2023 yilda Kapitalbankning sof foydasi 77% ga oshdi
2023 yil yakunlariga ko'ra, mamlakatning eng yirik xususiy banki kredit portfelining sifatini yaxshilab, muammoli kreditlar ulushini 1,65% gacha kamaytirib, sof foyda va kredit portfelini qariyb 2 baravarga — mos ravishda 77% va 80% ga oshirdi.
Bankning 2023 yildagi sof foydasi 1 673,6 mlrd. so'mni, bankning kredit portfeli esa — 29 749 mlrd. so'mni tashkil etdi. Kapitalbankning o'z kapitalining rentabelligi 50,8% ni tashkil etdi, taqqoslash uchun, 2022 yilda bu ko'rsatkich 49,3% ni tashkil etgan edi. O'tgan yil davomida jismoniy va yuridik shaxslarning jami depozitlari hajmi 34% ga oshib, 33 592 mlrd. so'mni tashkil etdi
Bugungi kunda butun mamlakat bo'ylab Kapitalbankning 95 ta filiali va 1150 dan ortiq bankomatlari faoliyat yuritadi. Mamlakatning 1,9 milliondan ortiq aholisi va 64 ming tadbirkor va kompaniyalar Kapitalbankga o’z moliyaviy farovonligi va biznesini rivojlantirishni ishonishadi
2023 yilda bank tadbirkorlar uchun yangi servislarni ishga tushirdi: Uzum Business onlayn-banki, bank ofisiga tashrif buyurmasdan hisob raqamini ochish (Toshkent shahriga), yagona aloqa markazi, maxsus texnika sotib olish uchun kreditlar, shuningdek, jismoniy shaxslar uchun mavjud bo'lgan onlayn-servislar ro'yxatini kengaytirdi — masalan, kredit to'lovini bank saytida yoki ilovasida amalga oshirish mumkin.
Bugungi kunda Kapitalbankda 3 000 dan ortiq xodim ishlaydi va mutaxassislarning o'sishiga yordam berish uchun bank amaldagi xodimlarning malakasini oshirish dasturini, shuningdek, talabalar va yosh mutaxassislar uchun amaliyot dasturini ishga tushirdi.
Batafsil
kapitalbank.uz saytida.