Ijtimoiy himoya milliy agentligi

#ijtimoiy_xizmatlar

Vatanimning menga ko'rsatgan g'amxo'rligi va ishonchini albatta oqlayman!

💚 Gulbonu ikki yarim yoshidan beri Tozagul opaning oilasida, shu ayol bag'rida ulg'aydi. Intiluvchan, tirishqoq va zukko qahromonimiz yoshligidan a'lo baholarga o'qidi. Bugungi kunda nemis tili, ingliz tilida be'malol gaplasha oladi.

Urganch tumani "Inson" ijtimoiy xizmatlar markazi tomonidan Gulbonuga ko'plab ijtimoiy xizmatlar hamda “Yoshlarga hamrohlik” dasturi doirasida ijtimoiy yordamlar ko'rsatilib kelinmoqda.

✅ turar joy bilan ta'minlandi;
✅ subsidiya asosida ingliz tili kursiga borishi tashkil etildi va sertifikat oldi;
✅ muntazam ravishda psixologik xizmat ko'rsatilib kelinadi;
✅ huquqiy imkoniyatlari yuzasidan markazning huquqiy masalalar bo'yicha ekspert maslahatchisi doim yonida;
✅ musiqaga qiziqishi inobatga olinib, musiqa to'garakiga jalb etildi.
✅ haydovchilik guvohnomasi olish uchun o'qishga borish rejalashtirilmoqda.

📝telegram    💻 instagram  
📝 facebook   🐧 xcom
🎞 youtube     🎖 ihma.uz

#xizmat_safari
#hududlar

Agentlik rahbarining Qoraqalpog‘iston Respublikasiga tashrifi doirasidagi dastlabki manzili Nukus shahrida joylashgan 10-sonli "Nurli maskan" ixtisoslashtirilgan maktab-internati bo‘ldi.

Binolarning tantanali ochilish marosimidan so‘ng, Agentlik direktori bu yerda o‘quvchilarga yaratilgan sharoitlar bilan tanishdi, o‘quvchi va o‘qituvchilar hamda "Yo‘lchilar" mahalla yettiligi bilan suhbatlashdi.

Xizmat safarining keyingi manzili Chimboy tumani bo‘ldi. Agentlik vakillari ushbu tumanda joylashgan 43-sonli umumta’lim maktabida tashkil etilgan korreksion va inklyuziv sinflar faoliyati bilan tanishdi. Shuningdek, farzandlarini ushbu sinflarda o‘qitayotgan ota-onalar bilan suhbatlashdi.

O‘rganish ishlarining keyingi manzili Chimboy tumanida joylashgan nogironligi bo‘lgan erkaklar uchun mo‘ljallangan "Muruvvat" uyi faoliyati bo‘lib, ushbu muassasada mavjud shart-sharoitlar o‘rganildi va yaxshilash bo‘yicha tegishli ko‘rsatma va topshiriqlar berildi.

"Kambag‘allikdan farovonlikka" dasturi doirasida ham amalga oshirilgan ishlar bilan tanishildi. Tumandagi "Guliston" va "Temir yo‘l guzari" mahallalarida yashayotgan oilalar bilan uchrashib, muammo va takliflarini tinglandi.

Shuningdek, Agentlik direktori hududning mutasaddi vakillari bilan davra suhbat o‘tkazib, kelgusidagi reja va vazifalar yuzasidan fikr almashdi.

📝 telegram    💻 instagram  
📝 facebook   🐧 xcom
🎞 youtube     🎖 ihma.uz

#Surxondaryo #FarovonlikSari

🇺🇿 Surxondaryo viloyatida “Kambag’allikdan farovonlik sari” tamoyili asosida tizimli ishlar olib borilmoqda

🖋 “Kambag‘allikdan farovonlik sari” dasturi doirasida ijtimoiy himoya yagona reyestrida turgan ishsiz fuqarolar va nogironligi bor kambag‘al oila a’zolarining bandligini ta’minlash maqsadida, ularni kasb-hunarga o‘qitish, tomorqadan samarali foydalanish va doimiy daromad topish imkoniyatlarini yaratish choralari ko‘rilmoqda.

😮 Mazkur yo‘nalishda, viloyatda 9000 dan ortiq oila dasturga jalb qilindi. 1774 ta mas’ul rahbar tomonidan 7200 oilaning maktab yoshidagi farzandlariga bilim olish uchun qulay sharoitlar yaratish maqsadida zarur chora-tadbirlar amalga oshirildi.

✅ Shuningdek, 3433 nafar kambag‘al oila vakillari tibbiy ko‘rikdan o‘tkazildi. Ularning stasionar va ambulator sharoitda davolanishlari (tuman darajasida 3103 nafar, viloyat darajasida 284 nafar, respublika darajasida 46 nafar) uchun zarur yordam ko‘rsatildi.

🏃 2025-yilda ham yangi ishlab chiqarish va infratuzilma loyihalari amalga oshiriladi. Aholini kasb-hunarga o‘rgatish, bandligini ta’minlash va kambag‘allikni qisqartirish dasturlari davom ettiriladi.

📝 telegram    💻 instagram  
📝 facebook   🐧 xcom
🎞 youtube     🎖 ihma.uz

O‘zbekiston Respublikasi Prezidenti huzuridagi Ijtimoiy himoya milliy agentligi direktori Mansurbek Olloyorov 10-sonli “Nurli maskan” ixtisoslashtirilgan maktab-internatida bo‘ldi

📝 telegram    💻 instagram  
📝 facebook   🐧 xcom
🎞 youtube     🎖 ihma.uz

#Bolalar
#Surxondaryo

Mamlakatimizda yetim bolalar va ota-ona qaramog‘idan mahrum bo‘lgan bolalarni har tomonlama qo‘llab-quvvatlash, ularni oilaviy muhitda tarbiyalash va mehr-muruvvat bilan o‘rab olishga qaratilgan islohotlar natijasida Oilaviy bolalar uylari tizimi yo‘lga qo‘yildi. Ushbu tizim mehr va e’tiborga muhtoj bo‘lgan oilasiz bolalar uchun yangi umid eshigini ochib, ularning sog‘lom va baxtli hayot kechirishlariga xizmat qilmoqda.

Surxondaryo viloyati Angor tumanidagi “Yangi turmush” mahallasida tashkil etilgan 1-sonli “Oilaviy bolalar uyi” ham ana shunday ezgu maqsad yo‘lida faoliyat olib bormoqda. Bu yerda 10 nafar yetim va ota-ona qaramog‘idan mahrum bo‘lgan bola tarbiyalanmoqda. Shulardan 5 nafari qiz bolalar bo‘lib, ularning har biri o‘ziga xos qiziqish va iste’dod sohiblaridir.

Ushbu bolalar uchun uydagi tutingan ota-ona tomonidan barcha zarur shart-sharoitlar yaratilib, ular mehr va e’tibor bilan o‘rab olingan.
Ularning har biri o‘z qiziqishiga qarab fan va sport to‘garaklariga jalb etilgan. Shu orqali ular o‘z orzularini ro‘yobga chiqarish, kelajakda jamiyatga foydali inson bo‘lib yetishish uchun puxta poydevor yaratmoqdalar.

Bunday maskanlarning tashkil etilishi nafaqat bolalar taqdiri, balki jamiyat kelajagi uchun ham ulkan ahamiyatga ega. Zero, har bir bola oilaviy muhitda tarbiyalanishi, mehribonlik va e’tibor bilan o‘sishi uning kelajakda yetuk inson bo‘lib shakllanishida muhim omildir.

🎬 Batafsil videoda...

📝 telegram    💻 instagram  
📝 facebook   🐧 xcom
🎞 youtube     🎖 ihma.uz