O'qituvchilar | Ўқитувчилар

🌸🌸🌸🌸🌸🌸🌸🌸

KULIB QO'YING...

O'tkinchi bu umr o'tib ketadi
Boylik ham kimgadir bir kun ketadi.
Yig'lamang, shod yuring menga yetadi,
Kulib yuring, dunyo g'amidan.

Sarhadi keng dunyo bizga kelsa tor,
Nochorlikda qiyo boqmas hatto yor,
Qo'l siltang, yurakka bersalar ozor
Kulib yuring, dunyo g'amidan.

Yelkadan tushmasa botmon alamlar,
Faryod ursa yurak, chekkanda g'amlar.
Maylida deb qo'ying, g'animat damlar,
Kulib turing dunyo g'amidan.

Sizda bor armonlar, barchada bisyor,
Qayg'uni unuting, bo'lmang unga yor,
Sizdan kechib ketsa, bo'ladilar zor
Kulib qo'ying dunyo g'amidan.

Yurak so'kilsada tubi chokidan,
Bu dunyo titrasa ojiz ohidan.
Qo'rqmasa nodonlar bor gunohidan,
Jilmayib qo'ying dunyo g'amidan.

Sirlashib tonggacha yulduzlar bilan
Shukurlar qilaylik shodonlik ila,
Kechirib qo'yamiz kulib jimgina
Kulib qo'ying.,dunyo g'amidan.

IRODAXON QOSIMOVA.
11.07.2023.  19:30.

https://t.me/jonajon_ustozlar_kanali

⭐️

МАЙКЛ ЖЕКСОН

У 150 йил яшамоқчи эди. Унинг 12 та шахсий табиби бўлиб улар уни ҳар куни сочидан тирноғигача текшириб туришар эди. Ҳар гал таомланишидан олдин бир киши таомини захарланмаганини аниқлаб олдиндан еб кўрсатар эди. Унинг кунлик фаолиятини 15 киши баён қилиб борар эди. Ҳатто ухлаш учун ётадиган каравати махсус тайёрланган бўлиб уйқу вақтида кислород мўътадиллигини тартибга солар эди. Ҳатто мабодо керак бўлиб қолса инсон аъзолари билан таъминлайдиган томонлар билан ҳам шартномалар бор эди. Чунки у 150 йил яшаши лозим эди-да!
Аммо 2009 йил 25 июньда бу уринишларнинг барчаси бекор бўлди. 50 ёшида Майклнинг юраги уришдан тўхтади. Унинг 12 та шахсий табиби бор куч ва билимларини сарфлашди, Калифорния ва Лос Анжелесдан малакали табиблар таклиф қилинди. Аммо бари бефойди кетди. Уни ўлимдан сақлаб қола олишмади. 25 йил Майкл шахсий табиблар маслаҳатисиз бир қадам ҳам қўймади. У 150 йил яшамоқчи эди-да!
Унинг охирги сафарида 2,5 миллион киши кузатиб қўйди. Бу ўлим ва видолашув сафари эди.
Бу қиссадан хулоса шуки, биз ҳеч нарсага эга эмасмиз. Эга бўлган мулкимиз бор-йўғи бизнинг исми шарифимиз ёзилган баъзи бир қоғозлар холос. Биз ҳатто ўз ҳаётимизга ҳам молик эмасмиз.
Имом Мотуридий раҳимаҳуллоҳ ўзининг "Ат-тавҳид" китобида Аллоҳнинг борлигига энг катта далиллардан бири инсоннинг устидан доимо ўлим ҳукмронлик қилиши, у ҳоҳламасада қариб-қартайиши, бемор бўлиши каби ишлар эканини айтади.
ШУНДАЙ ЭКАН ,ТУҒЁН НЕЧУН?


https://t.me/jonajon_ustozlar_kanali

💖ХАЙР, ҲАЙНАН!

Хитойликларнинг жуссалари кичкина, оддий кийинади. Чўнтагида юз минг юань бўлса ҳам, футболка, красcовка, пахталик шалпиллаган шимда юради. Хитой чойнинг ватани бўлишига қарамай хитойлик чой кўп ичмайди, қимматбаҳо ичимлик ичаётгандай, кичкинагина чашкада тантана ва виқор билан ичади. Агар уларнинг олдида чойга шакар қўшсангиз, ўзбекнинг олдида шўрвага мураббо қўшганингизда қандай ҳайрон қолса, чойга шакар қўшганингизни кўриб улар ҳам шундай ҳайрон ва ҳайратда қолади.
Қизил ранг хитойликларнинг севимли ранги. Улар учун қизил ранг бахт, муҳаббат, омад тимсоли. Шунинг учун ҳар бир хитойликнинг хонадонида қизил шарлар, қизил аждарҳоларнинг суратлари, ясама тулумлари осиғлиқ туради. Биз болалигимизда таққан қизил галстукларни, пионер галстукларини хитойлик ўқувчилар ҳали ҳамон тақишади. Қизлар никоҳ куни қизил либосларга, ҳашаматли қизил кўйлаг-у қизил чочвонларга бурканишади. Бизнинг тўй куни киядиган оқ либосларимизга, фаталаримизга кафанликка қарагандай қўрқув ва ваҳима билан қарашади.
Хитойликлар овқатни чапиллатиб ейди. Қанчалик қаттиқ чапиллатсангиз, демак овқат шунчалик ширин. Индамай есангиз демак овқат бемаза бўлган, демак ошпаз ношуд, индамай ейиш овқатнинг бемаза эканлигини индамай айтишдир.
Хитойликлар савдо сотиқда, ошхона кафе, таксида доллар ишлатмайди. Сизни ҳам ишлатишга қўймайди, доллар ҳеч жойда ўтмайди. Доллар фақат давлат банкларида юаньга алмаштириб берилади.
Қизиқ маълумот сифатида шуни айтиб ўтиш мумкинки, қоғоз пулнинг ватани Хитойдир. Қоғознинг ватани Хитой бўлганидан кейин, қоғоз пулнинг ватани Хитой бўлиши табиий. Хитойда, эрамиздан аввалги биринчи асрда қоғоз пул муомалага чиққан. Ғазначилик департаменти фаолият юритган.
Хитойда катталарга ҳурмат, кичикларга иззат қатъий йўлга қўйилган. Хитойлик аввал ота онасини ҳурматини жойига қўяди, еб ичиради, кийинтиради, жаъми эҳтиёжини таъминлайди, сўнгра боласига қарайди, боласини кўнглини овлайди. Бу қатъий қонун сифатида йўлга қўйилган.
Баъзилар нега хитойликларни бунча мақтаяпсан дейиши мумкин, ҳақиқатдан ҳам хитойликлардан кўп нарсани ўрганишимиз керак. 1949 йилда Хитой аҳолисининг 90 фоизи саводсиз, ўқишни ҳам, ёзишни ҳам билмасди. Ҳозир улар интеллектуал салоҳият бўйича дунёда энг олдинги ўринларда туради. 1980 йилларда хитойлик ёзувчилар Тошкентга келиб, оғзи очилиб қолганлигини, кийим кечак, озиқ овқатларни сумкалари тўлганича олганлигини ўз кўзим билан кўрганман. Хитой кўз ўнгимизда, қирқ йил, эллик йил ичида дунёдаги энг қудратли, энг буюк, энг бой давлатлардан бирига айланди. Бу мақолаларни ёзишдан мақсад биз ҳам мана шундай мувоффақиятларга эришайлик, ривожланиш сирларини буюк давлатлардан ўрганайлик Бир ярим миллиард аҳолиси бор Хитой 2021 йил қашшоқлик тугатилди деб эълон қилди.
Ишонаманки, ўзбек Ер юзининг қаерида бўлмасин у ўзбек бўлиб қолаверади, танида қатра қон қолгунча ўзбек бўлиб яшайди, ўз миллатини севади, ўзбеклигидан фахрланади.
Хаш паш дегунча саккиз кун ўтиб кетди. Мана Ҳайнан билан хайрлашиш фурсати келди. Хайр гўзал денгиз, хайр мафтункор боғлар, хайр чакалакзорлар! Хайр хушҳаво сайилгоҳлар!

Muhammad Ismoil ijodidan

https://t.me/jonajon_ustozlar_kanali

​✔️METODBIRLASHMA RAHBARIGA 10% USTAMA QUYIDAGI QILGAN ISHLARI UCHUN BERILADI.

Vazirlar Mahkamasining 823-sonli qarori bo‘yicha umumtaʼlim muassasasining fan yo‘nalishlari bo‘yicha metodbirlashma rahbarlariga 10% ustama berish mumkinligi ko‘rsatib o‘tilgan.

Xo‘sh, bu ustamalar qaysi mezon asosida belgilanadi? Ushbu mezon Maktabgacha va maktab ta’limi vazirligining 2023-yil 22-avgustdagi 02-02/1-1347-sonli xatida belgilab berilgan.

Unga ko‘ra metodbirlashma rahbarlari quyidagi ishlarni bajarishlari kerak bo‘ladi.

Metodbirlashma rahbari tomonidan metodbirlashma aʼzolari uchun kamida 3 va undan ortiq metodik tadbir (o‘quv-seminar, mahorat darslari, fanga doir qo‘shimcha maʼlumotlar, yangiliklar muhokamasi yuzasidan davra suhbati va hokazo) tashkil etilgan bo‘lishi;

Metodbirlashma rahbari tomonidan metodbirlashma aʼzolariga taʼlim-tarbiya jarayonida foydalanish uchun chorakda 1 ta pedagogik texnologiya yoki o‘quvchilarning fanni o‘zlashtirishdagi bo‘shliqlarini to‘ldirish usullari tavsiya etilgan boʼlishi;

Metodbirlashma rahbari tomonidan umumta’lim muassasasida boshqa fan metodbirlashmalari bilan fanlararo integratsiyani kuchaytirish va STEAM yondashuvni samarali tashkil etish masalasi chorakda bir marta muhokama qilinishi;

Metodbirlashma rahbari tomonidan umumtaʼlim muassasasida metodbirlashmaga a’zo bo’lgan o‘qituvchilarning barchasi “Ochiq dars”lar tashkil etishini nazorat qilishi;

Metodbirlashma rahbari tomonidan metodbirlashma yig‘ilishini chorakda bir marta o‘tkazilgan bo‘lishi kerak.

Qilingan ishlar yuzasidan metodbirlashma rahbari maktabda tuzilgan ishchi guruhga bir varoqdan oshmagan holda qisqa ma’lumot va ikki dona fotolavha taqdim etishi kerak bo‘ladi. Ishchi guruh qilingan ishlarni 100 ballik tizimda ballaydi va eng kamida 61 ball to‘plangan taqdirda 10% ustama belgilaydi.

Ushbu baholash mezonlarining to‘liq matni.

ESLATMA: sinf rahbarlari metodbirlashmasi rahbariga 10% li ustama to‘lanmaydi. Chunki, ustama faqatgina fan yo‘nalishidagi metodbirlashma rahbariga to‘lanadi

https://t.me/jonajon_ustozlar_kanali

❗️Mast haydovchilarga jarima miqdori oshirilib, takroriy holatda 3 yilgacha ozodlikdan mahrum qilish jazosi belgilanmoqda

Senatorlar bu haqdagi qonunni ma'qulladi.

Qonunga ko‘ra, transport vositasini mast holda boshqarganlik uchun belgilangan jarima bazaviy hisoblash miqdori 40 baravar (15 mln so’m) etib belgilandi. Bunga qadar 25 baravar edi.

Ushbu holat takroran sodir etilganda, haydovchi jinoiy javobgarlikka tortilib, unga nisbatan 3 yilgacha haydovchilik huquqidan mahrum qilish, 2 yildan 3 yilgacha axloq tuzatish ishlari yoki 2 yildan 3 yilgacha ozodlikdan mahrum qilish jazosi tayinlanadi.

Qonun imzolash uchun Prezidentga yuborildi.


https://t.me/jonajon_ustozlar_kanali

😯Dunyodagi eng qadimiy, qimmatbaho, katta va og‘ir kitoblar qaysi va ular qayerda saqlanadi?

Dunyodagi eng qadimiy kitob — Priss papirusi. U eramizdan avvalgi 3350-yili yozilgan. Ushbu qo‘lyozma 1839-yili uni Fivadan topgan Emil Priss sharafiga nomlangan. Qo‘lyozma muallifi — fir’avnning vaziri Pta-Gotep. U yoshlarning tarbiyasizligi, dangasa va axloqsizligidan noligan.

Dunyodagi eng katta lug‘at «Nemis lug‘ati» («Deutsches Wortetbuch») bo‘lib, u 1854-yili Yakob va Vilgelm Grimm tomonidan tuza boshlangan. Bu ishga keyinchalik turli olimlar hissa qo‘shib, 1971-yili yakunlangan. 33 jildli ushbu lug‘at 34519 betdan iborat.

Mashhur golland vrachi German Burxavening «Tibbiyot san’atining yagona va teran sirlari» nomli kitobi muallif o‘limidan so‘ng (1738-yil) 10 000 dollar oltinga auksionda sotilgan. Bejirim bezalgan va g‘iloflangan kitob ochilganida uning barcha sahifalari bo‘sh edi. Faqatgina ilk sahifasida shunday yozilgan edi: «Boshingni sovuqda qoldirsang ham, oyog‘ingni issiq tut. Shundagina sen eng zo‘r vrachlarni ham kambag‘al qilasan».

Dunyodagi eng qimmat badiiy asar Leonardo da Vinchi tomonidan ko‘chirilgan «Leychester kodeksi» kitobidir. Uni «Microsoft» asoschisi Bill Geyts 1994-yili Nyu-Yorkdagi «Sotbis» auksionidan 30,8 million dollarga sotib olgan.

Dunyodagi eng katta kitob holida chop etilgan majmua Irlandiya universiteti tomonidan 1968–1972-yillarda chiqarilgan 1112 jildli «Britaniya parlamenti hujjatlari»dir. Majmua 3,3 tonnani tashkil etadi. Uni to‘liq o‘qib chiqish uchun 6 yil ketadi.

Dunyodagi eng yuqori gonorar Rim imperatori Mark Avreliy tomonidan shoir Oppianga to‘langan. Uning baliq tutish va ov haqidagi dostonining har bir satri uchun 1 oltin tanga hadya qilingan. Uning ikki dostoni 20 000 baytdan iborat.

🍀🍀🍀🍀🍀

https://t.me/jonajon_ustozlar_kanali

Ona tilidan milliy sertifikat natijalari chiqqanidan so'ng appelatsiya berishni xohlaganlar

quyidagi yo'naltma orqali ariza berishlari mumkin.

https://my.gov.uz/uz/all-services?id=8&page=3&per-page=16

https://t.me/jonajon_ustozlark_anali