International Islamic Academy of Uzbekistan

#Yangiliklar
#Mahmudxo‘ja_Behbudiy_tavalludining_150_yilligiga

Mahmudxo‘ja Behbudiy xotirasi yod etildi

✔️Turkiston jadidchilik harakatining yetakchisi, xalqimiz tarixining murakkab damlarida, maʼrifat mashʼalasini baland koʻtarib chiqqan ulugʻ alloma va jamoat arbobi Mahmudxoʻja Behbudiyning ilmiy, ijodiy, pedagogik faoliyati va merosi alohida ahamiyatga molik. XX asr oʻzbek adabiyoti va sanʼatida, ijtimoiy-siyosiy jarayonlarida faol ishtirok etgan, millat maʼrifati, ozodligi, hurligi yoʻlida mardonavor kurashgan bu ulugʻ adibning sermashaqqat va sermahsul faoliyati tarix sahifalaridan mangu oʻrin egalladi, avlodlar uchun ibrat maktabi boʻlib qoldi.

➡️Keyingi yillarda Mahmudxo‘ja Behbudiy xotirasini abadiylashtirish, hayoti va faoliyatini chuqur tadqiq qilish, ilmiy va badiiy asarlarini keng ommalashtirishga alohida e’tibor qaratilmoqda.

🗓Jumladan, 2024-yil 27-dekabr sanasida davlatimiz rahbari tomonidan “Turkiston jadidlik harakatining asoschisi, atoqli adib va jamoat arbobi, noshir va pedagog Mahmudxo‘ja Behbudiy tavalludining 150 yilligini keng nishonlash to‘g‘risida”gi qarori qabul qilindi.

✅Yubiley sana munosabati bilan Oʻzbekiston xalqaro islom akademiyasi professor-oʻqituvchilari hamda xodimlari Adiblar xiyobonida Mahmudxoʻja Behbudiy xotirasini yod etishdi.

⌛Allomaning haykali yonidagi maʼnaviy-maʼrifiy uchrashuvda oʻzbek jadidchilik harakati yetakchisining hayoti va ijodi, jadidchilik harakati haqida soʻz yuritildi.

🌐Batafsil: https://iiau.uz/oz/news/3801

O‘zbekiston xalqaro islom akademiyasining rasmiy sahifalarini kuzatib boring!🔽

🌐iiau.uz|📝Facebook|📷Instagram|📨Telegram|📹YouTube

#Xalqaro_hamkorlik

Vakillarimiz Turkiyadagi xalqaro malaka oshirish kurlarida qatnashmoqda

✅O‘zbekiston xalqaro islom akademiyasi “Din psixologiyasi va pedagogika” kafedrasi professor-o‘qituvchilari Mirmuhsin Akramov, Nilufar Rasulova, Nargiza G‘ayibova hamda Murod Saparov Turkiya davlati Istanbul shahrida xalqaro malaka oshirish kursida ishtirok etmoqda.

✔️Vakillarimiz “Ta’lim va rivojlanishni boshqarish bo‘yicha bilim va ko‘nikmalar hamda tajriba almashish imkoniyati” nomli dastur davomida Istanbul Aydin universiteti, Fatih Sultan Mehmet universiteti, Istanbul universiteti va dunyoning top-1000 talik ro‘yxatidan o‘rin olgan O‘zyegin universitetlarida oliy ta’lim tizimi, fakultetlar faoliyati, talabalarga yaratilgan imkoniyatlar va sharoitlar bilan tanishdi. Shuningdek, fan dasturlarini xalqaro andozalar asosida takomillashtirish yuzasidan master klasslar o‘tkazildi.

⌛Kelgusida ushbu universitetlarning Xorijiy tillar fakultetlari bilan xalqaro almashinuv dasturlari va hamkorlik loyihalari o‘tkazishga kelishib olindi.

O‘zbekiston xalqaro islom akademiyasining rasmiy sahifalarini kuzatib boring!🔽

🌐iiau.uz|📝Facebook|📷Instagram|📨Telegram|📹YouTube

#9-fevral – Alisher Navoiy tavalludi kuni
#Yangiliklar

Yurtimizda Alisher Navoiy tavalludining 584 yilligi keng miqyosda nishonlanmoqda

✔️Ulug‘ mutafakkir, so‘z mulkining sultoni Alisher Navoiyning boy ma’naviy merosi asrlar osha butun bashariyatni hayratga solib, insonlar qalbiga, ong-u shuuriga ezgulik, insonparvarlik, saxovat, mehr-muruvvat ziyosini taratib kelmoqda. Allomaning bebaho ijodiy-ilmiy merosi nafaqat xalqimiz, balki jahon adabiyoti tarixida, milliy madaniyatimiz va adabiy-estetik tafakkurimiz rivojida alohida oʻrin tutadi.

➡️Keyingi yillarda mamlakatimizda ulug‘ bobokalonimizga ehtirom ko‘rsatish, asarlarini o‘rganish, uni dunyoda keng targ‘ib etishga doimiy e’tibor qaratilmoqda. Jumladan, shoir tug‘ilgan qutlug‘ 9-fevral sanasini har yili adabiyot va ma’rifat bayrami sifatida yuksak darajada nishonlash an’anasi qaror topdi.

🗓Alisher Navoiy tavalludining 584 yilligiga bag‘ishlangan marosimda davlat va jamoat arboblari, mamlakatimizda akkreditatsiyadan o‘tgan diplomatik korpus vakillari, shoir va yozuvchilar, adabiyotshunoslar, ijodiy tashkilotlar vakillari, talabalar qatnashdi.

✅Mazkur tadbirda O‘zbekiston xalqaro islom akademiyasi professor-o‘qituvchilari hamda xodimlari ham ishtirok etdi.

⌛Tadbir Alisher Navoiy haykali poyiga turli vazirlik va idoralar, oliy ta’lim muassasalari vakillarining harbiy orkestr sadolari ostida gulchambar qo‘yish marosimidan boshlandi. Shundan so‘ng tadbirda so‘zga chiqqanlar ushbu buyuk mutafakkirning hayoti va ijodi haqida batafsil ma’lumotlar berishdi.

🌐Batafsil: https://iiau.uz/oz/news/3800

O‘zbekiston xalqaro islom akademiyasining rasmiy sahifalarini kuzatib boring!🔽

🌐iiau.uz|📝Facebook|📷Instagram|📨Telegram|📹YouTube

#9-fevral – Alisher Navoiy tavalludi kuni
#Xalqaro_simpozium

Akademiya vakillari Navoiy shahrida oʻrnatilgan alloma haykali poyiga gul qoʻyish marosimida ishtirok etdi

📍Xabaringiz bor, Navoiy viloyatida “Alisher Navoiy va Sharq Renessansi” an’anaviy xalqaro simpoziumi bo‘lib o‘tmoqda.

✔️Mazkur anjuman bugun Navoiy shahrida oʻrnatilgan alloma haykali poyiga gul qoʻyish marosimi bilan davom etdi.

⌛Unda simpozium qatnashchilari qatorida O‘zbekiston xalqaro islom akademiyasi Yoshlar masalalari va maʼnaviy-maʼrifiy ishlar boʻyicha birinchi prorektori Ilyos Mirziyotov, “Islom tarixi va manbashunosligi IRCICA” kafedrasi professori Aftondil Erkinov, “O‘zbek va xorijiy tillar” kafedrasi dotsenti Nargiza Shoaliyeva ham ishtirok etdi.

O‘zbekiston xalqaro islom akademiyasining rasmiy sahifalarini kuzatib boring!🔽

🌐iiau.uz|📝Facebook|📷Instagram|📨Telegram|📹YouTube

#9-fevral – Alisher Navoiy tavalludi kuni

Alishеr Navoiyning forsiy qasidalari

✔️Alisher Navoiy zabardast zullisonayn shoirdir. Forsiy til Navoiyning ikkinchi ona tilidek edi. Adibning forsiy tilidagi badiiy ijodi uning “Devoni Foniy” lirik to‘plamida jamlangan. “Devoni Foniy”ning yetakchi janri g‘azaldir. Navoiyning forsiyda ijod qilishidan maqsad, o‘z ona tilini ko‘kka ko‘tarar ekan, uning raqiblari forsiy tilini bilmaslikda ayblamasliklari edi. Shuning uchun u forsiyda boshqa janrlar qatori qasida janrida ham muvaffaqiyat bilan ijod qildi.

✔️“Fusuli araba” to‘plamida tabiatning to‘rt fasli – bahor, yoz, kuz va qish tasvirlanadi. Bu qasidalar Sulton Husayn Boyqaro madhiga bag‘ishlangan. Shoir to‘rt fasl xususiyatini juda yorqin bo‘yoqlar bilan vasf etadi.

✔️“Bahor” qasidasi 57 bayt, “Saraton” (“Yoz”) qasidasi 71, “Xazon” (“Kuz”) qasidasi 33 baytdan iborat. Unda kuzning yorqin badiiy lavhalari, oltin manzaralari kuylanadi. “Day” (“Qish”) qasidasida qish yuksak va nodir o‘xshatishlar bilan ta’riflanadi. Qumush bulutlar osmondan kumush sochadilar. Yer yuzini qoplab olgan kumush qor simob daryosiga o‘xshaydi.

✏️Feruza Nizamova,
O‘zbekiston xalqaro islom akademiyasi
“O‘zbek va xorijiy tillar” kafedrasi dotsenti

🌐Batafsil: https://iiau.uz/oz/news/3798

O‘zbekiston xalqaro islom akademiyasining rasmiy sahifalarini kuzatib boring!🔽

🌐iiau.uz|📝Facebook|📷Instagram|📨Telegram|📹YouTube

#9-fevral – Alisher Navoiy tavalludi kuni

Alisher Navoiyning “Hayrat ul-abror”ida bir olam hayrat

✔️Alisher Navoiy asarlari ma’rifat, poklik, ezgulik chashmasi bo‘lib, inson ruhiy olamining ma’naviy yuksalishida xizmat qilib kelmoqda. Besh asrdan ortiq vaqt o‘tibdiki, buyuk shoir ijodi ulkan mazmun-mohiyat kasb etib, hali hanuz katta qiziqish va chuqur falsafiy mushohadar asosida tadqiq etilmoqda, o‘rganilmoqda. Bundan Navoiy dahosiga chuqur kirib borish va mohiyatini anglash imkoni naqadar teran ekanini ko‘rish mumkin.

✔️O‘z zamonida qalamga olgan va keng tarannum etgan axloqiy masalalar bugungi davr uchun dolzarblik, ahamiyatlilik kasb etmoqda. Ayniqsa, asarlarida ilgari surilgan adolat, saxiylik, qanoat, vafo, kamtarlik, hayo, adab, rostlik kabi axloqiy tushunchalar va ularga qarama-qarshi riyo, kibr kabi illatlarning badiiy ifodasi orqali buyuk ijodkorning falsafiy mushohadasi, tafakkur olami naqadar yuksakligini bilishimiz mumkin.

✔️Bu kabi tushunchalar inson olamidan jamiyat, ijtimoiy hayot mezoniga aylanib, bir butun umr mazmuni sifatida yashash garmoniyasini tashkil etadi. Navoiy qalamga olgan insoniy jihatlar bugungi globallashuv davrida odamiylikdan saboq beradi, tiriklik mohiyati va umr mazmunini anglashga o‘rgatadi.

✏️Lola Azimova,
O‘zbekiston xalqaro islom akademiyasi
“O‘zbek va xorijiy tillar” kafedrasi dotsenti

🌐Batafsil: https://iiau.uz/oz/news/3797

O‘zbekiston xalqaro islom akademiyasining rasmiy sahifalarini kuzatib boring!🔽

🌐iiau.uz|📝Facebook|📷Instagram|📨Telegram|📹YouTube