Assalomu alekum va Rahmatullohu va Barakotuh.
Mana Shabon oyi nihoyasiga yetib ummat uchun bashorat, xursandchilikni olib muborak Ramazon kirib kelyapti.
Muborak bo'lsin Ramazon!
Bizni ustimizga hayriyat, barokot, mag'firat hamda do'zaxdan ozod bo'lishlik oyi Ramazon oyi kirib kelyapti.
Muborak bo'lsin!
Bu muborak oyda Olloh taolo ning rahmati va marhamati mo'minlarga serob bo'lib yog'ilib turadi.
Kim shu oyning hayriyatidan mahrum bo'lgan bo'lsa, haqiqattan mahrum odam ekan.
Chunki keyingi Ramazonga biz yetamizmi, yo'qmi buni Olloh biladi.
Toat-mag'firat oyi, nur-hidoyat oyi, Qurʼon tilovat qilinadigan, barokotli oy. Buni g'animat bilishimiz kerak.
Mana shu oyda butun olamlarga rahmat bo'lib Muhammad Sollollohu Alayhi Vasalam payg'ambar bo'lib yuborilgan.
Payg'ambarimiz (sollalohu alayhi va sallam) Ramazon oyi kelsa, baxtiyor va xursand bo'lib ketar edilar.
Payg'ambarimiz (sollalohu alayhi va sallam) ning sahobalari, tobeiylari bu oy kelishini intizorlik bilan kutishar edi.
«Набий соллаллоҳу алайҳи
васаллам:
«Ким Рамазон рўзасини Иймон ила савоб умидида тутса, унинг аввалги гуноҳлари мағфират қилинур»
- дедилар. «Ҳадис ва Ҳаёт 9-жуз. Рўза»
«Набий соллаллоҳу алайҳи
васаллам:
«Қачон Рамазон келса, жаннат эшиклари очилур,дўзах эшиклари ёпилур ва шайтонлар кишанланур»
- дедилар. «Ҳадис ва Ҳаёт 9-жуз. Рўза»
Абу Ҳурайра розияллоҳу анҳудан ривоят қилинади:
«Набий соллаллоҳу алайҳи васаллам:
«Аллоҳ таоло «Одам боласининг ҳамма амали ўзи учун, фақат рўза Мен учундир ва унинг мукофотини Мен Ўзим берурман», деди. Рўза сақловчидир. Қачон қайси бирингиз рўзадор бўлса, фаҳшдан гапирмасин ва бақир-чақир қилмасин. Агар бирортаси у билан сўкишмоқчи ёки уришмоқчи бўлса, «Мен рўзадор одамман», десин. Муҳаммаднинг жони қўлида бўлган Зот ила қасамки, албатта, рўзадорнинг огзининн хиди Аллоҳнинг наздида мушкнинг ҳидидан хушбўйроқдир. Рўзадорга икки хурсандлик бордир. Улар ила суюнгай. Ифтор қилганда суюнгай ва қачон Роббисига йўлиққанда, рўзаси ила суюнгай»
-дедилар.»
Аллоҳ таоло:
«Эй иймон келтирганлар, сиздан аввалгиларга фарз қилинганидек, сизларга ҳам, рўза фарз қилинди, шоядки, тақво қилсангиз»,
-деган (Бақара сураси, 183-184-оятлар).
Dinlar tarixini o'rganib chiqqan ulamolarning ta'kidlashlaricha, barcha dinlarda, hatto ilohiy bo'lmagan dinlarda ham Ro'za ibodati bor ekan. Lekin uni ado etish turlicha bo'lgan. Ba'zi dinlarda ma'lum ovqatlarnigina o'zini tiyib yurish Ro'za deb tushuniladi. Misol uchun, Nasorolarda hayvondan chiqqan ozuqa mahsulotlaridan o'zini tiyib yurish Ro'za deyiladi. Ular tutadigan Ro'zaning muddati qirq kun bo'ladi.
Islomdagi Ro'za esa haqiqiy ilohiy ma'noni kasb etgan ibodatdir.
Qiyomat kuni hamma jannatga tezroq kirishga urinib turgan bir paytda ro'zadorlarga imtiyoz berilib, "Rayyon" nomli maxsus eshikdan kiritilishlati hammamiz bu dunyoda ro'zadorlardan bo'lib, o'sha eshikdan hurmat bilan jannatga kirish baxtiga erishish uchun astoydil harakat qilmog'imiz kerakligini bildiradi. Ilohim, barchamizni ana shular jumlasidan qilsin!
Kelayotgan Ramazonni barchamizga Olloh muborak qilsin. Ramazon Ro'zasini shijoat bilan muhabbat bilan tutaylik. Chunki muhabbat bilan qilinga amal sizga rohat beradi.
Barchamizga Ramazon oyi Ro'zasini to'la to'kis ado etish va bu oy hurmatidan beriladigan hayriyatlarni qo'lga kiritsh nasib qilsin.
Assalomu alaykum. va rohmatullohi. va barakotuh!
