Imron.uz Mingbuloq

АЁЛ КИШИ ҒУСЛДА БОШИНИ ЮВАДИМИ ЁКИ МАСҲ ТОРТАДИМИ?
#ғусл

❓256-CАВОЛ: Яқинда эшитиб қолдим, жинсий алоқадан олдин хотин кишининг сочлари ўрилган бўлса, ғусл қилаётганда бошини ўртасига масҳ тортса бўлди, дейишди, шу тўғрими? Агар нотўғри бўлса, қоидасини тушунтириб беришингизни сўрайман.

💬 ЖАВОБ: Бисмиллаҳир роҳманир роҳим. Жинсий алоқадан аввал хотин кишининг сочи ўрилган ва уни ғуслдан аввал ёйиш машаққат бўлса, сочнинг ости (яъни, бош териси)ни тўлиқ ювади. Осилиб турган сочни ювиш шарт бўлмайди. Лекин жинсий алоқадан аввал сочи ўрилмаган бўлса, ғусл пайтида сочини ҳамма жойини ювади. Ҳар бир соч толасига сув етказади, акс ҳолда ғусли дуруст бўлмайди. Алоқадан аввал ўрилмаган сочни алоқадан кейин ўриб олса ҳам, барибир сочнинг ҳамма жойини ювади.
Умму Салама онамиз разияллоҳу анҳо Пайғамбаримиз саллаллоҳу алайҳи васалламдан сўрадилар:
يا رسول الله إني امرأة أشد ضفر رأسي فأنقضه لغسل الجنابة ؟ قال لا إنما يكفيك أن تحثي على رأسك ثلاث حثيات ثم تفيضين عليك الماء فتطهرين
Яъни: “Эй, Аллоҳнинг Расули! Мен сочимни маҳкам қилиб ўраман, жанобатдан ғусл қилиш учун сочимни ёяманми?” Пайғамбаримиз алайҳиссалом: “Йўқ, сочингизни ёймайсиз. Бошингизга уч ҳовуч сувни қўйиб, сўнгра устингиздан сув қўйиб покланишингиз етарли бўлади” – деб жавоб бердилар" (Имом Муслим ривоятлари).
Жанобатдан покланмоқчи бўлган аёл ғуслда бошига масҳ тортиб қўйиши мумкин эмас. Балки жинсий алоқадан аввал сочи ўрилган бўлса, сочининг ости (яъни, бош териси)ни ювиш ва бутун баданга сув етказиш кифоя қилади, осилиб турган сочни ювиш шарт эмас. Чунки ўрилган сочни ёйиш машаққат туғдиради (“Баҳрур роиқ”, “Табйинул ҳақоиқ” ва “Фатҳу бабил иная” китоблари).
Демак, жинсий алоқадан аввал ўрилмаган сочлар эса ғуслда тўлиқ ювилади.
Эслатиб ўтиш керакки, юқоридаги масала осонгина ўрилиб, осонгина ечиладиган сочларга тегишли эмас. Пайғамбаримиз саллаллоҳу алайҳи васаллам Умму Салама онамизга берган рухсатлари сочларини ўриш ҳам, ёйиш ҳам етарлича машаққат бўладиган аёлларга тегишли. Чунки уламоларимиз бу рухсатнинг иллат (сабаб)и хараж (қийинчилик) эканини таъкидлаганлар. Валлоҳу аълам.

Ўзбекистон мусулмонлари идораси
фатво ҳайъати. @diniysavollar

Савол йўллаш
🌐 http://savollar.muslim.uz
📲 @SavollarMuslimUzBot

▫️ Каналга уланиш

ВАҚТ ИНСОН ЭГА БЎЛГАН ЭНГ НАФИС, ЭНГ БЕБАҲО НЕЪМАТДИР

Бу «вақт олтиндек қимматлидир», дегани эмас, бал­ки «вақт олтиндан қимматлидир» деганидир. Чунки вақт ҳаётдир, ҳаётнинг эса олтиндан қимматли экани ҳеч кимга сир эмас. Колаверса, йўқотилган олтину бойликларни яна қўлга киритиш мумкин, аммо йўқотилган вақтни эса асло қайта қўлга киритиб булмайди. Бу ҳақда ҳикматли шеърда шундай дейилган:

Ёқутлар топилар вақтлар билан
Вақтлар топилмас ёкутлар билан.

Ҳа, вақт сотиб олса бўладиган оддий мато эмас, бал­ки инсонга фақат бир марта бериладиган имкониятдир.

Саъдий Шерозий вақтни қадрлашга ундаб шундай ёзганлар:
Эй ғофил, кўп ўйлаб фойда-ю мол,
умринг сармоясин айлама поймол.

Али Тантовий айтади: «Бир куни шайх Жамол Қосимий кераксиз нарсалар билан вақтларини зое қилаётган йигитларнинг ёнларидан ўтаётиб афсус билан: «Эҳ, қани энди вақт сотилганида, албатта шуларнинг вақтларини сотиб олган бўлардим», деб айтган экан».

Инсон ҳаётида лаҳзаларнинг ҳам нақадар аҳамиятли эканини бир, ҳатто ярим сония сабабли ғолибликдан маҳрум бўлган мусобақачилар аниқ ҳис этадилар. Ҳадиси шарифларда ушбу бебаҳо неъматнинг қадрига етишга ундаб эрта туришга тарғиб қилинган. Чунки эрталаб барвақт ишга киришиш вақтни муҳофаза қилишга ва куннинг қолган қисмидаги ишлар ҳам баракали бўлишига сабаб булади.
Абу Зарр Ғифорий розияллоҳу анҳу бу ҳақда шундай деган: «Кунинг туя кабидир, бошини ушлаб олсанг, орқаси эргашиб келаверади».
Яъни бу сўзлари билан кун яхши ишлар билан бошланса, қолган қисмида ҳам яхши ишлар осонлик билан амалга ошишига ишора қилган.

📚"Уламолар наздида вақтнинг қадри" китобидан.

Каналга уланиш👇👇

@IMRONUZMINGBULOQ

https://telegram.me/joinchat/AAAAAE_91QxxtiWbNedTQg

Таҳорат олиб ётишнинг 6 фазилати.

1. Таҳоратли ҳолда ётган банданинг ҳақига фаришталар дуо қилади.

2. Таҳоратда ётган банданинг дуоси мақбул бўлади.

3. Қиёмат кунида ҳам таҳоратли ҳолида тирилади.

4. Таҳоратда ётиш ёмон тушлар кўришдан сақлайди.

5. Таҳоратда ётиш тунни ибодат билан ўтказганнинг савобига ноил этади.

6. Таҳоратда ётган банданинг руҳи Аллоҳ таолонинг Арши олдида сажда қилади.

@imronuzmingbuloq

https://telegram.me/joinchat/AAAAAE_91QxxtiWbNedTQg

Нима учун Оятул Курси Қуръондаги оятларнинг маликаси деб аталади?

💫 У Қуръони каримдаги энг шарафли оятлардан бири ҳисобланади.

💫 Бу оят 50 та сўздан иборатдир.. ва ҳар бир сўзида 50 та барокат мавжуддир.

💫 Бу оятда 17 дан ортиқ Аллоҳнинг гўзал исмлари мавжуд.

Бу оят қачон тушган?

💫 Бу оят тунда тушган бўлиб, у тушган вақт дунёдаги жамиики бут-санамлар жойидан ағанаб тушган. Ҳамда дунёдаги жамиики подшоҳни ҳам ағанатган. Бошларидан тожларини ҳам тушириб юбориб шайтонларни ҳам қувиб юборган.

Нима учун "Оятул Курси" деб номланган?

💫 "Курси" бу ҳукмдорликнинг асосий бир қисми бўлиб, подшоҳнинг рамзи ҳисобланади. Ва у илоҳийликдан далолатдир.

💫 Бу оятнинг бошини Аллоҳ таоло (Аллоҳ) номи билан ва ниҳоясида ҳам (Олий Азим Зотдир) номи билан юксалтирган.

💫 Бу оят унга боғланиб қолганларни ва уни маҳкам тутганларни ўзи билан юксалтирур.

💫 Ким Оятул Курсини авайлаб ардоқласа, Оятул Курси ҳам у кишини ҳимоялайди ва энг олий мақомларга юксалтириб, мартабасини улуғлайди.

Росулуллоҳ алайҳи солату васаллам Оятул Курси ҳақида нима деганлар?

💫 Набий соллаллоҳу алайҳи васаллам:
Ҳар нарсанинг саноми-кўзга кўринган жойи бўлади. Бақара сураси Қуръоннинг саномидир. Унда бир оят бор. Ўша оят Қуръон оятларининг саййидасидир. Унинг номини "Оятул Курсий" дедилар.

Оятул Курсийнинг фазилатларини биласизми?

💫 Бу оятни Аллоҳ ъазза ва жалла Ўзини зикр қилиб туширган. Ва бу оятни ўқувилар учун эртами кеч савоби берилгай.

💫 Ким бу оятни уйининг тўрт бурчагида ўқиса, уйини ҳимоялаб туради ва ундан шайтонни қувиб чиқаради.

💫 Тунда ўқилса уйдан шайтон кетади ва тонг отгунча у уйга шайтон киролмайди. Аллоҳ таоло уни ўз паноҳига олади.

💫 Бу оят уйқудан аввал ўқилса ёки фарзандлари учун ўқилса, уларни Аллоҳ таоло ўз паноҳида сақлаб, то тонг отгунча улардан шайтонни йироқ қилгай. Ҳамда ёмон ва нотинч тушлардан асрагай.

@Imronuzmingbuloq

https://telegram.me/joinchat/AAAAAE_91QxxtiWbNedTQg