Ибратдир дунё 🌙

Имкониятсизлик — энг катта имконият

• Фикримни оддий мисол билан тушунтираман. Ишхонамизга уйи яқин ходим доим энг кеч келар эди. Уйи энг узоғи доим ҳаммадан барвақт келиб турар эди. Бирида "кеч қоламан" деган қўрқув, бирида эса "улгураман" деган хотиржамлик бўларди.
• Айни шунинг учун ҳам одам ҳаётидаги имкониятлар унинг муваффақиятига тўсиқ бўлади.
• Сен камбағал оилада туғилсанг, бой бўлиш учун бой оилада туғилган бошқа бировдан кўўпроқ имкониятинг бор дегани. Фақат буни кўплар англай олмайди ва аввалги ҳолида қотиб қолади.
• Одамда тирик қолиш имкониятлари қанча кўпайса, жонини асрашга бўлган ҳаракатлар шунча камаяди ва натижада тирик қолиши борган сари хавф остида қолади.
• Шунинг учун тақдирнинг сенга берган имкониятсизликларидан унумли фойдалан.
• Зеро тақдирнинг сенга берган имкониятсизлиги тақдирнинг сенга берган имкониятидир!

©️ Вафо Мўмин

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

1. Йигирмага яқин улфатлар ўтириб маишат қилишяпти, ўртада пиширилган бутун қўй. Ноз неъматлар, дастурхонда қошиқ қўйгани жой йўқ...
Изоҳлар:
"Борарду", "Ош бўсин", "Маззами, силарга маззами". Шундай ҳавас билан изоҳ ёзган дўстларга гап йўқ, раҳмат!

2. Ўғил отасига иномарка электромобил совға қилди (юракни эзадиган куй, йиғи-сиғи, гуллар...).
Изоҳлар:
"Ҳаммани шунақа кунларга етказсин", "ҳавас қилдим", "машооллох"... Бундай изоҳлар учун ҳам РЕСПЕКТ! Бир иккита изоҳда: "кўз-кўз қилишинг шартми, видео қилиб"... Унга дарров қолганлар ташлашади, типа "ока, ҳавас қилинг уни ўрнига"...

3. Дубайдан расмлар. 5 юлдузли отел, оппоқ простиналар, чўлда иномаркада саёҳат, шоппинг дейдан прямой, Буракни ресторанида тановвул ва биргаликда тиржайган расм.

Изоҳлар юқоридаги изоҳлар каби ижобий. Негатив изоҳлар фақат Чорвоқдаги дачаларнинг қимматлиги, Ҳаво йўлларининг билетлари ва бошқа шу каби.

4. Данғиллама участкада тўй тараддуди. Келинни сеплари кўрсатилган. Сепни пулига яна битта шунақа участка беради.

Изоҳлар деярли 60 фоиз ижобий. Кўпчилик ҳавасда эканини ёзишади.

5. Бир мўмин умр бўйи топганини тўплаб, Ҳажга кетяпти. Видеода дуолар бўляпти, хайрлашяпти.
Изоҳлар:
"шуни ўрнига етимларга эҳсон қилса бўларди", "мактабни ремонтига бермидими, совоп бўлади", "маҳаллангга асфальт қил", "кўприк қурганни эшитувдим", "одамла савобданам узолашиб кетти"... Деярли 70 фоиз изоҳ шунақа.

Нега савобни фақат Ҳажга кетаётган одам қилиши керак. Ҳаммага буюрилгану. У нега пулини савоб ишларга сарфламай, ҳажга кетаётганини биласизми?

У мактабни ремонтига берса, кимдир ремонт пулини туя қилиб Дубайга кетяпти. Отасига машина оберяпти, маишат қилишяпти... Лекин бу ҳаммага тегишли эмас. Ҳалол йиғиб-териб қилаётганларам кўп. Омадини берсин.
Лекин интернетдаги ўқиганларингизга қаранг, "фалон амалдор фалон миллиард ўзлаштирворди", "Бюджетни пулидан фалон миллиард ўзлаштирганлар аниқланди". Пандемия вақти, ҳатто, ўша қийналганлар учун ташкил қилинган "Саҳоват" жамғармасининг маблағлари ҳам миллиардлаб ўзлаштирилди.

Ҳажни Аллоҳ фарз қилиб берган. Қодир бўлса, бориши фарз. Савоб ишлар фарз эмас, нафл. Қилмаса гуноҳ бўлмайди, қилса, марҳамати билан икки дунёда ажрини олади. Лекин тушуниб тушунмай, Ҳажга тўплаган пулини маҳаллани асфальтига сарфласа, ҳажи қабул бўлади, деб изоҳ ёзишяпти. Ҳатто, Ҳаж қилиб келган инсонни ҳажи қабул бўлиш бўлмаслигини Худо билади. Ҳажми — Ҳаж! Бу фарз! Худонинг фарзини аналоги йўқ! Бўлса Қуръонда ёзиб қўйган бўларди.

Шунинг учун зиммасидаги фарзини бажаришга отланган диндошларингизга маломат қилманг, уларга ҳам ҳавас қилайлик. Ҳаммамизни ҳам етказсин!

©️ Баҳриддин Асрор

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

Иш кунини бошламоқчи бўлган ходимларга ҳаётий маслаҳат.

1. Хонангизга ўнг оёқда "Бислмиллаҳи Роҳманир Роҳийм" деб киринг.

2. Ичкарида кимдир бўлишидан қатъий назар "Aссалому алайкум ва раҳматуллоҳ" деб салом беринг.

3. Иш жойингизга ўтиринг ва қўлингизни дуога очинг. Дуода эзгу тилаклар билдиринг. Aлбатта, Яратгандан ҳалол ризқлантиришини, ҳаромдан узоқ тутишини, ишингизга ривож, ризқингизга барака беришини, шармандаликдан сақлашини сўранг. Дуо сўнгида бир зам сура айтсангиз, фойдадан холи бўлмайди.

4. Иш жойингизни тартибга келтиринг.

Иш кунингиз хайрли ўтсин!

✍️ Вафо Мўмин

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

Бир донишманддан сўрашибди:
— Аллоҳ ҳар кимни қандайдир мақсад учун яратган бўлади. Хўш, ўша мақсадни қандай билиб олсак бўлади?
Донишманд жавоб қилибди:
— Аллоҳ ўша ишни бандага осон ва ёқимли қилиб қўяди.

Қилаётган ишингиз сизга мушкул ва ёқимсизми, демак бу сиз учун эмас!

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

Уйланмоқчи бўлсангиз, яхши аёлларни ахтарманг, балки яхши эркакларни ахтаринг. Яхши эркакларнинг уйларида яхши аёллар бўлади. Бу сўзнинг маъносини фақат озчиликкина тушунадилар.

Қизларингизни назорат қилинг, зеро арслонлар қўриқлаган дарахтга маймунлар осилмайдилар...

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓