Judo Uz

🇺🇿🤝🇰🇿Toshkentda O‘zbekiston va Qozog‘iston dzyudochilarining qo‘shma mashg‘uloti davom etmoqda

🇺🇿🥋Shu kunlarda O‘zbekiston dzyudo federatsiyasi qoshidagi dzyudo zali ikki mamlakat terma jamoasi a’zolari bilan gavjum.

Xabaringiz bor, terma jamoamizning asosiy tarkibi bir necha kundirki, Avstriyaning Mitterzil shahrida mavsumning ilk musobaqasiga tayyorgarlik ko‘rmoqda. Terma jamoaga nomzod qolgan dzyudochilarimiz esa mashg‘ulotlarni Toshkentda olib borishyapti.

E’tiborlisi, bizning dzyudochilar bilan birga Qozog‘iston terma jamoasi sportchilari ham mashg‘ulot o‘tkazishyapti. Ushbu xalqaro qo‘shma o‘quv-mashg‘ulot yig‘ini ikki davlat terma jamoalari uchun 2025 yilning birinchi choragidan o‘rin olgan musobaqalarga tayyorgarlik bosqich vazifasini o‘tab bermoqda.

✍️O‘zbekiston dzyudo federatsiyasi matbuot xizmati

Obuna bo`ling👉 Telegram

📸🇺🇿🤝🇵🇹Kun surati. Parij-2024 Olimpiadasi sovrindori Muzaffarbek To‘raboyev Avstriyaning Mitterzil shahrida o‘tkazilayotgan xalqaro o‘quv-mashg‘ulot yig‘inida Tokio-2020 Olimpiadasining bronza medali sohibi, ikki karra jahon chempioni, Yevropa chempionati hamda O‘yinlari sovrindori portugaliyalik Jorje Fonseka bilan birga shug‘ullandi...

Obuna bo`ling👉 Telegram

🇺🇿🥋Urganch va Denov dzyudo sport mahorati maktablari yangi bosqichga olib chiqiladi

O‘zbekiston Respublikasi Prezidenti Shavkat Mirziyoyevning “Dzyudo sport turini yanada rivojlantirish chora-tadbirlari to‘g‘risida”gi Qaroriga muvofiq Urganch va Denov dzyudo sport mahorati maktablari tashkil etilgan edi.

Bugungi kunda har ikki dzyudo sport mahorati maktabida jami 420 nafar (har birida 210 nafardan) bolalar dzyudo bilan shug‘ullanish barobarida umumiy o‘rta maktab ta’limini ham olishyapti. Ularga 17 nafar malakali murabbiylar dzyudo sir-asrorlarini o`rgatib kelishmoqda.

Bugun O‘zbekiston dzyudo federatsiyasida Denov va Urganch dzyudo sport mahorat maktabi mutasaddilari bilan navbatdagi onlayn suhbat bo‘lib o‘tdi. ZOOM platformasida o‘tkazilgan yig‘ilishda Federatsiya bosh kotibi Aziz Sobirov, rais yordamchisi Alisher Arziqulov, federatsiyaning viloyatlar bilan ishlash bo‘limi boshlig‘i Baxtiyor Yuldashev hamda har ikki dzyudo sport mahorati maktabi mas’ullari ishtirok etdi.

Yig‘ilishda bir qator muhim masalalar ko‘rib chiqildi. Har ikki maktabning 2024 yilgi faoliyati, qo‘lga kiritgan yutuqlari qatorida yo‘l qo‘yilgan kamchiliklar, yechimini kutayotgan muammolar muhokama qilindi. Hozirda maktabda dzyudochilarga yapon terminologiyasi o‘rgatilyapti, murabbiylar va xodimlar ingliz tiliga o‘qitilmoqda. Dzyudo sport mahorati maktabi murabbiylariga haftasiga uch marta ingliz tili darsi yo`lga qo`yilgan. Murabbiylar katta qiziqish bilan malakali o‘qituvchilardan saboq olishyapti. Sportchi-o‘quvchilarga ingliz tilida "Introducing" va "About myself" mavzularida qo‘shimcha dar berilmoqda. Joriy 2025 yilda ham bu ishlarni davom ettirish lozimligi aytildi.

Ingliz tilini bilish qanchalik muhim ekanini birgina Diyora Keldiyorova misolida ko‘rish mumkin. Parij-2024 Olimpiadasi chempioni musobaqa paytida dunyoning mashhur telekanallari muxbirlariga tarjimon yordamisiz, erkin ingliz tilida intervyu bergan edi.

O`ylaymizki, yaqin orada jami 420 nafar dzyudochi tahsil olayotgan Denov va Urganch dzyudo sport mahorati maktablaridan terma jamoa a`zolari yetishib chiqadi hamda ular xalqaro arenalarda yurtimiz bayrog`ini baland ko`tarishadi.

✍️O‘zbekiston dzyudo federatsiyasi matbuot xizmati

Obuna bo`ling👉 Telegram

🥋✅2025-yilgi IJF taqvimi tasdiqlandi!

Birinchi IJF musobaqasi 1-2 fevral kunlari Fransiya poytaxti Parij shahrida tashkil etiladi. Shundan so‘ng Baku Grand Slam (14-16 fevral), keyin esa Tashkent Grand Slam (28 fevral - 2 mart) turnirlari bor. Mavsum Tokyo Grand Slam musobaqasi bilan yakuniga yetadi...

Obuna bo`ling👉 Telegram

🇺🇿🇦🇹🥋Terma jamoamizning 2025 yil hisobidan ilk xalqaro o`quv-mashg`ulot yig‘ini boshlandi

O‘zbekiston terma jamoasi 2025 yilgi xalqaro musobaqalarga puxta tayyorgarlik ko‘rish maqsadida Avstriyaning Mitterzil shahriga yo‘l olgandi.

Ushbu xalqaro o‘quv-mashg‘ulot yig‘ini 17 yanvarga qadar davom etadi. Unda dunyoning 60 dan ziyod davlatidan kelgan dzyudochilar mashg`ulot o`tkazishyapti. O‘tgan yili ham terma jamoamiz aynan Mitterzil shahrida yig‘in o‘tkazgan edi.

Obuna bo`ling👉 Telegram