Продам канал с доходом 138090

Всего за 55 000. Срочно нужны деньги.

Статистика Избранное

Abdulaziz Ahmad | Blog

Гео и язык канала: Узбекистан, Узбекский

Категория: Блоги

25 ёш йигитнинг камтарона ҳаёт йўли...
• Филолог
• Журналист
• SMM менежери
• Балиқчи ошпаз
• Маҳдининг дадаси... :)
🇹🇷 Оилам билан Анкарадаман. Туркияда оила бўлиб яшаш, ишлаш, бизнес қилиш... хуллас, “тирик қолиш” ҳақида ёзаман!

Связанные каналы | Похожие каналы

Гео и язык канала

Узбекистан, Узбекский

Категория

Блоги

Статистика

Избранное

Фильтр публикаций

Скрывать удаленные

Скрывать репосты

Abdulaziz Ahmad | Blog

30 Jan, 16:14

00:59

Видео недоступно для предпросмотра

Смотреть в Telegram

303 0 0 1 33

Abdulaziz Ahmad | Blog

30 Jan, 16:14

Hamma xotiniga uy, mashina, pul bilan maqtansa, men👇

306 0 0 8 6

Abdulaziz Ahmad | Blog

30 Jan, 15:19

Texnika mo‘jizasini ko‘rganmanu, lekin bunaqasini...😕

Hayotdagi eng qimmatli boyligimiz bir-birimizga bo‘lgan mehr-u muhabbat va qo‘llab-quvvatlashdir. Har doim birga bo‘lish va bir-birimizni qo‘llab-quvvatlash bizni kuchaytiradi...

©ChatGPT

344 0 1 9 17

Abdulaziz Ahmad | Blog

30 Jan, 15:18

00:59

Видео недоступно для предпросмотра

Смотреть в Telegram

337 0 1 7

Abdulaziz Ahmad | Blog

30 Jan, 12:42

Bir o‘q bilan urilmagan “quyon”lar hikoyasi 😅

Yarim kechadan o‘tgandi, burs nomzodlariga referans maktublarini tayyorlab o‘tiribman. Ayolim tishi og‘ribmi, vaqtli uxlab qolgandi...

Yonimdan reklama chiqdi. Chiroyli milliy naqshlar bilan bezatilgan ayollar kiyim komplektlari, “Attila hatun” degan brend do‘konniki, chegirmaga tushibdi: 4 ta olib, bittasiga to‘laysiz, yetkazib berish ham tekin!

Toshkentda “Kanishka” brendi bor edi, narsalari judayam sifatli, kiyim kechak, kashelok, sumkalari, sevardim barcha mahsulotlarini. Buyam kamida shundaydir deb o‘ylabmanda.

4 ta kiyim tanladim, biri Sitoraga, biri onasiga, biri singlisiga, yana biri yaqinda Karabukka mehmonga boramiz deb o‘ylayotgandik, yangaga😁

Ayolimga aytmadim, kelishini kuta boshladim. Kecha Sitora Mahdini uxlatayotgan paytda kargo keldi. Uyga kiyimlarni yoyib tashlab, Mahdi uxlashini, ayolim kelib xursand bo‘lishini kuta boshladim.

Sitora xonaga keldiyu, hayron bo‘ldi. Kiyimlarni bir-bir ko‘rdida, hozir maqtaydi, kamida quvonchdan yig‘lab yuboradi desam, “Nimaga mendan bir og‘iz so‘ramadingiz, avval o‘zimga ko‘rsatmaysizmi rasmini?!” desa bo‘ladimi!

Tamom, shuncha ishtiyoq, harakat, xarajat, kutilayotgan mehmondorchiliklar, chippakka chiqdi. Bekorga chegirmaga tushmagan ekan, bir tiyinga qimmat narsalar ekan hammasi...

Materiali bir yuvishga ham chidamas ekan, o‘lchamlari aytilganidan katta, uning puliga boshqa joydan ming marta yaxshi narsa olsa bo‘larkan.

Xullas, bugun stomotologdan chiqib, buyurtmani bekor qildikda, kargodan egasiga qaytarib jo‘natdik. Xarajatlarini ham o‘zimiz to‘larkanmiz, naq 600 lira (220 ming so‘m) bo‘ldi.

Bir o‘q bilan to‘rtta quyonni uraman degandim, doimgidek o‘xshamadi, balki chegirmadan foydalanib qolmoqchi bo‘lganim uchun hayot saboq berdimi, u kiyimlarni atagan insonlaring undan ziyodlariga munosib, deganidir ehtimol

P.s. Oxirgi jumla ayolim nazorati ostida yozildi...

@Ijoddardi

397 0 0 4 40

Abdulaziz Ahmad | Blog

29 Jan, 22:21

#aytgancha

Firibgarlar turkiyaliklar hisobidagi pulni o‘marsa, butun zararni bank qoplab beradi. Mijozning pulini himoya qilolmagani uchun bank javobgarlikka tortiladi. Bu qonun bilan qat’iy belgilab qo‘yilgan.

Xalqning o‘zini ayblab qo‘yishmaydi bular, himoya tizimlari juda kuchli ishlaydi. Bizda esa kundan kun firibgarlar turli usullar bilan odamlarni “kiydirmoqda”, natijada bizga o‘xshab haqiqatan yordamga muhtojlar ham ishini hal qilishda sarson-sargardon bo‘lyapti...

Qachon bu masalalar ko‘rib chiqiladi, tartibga olinadi deb bir sahifa maqola yozardim haliyam gazetada ishlaganimda. Turkiya tajribasi misolida yechimlar ham bor. Lekin befoyda, hozir kim ham gazeta o‘qirdi...

@Ijoddardi

1.4k 0 5 5 28

Abdulaziz Ahmad | Blog

29 Jan, 22:07

Ayolimning telefonini yo‘qotgan edik, o‘g‘irlashdimi, taksida tushirdimi, bilmaymiz...

Xullas, uning elektron pochtasi, instagrami, “Turkiya burslari” profili, o‘qish akkountlari, elektron imzosi, qo‘yingki, bizga kerak bo‘lgan jamiiki shaxsiy ma’lumotlar o‘sha telefon xotirasida saqlangan edi. Hech qaysining login-parolini yoddan bilmaydi...

Bu vaziyatda barcha muammolar “kaliti” Sitoraning elektron pochtasi edi. Uni tiklab olsak, qolgan hamma profillarimizni ocha olarkanmiz. Elektron pochtasi esa...

Xullas, u aaancha yillar oldin ishlatgan raqamiga ulangan ekan. Bir amallab nomerni esladik, kod o‘sha raqamga boryapti, aytadigan odam esa...

Nomerni Surxondaryoning Jarqo‘rg‘onidan bir aka ishlatarkan. Na telegrami bor, na watsap. O‘zimiz umuman bog‘lana olmadik. Keyin tanishlarni o‘rtaga qo‘yib, unga telefon qildira boshladim.

Vaziyatni yaxshilab tushuntirishdi, kod boryapti, aytib yuborsangiz, elektron pochtamizni tiklab, uni o‘zimizning hozir ishlatayotgan raqamimizga o‘zgartirardik dedik, iltimos qildik, qayoqda...

O‘zimizda firibgarlar rosa avj olgani rost, xavfsizligi uchun aytmaganiyam to‘g‘ri edi. Lekin odam bunchalik “garang”ni yoqib olishi na insoniylikka, na bir odamgarchilikka to‘g‘ri kelardi...

Pasportlarimni tashlab beraman, videoqo‘ng‘iroqda bir gaplashing biz bilan dedik, unamadi, o‘sha kod hayot-mamot masalamiz bizning, bo‘lmasa grandni kesib qo‘yishadi, o‘qishdan haydalamiz va hokazo deb iltimos qildik, qani tushinsa!

Yaqin ukam bor edi, kompyuterni yaxshi biladi. U nomimizdan rosa gaplashdi, keyin ukamning ustidan “uchastkavoy”ga yozib bervoribdi, o‘zidan o‘tgani o‘ziga ma’lum, ancha yugurtirishdi.

Boshqa tanishlarni o‘rtaga qo‘ydim. Oxiri 150 ming so‘m bersang aytaman deb turib oldi. Bo‘pti, roziman, pul tashlab beraman, kodni ayt desak, Jarqo‘rg‘onga kelasan, Turkiyadan kod jo‘natishadi, men vaziyatni videoga olib turaman, keyin aytaman debdi.

Unga yaqinroq hududda yashaydigan tanishlarni qidirib, sahifalarimda e’lon berdim. Qumqo‘rg‘onlik do‘stim yordam beraman dedi, ertasi kuni oshnamning dadasi haligi kishining uyiga borishga kelishishdi.

Tong otdi. Amaki kecha ertalab u odam bilan gaplashib, uyingga boraman deya tayinlab, yo‘lga chiqibdi. Ungacha haligi kishi amakining ustidan ham yozib bersa deng! Baxtga qarshi, o‘sha “Uchastkavoy” amakining tanishi bo‘lib chiqibdi!

Keyin amaki va “uchastkavoy” birgalikda borishdi uyiga. Aytvor kodni desa, u odam shunda ham hech qanday kod aytmayman, raqamni sotaman, markazga borib, mening nomimdan o‘chiramiz, o‘z nomingizga olasiz, keyin nima qilsanglar qilaveringlar deganmish...

Amaki rozi bo‘libdi. Ertagayam kelaman, birga markazga boramiz debdilarda bugun ertalab uning uyiga borsalar, haligi raqam qo‘shni ayolning nomida bo‘lib chiqibdi. Haligi odam, qo‘shni ayol, amaki va uchastkavoy markazga borib, raqamni nomidan o‘chirib, qaytadan sotib olib, u odamga raqam uchun qo‘shimcha pul berib, ishni hal qilishdi, baraka topishsin!

Soddalik desang, unga o‘xshamaydi, firibgarlik desang, uyam mayli, ilmsizlikmi bu bilmayman, xuddi nomida million dollar puli bor odamday gapga tushunmagani, arzimagan pulni deb orada shuncha kishini sarson qilgani yomon jahlimni chiqardi.

Qo‘yingki, bitta sms kodni olish naq 500 ming so‘mga tushdida! Lotereya chiqdi o‘ziyam. Eng muhimi, ishimiz bitdi, hamma profillarimizni tiklab oldik, hamd!

Agar shu holat siz bilan sodir bo‘lsa, raqamingizga borgan sms kodni menga aytarmidingiz? Bu uchun taxminan qancha so‘ragan bo‘lardingiz? :)

@Ijoddardi

1.6k 0 3 64 44

Abdulaziz Ahmad | Blog

29 Jan, 21:22

Bugun bir voqea bo‘ldi, aniqrog‘i, uzoq oylardan beri tinchlik bermay kelayotgan muammoni hal qildik, yozyapman, uxlab qolmanglar...

451 0 0 6 15

Abdulaziz Ahmad | Blog

29 Jan, 09:44

Репост из: Numon Nasrullayev

Assalomu alaykum

Kecha (28.01.24) 1 mln 139 ming soʻm summa yigʻildi. Hammasini hisoblab boryapman.

Universitetda oxirgi toʻlov kuni 30-yanvar kuni ekan. Bor yo'g'i 2 kungina vaqtimiz bor. Bizga kerakli miqdordagi pul yig'ilishiga hali juda ham koʻp bor, ammo, Allohga oson, biz birga buni uddalashimizga ishonaman. Musofirdagi talabamizning o'qishini, albatta, saqlab qolamiz.

Imkoniyatingiz boricha shu postni qolganlarga yuborib qoʻyish orqali ham bizga yordam bera olasiz!

Ehson uchun karta raqami:
8600 4904 8676 6777
Numon Nasrullayev

@NumonNasrullayev

440 0 4 10

Abdulaziz Ahmad | Blog

28 Jan, 10:28

Репост из: Numon Nasrullayev

#Diqqat

Payg‘ambarimiz Muhammad (s.a.v.) aytadilar:
"Kim musulmon birodarining muammosini hal qilsa, Alloh uning dunyoviy va oxiratdagi muammolarini hal qiladi."
(Imom Muslim rivoyati)

Hammamiz hayotda bir marta bo'lsa ham qiyinchiliklarga duch kelganmiz. Hozirda bir talabamiz hayotining eng muhim davrida qiyinchiliklarga yuz tutdi. Afsuski, o‘qishining oxirgi bosqichlarida turli sabablarga ko‘ra, to‘lovlarni amalga oshirish imkoniyati yo‘q.

Uning o‘qishini davom ettirishi uchun yordam kerak. Bu bilan siz ham ilm uchun turtki, ham ehson qilgan boʻlasiz!
Balki oramizda bu miqdorni birdan toʻlab qoʻya oladiganlar bordir. Agar sizda imkoniyat bo‘lsa, bundan yuz o'girmang. Har qanday yordam, katta yoki kichik bo‘lsin, bu talabaning kelajagiga katta ta’sir ko‘rsatishi mumkin.
Zotan, Rasululloh (s.a.v.) shunday dedilar:
"Sadaqa molni kamaytirmaydi. Alloh taolo kechiruvchan bandaning darajasini oshiradi va tavozeda bo‘lgan kishini ulug‘ qiladi."
(Imom Muslim rivoyati)

Biz birgalikda juda ko‘p yaxshiliklar qila olamiz! Iltimos, yordam qo‘lingizni uzating va bu talabamizni qo‘llab-quvvatlashga yordam bering. Uning orzulari, umidlari va mehnati bekor bo‘lmasin!

Talabaga yordam berish, summani yig'ishni o'z zimmamga oldim. Bizga kerak bo'lgan summa 35 000 TL (12 mln 687 ming soʻm).
Summa yig'ilishi haqidagi ma'lumotlar kanalda yoritib boriladi. Ehson postning ishonchliligiga shubha qilganlar yoki bilmoqchi bo'lganlar shaxsiyimga @NUMONNASR ga yozishlari mumkin.

Ehson uchun karta raqami:
8600 4904 8676 6777
Numon Nasrullayev

Bu postni iloji boricha ko'proq va kengroq yoyishga yordam bersangiz xursand bo'lamiz. Zero, bu talabamizning o'qishi uchun tezroq summa yig'ilishiga xizmat qiladi.

#Yordam #Ehson #Talaba #Kelajak

425 0 2 13

Abdulaziz Ahmad | Blog

27 Jan, 21:05

Umr yo‘li bir tekis bo‘lmaydi, hech qachon, hech qayerda!

Muhimi sabr bilan maqsad sari dadil davom etish, halol boʻlish, harakatdan toʻxtab qolmaslik!

Hozir grandga hujjat topshirib beryapmizku, ko‘pchilik oilaviy o‘qishga kelishmoqchi. Kanalimni o‘qib borisharkan, maza qilib yashaysizlarku, deyishadi😁

Katta yo‘l ostonasidasiz, hammasi endi boshlanyapti. Grand chiqqach, hujjat tarjima qil, begona davlatga ko‘chib kelib, ish topib, tanish-bilish orttirib, bu yoqdagi hujjat ishlari... ehhe, o‘zimizga yarasha qancha boshog‘riqlarimiz bor. Musofir bo‘lib yashash, yana oilangiz bilan, o‘zi emas!

Ko‘pchilik migratsiya qilganlar KO‘CHIB KELISH asosiy ishning atigi 1%i ekanini keyinchalik tushunishadi. Xuddi biz kabi. Lekin shu 1 foizsiz 99%ga erishib bo‘lmaydi. Hammasiga tayyor bo‘lsangizgina, tavakkal qilishni tavsiya etaman!

P.s. Ayniqsa, Turkiyaga...

@Ijoddardi

452 0 7 1 32

Abdulaziz Ahmad | Blog

24 Jan, 23:52

Tunov kuni uylangandim, Anqaraga kelganimga ham ko‘p bo‘lmadi, kuni kecha homilador ayolimni yetaklab, restoranma restoran ish qidirib yurgandim, yaqindagina Mahdi tug‘ilgandi, bugun esa...

Umrning o‘tishini qarang. Nimalar bo‘lib ketmadi, kimlar kelib ketmadi hayotimizga. Hammadan, har bir voqeadan xulosa chiqardik, o‘rgandik, tirashdik, yengilmadik, davom etdik...

Bugun Anqarada uyda pishirilgan arzon va sifatli o‘zbek ovqatlari sotuvchi oila sifatida tanildik. O‘zbekistonda esa turkcha kitob sotuvchi oila sifatida ozmi ko‘pmi nom qozonganmiz.

Restoranda ishlamasam, pulsiz qolib ketamiz deb o‘ylardim. Mana, ishdan bo‘shaganimga ham 5 oy bo‘libdi. Oilam bag‘rida, o‘zimiz yoqtirgan ishni qilib o‘syapmiz, rivojlanyapmiz. Harakat qilib tursak bo‘lgani, Xudo mukofotsiz qo‘ymas ekan!

Bugungi hayotimni 1 yil avval qaysidir kitobda o‘qisam, ertak deb o‘ylardim. Umuman ishonmasdim. Lekin...

Eng muhimi, Mahdi bor, ustimiz but, qornimiz to‘q, oilam baxtli, kunlarimizda ma’no bor. Alhamdulillah!

@ijoddardi

682 0 2 19 94

Abdulaziz Ahmad | Blog

23 Jan, 23:18

Nega haliyam uylanmagansiz, 34 yoshga kirib ham bo‘ydoq yuradimi odam, atirgulday yigit bo‘lsangiz, deb hazillashdim akaga...

Rasul aka eronlik, Anqarada jurnalistika bo‘yicha doktorantura o‘qiydigan ukasi Ramazon aka(jo‘ram Humoyunning xonadoshi)ni ko‘rgani kelibdi. Mehmonga bordim, gurunglashdik. Gap oila mavzusiga taqaldi...

Ilk marta 18 yoshimda sevgandim, ota onasi rozi bo‘lmadi, keyin qiz boshqa yigitni yaxshi ko‘rdi, u bola mendan jasoratliroq chiqdimi, qizni olib qochib ketdi...

Keyinchalik uylanaman deganimda pulim bo‘lmadi, pul topganimda esa ko‘nglimdagiday qiz chiqmadi. Shu-shu, haliyam so‘qqaboshman...

Orzuyingizdagi oila bormi, kelajakdagi hayotingiz, umr yo‘ldoshingizni qanday tasavvur qilasiz deyman yana mavzuni o‘zgartirmoqchi bo‘lgan akaning gapini bo‘lib...

Bilasanmi, aslida yashash judayam oson, hayot - sodda, o‘zimiz uni murakkablashtiramiz. Masalan sen, uyda ovqat pishiryapsan, xo‘randalarga sotib kelyapsan, uyga qaytganingda ayoling ko‘zi kulib kutib olyaptimi, mana shu baxt men uchun!

Puling bormi, yo‘qmi, farq etmas, baxt bu bilan o‘lchanmaydi. Men xotinim ja aqlli bo‘lishini ham istamayman, mayli men bilan adabiyot, falsafa haqida gaplashmasin, tom tom kitoblar o‘qimasin, bir bardak choy ichib, soatlab suhbatlashsak, rejalar qilsak, o‘z hayotimizni yashasak, bundan go‘zali bormi?!

Bizda to‘y qilish qimmat, sarf xarajatlari yuqori. Ayni sizlar kabi. Hozir pulim bor, moddiyatdan muammo yo‘q, gap ko‘nglimga munosib ko‘ngil topishda! O‘zim yoqtirmagan odam bilan butun umrimni o‘tkazishda nima ma’no bor?!

Aka gapni futbolga buradi. Bizdagi Server Jeparov, Odil Ahmedovlarni so‘raydi, Abduqodir Husanovning Manchester cityga o‘tgani haqida so‘zlaydi, yana gapini bo‘laman...

Eron katta bo‘lsa, 80 milliondan ziyod aholi bor, nahotki o‘zingizga munosib qiz topilmayotgan bo‘lsa? Yo qidirmayapsizmi? Yoki...

Hozircha, menga shunisi qulay. Ko‘nglim shu hayotda xotirjam. Xuddi ukam doktoranturada o‘qib, o‘zini baxtli his etayotgani kabi.

Masalan, Ramazon men bilan Eronga borsa, hozirgi daromadimdan 4-5 baravar yuqorisini topardim, aniq ishonaman bunga, lekin u pulni emas, ilmni birinchi o‘ringa qo‘ydi. Uning ko‘ngli shu yo‘l bilan taskin topdi. Menda ham ayni shunday masala...

Balki hali toparman ham o‘sha qizni, shunda seniyam, albatta, to‘yimga aytaman. Hozir esa, she’r o‘qiylik, Romiz Ravshanning haligi she’ri bor ediku, Humoyun, shuni o‘qib berolasanmi:

Yavaş yavaş sevdim sani...

Humoyunga shu she’rni qayta qayta o‘qitadi. Shoirning yana boshqa sevgi, iztirob haqidagi she’rlarini o‘qitadi, o‘zi ham jo‘r bo‘ladi. Yurakka tegadigan satrlarda esa sekingina xo‘rsinib qo‘yadi...

Sevgi bor...!

@ijoddardi

739 0 2 9 59

Abdulaziz Ahmad | Blog

23 Jan, 17:19

Seni o‘qish paytida tanirdim, universitet rasmiy kanallarida ko‘rganman, deb qoladi ustoz to‘satdan...

Nega men sizni avvalroq bilmaganman a, suhbatlashmaymanmi, gazetalarda sahifa sahifa intervyu yozmaymanmi, maqolalaringizni olib, OAVda e’lon qilmaymanmi, o‘zbek jamiyatiga tanishtirmaymanmi...

O‘zbekistonga mashinada ketish va Turkiyaga ham avtomobilda qaytish. Yana bir necha marta! 4 ming kilometrdan ziyoda masofa ya! Inson bunday qaror qilishi uchun qay darajada sayohatsevar bo‘lishi kerak, bilmadim...

Haliyam yozib turibsanmi, so‘raydilar to‘satdan. Yo‘q deyman, umr tashvishlariga o‘ralashib qoldim, ilhom yo‘q, shogirdingizga uylandimu, butun ijodim “barbod bo‘ldi”, deb hazil qilaman.

Shoshma, deb gapimni to‘g‘rilab, qutqarib ketadi ustoz. Sen shu paytgacha go‘zal hayotni orzu qilib qog‘oz qoralarding, endi bo‘lsa, o‘zing o‘sha xayollaringdagi she’ru hikoyalarda yashayapsan, yozishga vaqting bo‘lmayapti, chunki baxtdan ortmayapsan!

Turkiyada davlat xizmatchilari 5 yildan 2 marta chet elda ishlashi mumkin ekan. Ustoz birinchi 5 yilga O‘zbekistonni tanlabdilar, bu muddat tugab, Turkiyaga qaytishgan. Endi boshqa mamlakatga 5 yilga ketisharkan, qayerligini hali tanlashmabdi...

O‘zbekchada maqolu iboralar bilan shunaqa suhbatlashyaptilarki, og‘zim ochildi. Men O‘zbekistonda 5 yil yashadim, Anqarani yaxshi bilmasligim mumkin, lekin Toshkentni ipidan ignasigacha so‘rayver, Namangan, Farg‘ona, Samarqand, Buxoro, hamma yerda bo‘ldim!

Professor inson, kibr yo‘q umuman, shunaqa samimiy, o‘zini baland olmaydigan, kamtar, har tomonlama havas qildim. Shunday professor bo‘lish ham mumkin ekanda a?!

Yoz, deydi ustoz. Bu sarguzashtlarni albatta tarixga muhrlab ket, sendan keyingilarga qo‘llanma, o‘zingga esa, esdalik bo‘ladi. Bu kunlaring g‘animat, qo‘lingdan keladiku, qoralab qo‘yaver!

Kanalim borligini aytdim, safimizga qo‘shildilar, postlaringni o‘qib chiqaman, dedilar. Kirillcha o‘qiy oldilar muhimi, yanga esa faqat lotincha o‘qiy olarkanlar.

O‘zi ko‘pdan beri lotin grafikasiga o‘taman deb yurgandim, bu mehmondorchilik menga bir turtki bo‘ldi, ustoz yanayam oson o‘qishlari va yanga ham tushunishi uchun endigi postlarim faqat lotin alifbosida bo‘ladi!

Qayerda o‘zingni baxtli his qilsang, ro‘zg‘oringni but qilolsang, o‘sha yerda yasha. Butun dunyo senga Vatan bo‘lsin, kez, o‘rgan, kashf et, baxtli bo‘l, qolgani bekor. Aytgancha, Duzjega borganingda, xabar qilishni unutma, kutamiz...

@ijoddardi

700 0 2 8 61

Abdulaziz Ahmad | Blog

16 Jan, 00:28

Кўзлар бир гўзаллик кўрсин!

Роппа роса бир йил олдин ҳужжат ишларини тушунмай, қочоқ қолиб, Грузияга, Ўзбекистонга чиқиш-кириш қилиб, қарзга ботиб, туртилиб-суртилиб юргандик. Бугун эса...

Нималар бўлиб кетмадией, нимммалар ўтмади бошимиздан, эҳҳе!

Бу Туркиядаги яшаш рухсатномаси, “İkamet izni”. Учаламизнинг ҳам ҳужжатимиз тўлиқ бўлди, Алҳамдулиллаҳ!

Сабр, ҳалол меҳнат, аёвсиз ҳаракат... Худо шундай йўллар очиб ташларканки, тўхтаб қолмасдан, тош келса кемириб, сув чиқса симириб турсангиз бўлгани!

Туркиядаги энг актуал мавзу яшаш рухсатномаси, одамлар кимларгадир миллионларни бериб, ҳужжатни ҳам, пулини ҳам қайтариб ололмаяпти, қочоқ қолганлар сон мингта.

Изландик, ўргандик, ҳеч қандай консалтинг фирма ёки ширкатлар ёрдамисиз Худонинг изни билан ўзимиз қилдик ҳаммасини! Энг муҳими, уддаладик!

Туркиядаги ҳаётимни 3:0 ҳисобда ютқазиш билан бошлаган эдим. Бугун эса, ҳисобда ааанча ўзиб кетдик, шу темпда давом этиб, диплом олволсак бўлгани...

@Ijoddardi

1.2k 0 2 12 73

Abdulaziz Ahmad | Blog

11 Jan, 19:45

Репост из: Sitora Qarshiyeva | Blog

Hujjatingizni biz topshirib beramiz!

Bu grant qo‘mitasi juda mavhum saralash mezonlari asosida faoliyat yuritadi. Qo‘mita tomonidan bu borada aytarli bir ochiqlama, munosabat yoki kichkina bo‘lsa-da ma’lumot hech qayerda e’lon qilinmagan.

Burs yutish-yutmasligingiz baholar, diplom bali, jamoat ishlarida faolligingiz, til sertifikatlari, niyat maktubi va referanslarga bog‘liqdir.

Qolaversa, hujjatlaringizni tizimga to‘g‘ri shaklda yuklash ham imkoniyatingizni karrasiga oshiradi. Bu uchun esa sizga o‘z xizmatimizni taklif etamiz!

❗️ Marhamat, tanishib chiqing: https://telegra.ph/T%C3%BCrkiye-Burslar%C4%B1ga-hujjat-topshirib-berish-xizmati-01-11

📩 Agar xizmatimiz ma’qul bo‘lsa, quyidagi havola orqali biz bilan bog‘lanishingiz mumkin: @sitora_qarshiyeva

Barchaga omad yor bo‘lsin, yaxshi kunlarda yorug‘ yuz bilan ko‘rishguncha!

@sitoraqarshiyeva

Türkiye Bursları'ga hujjat topshirib berish xizmati

“Türkiye bursları” grant dasturi 1992-yilda tashkil topgan boʻlib, YTB (Yurtdışı Türkler ve Akraba Topluluklar Başkanlığı) muassasasi tomonidan moliyalashtiriladi. Grant har yili bakalavr, magistr va doktarantura bosqichlari uchun dunyoning 168 mamlakatidan 5000 talabaga to‘liq stipendiya ajratadi. ...

1.3k 0 5 1 12

Abdulaziz Ahmad | Blog

8 Jan, 18:46

Репост из: Sitora Qarshiyeva | Blog

Türkiye Bursları podcast!

Diqqat, suhbatni vanihoyat rejalashtirdik. O‘zim bu grandni yutib, 1 yildan beri Anqarada oilam bilan yashayotgan talaba sifatida tajribalarimni siz bilan bo‘lishishga tayyorman!

Suhbat 9-yanvar, O‘zbekiston vaqti bilan soat 21:00 da bo‘ladi. O‘tkazib yubormang!

Avval hech qachon auditoriya oldiga chiqmaganman, nasib, barcha kerakli ma’lumotlarni qisqa, lo‘nda, tushunarli tilda yetkazishga maksimal harakat qilaman!

Izohlar ochiq, bu grand dasturi bo‘yicha sizga nimalar qiziq, savollaringizni yozib qoldirsangiz suhbat davomida javob beriladi.

Ertaga, xuddi shu qadrdon manzilda ko‘rishamiz. Yaqinlaringizni, bu grandga qiziquvchi tanishlaringizni taklif etib, qo‘llab-quvvatlasangiz, mamnun bo‘lardik. Rahmat! 😊

@sitoraqarshiyeva

1.3k 0 2 6 26

Abdulaziz Ahmad | Blog

8 Jan, 15:22

Ойига неча сўмлик газ ва свет ёқяпсиз?

Ўтган ойлардаги коммуналь тўловларимизни атайин эълон қилмаганман, чунки 2 кишигина бўлиб нимаям ёқардинг, дейдиганлар топиларди.

Бу ой жуда кўп овқат пиширдик, орада янги йил буюртмалари бўлди, килолаб ошлар дамланди, қасқонлаб хоним, манти, камига электр духовкада сомса, торт тайёрладик ва ҳоказо...

Шундай шароитда 1800 лира газга тўлаяпмиз, 700 лира электрга. Айтганча, Маҳди совуққотмасин деб ҳар куни кечқурун электр печкани ҳам қўшамиз, атапления учун газ кетади, Анқаранинг совуғи жуда ёмон.

Умумий ҳисобда 2500 лира бўляпти, буни сўмга чевирганда, жами 920 минг сўм чиқаркан. Биз уйда овқат пишириб, электр духовка ва печка қўшиб, атапления доим баланд турадиган шароитда ойига шунча тўлаяпмиз.

Газ фақат шу ой бунчалик кўп ёнибди. Ўтган ойлар 1000 лирага ҳам етмасди. Ёздаку, умуман арзон келади, ойига иккаласига умумий 500-600 лира тўлардик.

Сизда нима гаплар, ойига неча сўмлик газ/свет ёқяпсиз?

@Ijoddardi

705 0 1 14 16

Abdulaziz Ahmad | Blog

8 Jan, 14:35

Yangi yilni yangi til bilan boshlamoqchi bo‘lsangiz, turk tilidan A1 daraja guruhiga qabul ochildi!

Turk tilini uzoq yillik tajribaga ega mutaxassisdan uydan chiqmay turib o‘rganmoqchi bo‘lsangiz, fursatni qo‘ldan boy bermang!

Turkiyada yashab, ta’lim olish bilan birga ko‘plab talabalarga bu til sir-asrorlarini o‘rgatib kelayotgan ustoz bilan yangi tilni nafaqat oson, balki juda maroqli o‘zlashtirasiz:

• Birinchi dars BEPUL!
• Noodatiy va kreativ usullar;
• ZOOMda jonli darslar, videolar, o‘yinlar va hayotiy vaziyatlar;
• 4 ta ko‘nikma (Yazma, Okuma, Dinleme, Konuşma) asosida tizimli tayyorlov!

❗️ Darslar haftaning toq kunlari 18:00-20:00da bo‘lib o‘tadi.

✅ Birinchi mutlaqo tekin probniy darsimiz esa 12-yanvar 20:00da boshlanadi.

☝️ Shoshiling, joylar soni cheklangan!

Bundan tashqari boshqa darajadan davom etish imkoni ham bor!

To'liq ma'lumotni @NUMONNASR manzilidan ola olasiz!

@NumonNasrullayev

1.1k 0 5 2

Показано 19 последних публикаций.

1 135

подписчиков

Статистика канала

Популярное в канале

Ayolimning telefonini yo‘qotgan edik, o‘g‘irlashdimi, taksida tushirdimi, bilmaymiz... Xullas, u...

#aytgancha Firibgarlar turkiyaliklar hisobidagi pulni o‘marsa, butun zararni bank qoplab beradi....

Ойига неча сўмлик газ ва свет ёқяпсиз? Ўтган ойлардаги коммуналь тўловларимизни атайин эълон қил...

Türkiye Bursları podcast! Diqqat, suhbatni vanihoyat rejalashtirdik. O‘zim bu grandni yutib, 1 ...

Hujjatingizni biz topshirib beramiz! Bu grant qo‘mitasi juda mavhum saralash mezonlari asosida f...