Huquqiy targ`ibot

#Bilasizmi

❗️Jarima ballari 12 balldan oshsa haydovchi transport vositasini boshqarish huquqidan mahrum qilinadi.

🔰Qonun bilan, Ma’muriy javobgarlik to‘g‘risidagi kodeksiga kiritilgan qo‘shimchalarga ko‘ra, quyidagilar uchun ma’muriy javobgarlik belgilandi:

⚡️Yo‘l harakati qoidabuzarliklari bo‘yicha hisoblanadigan jarima ballari belgilangan miqdordan oshganligi uchun ma’muriy jazo qo‘llanilishi;

🔘Bunda:

➖Belgilangan huquqbuzarliklar sodir etilganligi uchun transport vositasining haydovchisiga nisbatan mazkur huquqbuzarliklarda nazarda tutilgan asosiy jazo bilan birga jarima ballari hisoblanadi. Bunda sodir etilgan har bir huquqbuzarlik uchun hisoblanadigan jarima balining eng yuqori miqdori 2 balldan oshmasligi kerak.

➖Jarima ballari belgilangan huquqbuzarliklardan biri birinchi marta sodir etilgan kundan e’tiboran bir yil davomida hisoblab boriladi. Ushbu moddaning birinchi qismida nazarda tutilgan huquqbuzarliklar uchun hisoblangan jarima ballari bir yil o‘tgach transport vositasining haydovchisidan avtomatlashtirilgan tarzda yechiladi.

➖Hisoblangan jarima ballari bir yil davomida 12 balldan oshgan hollarda, oxirgi sodir etilgan huquqbuzarlik uchun belgilangan tartibda qo‘shimcha jazo tariqasida haydovchi transport vositalarini boshqarish huquqidan mahrum qilinadi. Bunday huquqdan mahrum qilish muddati 6 oydan kam bo‘lmasligi belgilandi.

🔹Siqilgan tabiiy gazda, suyultirilgan neft gazida yoki dizel va gazsimon yoqilg‘i aralashmasida ishlaydigan transport vositalaridan foydalanishda xavfsizlik qoidalarini buzganlik uchun;

🔹Transport vositasida odam tashish qoidalarini buzganlik uchun;

🔹Transport vositalarini quvib o‘tish qoidalarini buzganlik uchun;

🔹Yo‘l bezoriligi uchun;

🔹Huquqni muhofaza qiluvchi organlar xodimlarining foto va videotasvirini ularning obro‘sizlantirilishiga olib keladigan tarzda buzib tarqatganlik uchun.

@iiv_huquqiy_targibot

#Bilasizmi

"Yo‘l harakati xavfsizligi tizimi takomillashtirilishi munosabati bilan O‘zbekiston Respublikasining Jinoyat, Jinoyat-protsessual kodekslariga hamda O‘zbekiston Respublikasining Ma’muriy javobgarlik to‘g‘risidagi kodeksiga qo‘shimcha va o‘zgartirishlar kiritish haqida"Qonun imzolandi(O‘RQ-1033-son, 20.02.2025 y).

🔰Jinoyat kodeksiga kiritilgan qo‘shimchalarga ko‘ra, quyidagilar uchun jinoiy javobgarlik belgilandi:

🔹Avtomototransport vositalarining va ular tirkamalarining (yarim tirkamalarining) davlat raqam belgilarini yoki identifikatsiya raqamlarini qonunga xilof ravishda tayyorlaganlik, o‘tkazganlik yoki ulardan foydalanganlik, shuningdek ularni qalbakilashtirganlik uchun;

🔹Avtomototransport vositalari, shahar elektr transporti vositalari haydovchilarini va traktorchi-mashinistlarni tayyorlash hamda qayta tayyorlash, shuningdek imtihonlar o‘tkazish va guvohnomalar berish tartibini buzganlik uchun;

🔹Transport vositasini mastlik holatida boshqarganlik yoki tekshiruvdan o‘tishdan bo‘yin tovlaganlik uchun;

🔹Transport vositalarini boshqarish huquqidan mahrum etilgan shaxsning transport vositasini boshqarganlik uchun;

🔹Siqilgan tabiiy gazda, suyultirilgan neft gazida yoki dizel va gazsimon yoqilg‘i aralashmasida ishlaydigan transport vositalaridan foydalanishda xavfsizlik qoidalarini buzganlik uchun.

📌Qonun rasmiy e’lon qilingan kundan e’tiboran kuchga kiradi.

@iiv_huquqiy_targibot

❗️“Банклардаги омонатларни ҳимоя қилиш кафолатлари тўғрисида”ги Қонун (ЎРҚ-1031-сон, 18.02.2025 й.) қабул қилинди

🔰 Қонун жисмоний шахсларнинг, шу жумладан якка тартибдаги тадбиркорларнинг, шунингдек юридик шахсларнинг банклардаги омонатларини кафолатлаш соҳасидаги муносабатларни тартибга солади.

🏢 Омонатларни кафолатлаш агентлиги банклардаги омонатларнинг ҳимоя қилинишини кафолатлаш соҳасидаги ваколатли орган ҳисобланади.

Ҳужжатнинг расмий тўлиқ матни:
https://lex.uz/pdfs/7389404

❗️Ягона етказиб берувчилар реестрига киритиш бўйича давлат хизматларини кўрсатиш тартиби белгиланди

Ҳукумат қарори (102-сон, 18.02.2025 й.) билан “Давлат харидларида Ягона етказиб берувчилар реестрига киритиш бўйича давлат хизматларини кўрсатишнинг маъмурий регламенти” тасдиқланди

🔰 Маъмурий регламент давлат харидларида Ягона етказиб берувчилар реестрига киритиш бўйича давлат хизматини кўрсатиш тартибини белгилайди.

🗓 2025 йил 1 апрелдан юридик ва жисмоний шахсларни Ягона етказиб берувчилар реестрига киритиш учун аризалар Давлат хизматлари маркази ва Ягона интерактив давлат хизматлари портали (my.gov.uz) орқали қабул қилинади.

Ҳужжатнинг расмий тўлиқ матни:
https://lex.uz/pdfs/7388914

Камбағал оилаларга тадбиркорлик билан шуғулланиши учун фоизсиз ссудалар ажратилади

“Аҳолини тадбиркорликка жалб қилиш ва бандлигини таъминлаш учун молиявий ёрдамлар ажратиш тизимини такомиллаштиришга оид қўшимча чора-тадбирлар тўғрисида”ги Президент қарори (ПҚ-64-сон, 14.02.2025 й.) қабул қилинди

⚡️ Қарорга кўра, аҳолини тадбиркорликка жалб қилиш, айланма маблағлари билан таъминлаш ҳамда Ижтимоий ҳимоя ягона реестри ва Камбағал оилалар реестрига киритилган оилалар аъзоларига ўз фаолиятини бошлаши учун зарур бўлган асбоб-ускуналарни харид қилишга ажратиладиган субсидиялар ўрнига фоизсиз ссуда ажратиш тизимини жорий этилади.

Ҳужжатнинг расмий тўлиқ матни:
https://lex.uz/pdfs/7386982

Ёшлар тадбиркорлиги ривожлантирилади

“Ёшлар тадбиркорлигини ривожлантириш ва бандлигини таъминлашга доир қўшимча чора-тадбирлар тўғрисида”ги Президент қарори (ПҚ-62-сон, 14.02.2025 й.) қабул қилинди
Қарорга кўра, “Бизнесга биринчи қадам” лойиҳасига мувофиқ 18 ёшга тўлган ва 30 ёшдан ошмаган ижтимоий солиқ тўлаган ўзини ўзи банд қилган жисмоний шахсларга онлайн шаклда имтиёзли давр билан 7 йилгача муддатга 100 млн сўмгача имтиёзли микроқарз сифатида ажратилади.

Ҳужжатнинг расмий тўлиқ матни:
https://lex.uz/pdfs/7387025

ОТМ битирувчиларини ишга жойлашишига кўмаклашувчи “Келажакка қадам” дастури амалга оширилади

“Олий таълим ташкилотлари битирувчиларининг ишга жойлашишига кўмаклашиш бўйича қўшимча чора-тадбирлар тўғрисида”ги Президент қарори (ПҚ-61-сон, 14.02.2025 й.) қабул қилинди

🔰 Қарорга кўра, олий таълим ташкилотларининг битирувчиларининг ишга жойлаштиришига кўмаклашишга қаратилган “Келажакка қадам” дастури амалга оширилади.

Ҳужжатнинг расмий тўлиқ матни:
https://lex.uz/pdfs/7386917

Ёшлар тадбиркорлигини ривожлантириш давлат мақсадли жамғармаси ташкил этилади

“Ёшлар тадбиркорлигини ҳамда уларнинг бандлигини таъминлашга қаратилган бизнес лойиҳаларни қўллаб-қувватлаш тизимини такомиллаштириш чора-тадбирлари тўғрисида”ги Президент қарори (ПҚ-60-сон, 14.02.2025 й.) қабул қилинди

⚡️ Қарорга кўра,  Ёш тадбиркорларни қўллаб-қувватлаш жамғармаси негизида Ёшлар ишлари агентлиги ҳузурида Ёшлар тадбиркорлигини ривожлантириш давлат мақсадли жамғармаси ташкил этилади.

Ҳужжатнинг расмий тўлиқ матни:
https://lex.uz/pdfs/7386867

Ҳомиладорлиги ёки фарзанди борлиги сабабли ходимни ишдан бўшатишга тақиқ жорий этилди

Қонун (ЎРҚ-1030-сон, 13.02.2025 й.) билан Меҳнат кодексига ўзгартириш ва қўшимчалар киритилди

⚡️ Қонун билан Меҳнат кодексига “Ягона миллий меҳнат тизими” идоралараро дастурий-аппарат мажмуида  электрон шаклдаги меҳнат шартномасини расмийлаштириш тартибини жорий этишни, иш ҳақи сақланмайдиган таътил давомийлигини белгилаш тартибини ва ходимнинг ўртача иш ҳақини ҳисоблаш тартибини ўзгартиришни назарда тутувчи қўшимча ва ўзгартиришлар киритилмоқда.

Ҳужжатнинг расмий тўлиқ матни:
https://lex.uz/pdfs/7380871

#Bilasizmi

❗️Qamoqdagi yaqini bilan ushrashuv hamda yo’qlov berish huquqi!

🔹Vaqtincha saqlash hibsxonasidagi shaxslar posilka, banderol va oziq-ovqat yo‘qlovi olishga haqli.

🔹Og‘irligi oyiga 9 kg gacha bo‘lgan 1 posilka/banderol, 12 kg gacha oziq-ovqat yo‘qlovi ruxsat etiladi.

🔹Homilador ayollar, bolali ayollar, voyaga yetmaganlar, bemorlar va nogironlar uchun cheklanmagan.

🚫 Taqiqlangan narsalar:
➖Odamlar hayotiga xavf tug‘diradigan yoki jinoyat quroli bo‘la oladigan buyumlar.
➖Vaqtincha saqlash xibsxonasi ishiga to‘sqinlik qiladigan narsalar.

📝 Yo‘qlov berish tartibi:
➖Ariza ikki nusxada to‘ldiriladi (shaxsni tasdiqlovchi hujjat bilan).
➖Yo‘qlov berayotgan shaxs ishtirokida tekshiriladi.
➖Tekshirilgan yo‘qlov xibsxona xodimi imzosi bilan qaytarilib beriladi.
➖Yo‘qlov oluvchi imzo qo‘ygach, unga yo‘qlov beriladi. Imzo qo‘ymasa, dalolatnoma tuziladi.

🤝 Uchrashish huquqi (O‘Z.R JPK 230-moddasi)
➖Vaqtincha saqlash hibsxonasida  saqlanayotganlar uchun:
➖Himoyachi bilan uchrashuvga, birinchi so‘roqqacha, ruxsat beriladi (to‘siqsiz).
➖Qarindoshlar va boshqa shaxslar bilan uchrashishga tergovchi/surishtiruvchi yozma ruxsati zarur. (Himoyachi bilan uchrashuv bundan mustasno).

✅ Mahkumlar uchun(JPK 477-moddasi) Hukm e’lon qilinganidan keyin:
➖Raislik qiluvchi yoki sud raisi mahkumning yaqin qarindoshlari yoki himoyachisining iltimosiga ko‘ra, uchrashishga imkoniyat berishi shart.

⛔️ Yo‘qlov qabul qilinmaydigan holatlar:
🔹Yo‘qlovni olib kelgan shaxslarning shaxsini tasdiqlovchi hujjatlari bo‘lmaganda;
🔹Taqiqlangan narsalar yo‘qlovda aniqlansa.
🔹Yo‘qlov soni/og‘irligi meyordan ortiq bo‘lsa.
🔹Vaqtincha saqlash hibsxonasida saqlanayotgan shaxs tergov/sudda bo‘lsa yoki kasalxonada bo‘lsa.
🔹Yo‘qlov oluvchi yo‘qlovni qabul qilishdan bosh tortsa.
🔹Yo‘qlov oluvchi muassasadan yuborilgan bo‘lsa yoki ozod etilgan bo‘lsa.
🔹Yo‘qlov oluvchi vafot etgan bo‘lsa.

📌Eslatma: Taqiqlangan narsalar aniqlanganda, tegishli organlarga xabar beriladi.

@iiv_huquqiy_targibot

#Bilasizmi

"O‘zbekiston Respublikasining Mehnat kodeksiga o‘zgartirish va qo‘shimcha kiritish to‘g‘risida"Qonun imzolandi(O‘RQ-1030-son, 13.02.2025 y).

🔹Qonun bilan Mehnat kodeksiga “Yagona milliy mehnat tizimi” idoralararo dasturiy-apparat majmuida elektron shakldagi mehnat shartnomasini rasmiylashtirish tartibini joriy etishni, ish haqi saqlanmaydigan ta’til davomiyligini belgilash tartibini va xodimning o‘rtacha ish haqini hisoblash tartibini o‘zgartirishni nazarda tutuvchi qo‘shimcha va o‘zgartirishlar kiritilmoqda.

🔹Shuningdek “Ta’lim to‘g‘risida”gi Qonuniga muvofiq xodimlar kechki yoki sirtqi ta’lim shaklida o‘qishi mumkin bo‘lgan ta’lim tashkilotlarining turlarini aniqlashtiruvchi o‘zgartirishlar kiritilmoqda..

🔹Bundan tashqari, homiladorligi yoki farzandi borligi sababli xodimni ishdan bo‘shatishga taqiq joriy etilmoqda.

🔹Kiritilayotgan o‘zgartirishlarga ko‘ra, davlat organlari va tashkilotlari ishga qabul qilish chog‘ida ishga kirayotgan shaxsning pasportiga yoki identifikatsiyalovchi ID-kartasiga, mehnat daftarchasiga oid ma’lumotlarni mustaqil ravishda, shu jumladan axborot tizimlaridagi idoralararo integratsiyalashuv platformalari orqali so‘rab oladi.

🔹Davlat fuqarolik xizmatchilarining mehnatga oid munosabatlariga nisbatan mehnat to‘g‘risidagi qonunchilikning amal qilishi “Davlat fuqarolik xizmati to‘g‘risida”gi Qonun bilan tartibga solinmagan qismi bo‘yicha tatbiq etilishi belgilandi.

📌Qonun rasmiy e’lon qilingan kundan e’tiboran kuchga kiradi.

@iiv_huquqiy_targibot

❗️Электр энергетикаси соҳасидаги фаолият турларини лицензиялаш тартиб-таомиллари белгиланди

Ҳукумат қарори (91-сон, 13.02.2025 й.) билан "Электр энергетикаси соҳасидаги фаолият турларини лицензиялаш тартиби тўғрисида”ги низом тасдиқланди

⚡️ Низом электр энергетикаси соҳасидаги фаолият турларини лицензиялаш, лицензия тўловларини ҳисоблаш ва тўлаш, лицензиатлар фаолиятини назорат қилиш ва уларнинг ҳисобини юритиш тартиб-таомиллари ва шартларини белгилайди.

Ҳужжатнинг расмий тўлиқ матни:
https://lex.uz/pdfs/7379745

❗️Инсон ҳаёти ва соғлигига юқори хавф солувчи омиллар реестри очиқ ҳолда юритилади

Ҳукумат қарори (66-сон, 06.02.2025 й.) билан “Инсон ҳаёти ва соғлигига юқори хавф солувчи омиллар реестрини шакллантириш ва юритиш тартиби тўғрисида”ги низом тасдиқланди

🔰 Инсон ҳаёти ва соғлигига юқори хавф солувчи омиллар реестри Адлия вазирлиги томонидан “Ягона давлат назорати” ахборот тизимида барча учун очиқ ҳолда белгиланган шаклда юритилади.

Ҳужжатнинг расмий тўлиқ матни:
https://lex.uz/pdfs/7378815

❗️Аҳолига берилган ипотека кредитларини такрор молиялаштириш учун янги имкониятлар яратилади

Қонун (ЎРҚ-1028-сон, 12.02.2025 й.) билан айрим қонун ҳужжатларига ўзгартириш ва қўшимчалар киритилди.

🔰Қонун билан “Ипотека тўғрисида”ги, “Қимматли қоғозлар бозори тўғрисида”ги, “Тўловга қобилиятсизлик тўғрисида”ги қонунларга ипотека муносабатларига электрон гаров хатини жорий этишни, бундай гаров хати билан таъминланган мажбуриятларни бажаришни, у бўйича ҳуқуқларни бошқа шахсга ўтказишни ва ундан фойдаланишга доир бошқа механизмларни белгилашни, шунингдек талаб қилиш ҳуқуқлари ҳамда гаров хати тугатиш массасига киритилмаслигини назарда тутувчи ўзгартириш ва қўшимчалар киритилмоқда.

Ҳужжатнинг расмий тўлиқ матни:
https://lex.uz/pdfs/7377209

❗️Болаларни мактабгача таълим билан қамраб олиш даражаси оширилади

“2025-2026 йилларда болаларни мактабгача таълим билан қамраб олиш даражасини ошириш бўйича қўшимча чора-тадбирлар тўғрисида”ги Ҳукумат қарори (83-сон, 12.02.2025 й.) қабул қилинди

⚡️ Қарорга кўра, 2025-2026 йилларда болаларни мактабгача таълим билан қамраб олиш даражасини ошириш бўйича чора-тадбирлар дастури ҳамда 3-7 ёшли болаларни мактабгача таълим билан қамраб олишнинг мақсадли кўрсаткичлари тасдиқланди.

Ҳужжатнинг расмий тўлиқ матни:
http://lex.uz/pdfs/7375282

❗️Мактаб ўқувчиларини касб-ҳунарга ўқитишда тадбиркорларни жалб этиш тартиби белгиланди

Ҳукумат қарори (78-сон, 11.02.2025 й.) билан “Ўқувчиларни касб-ҳунарга ўқитишда умумий ўрта таълим муассасалари ва тадбиркорлик субъектларининг ўзаро ҳамкорлик қилиш тартиби тўғрисида”ги низом тасдиқланди.

✅ Низом ўқувчиларни касб-ҳунарга ўқитишда умумий ўрта таълим муассасалари билан тадбиркорлар ва ҳунармандларнинг ўзаро ҳамкорлик қилиш тартибини белгилайди.

📚 Касб тўгаракларига касбга қизиқиши бўлган 7–11-синф ўқувчилари жалб этилади.

Ҳужжатнинг расмий тўлиқ матни:
https://lex.uz/pdfs/7373893

❗️Тадқиқотларни қўллаб-қувватлаш жамғармаси ташкил этилади

“Таҳлилий ва тадқиқотчилик фаолиятини ташкил қилиш бўйича қўшимча чора-тадбирлар тўғрисида”ги Президент қарори (ПҚ-48-сон, 10.02.2025 й.) қабул қилинди.

🔰Қарорга кўра, Таҳлилий ва тадқиқот тузилмалари фаолиятини ташкил қилиш бўйича мувофиқлаштирувчи кенгаш ҳузурида Тадқиқотларни қўллаб-қувватлаш жамғармаси ташкил этилади.

Ҳужжатнинг расмий тўлиқ матни:
http://lex.uz/pdfs/7374256

❗️Фуқаролар йиғини раисларининг ваколат муддати 5 йилга узайтирилди

Қонун (ЎРҚ-1027-сон, 11.02.2025 й.) билан айрим қонун ҳужжатларига ўзгартириш ва қўшимчалар киритилди.

🔰Қонунга кўра “Фуқароларнинг ўзини ўзи бошқариш органлари тўғрисида”ги ва “Фуқаролар йиғини раиси сайлови тўғрисида”ги қонунларига фуқаролар йиғини раиси ваколатлари муддати 3 йилдан 5 йилга узайтирилишини, бўшаб қолган ўринларга фуқаролар йиғинлари раисларининг 5 йил муддатга сайланишини назарда тутувчи ўзгартириш ва қўшимчалар киритилмоқда.

Ҳужжатнинг расмий тўлиқ матни:
https://lex.uz/pdfs/7374099

❗️Микромолия банкларини ташкил этишга рухсат берилади

Қонун (ЎРҚ-1026-сон, 11.02.2025 й.) билан айрим қонун ҳужжатларига қўшимча ва ўзгартиришлар киритилди.

🔰 Қонун микромолия ташкилотлари ва тижорат банклари ўртасида уларни боғловчи «занжир»ни шакллантириш, шунингдек микромолия ташкилотлари учун қўшимча молиявий ресурслар, шу жумладан депозитлар жалб этиш имконияти яратилади.

🏢 Банк хизматларини рухсат этилган шартлар асосида кўрсатишга ваколатли бўлган микромолия банки институти жорий этилади.

Ҳужжатнинг расмий тўлиқ матни:
https://lex.uz/pdfs/7373910

❗️Аҳолини ижтимоий ҳимоя қилиш тизими янада такомиллаштирилади

“Аҳолини ижтимоий ҳимоя қилиш тизимини молиялаштириш тартиб-таомилларини такомиллаштириш тўғрисида”ги Президент Фармони (ПФ-17-сон) қабул қилинди

🔰Фармонга кўра, 2025 йил 1 апрелдан, “Ижтимоий дафтарлар” жамғармалари орқали кўрсатиладиган ижтимоий ёрдамлар Камбағал оилалар реестрига киритилган оилаларга, уй-жой шароитларини яхшилаш ва соғлиқни сақлаш бўйича ижтимоий ёрдамлар эса – ойлик даромади оила аъзоларининг ҳар бирига минимал истеъмол харажатлари миқдорининг 2 бараваридан кўп бўлмаган оилаларга ҳам тақдим этилади.

Ҳужжатнинг расмий тўлиқ матни:
https://lex.uz/pdfs/7374261