Ўйлашимча?

“Метан заправкалар” ҳозирги режимда ишлашда давом этиши белгиланди.

Яъни, уларнинг фаолияти ҳудудлардаги талаб ҳамда газ қувурларидаги босимдан келиб чиққан ҳолда йўлга қўйилади - Энергетика вазирлиги

@o'ylashimcha

❗️Президент Фармони билан:

2025 йил 1 мартдан бошлаб ёлғиз она (ота)га бир нафар фарзанди учун бола(лар) 3 ёшга тўлгунига қадар мактабгача таълим хизматидан фойдаланиш учун БҲМнинг 1 ярим бараваригача (562 минг 500 сўмгача) миқдорда моддий ёрдам берилади.

Бунда моддий ёрдам эгизакларнинг ҳар бири учун берилади.

@o'ylashimcha

Геосиёсий ўйинда кичик давлатларнинг тақдири

Бугунги дунёда геополитик рақобат тобора кескинлашмоқда. Катта давлатларнинг манфаатлари тўқнашаётган ҳудудларда эса кичик давлатлар энг қийин танловлар олдида қолмоқда: мустақил йўлни танлашми ёки йирик кучларнинг орбитасида ҳаракат қилишми?

Кўп ҳолларда кичик давлатлар икки йирик куч ўртасида сиқилиб қолади. Агар мустақил сиёсат юритса, санкциялар ёки дипломатик босимга учраши мумкин. Агар кимнингдир қанотига ўтиб олса, эркин қарор қабул қилиш имкониятидан маҳрум бўлади. Шу сабабли баъзи давлатлар «кўп векторли сиёсат»ни танлайди – яъни ҳар икки томон билан яхши алоқада бўлишга ҳаракат қилади. Бироқ бу стратегия ҳам ҳар доим ишлайвермайди. Чунки глобал майдонда асосий ўйинчилар кичик давлатларнинг нейтраллигига доимо шубҳа билан қарайди.

Тарихий мисоллар кўплаб нарсаларни ўргатади. Масалан, ХХ асрда Скандинавия давлатлари нейтраллик сиёсатини танлаб, катта урушлардан четда қолишга ҳаракат қилган. Бироқ Финляндия ва Швеция охир-оқибат НАТОга қўшилишга мажбур бўлди. Демак, нейтраллик ҳам баъзан узоқ муддатда иш бермаслиги мумкин.

Бугунги халқаро сиёсатда кичик давлатлар ўз суверенитетини сақлаб қолиш учун қандай йўл тутиши керак? Уларнинг танлови мустақил сиёсат юритиш ва иқтисодий жиҳатдан ўзига таянишдир. Лекин бу фақат кучли дипломатия ва стратегик иттифоқларга асосланган ҳолда амалга ошади.

@o'ylashimcha

Дунёда урушлар, иқтисодий инқирозлар, давлат тўнтаришлари ва инқилоблар доимо бўлиб келган. Лекин кўпинча бу жараёнлар табиий эмас, балки пухта режаланган бўлади. Катта давлатлар ўз манфаатларини ҳимоя қилиш учун нозик сиёсий механизмлар орқали бошқаларга таъсир ўтказади.

Бугунги кунда катта давлатлар очиқ урушга киришмайди. Ўрнига, улар иқтисодий санкциялар, ахборот урушлари, киберҳужумлар ёки ички ихтилофларни қўзғатиш орқали таъсир кўрсатади. Масалан, айрим давлатларда норозилик намойишлари ва сиёсий инқирозлар ташқи кучлар томонидан молиялаштирилиши ёки бошқарилиши мумкин.

Кўп ҳолларда мамлакатлар мустақил қарор қабул қилаётгандек кўринади, лекин аслида уларнинг сиёсий йўналишини ташқи кучлар белгилайди. Катта давлатлар ўзлари учун қулай бўлган етакчиларни қўллаб-қувватлайди, молиявий ёрдам беради ёки керак бўлса, уларни алмаштиради.

Бугунги дунёда урушлар нафақат жанг майдонида, балки оммавий ахборот воситаларида ҳам олиб борилади. Ким ахборотни назорат қилса, у одамларнинг фикрини ҳам назорат қила олади. Фейк хабарлар, пропаганда ва ижтимоий тармоқлардаги махсус операциялар орқали катта давлатлар ўз рақибларини обрўсизлантириши ёки хоҳлаган фикрни оммага сингдириши мумкин.

Кўпчилик уруш қуроллар билан олиб борилади деб ўйлайди, лекин энг кучли қурол – иқтисодиёт. Катта давлатлар рақибларини иқтисодий босим остида ушлаб туриш учун халқаро банк тизимлари, савдо санкциялари ва энергетика ресурсларидан фойдаланади. Бирор давлат халқаро молиявий тизимдан узиб қўйилса, у ўз-ўзидан инқирозга учрайди.

Ҳозирги дунёда бирор давлат мустақил бўлиб қолиши жуда қийин. Ҳар қандай сиёсий жараён ортида геосиёсий манфаатлар ётади. Шунинг учун бугун халқаро майдонда содир бўлаётган ҳар бир воқеага чуқурроқ қараш керак: бу ҳақиқий халқ истаги натижасими ёки катта давлатларнинг ўйиними?

@o'ylashimcha

Энг яхши тўлов бу нақд тўлов.

Бўлиб тўлаш, насия ҳалол, “рассрочка” ва яна алламбало тўловлардан фақат ютқазасиз.

Нақдиз бўлмаса сабр қилинг, пул жамғариб кейин олинг.

@o'ylashimcha

❗️Тунги иқтисодиёт ривожлантирилади

Пойтахтдаги 26 та кўчани туну-кун ишлайдиган гавжум кўчага айлантириш, 24 соат ишлайдиган савдо нуқталарини мингтага кўпайтириш мумкинлиги кўрсатиб ўтилди.

Туристлар билдирган фикрларни инобатга олиб, туризм ва сервис жойларини кечқурун ҳам ишлайдиган қилиш кераклиги таъкидланди.

@o'ylashimcha

❗️Банкларнинг девелоперлардан мулкларни тўғридан-тўғри сотиб олиш ва тадбиркорларга қулай шартларда ижара ёки лизингга бериш таклифи маъқулланди.

Мутасаддиларга девелоперлар билан ишлаб, нотурар жойларни ўзига бириктирилган соҳаларда лизингга бериш бўйича 4 триллион сўмлик лойиҳалар пакетини тайёрлаш топширилди.

@o'ylashimcha