari haqida:

Oliy ta’lim bir nechta bosqichlardan iborat bo‘lib, har bir bosqich o‘ziga xos bilim va ko‘nikmalarni shakllantirishga qaratilgan:

1️⃣ Bakalavriat

Davomiyligi: 4-6 yil.

Mazmuni: Mutaxassislikning asosiy nazariy va amaliy bilimlarini olish.

Tugatgandan so‘ng: Bakalavr diplomi beriladi, bu magistraturaga kirish yoki sohada ish boshlash imkonini beradi.

2️⃣ Magistratura

Davomiyligi: 1–3 yil.

Mazmuni: Ixtisoslashgan yo‘nalish bo‘yicha chuqurroq bilim olish va ilmiy tadqiqot olib borish.

Tugatgandan so‘ng: Magistr darajasi beriladi. Bu o‘qishni doktoranturada davom ettirish yoki yuqori malakali mutaxassis sifatida ishlash imkonini beradi.

3⃣ Doktorantura

Davomiyligi: 3 yil (DSc yoki PhD dasturlari).

Mazmuni: Ilmiy izlanishlar olib borish, yangi g‘oya va nazariyalarni ishlab chiqish.

Tugatgandan so‘ng: Ilmiy daraja (PhD yoki DSc) beriladi. Bu o‘quv muassasalarida professorlik qilish yoki ilmiy markazlarda ishlash imkonini beradi.

Muhim: Har bir bosqich o‘ziga xos bilim va ko‘nikmalarni talab qiladi. Oliy ta’limning keyingi bosqichlariga o‘tish uchun kuchli tayyorgarlik zarur!

Kim vaqtni yengdi?

Siz vaqtni yengdingizmi yoki vaqt sizni?

Vaqt har doimgidek yana bizni yengdi! Nima reja qilgan bo'lsangiz ham, dunyoning qaysi nuqtasida bo'lsangiz ham, vaqtga taslimsiz! 2024 - melodiy yil dunyoda hech kim uchun endi qaytib kelmaydi, shohni ham, gadoni ham, hammani yengdi. Uni biror inson zoti, hech qanday texnika to'xtata olmaydi. U belgilangan kunga qadar, hech kimga quloq solmay, fokusini yo'qotmay o'taveradi — o'taveradi. Baribir 2025-yilga o'tadi, baribir yana kunlar o'tadi, keyin oylar, ketidan yillar — u hech kimga quloq solmaydi!

Lekin bir narsa aniqki, kim bu vaqtni samarali, mazmunli o'tkazsa va vaqt "janoblari" bo'ynimizga qilich urguncha maksimum o'z missiyasini bajarsa, shundagina vaqtni yengan bo'ladi. Ya'ni, siz vaqtdan o'zgan bo'lasiz. Vaqtni ortingizda qoldirish qanday baxt?! U qanday baxtki, siz hali yetib kelmagan vaqtlar uchun ham kerakli amallarni qilib qo'ygansiz! Hozirgi amalingiz shunaqa buyukki u kelajakdagi siz jismoniy mavjud bo'lmagan yillar uchun ham xuddi yangiday qa'bul qilinadi, aktualligi saqlab qolinadi. U ne baxtki, siz qilgan ishlarni vaqtlar, asrlar o'tsa ham o'chira olmaydi. Ya'ni, ba'zi amallaringiz bilan vaqtdan o'tib ketgansiz. U amallarni sharafi shunaqa balandki ular vaqt orbitasidan tashqarida. Umuman boshqa fizik maydonda!

Aleksandr Makedonskiy 20 yoshida taxtga o'tiradi, 32 yoshda vafot etadi. 12 yilda dunyoning 1/4 qismini egallagandi.

Umar ibn Abdulaziz bor-yo'g'i 2,5 yil xalifa bo'lgan. Lekin kelajakdagi barcha rahbarlarga o'rnak bo'ladigan ishlarni qilib, buni qisqa vaqt ichida qilish imkoni borligini isbotlab ketdi!

Hamyurtimiz Imom Buxoriy qilgan ishlarini hisoblab chiqqan olimlar, uning ishlari yashagan umridan ancha olislab ketgani haqida yozishgan! U o'zidan oldin ham, o'zidan keyin ham inson zoti qilishi mushkul ishni qilib ketdi.

Imom Navaviy 45 yoshida olamdan o'tgan, lekin kerakli ilmlarni o'rganib, hazm qilib, va 50 dan ortiq kitob yozib ketgan.

Vizantiya imperiyasini qulatgan Fotih Sulton Mehmed 21 yoshda edi!

20-asrda yashagan Ashraf Ali Tahonaviy 1000 dan ortiq kitob yozib ketdi. Uni qilgan ishlariga hali vaqt yetib kelgani yo'q!

Vaqtning xarakteri shunaqa — u o'tish, faqat oldinga harakat qilish, orqaga umuman qaytmaslik kabi xususiyatlarga ega. U juda beg'am, uni qanday sarflashingizni vaqtga umuman qizig'i yo'q.

Agar siz o'rtacha kuniga 2 soat vaqtni behuda sarflasangiz, deylik, bu 2×365=730 soat.
Bu degani 730/24=30 kun, ya'ni yilda bir oy hech narsa qilmagan bo'lasiz. Siz uchun yilda faqat 11 oy bor degani bu.

Azizlar, vaqtlarimizga Yaratgandan baraka so'raymiz! Keyingi yil eski yildan mazmunliroq, samaraliroq kelishini so'raymiz! Vaqtni solih amal bilan yengadigan, butun dunyolarga tatiydigan ishlarda qattiq turib, xuddi vaqt xarakteri kabi ortga chekinmaydigan sabr va matonat bersin!