O'zbekiston Dzyudo federatsiyasi Surxondaryo viloyati bo'limi

🇺🇿"Yunusobod" sport majmuasi ko‘zdan kechirildi

O‘zbekiston dzyudo federatsiyasi raisi Azizjon Kamilov mutasaddilar bilan birgalikda Toshkent "Katta Dubulg‘a" turniri o‘tkaziluvchi "Yunusobod" sport majmuasini ko‘zdan kechirdi. Musobaqa qish faslining so‘nggi kuni start oladi.

Obuna bo`ling👉 Telegram

🇺🇿🥋Avlodlarga o‘rnak, yuzlab chempionlar ustozi Rustam To‘rayev nafaqaga kuzatildi!

Olot tuman olimpiya va milliy sport turlari bo‘yicha davlat ixtisoslashtirilgan maktab-internati direktori, O‘zbekiston Republikasida xizmat ko‘rsatgan sport ustozi Rustam To‘rayev nafaqaga kuzatildi.

Tantanali tadbirda O‘zbekiston Respublikasi Sport vaziri o‘rinbosari Shaxrillo Mahmudov, Buxoro viloyati sport boshqarmasi boshlig‘i U.Nadjimidinov, Viloyat dzyudo federatsiyasi ijrochi direktori Shuhrat Ochilov hamda maktab-internat jamoasi ishtirok etdi. Rustam To‘rayevga sportni rivojlantirish yo‘lidagi uzoq yillik xizmatlari uchun Vazirlik va hokimlik tomonidan tashakkurnoma hamda qimmatbaho sovg‘alar topshirildi.

Murabbiylik faoliyati davomida olimpiada va jahon chempionatlari sovrindorlarini tarbiyalagan, milliy sportimizga ulkan hissa qo‘shgan faxriy ustozga samimiy minnatdorlik bildirildi. Uning hayot yo‘li va tajribasi yosh avlod uchun o‘rnak bo‘lishi ta’kidlandi.

O‘zbekiston dzyudo federatsiyasi Rishod Sobirovdek Olimpiya o‘yinlarining uch karra sovrindorini yetishtirib bergan Olot dzyudo maktabi asoschisi Rustam To‘rayevga uzoq umr, sihat-salomatlik tilaydi. Ustoz hech qayerga ketganlari yo‘q, ular uzoq yillik boy tajribalarini yosh avlodga ulashishda davom etadilar.

Obuna bo`ling👉 Telegram

🇺🇿🥋Azizjon Kamilov Toshkent "Katta Dubulg‘a" turniriga tayyorgarlik ko‘rayotgan dzyudochilarimiz bilan uchrashdi

Xabaringiz bor, 28 fevral - 2 mart kunlari poytaxtimiz "Katta Dubulg‘a" turkumiga kiruvchi, mukofot jamg‘armasi 154 000 yevroni tashkil qiluvchi turnirga mezbonlik qiladi.

O‘zbekiston dzyudo federatsiyasi raisi Azizjon Kamilov nufuzli musobaqaga tayyorgarlik ko‘rayotgan terma jamoamiz a’zolari bilan uchrashdi. Tayyorgarlik jarayonini kuzatgan Azizjon Yakubjanovich mashg‘ulotdan so‘ng murabbiylar va dzyudochilar bilan suhbatlashdi.

Uchrashuv tahliliy va biroz tanqidiy ruhda o‘tdi. Muloqot chog‘ida federatsiya rahbari Boku "Katta Dubulg‘a" turnirida kattagina tarkib bilan qatnashgan terma jamoamizning ishtirokini tanqid ostiga oldi. Bunday musobaqalarda har bir dyudochi o‘z imkoniyatidan maksimal darajada foydalanishi kerakligi aytildi.

Azizjon Kamilov terma jamoa murabbiylari bilan suhbatda yo‘l qo‘yilgan xato va kamchiliklar ustida ishlash, ularni imkon qadar Toshkent "Katta Dubulg‘a" turnirida takrorlamaslikka chaqirdi.

Darhaqiqat, "Katta Dubulg‘a" darajasidagi musobaqalar har bir yosh dzyudochi uchun imtihon hisoblanadi. Shu kabi turnirlarda xalqaro tajriba to‘planadi. Faoliyatida tub burilish yasaydigan bunday onlarda dzyudochi bor shijoati va kuchini tatamiga tashlab ketishi kerak. Dzyudochilar bilan suhbat chog‘ida shu narsa alohida urg‘ulandi.

✍️O‘zbekiston dzyudo federatsiyasi matbuot xizmati

Obuna bo`ling👉 Telegram