#o‘quv_amaliy_seminar
#tomorqa_daromad_manbai
Jondor tumani “Ushot” mahallasida tuman hokimligi, Oila va xotin-qizlar bo‘limi hamda tuman fermer, dehqon xo‘jaliklari va tomorqa yer egalari kengashi hamda tibbiyot birlashmasi hamkorligida “Sayxunobod” va “Uychi” tajribalari asosida aholi daromadini oshirish, yangi ish o‘rinlarini yaratish, tadbirkorlik bilan shug‘ullanish, tomorqadan unumli foydalanish mavzularida o‘quv amaliy seminar bo‘lib o‘tdi.
Seminar davomida tashkilotchilar tomonidan qo‘shimcha daromad topish mumkin bo‘lgan faoliyat turlari borasida batafsil ma’lumotlar, dukkakli o‘simliklar va lavlagining inson salomatligi uchun ahamiyati borasida to‘xtalib o‘tildi. Mutaxassislar tomonidan qizil va oq loviya hamda qizil lavlagi kabi eksportbob mahsulotlarini ekish va parvarishlash, ularga agrotexnik tadbirlarni qo‘llash ko‘rsatib berildi.
– Seminardan ko‘zlangan asosiy maqsad ishsiz xotin-qizlarni tomorqadan samarali foydalanish orqali ularni daromadini oshirish hamda sog‘lom turmush tarzini targ‘ibot qilish, - deydi Oila va xotin qizlar bo‘limi bosh mutaxassisi Gulsora Safarova.
Eng namunali tomorqa yer egalariga maxsus sovg‘alar topshirildi.
https://t.me/jondortuman