"IB-Immunitet" A.F

❗️Андижон вилояти ҳокими ўринбосари қўлга олинган

Андижон вилояти ҳокими собиқ ўринбосари — вилоят инвестициялар, саноат ва савдо бошқармаси бошлиғи Ботиржон Ҳамроевга нисбатан қамоққа олиш эҳтиёт чораси қўлланган.

Унинг хонадонида ўтказилган текширувлар давомида бюджет маблағлари талон-торож қилиниши, мансаб ваколатини суиистеъмол қилиш ва бошқа ҳолатлар бўйича терговга чақиртирилган ва процессуал тартибда ушланган.

Уйдаги тинтув вақтида уч миллион доллар миқдоридаги маблағ топилган.

Ботиржон Ҳамроев 2019 йилдан буён вилоят ҳокими ўринбосари сифатида фаолият олиб бориб, октябр ойи бошида лавозимини тарк этган.

@IBimmunitet

ҲМҚО тизимидан ўз хоҳишига кўра кетган ходимлар нега ҳозир тизимга қайтгиси келмаяпти?

Сабаблари: ойликнинг кўп эмаслиги, маънавий муҳитнинг расволиги, қонун устуворлигини таъминлашнинг имкони йўқлиги, ноқонуний топшириқлар мавжудлиги, иш вақтининг чегараланмаганлиги, виждонли ходимларга кун йўқлиги ва ҳоказо.

@IBimmunitet

Исландия тўлиқ 4 кунлик иш ҳафтасига ўтди

Исландияда 4 кунлик иш ҳафтасига ўтиш орқали эришилган натижалар бутун дунёда иш режимига бўлган ёндашувни ўзгартиряпти. Бу мамлакатда 2015—2019 йиллар оралиғида ўтказилган кенг миқёсли тадқиқотлар 4 кунлик иш ҳафтаси нафақат ходимлар саломатлиги ва бахтиёрлиги, балки умумий иш самарадорлигини ҳам оширишини кўрсатди. Бугунги кунда мамлакат аҳолисининг 51 фоизи шу форматда фаолият юритяпти ва бу уларнинг турмуш сифатига ҳам сезиларли таъсир кўрсатяпти.

4 кунлик иш ҳафтасига ўтиш фақатгина Исландияда эмас, балки бошқа кўплаб давлатларда ҳам синовдан ўтказилган. Мисол учун, Испанияда ҳам ҳукумат ушбу ғояни қўллаб-қувватлаб, 2021 йилда тўрт кунлик иш ҳафтаси бўйича пилот лойиҳани йўлга қўйди. Бу дастур орқали ходимларга маошлари сақланиб, 4 кунлик иш графиги жорий қилинди.

Лойиҳага кўра, иш вақтларининг қисқариши ижобий натижаларга олиб келган ва бу формат ишчиларнинг саломатлигига ҳам ижобий таъсир кўрсатган. Шу билан бирга, Испаниянинг бир қатор компаниялари иш самарадорлигини ошириш учун ушбу режани қўллаяпти.

Японияда ҳам иш режимига нисбатан ўзгаришлар киритиляпти. Бу мамлакатда Google каби йирик компаниялар ходимларининг бахтиёрлигига эътибор қаратишяпти. Microsoft Япония эса 2019 йилда тўрт кунлик иш ҳафтасини синовдан ўтказиб, ходимлар самарадорлигида 40 фоизгача ошиш кузатди. Бу натижа Япония каби иш вақти узун бўлган давлатларда 4 кунлик иш ҳафтаси ҳақида жиддий ўйлаш зарурлигини кўрсатади.

Буюк Британияда эса бир қатор йирик компаниялар ўз ходимлари учун 4 кунлик иш ҳафтаси тажрибасини жорий қиляпти. Тадқиқотлар Британияда ҳам шунга ўхшаш натижаларни кўрсатяптм: ишчиларнинг саломатлиги яхшиланган, стресс даражаси пасайган, иш самарадорлиги эса аксинча ошган.

Бу форматни амалга ошириш, албатта, ўзига хос муаммоларни келтириб чиқариши мумкин, масалан, юқори даражадаги хизмат талаб қилинадиган соҳаларда иш вақтини қисқартириш баъзи логистик муаммоларни келтириши мумкин. Шунга қарамай, кўплаб давлатлар 4 кунлик иш ҳафтасига ўтишни қўллаб-қувватламоқда ва бу жараён ижтимоий ва иқтисодий ўсишга туртки бўлаётганини кўрсатмоқда.

@IBimmunitet

Ҳурматли ИИВ раҳбарлари, "шонли" ШХХБ ходимлари, ўзингиз 15-25 млн ойлик маош ола туриб, туман-шаҳардаги ходимларингиз 5-8 млн ойликка зўрға кун ўтказаётгани озгина бўлса ҳам виждонингизни қийнамаяптими?

Ходимларни ҳадеб "тадбир" бўлади деб қўрқитиб, оила аъзоларини чақириб, йиғилишлар ўтказиб, фотосессиялар қилиб, у ерда баландпарвоз гапларни гапириб, кунда-кунора пора олмаслик бўйича огоҳлантириб, тилхатлар олишни фойдаси йўқ.

Бу ишлар ҳудди оч қоринга чалинган сурнайга ўхшайди. Ходимлар энг аввало оддий инсон, робот эмас. Улар аввало оиласини боқиши керак, уларни едириб, ичириши керак. Уларнинг ҳам сизга ўхшаб орзу-ҳаваслари бор.

Сизлар миннат билан бераётган арзимаган ойлик бу ойдан кейинги ойга учма-уч етяпти холос. Сизлар буни барибир тушунмайсизлар. Қўрқитсак ёки яхши гапирсак ходимлар бировдан пул талаб қилмайди деб хато ўйлайсизлар.

Пора билан қўлга тушган ходимлар бўйича ҳам энг асосий айбдор аслида сизлар бўласизлар. Статистикани қаранг, аксар ҳолларда терговчи ёки бошқа ходимлар арзимаган 100-500 доллар билан қўлга олинмоқда. Бу тўқликка шўхлик эмас, балки ноиложликдан, ойлик маош етмаганликдан қилинган чорасизликдир. Минглаган ходимлар, айниқса юристлар тизимдан ўз хоҳишига кўра чиқиб кетгани ва кетаётгани сизларни ҳушёрликка чақирмаяптими?

Бунинг ўрнига, ходимларга етарлича шарт-шароитлар, муносиб иш ҳақини таъминлаб берсанглар, бу каби салбий ҳолатлар деярли содир бўлмайди. Талаб қилишдан олдин шароит яратиб бериш керак деган қоида ИИОга ҳам тегишли. Шундоқ ҳам пичоқ суякка қадалиб бўлган.

Сабр қилиш керак, шукур қилиш керак деган гаплар эскирди. Бу гаплар ходимлар тугул, уларнинг оила аъзоларини ҳам энсасини қотиряпти. Чунки, бошқа соҳаларда оддий хизматчилар ҳам, хатто устачилик билан кун кўрадиган инсонлар ҳам ходимлардан анча кўп пул топаётганини ходимлар жудаям яхши билиб, кўриб туришибди. Уларни тобора камайиб бораётган ғурури тизимда ушлаб турибди холос.

Мен бу гапларни қуйи поғонадаги ходимларни кўриб, билиб гапирдим. Бирорта гапимда озгина бўлса ҳам хусумат ёки муболаға йўқ. Ҳурматли раҳбарлар, "шарафли" ШХХБ ходимлари Сизларга инсоф ва уйғоқ виждон тилаб қоламан. Ходимларга эса сабр тилашдан бошқа чора йўқ.

👉@IBimmunitet

Диққат: скутердаги ҳуқуқбузарликлар учун ҳам жарималар белгиланди

Президент томонидан имзоланган янги қонунга кўра:

✅ скутерлар ва индивидуал ҳаракатланиш воситаларини бошқариб бораётган шахсларнинг йўл ҳаракатини тартибга солувчи сигналларга бўйсунмаслиги, устунлик берувчи, тақиқловчи ёки кўрсатма берувчи йўл белгиларига риоя этмаслик —

БҲМнинг учдан бир қисми миқдорида (125 минг сўм) жарима солишга сабаб бўлади.

✅ Скутер ва самокатларни белгиланган тартибда нур қайтаргичлар ва чироқлар билан жиҳозланмасдан ҳайдаса —

БҲМнинг иккидан бир қисми миқдорида (187 минг 500 сўм) жарима солинади.

✅ Индивидуал ҳаракатланиш воситаларининг ва скутерларнинг ҳайдовчилари одамларни ташиса —

БҲМнинг иккидан бир қисми миқдорида (187 минг 500 сўм) жарима солинади.

✅ Скутер ёки индивидуал ҳаракатланиш воситасини бошқариб бораётган шахснинг алкоголли ичимлик, гиёҳвандлик моддаси таъсирида ёки ўзгача тарзда маст бўлган ҳолда йўл ҳаракати қоидаларини бузиши —

БҲМнинг уч баравари миқдорида (1 млн 125 минг сўм) жарима солишга сабаб бўлади.

Ушбу қонун 28 ноябрдан эътиборан кучга киради.

@IBimmunitet

Sońǵı waqıtlarda orinlardagi prokurorlar hám olardıń orınbasarları tárepinen JKning 276 -statyası 2-bóliminde kórsetilgen jınayattı islegen shaxslarǵa qarata bile-tura qamaq tarizindegi bas sharasın qóllaw maqsetinde tergew shólkemlerine jınayat jumısın JKning 25, 273-statyasına qayta kvalifikatsiyalaw hám jınayat islegen  shaxstı qamaw boyınsha nızamǵa qarsı tapsırmalar beriw jaǵdayları kobeyip atirilganligi gúzetilip atır.

Bul ulıwma nızamǵa qayshi tapsırma. Usı ámeliyat adamgerchilikke de tuwrı kelmeydi. Nege degende, hár kim etken qılmısına muwapıq jaza alıwı kerek. Bunday nızamǵa qılap, ádilsiz tapsırmalar menen náshebentlikke qarsı gúresip bolmaydı.

Ókinish penen aytiwimiz kerek, bul sıyaqlı naxaq ustap turılǵan shaxslarǵa qarata qamaq tarizindegi bas sharasın qóllaw haqqındaǵı prokurorlardin sudqa kirgizgen iltimasnamalari ǵárezsiz bolmaǵan, prokuraturanıń sizgan sızıǵınan shıqpaytuǵın sud'yalar tárepinen tolıq qánaatlantirilmaqda. Sud bolsa atina " spektakl'" ushın bolıp ótpekte.

Sudtin ozi qamaq tarizindegi bas sharasın tańlaw tuwrısındaǵı isti (sanktsiya) kóriw waqtinda hámme: tergewshi, prokuror, qorǵawshı, sud'ya, hátte qamaqqa alinilip atarilgan shaxs da JKning 25, 273-statyasında kórsetilgen jınayat belgileri joq ekenligin, bul prokurordin nızamǵa qarsı talabı boyınsha ámelge asırılıp atırǵanın, sudta jinayat isi  JKning 276 -statyası 2-bólimine qayta kvalifikatsiyalap, shaxs sud zalidan azat etiliwin biladi.

Bıraq, sud prokuraturanıń basımınan qorqıp, iltimasnamada qanday kórsetilgen bolsa, tap sonday qilip uygariwga kóshirip, iltimasnamani qánaatlantirip qoyadi.

Mine nege ǵárezsiz, ádalatlı sud sistemasınıń ornı juda úlkenligi. Egerde sud ǵárezsiz bolǵanda, bul sıyaqlı nızamǵa qılap tapsırmalardı biykar etip, shaxslarǵa qarata qollanǵan bul túrdegi bas  sharalardı basqa túrdegi bas sharasına ózgertirgen, bul sıyaqlı absurd ámeliyatqa shek qoyılǵan bo'lar edi. Buǵan bıraq talay qawın pisigi bar. Sol orında prokurorlar ham tergewshilerge eki awız sóz.

Húrmetli prokurorlar ham tapsirma orinlawshi quwirshaq tergewshiler sizler joqarıdaǵı sıyaqlı jaǵdaylarda qamawǵa tapsırma berip atırǵan waqtıńızda, sol jınayat islegen shaxslardı ornına ózińizdi bolmasa da, hesh bolmasa jaqınlarıńızdı, shańaraq aǵzalarıńızdı qoyıp kóriń.

@IBimmunitet

Мантия кийиш ихтиёрийми, ёҳуд интизомни бузиш ҳам ҳуқуқбузарлик

Ўзбекистон Республикаси
Судьялар олий кенгашининг
2024 йил 15 майдаги 1903-сонли қарори билан тасдиқланган "Судьялар одоби кодекси" нинг 8-моддасида Судья одил судловни жорий этилган намунадаги махсус кийим (мантия)да амалга ошириши шартлигини белгилаб қўйилган.

"Судлар тўғрисида" ги Қонуннинг 74-моддасига кўра эса, "Судьялар одоби кодекси" талабларини бузганлик судьяни интизомий жавобгарликка тортиш учун асос бўлади.

Демак, суд мажлисини мантиясиз олиб боришга интизомни бузиш, деб қаралиши лозим. Ҳар қандай суд мажлиси ортидан бундай судья (лар) га нисбатан хизмат текшируви ўтказилиши ҳамда интизомий жавобгарлик масаласи кўриб чиқилиши шарт.

Бу Қонун талаби.

@IBimmunitet

❗️“Ўзбекистон Республикаси Вазирлар Маҳкамаси тўғрисида”ги Конституциявий Қонун қабул қилинди

Унга кўра,

Вазирлар Маҳкамаси – ижро этувчи ҳокимиятнинг олий органи бўлиб, иқтисодиётнинг, ижтимоий ва маънавий соҳаларнинг самарали фаолият кўрсатишига раҳбарлик қилишни, Конституция ва қонунлар, Олий Мажлис палаталари қарорлари, Президент фармонлари, қарорлари ва фармойишлари ижросини таъминлайди.

Вазирлар Маҳкамаси Ўзбекистонда ижро этувчи ҳокимиятнинг ягона тизимига раҳбарлик қиладиган коллегиал органдир.

Вазирлар Маҳкамаси ўз фаолиятида Олий Мажлис ва Президент олдида жавобгардир.

Республика ижро этувчи ҳокимият органларининг яхлит тизимига вазирликлар, қўмиталар, агентликлар ва инспекциялар киради.

Вазирлар Маҳкамаси Ўзбекистон Ҳукуматининг аъзолари – Бош вазир, унинг ўринбосарлари ва вазирлардан иборатдир. Қорақалпоғистон Республикаси ҳукуматининг бошлиғи Вазирлар Маҳкамаси таркибига ўз лавозими бўйича киради.

@IBimmunitet

⚡️⚡️ҲУШХАБАР

Камбағал оилаларга фоизсиз ссуда (қарз) ажратилади

Президентнинг “Камбағалликдан фаровонлик сари” дастурини амалга ошириш бўйича биринчи навбатдаги чора-тадбирлар тўғрисида”ги қарори қабул қилинди.

Унга кўра:

▪️ўн кун муддатда ҳар бир туман ва шаҳарнинг ихтисослашувидан келиб чиқиб, саноат, қишлоқ хўжалиги ҳамда хизмат кўрсатиш соҳаларида тадбиркорликнинг ривожланишига туртки берувчи 5 тадан «драйвер» лойиҳалар рўйхатини тасдиқланади ва уларга зарур инфратузилмани яратиш учун Давлат бюджетидан 2024-2025 йилларда 1 триллион сўм маблағ ажратилади;

▪️оилавий тадбиркорликни ривожлантириш, «Бизнесга биринчи қадам» дастурлари ҳамда микромолия ташкилотлари орқали жорий йил якунигача 4 триллион сўм, 2025 йилда 15 триллион сўм кредитлар ажратилади;

▪️10 кун муддатда субсидиялар турларини мақбуллаштириш ва мазкур мақсадлар учун кўзда тутилган маблағлар ҳажмини камайтирмаган ҳолда камбағал оилаларга фоизсиз ссуда ажратиш тартиби бўйича таклифлар киритилади;

▪️маҳаллаларда камбағал оилани аниқлаш, уни Камбағал оилалар реестрига киритиш, камбағалликдан чиқаришга қаратилган чораларни кўриш, реестрдан чиқариш жараёнлари «маҳалла еттилиги» томонидан ҳамкорлик асосида амалга оширилади;

▪️камбағал оилаларга — даромадли меҳнат фаолияти билан банд қилиш ва тадбиркорликка жалб қилиш йўналишида ҳоким ёрдамчиси, ижтимоий хизмат ва ёрдам кўрсатиш, соғлиқни сақлаш ва таълим йўналишларида — ижтимоий ходим ҳамроҳлик қилади;

▪️50 минг гектар ер майдонини камбағал оилаларга 30 йилгача ижарага берилади. Ер майдонларини ижарага бериш бўйича электрон онлайн аукцион савдоларини «маҳалла еттилиги»нинг тавсияси билан камбағал оилалар ўртасида ўтказилади ва ер майдонларини ижарага бериш бўйича электрон онлайн аукцион савдолари ғолибларига ер участкаси нархини 10 йил муддатга тенг улушларда фоизсиз бўлиб-бўлиб тўлашга рухсат берилади.

▪️АТ «Халқ банки», «Микрокредитбанк» АТБ бириктирилган раҳбарларнинг хулосаси асосида:

➖ камбағал оилаларга ноутбук сотиб олиш учун 5 йил муддатга 2 йил имтиёзли давр билан гаровсиз ва фоизсиз қарз ажратади;

➖ тадбиркорлик фаолиятини бошлаш учун қиймати 30 млн сўмгача бўлган кичик ишлаб чиқариш ускуналари, кўчма дўконлар (food truck), мотороллер, скутер ва шу каби бошқа асосий воситаларни сотиб олиш учун 5 йил муддатга бўлиб-бўлиб тўлаш шарти билан гаровсиз ва фоизсиз қарз ажратилади.

Қорақалпоғистон Республикаси, вилоятлар ва Тошкент шаҳри, туман (шаҳар) ташкилотларининг 14 мингта раҳбарлари ва уларнинг ўринбосарларининг ҳар бирига ҳар 6 ойда 5 тадан энг оғир аҳволдаги камбағал оилалар бириктирилади.

➖ улар ҳар ойда икки марта ўзига бириктирилган оилалар билан учрашиб, камбағалликдан чиқариш бўйича индивидуал режада белгиланган чоралар амалга оширилишини таҳлил қилади, юзага келган муаммоларни аниқлайди ҳамда уларни жойида бартараф этиш чораларини кўриб боради.

➖ улар ҳар ойда бир марта ўзига бириктирилган маҳаллаларга бориб, чора-тадбирларда белгиланган вазифалар амалга оширилишини таҳлил қилиб, юзага келган муаммоларни аниқлайди ва уларни жойида бартараф этиш чораларини кўради.

▪️2024-2025 йилларда республика даражасидаги давлат идоралари раҳбарлари ва уларнинг ўринбосарлари энг оғир аҳволдаги 1 000 та маҳаллага бириктирилади.

▪️Камбағал оилалар ва маҳаллаларга бириктирилган раҳбарларга зиммасига юклатилган вазифаларни бажариш доирасида тегишли ташкилотнинг фойдаси ва бюджетдан ташқари маблағларидан фойдаланишга рухсат этилади. Бунда кўмак кўрсатиш фақат камбағал оилалар ўз даромадини ошириши, фарзандларининг таълим олиши ва оила аъзоларининг соғлиғини тиклаши ва яшаш шароитини яхшилаши билан боғлиқ бошқа мажбуриятларни бажарган тақдирда амалга оширилади. Ушбу маблағлар ҳисобидан камбағал оилаларга моддий ёрдам кўрсатиш тақиқланади.

👉 @IBimmunitet

Адвокатурага ўтаётган кадрларнинг камида 50 фоизи – ИИВ, прокуратура, суд ва бошқа давлат органларидаги ишини ташлаб келаётган ёшлар, аксари ҳали 30 га тўлмаган!

Ўзбекистонда адвокатлик касбини давлат хизматидан афзал кўраётган кадрлар сони тобора кўпаймоқда. Давлат органлари социал лифтлар, меҳнат ҳуқуқи талаблари яхши ишламаслиги ва юклама ҳаддан зиёдлиги сабабли юридик соҳалар меҳнат бозоридаги монополиясини бой беряпти. АП Тошкент шаҳар бошқармаси ҳузуридаги малака имтиҳони комиссияси раиси Раззоқ Алтиев “Advokat” журнали билан суҳбатда шундай фикр билдирди.

“Илгари комиссия одатда 3 ойда икки марта имтиҳон ўтказилар, ҳар бирида тахминан 20 нафардан талабгор қатнашарди ва уларнинг аксари – ёши катта, пенсияга чиққан ёки қонун билан муаммоси бўлган собиқ ходимлар бўларди. Ҳозир талабгорлар жуда кўп: бир ойда икки марта имтиҳон ташкил қилинади ва ҳар бирида тахминан 25 нафардан – жами 50 кишининг билимига баҳо берамиз. Улардан ўртача 70 фоизи имтиҳонларни муваффақиятли топширади.

Биласизми, адвокатурага ўтаётган ана шу кадрларнинг камида 50 фоизи – ИИВ, прокуратура, суд ва бошқа давлат органларидаги ишини ташлаб келаётган ёшлар, аксари ҳали 30 га тўлмаган. Улар адвокатурага янги қон бўлиб қўшилиб, соҳани ёшартиришяпти. Мана, яқинда Адлия вазирлиги бир маълумотни эълон қилди: Ўзбекистонда адвокатларнинг ўртача ёши 40 ёшга тушибди, ҳолбуки бир неча йил аввал бу кўрсаткич, адашмасам, 50 ёш эди...”,
дейди Раззоқ Алтиев.

@IBimmunitet

Хакыйкат созлер!!!

ИИВ қандай экан деганларга:
❗Йўқотилган соғлиқ.
❗Моддий етишмовчиликлар
❗Заифлашган иймон.
❗Доимги негатив, босим, стресс.
❗Ҳеч қандай шахсий ҳаёт йўқлиги.
❗Бой берилган ёшлик.
❗Оила учун вақт йўқлиги.
❗Уйдан узоқда.
❗Эрталабдан то ярим тунгача ишлаш.

ва бу ҳали ҳаммаси эмас. Бу билан ИИВда ишлаш ҳамма учун азоб экан демоқчи эмасман. Булар қуйи бўғинда ишловчи ходимларга тегишли.

"Танка"си борлар, пули борлар учун ва юқори бўғин учун бу гапларни кўп ҳам алоқаси йўқ. Улар барча имтиёзлардан, рағбатлантиришлардан тўлиғича фойдаланишади.

Айнан улар қуйи бўғиндагиларни ношукурликда айблаб, сабр қилишга, ҳаммаси яхши бўлиб кетишига ишонтирмоқчи бўлишади ва қора меҳнат қиладиган одамлардан кўра кўпроқ ойлик олаётганларини писанда қилиб, шукур қилишга чақиришади. Ваҳоланки, бу гапларга ходимлар ишонмай қўйганига анча бўлганини билишмайди. Тушунган тушунди.

@IBimmunitet

🇷🇺 Владимир Путин Қозондаги BRICS саммити якунлари бўйича матбуот анжумани ўтказди

Россия президентининг матбуот анжуманида билдирган фикрларидан асосий иқтибослар:

◾️BRICS'нинг 16-саммити муваффақиятли якунланди;

◾️ BRICS'нинг янги аъзолари биргаликда ишлаш ва натижага эришиш мумкинлигини англаб етди;

◾️ Россия ўз муаммоларини ўзи енгади;

◾️ BRICS ёпиқ ташкилот эмас, у ўз қадриятларига эга бўлган ҳамма учун очиқ;

◾️ BRICS ҳеч нарсага, жумладан SWIFT'га муқобил тизимларни яратмайди;

◾️ Украинадаги можаро имкон қадар тезроқ ва тинч йўл билан тугатилишини таъминлашни барча қўллаб-қувватлайди;

◾️ Шимолий Корея раҳбарияти ўзаро келишувларимизни жиддий қабул қилишига ҳеч қачон шубҳа қилмаганмиз;

◾️ Россия ва АҚШ ўртасидаги муносабатлар Трамп даврида қандай йўлга қўйилиши Вашингтоннинг ўзига боғлиқ, танлов келажакдаги маъмуриятда;

◾️ Трамп билан суҳбатларда унинг бизга таҳдид қилгани ҳақида эслолмайман;

◾️ Россияга таҳдид қилишнинг маъноси йўқ, бу бизни фақат хурсанд қилади;

◾️ Украинадаги кескинликка Россиянинг ҳаракатлари эмас, балки 2014 йилги давлат тўнтариши сабаб бўлди;

◾️ Россия армияси фронтнинг барча қисмларида олдинга силжийди;

◾️ Суверенитетимизни мустаҳкамлаш ҳам хавфсизлигимизни оширишни англатади;

◾️ Мен учун энг муҳими Россия хавфсизлиги эканлигини айтди;

◾️ Россиянинг Ғарб давлатларида тартибсизликлар келтириб чиқараётгани ҳақидаги баёнотлар бемаънилик, бундай тартибсизликлар ушбу давлатларнинг сиёсати натижасидир;

◾️ Президент Мадуро Венесуэладаги сайловда адолатли ғалаба қозонганига ишонамиз;

Россия Яқин Шарқдаги кескинликдан стратегик жиҳатдан ҳеч нарса ютмайди;

◾️ Ўтган йили қарши ҳужум пайтида Украинанинг йўқотишлари 16 000 кишини ташкил этди. Шунингдек, Украина Курск йўналишида 26 000 аскарини йўқотди;

◾️ Украинада ҳарбий ҳолатнинг бекор қилиниши сайловлар ўтказиш заруратига олиб келади, мамлакатнинг амалдаги ҳукумати бунга тайёр эмас;

◾️ Туркия орқали Украина билан музокаралар ўтказиш бўйича таклифлар олгандик ва рози бўлгандик, бироқ эртаси куни Зеленский бунга рад жавобини берган эди;

◾️ Украинанинг жанг майдонидаги йўқотишларини айтишдан кўра, музокаралар столига ўтирган маъқул;

◾️ Биз ер юзидаги жорий воқеликлардан келиб чиққан ҳолда тинчлик келишувининг ҳар қандай вариантини кўриб чиқишга тайёрмиз;

🔥 @IBimmunitet