Ибратдир дунё

ҲЕЧ ҚАЧОН НОЛИМАНГ!

Одамлар сизни кучли, ижобий фикрловчи ва энергияга бой шахс деб билишсин.

Доим нолийдиган, ҳар нарсада майдалашиб ёмонлик қидирадиган инсонлар ўзидан бошқаларни нари кетишига сабаб бўлади ва камдан кам ҳолда ютуққа эришадилар.

Психологик нуқтаи назарда ҳамма нарса аввал ўй-ҳаёлда, кейин реал ҳаётда содир бўлади. Шунинг учун доим ижобий фикрланг.

Руҳан кучли бўлсангиз, йўлингизда учраган ҳеч бир қийинчилик сизни орқага қайтара олмайди. Нима хоҳлашингизни тасаввур қилинг, буни рўёбга ошишига қаттиқ ишонинг, ҳаракатни бошланг ва у албатта амалга ошади.

┄┅অঠই 🇺🇿 ইঠঅ┅┄
Ибрат излаганга — ибратдир дунё

Ҳаётингизни яхшилашингиз учун 25 маслаҳат:
1. Роҳатланиш учун пулингизни аяманг;
2. Ёқдими — айтинг;
3. Бугун яшанг, чунки кеча ўтиб кетди, эртага келмаслиги мумкин;
4. Тушунарсизми — сўранг;
5. Агар учрашишни истасангиз — таклиф қилинг;
6. Бирор нарсани хоҳласангиз — сўранг;
7. Ҳеч қачон тортишманг.
8. Тушунарли бўлишни хоҳласангиз — тушунтиринг.
9. Агар айбдор бўлсангиз, дарҳол айтинг ва баҳона изламанг;
10. Ҳар доим ёдда тутингки, ҳар кимнинг ўз ҳақиқати бор ва бу кўпинча сизникига тўғри келмайди;
11. Аҳмоқлар билан гаплашманг;
12. Ҳаётда асосий нарса — бу севги, қолган ҳаммаси — беҳуда;
13. Инсоннинг барча муаммолари фақат унинг бошида;
14. Атрофимиздаги дунё на ёвуз, на меҳрибон, унга сизнинг борлигиниз ҳам йўқлигингиз ҳам аҳамиятсиз;
15. Ҳар қандай воқеадан завқ олишга ҳаракат қилинг;
16. Бошқа ҳаётга эга бўлмаслигингизни доимо ёдда тутинг;
17. Асло мижғов бўлманг;
18. Кўп телевизор кўрманг, акс ҳолда улоқчага айланасиз;
19. Ҳеч кимга қарздор эмаслигингизни унутманг;
20. Унутмангки, ҳеч ким сизга ҳеч нарса қарздор эмас;
21. Сиёсат билан шуғулланманг, сиёсат одамларни ғазаблантиради;
22. Ҳаётда ҳар доим фақат ўзингизга ишонинг;
23. Ваъдаларга эмас, балки ҳис-туйғуларингизга ишонинг;
24. Агар кайфиятингиз ёмон бўлса, ўлганингизда, сизда шу ҳам бўлмаслигини ўйлаб кўринг;
25. Билингки, бугун сизнинг ҳаётингиздаги энг яхши кун.

┄┅অঠই 🇺🇿 ইঠঅ┅┄
Ибрат излаганга — ибратдир дунё

Кунларнинг бирида машинамда кетаётганимда бехосдан бир йигитни туртиб юбордим. Тормозни босишга улгурдим, аммо барибир темир-жонга оғриқ беради.

Машинамдан тушдим. Кайфиятим бузилди. Ўткан хафта бир талабани туртиб юборган эдим, контрактини тўлашга шантаж қилганди. Бу хам бир талаба бўлса керак деб ўйладим. Машинамга разм солдим. Уста олиб борса, тузатса бўлади, харажати кўп эмас. Нарироқда йигит ерда қўли билан судралганча юришга харакат қиларди.
- Тузукмисан?
- Ха, узур, кўрмай қолдим.
- Шифохонага олиб бораман, кетдик.
- Йўқ, шошилябман, кетаверинг, давоим йўқ.
- Жинни эмасмисан мабодо? Юр, хеч бўлмаса уйинггача олиб бораман.
- Машинангизда олиб борасизми?
- Йўқ, опичлаб оламан! Албатта машинамда олиб бораманда!

Бенжамин Франклиннинг ўзини мукаммаллаштириш усуллари:
1. Тилни тий.
Олдингга қўйган таомни ҳаммасини ема, думалаб қолгунча ичма.
2. Сукут сақла.
Ўзинга ва бошқаларга фойда бўладиган гапни сўзла, фойда бўлмайдиган гапни гапиришдан сақлан.
3. Интизомга муҳаббат қўй.
Ҳамма буюмларингни қўйиш учун жой, керакли гапни гапириш учун керакли вақт бўлсин.
4. Уддасидан чиқ.
Бажарилиши керак бўлган ишни бажаришни ҳал қил. Ҳал қилдингми, ишни бажаришнинг уддасидан чиқ.
5. Бошқалар ҳақида қайғур.
Фақат ўзингга эмас, балки бошқаларга ҳам фойда келтирадиган нарсаларни харид қил. Ҳеч нарсани бекорчи жойларга ишлатма.
6. Меҳнатсеварлик.
Вақтни бекор ўтказма, ҳар доим фойдали иш билан машғул бўл, ҳар қандай бекорчи ишдан нари бўл.
7. Очиқкўнгиллик.
Тили бошқа, дили бошқа бўлишдан сақлан. Ҳар доим дилингда ўйлаганингни гапир.
8. Тўғрисўзлик.
Ҳеч қачон одамларга ёмонликни раво кўрма ва уларни хафа қилма.
9. Кечиримлилик.
Сенга етказилган озор учун ҳеч қачон кек сақлама, ҳаттоки улар хафа бўлишга арзисалар ҳам.
10. Озодаликка риоя қил.
Уйингда ҳам, либосингда ҳам кирлик бўлишига йўл қўйма.
11. Ҳотиржамлик.
Бўлар бўлмасга хавотирланаверма.
12. Ақл билан иш қил.
Кўп изланишдан тўхтама. Кўп китоб мутолаа қилиш, наслни соф табиатли инсонлар билан давом этишини таъминлайди.

┄┅অঠই 🇺🇿 ইঠঅ┅┄
Ибрат излаганга — ибратдир дунё

БИР ДАҚИҚА...

Ҳаётингиздаги бир дақиқа сиз учун қанчалик аҳамиятга эга? Сиз учун шунчаки ўтиб кетган бир дақиқада дунёда нималар содир бўлишини биласизми? Қуйида шулардан баъзиларини келтириб ўтамиз:

— Бир дақиқада дунё бўйича 108 та одам вафот этади ва 258 та чақалоқ дунёга келади;
— Бир дақиқада INSTAGRAM тармоғига 46.800 та сурат юкланади;
— Бир дақиқада GOOGLE қидирув тизимида 3.608.640 та қидирув амалга оширилади;
— Бир дақиқада YOUTUBE тармоғида одамлар томонидан 4.147.740 та видео кўрилади;
— Бир дақиқада 155.195.280 та хатлар электрон почталар томон жўнатилади;
— Бир дақиқада Телеграм тармоғида одамлар томонидан 10.416.666 та хабарлар жўнатилади…

Ўтаётган фурсатларингиз қадрига етинг!

┄┅অঠই 🇺🇿 ইঠঅ┅┄
Ибрат излаганга — ибратдир дунё

Таниқли нотиқ қўлида янги 20 долларликни тутганча навбатдаги семинарини бошлади. Одамлар билан тўлган хонада у "Ким шу 20 долларни хоҳлайди?" деб савол берди. Талабгорлар қўлларини кўтаришди. У пулни ғижимлади, сўнгра яна сўради: "Ким шу 20 долларни хоҳлайди?" Яна қўллар кўтарилди. У пулни полга ташлаб, оёғи билан босиб ташлади. Кейин яна қўлига олиб саволини такрорлади: "Ҳали ҳам бирор ким шу 20 долларни хоҳлайдими?" Яна талабгор қўллар кўринди.

Шунда нотиқ деди: "Бугун биз жуда қимматли сабоқ олдик. Мана шу 20 долларлик пулни нима қилсам ҳам, уни олиш учун талабгорлар топилди, чунки у қийматини йўқотмаган".

P.S.: Одамзот ҳам ҳаёт йўлларида кўтарилади, тушади. Бироқ одамгарчилиги борларгина ўз қадрини сақлаб қола олади. Қайси лавозимда, қандай ҳолатда бўлишингиздан қатъи назар одамгарчилигингизни унутманг!

┄┅অঠই 🇺🇿 ইঠঅ┅┄
Ибрат излаганга — ибратдир дунё

Физика бўйича Нобел мукофоти совриндори Абдус Саламнинг қизиқарли ҳикояси

Покистондаги олис бир қишлоқда туғилиб ўсган Абдус ўрта мактабни аъло баҳолар билан тугатиб, нуфузли стипендия ютиб олади. Кейин эса Англиянинг Кембриж университетининг физика ва математика йўналиши бўйича ўқишга қабул қилинади.

1951 йилда 25 ёшли Абдус физикадан бир қанча қийин масалаларни ечиш орқали Кембрижда юлдузга айланади ва унда карьерасини хорижда давом эттириш учун яхши имконият пайдо бўлади. Аммо Абдус Салам бунинг ўрнига, ватани - Покистонга қайтиб, маҳаллий Панжоб университетида жаҳон даражаси хос, етук физика факультетини яратишга қарор қилади.

Кейин буёғига қизиқ воқеалар бошланади. Университет ректори (ё ҳасад қилибми ёки аҳмоқлигиданми) Абдус Саламни физика факультетида декан қилиш ўрнига университет футбол жамоасига мураббий қилиб тайинлайди. "Яратиб берилаётган бундай истиқбол"дан тушкунликка тушган ва ҳафсаласи пир бўлган Абдус Салам Буюк Британияга қайтади ва у ерда физик олимга дарҳол факультет деканлигини таклиф қилишади.

Натижада, у соҳага доир бир қатор ажойиб илмий кашфиётлар қилади, физика бўйича Нобел мукофотини олади ва йилига минглаб инглиз олимларини етиштирадиган дунёдаги энг йирик илмий марказга асос солади. Аслида Абдус Салам бундай марказни Покистонда қурмоқчи эди. Лекин у она юртида шунчаки футбол мураббийи этиб тайинланганди.

Хулоса қиладиган бўлсак: Сингапур собиқ бош вазири Ли Куан Ю айтганидек - Истеъдодли инсонлар мамлакатнинг бебаҳо бойлигидир. Биз билим олишимиз ва билимга асосланган дунёнинг бир қисмига айланишимиз керак.

P.S.: Бизда-чи, истеъдодлар қадр қилиняптими!?

┄┅অঠই 🇺🇿 ইঠঅ┅┄
Ибрат излаганга — ибратдир дунё

15 июнь - Халқаро оталар куни

Уйимнинг қуёши,
Умримнинг бардоши.
Отажон, сиз борки,
Тиниқдир бахт тоши.

Азоблар чекинар,
Армонлар тўкилар.
Сизни кўрса юрак,
Қувончга чўмилар.

Тўғри сўз забоним,
Меҳрибон осмоним.
Умримнинг мазмуни –
Сизсиз, Отажоним.

Беморим, бедорим,
Беғубор баҳорим.
Дуонгиз туфайли
Хайрли наҳорим.

Оқилим, дономсиз,
Борлиғим, дунёмсиз.
Қалбим чўлларига
Жон ато дарёмсиз.

Сизсиз куним кунмас,
Ҳеч нега қалб кўнмас.
Ҳатто, боғларимда
Бирор гул ҳам унмас.

Дардларимга дармон,
Армонларимга армон.
Мўминнинг бахтига
Доим бўлинг омон.

©️ Вафо Мўмин

┄┅অঠই 🇺🇿 ইঠঅ┅┄
Ибрат излаганга — ибратдир дунё

Ҳар бир лаҳзамиз ғанимат

Бир донишманд бутун умри давомида доим бахтли яшаган экан. У доим ҳурсанд, кайфияти аъло даражада юрар, ҳеч ким уни тушкун кайфиятда юрганини кўрмаган экан. Вақти соати яқинлашиб ўлим тўшагида ётганида шогирдларидан бири ундан сўрабди:
— Устоз мана ҳозир ҳам сизга қийин бўлаётганини билиб турибмиз, шундай бўлса ҳам юзингизда табассум билан ётибсиз, нега ҳар доим ҳурсанд бўлиб юргансиз? Сизни ҳеч тушкун кайфиятда кўрмаганмиз. Бунинг бирор сабаби борми айтинг? — дебди.
— Мен йигит давримда ўзимнинг устозимдан бу ҳақида сўраган эдим. Устозим етмиш ёшни қоралаган ва анчайин қариб қолган эди. Уни дарахт соясида ўтириб ҳеч қандай бир сабабсиз кулаётганини кўриб қолдим ва ҳайрон бўлиб бу ҳақида сўрадим.
"Мен доим сен каби ҳамма нарсадан ҳафа бўлиб юрар эдим. Доим ҳаётда омадим келмасди менга ҳеч ким эътибор бермайди деб ҳафа бўлардим.
Бир кун тонгда ўзимга савол бердим “бу ҳаёт сеникими ёки бошқаникими, нега уни ҳафа ҳолда ўтказишинг керак, ахир атрофингда бирдан омади келган инсонлар талайгина. Шулардан бири бўлиш қўлингдан келмайдими“ дедимда ҳаётимни ва тонгни табассум ила бошладим. Шу кундан бошлаб мен доим табассум қилиб юраман. Бу менинг танловим" деган.

Донишманд шогирдига: Ҳар тонг уйғониб бугунги танлов қандай бахтиёрлик ёки аксинча бахтсизлик танлаш имкони ўзингда. Менинг танловим эса ҳар бир ҳолатимда шукр дея табассум қилиш! Сен ҳам танла дебди.

┄┅অঠই 🇺🇿 ইঠঅ┅┄
Ибрат излаганга — ибратдир дунё

Менинг ҳаётимда қасрлар, спорт автомобил ва шахсий самолётлар жамланмасини қидираётганлар жуда  қаттиқ янглишадилар.

Менда на автомобил, на шахсий самолёт ва на уйим бор. Менинг дунём - бу пиёда, метрода юриш, 18-20 квадрат метрдан иборат ижара уйдан иборат. Менинг ўрнимда бўлишни хоҳлайдиганлар бутунлай алкоголдан, гўшт ва қиммат кийимлардан воз кечишига тўғри келади.

Ҳали камбағал талаба бўлиб олийгоҳ ётоқхонасида турганимдан бери такрорлайман, пул бу жуда катта баҳо берилган материал дунё элементи холос. Ҳаммаси ички ҳолатга боғлиқ ва у ҳар нарсадан устун. Миллиардлаб пуллари бор коррупционерларга қаранг, уларда ички хотиржамлик йўқ, топган пулларини йўқотиб қўймаслик учун барча нарсадан ҳатто ҳаётидан воз кечади.

Пулни асосий элемент деб ҳисоблашни бошлаган заҳоти сиз ички хотиржамлик ва ҳаётни қиморга тикасиз ва қиморда ютқизиб қўймаслик учун яна ва яна ҳаёт деган хазинадан қарз олаверасиз. Бир кун ҳаёт сизга қарз беришдан чарчайди ва сиз ҳаммасини ютқизасиз. Қимор столи атрофига бошқалар келади.

Капиталистик жаннат деб номланган дунё сизга қанчалик кўп нарсанг бўлса, шунчалик бахтли бўласан деган ғояни сотади.

Қадимдан шундай гап бор: “Қул ҳеч қачон озод бўлишни хоҳламайди, у ўз шахсий қуллари бўлишини хоҳлайди”. Инсон “қул ва хўжайин” парадигмасида қолар экан, ҳеч қачон бахтли бўла олмайди. Бу системада “ҳар қандай одам кимнингдир қули, ҳар қандай қул эса кимнингдир хўжайини” ҳисобланади.

Пулнинг қули бўлар экансиз, ҳеч қачон ўз ҳаётингизнинг хўжайини бўла олмайсиз. Қимор столида эса навбат кутиб турганлар кун сайин ортиб бормоқда.

© Телеграм асосчиси Павел Дуров

P.S.: Ҳозирда Павел Дуровнинг бойлиги 3,4 млрд долларни ташкил этади.

┄┅অঠই 🇺🇿 ইঠঅ┅┄
Ибрат излаганга — ибратдир дунё