Hurfikr.uz

“Жа…аб” суд қарори билан оммавий муомалага кирадими?

Шу кунларда журналист Анора Содиқованинг Тошкент вилояти ҳокимлиги ахборот хизмати вакили Мирсаид Ҳайдаров устидан киритган даъвоси Фуқаролик ишлари бўйича Шайхонтоҳур туман судида кўриб чиқилмоқда. Анора Содиқованинг маҳакамага киритган даъвосига жумладан, Ҳайдаровнинг журналист ва блогерларга нисбатан “журножалаблар” жумласини ишлатгани ҳам сабаб бўлган.

Агар яқин орада эълон қилинадиган суд қарори билан “журнолабалар” жумласи ҳақорат эмас дея топилса ва уни ишлатган блогер жазоланмайдиган бўлса, демак, “жа…аб” сўзини ҳақорат бўлмаган сўз сифатида бемалол истеъмолга киритиш мумкин бўлади. Эҳтимол, ОАВ вакилларига нисбатан лексиконида доимий тарзда қўллаб келаётган Ҳайдаров бу сўзни патентлаштириб ҳам олар.

Хуллас, дўстлар, яқин кунларда сиз-у, бизни жуда муҳим жараёнлар кутиб турибди. Агар “жа…аб” сўзи ишни кўраётган ҳурматли судямиз томонидан ҳақорат эмас дея топиладиган бўлса, уни жамиятда истаган соҳа вакилларига нисбатан мамнуният билан ишлатавериш мумкин бўлади. Масалан, … Энди буёғи сизга ҳавола.

Илёс Сафаров

https://t.me/Hurfikruznews

АҚШ Демократик партияси аъзолари Трамп ва Зеленский ўртасидаги баҳсга муносабат билдирди - BBC

Конгрессдаги демократлар Оқ уйда бўлиб ўтган учрашув борасида якдил фикрда ва Трамп ҳамда Вэнснинг Зеленский билан тортишувини "Путинга ёрдам" ёки "уни ҳайратда қолдириш учун уриниш" дея баҳоламоқда.

"Трамп ва Вэнс Путиннинг ифлос ишларини бажармоқда. Сенатдаги демократлар ҳеч қачон эркинлик ва демократия учун курашишдан тўхтамайди", — дея таъкидлади Сенатдаги демократлар етакчиси Чак Шумер.

"Оқ уйда Украина президенти билан бўлиб ўтган учрашув даҳшатли якунланди. Бу фақатгина Владимир Путинни, шафқатсиз диктаторни янада илҳомлантиради. Қўшма Штатлар Россия тажовузини рағбатлантирмаслиги ва Путинни тинчлантириш сиёсатини давом эттирмаслиги керак", — дея муносабат билдирди Вакиллар палатасидаги демократлар етакчиси Ҳаким Жеффрис.

"Оқ уйда содир бўлган воқеа – Россиянинг золим диктаторига ёрдам бериш ва Америка хавфсизлигини заифлаштириш учун уюштирилган тузоқ эди. Трамп Путиннинг қўғирчоғига айланди, Америка эса демократия ўрнига диктаторлар тарафини олиш орқали глобал қудратини йўқотмоқда. Бу шармандалик!", — дея фикр билдирди Трампнинг ашаддий танқидчиларидан бири ҳисобланувчи сенатор Крис Мерфи.

https://t.me/Hurfikruznews

Трамп ва Зеленский учрашуви ҳақида дунёни фикри:

• Калифорниялик сенатори Адам Шифф: Бугун Оқ уйда бир қаҳрамон ва бир қўрқоқ учрашди. Учрашув тугагач, қаҳрамон ўз ватанига – Украинага қайтади.

• "Биз Европа ва Бирлашган Қиролликка янада яқинроқ бўлишимиз керак," – Канада Ташқи ишлар вазири Мелани Жоли.

• Сенатор Берни Сандерс: Трамп демократик давлат етакчиси Зеленскийни танқид қилмоқда, у эса Россия босқинига қарши жасорат билан курашмоқда. Шу билан бирга, Трамп 80 йилдан бери Европадаги энг қонли урушни бошлаган диктатор Путин билан иттифоқчилик қилмоқда. Кечирасиз, президент Трамп, биз авторитаризмни эмас, демократияни қўллаб-қувватлаймиз.

• Сенатор Линдсей Грем: Мен бутунлай тушкунликка тушдим.

• Трампнинг собиқ миллий хавфсизлик бўйича маслаҳатчиси Жон Болтон: Трамп ва Венс Россия–Украина урушида ўзларини Россия томонида эканликларини эълон қилишди. Бу Америка миллий хавфсизлиги учун ҳалокатли хато.

• АҚШ Давлат департаменти Украинадаги энергия тармоғини тиклаш бўйича ёрдамни тўхтатмоқда - NBC News

• Швеция бош вазири: Биз Украина биланмиз, улар нафақат ўзларининг озодлиги, балки бутун Европа учун курашмоқда.

• Европа Иттифоқининг ташқи сиёсат бўйича раҳбари Кажа Каллас: Украина – бу Европа! Биз Украина билан биргамиз. Биз Украинага қўллаб-қувватлашимизни янада кучайтирамиз, шунда улар тажовузкорга қарши курашни давом эттира олади. Бугун эркин дунёга янги етакчи кераклиги аниқ бўлди. Бу биз, европаликларнинг, зиммасига тушадиган масъулият.

• Молдова президенти: Ҳақиқат оддий. Россия Украинага бостириб кирди. Россия – тажовузкор. Украина ўз эркинлигини – ва бизнинг эркинлигимизни ҳимоя қилмоқда. Биз Украина билан биргамиз.

• Нидерландия ташқи ишлар вазири Велдкамп: Нархи қандай бўлишидан қатъи назар, Украинани тўлиқ қўллаб-қувватлашимизни тасдиқлайман.

• Макрон: Уруш бошланганидан бери жанг қилаётганларга чуқур ҳурмат бажо, чунки улар нафақат ўз қадр-қиммати ва мустақиллиги, балки бутун Европа хавфсизлиги учун курашмоқда.

• Минтақамиз учун синовли кунлар келмоқда. Трамп Европа ва уч йил давомида 170 млрд доллар сарфлаган Украинани Путин учун шундоққина қурбон қилиб юбормоқчи бўлар экан, Трамп Туркистон учун киприк қоқиб ҳам қўймайди - Bayroqdor

https://t.me/Hurfikruznews

Трамп ва Зеленский ўртасидаги суҳбат муддатидан олдин якунланди

Асосий воқеалар:

Трамп -

Бизнинг қуролларимизсиз уруш тез тугарди

Зеленский -

Уч кун. Мен бу ҳақда Путиндан эшитганман.

Трамп -

Ё сиз келишувга имзо чекасиз ё биз ўйиндан чиқамиз.

Трамп Зеленский ҳақида:

Сиз унинг Путинга бўлган нафратини кўряпсиз. Бундай нафрат билан келишувга эришиш мен учун жуда қийин. Унда жуда катта нафрат бор.

Зеленский:

Путин сулҳни бузди. У бизнинг одамларимизни ўлдирди. У асирларни алмашмади. Биз алмашув бўйича келишув имзоладик, лекин у буни бажармади. Сиз қандай дипломатия ҳақида гапиряпсиз?

Венс (Вице-президент):

Сизнинг Оқ уйга келиб, бу масалани Америка матбуоти олдида муҳокама қилишингизни ҳурматсизлик деб биламан.

Трамп

:
Бизнинг мамлакатимизга нисбатан ҳурматсизлик кўрсатяпсиз. Биз сиз ютмаётганингизни билами

з.
Тра

мп:
Мен ўртадаман, мен ҳам Украина, ҳам Россия томонида

ман.
Му

хбир:
Агар Россия сулҳни бузса нима бў

лади?

Трамп:
Агар ҳозир сизнинг бошингизга бомба келиб

тушсачи

?
Трамп:
Зеленский Америкага нисбатан ҳурматсизлик қилди. У қачон тинчликка рози бўлса, ўшанда қайтиб келиши

мумкин.
Доналд Трам

п баёноти:
Бугун Оқ уйда жуда муҳим учрашув бўлиб ўтди. Кучли босим ва баҳс-мунозаралар остида ўтган бу мулоқотсиз айрим нарсаларни тушунишнинг иложи йўқ эди. Ҳис-туйғулар орқали қандай ҳақиқатлар юзага чиқишини кўриб ҳайратда қолдим.

Мен Президент Зеленский тинчликка тайёр эмас деган хулосага келдим. Унга кўра, агар Америка воситачилик қилса, бу унга музокараларда катта устунлик беради. Мен эса устунликка эмас, ТИНЧЛИККА интиламан.

У АҚШнинг ҳурматга лойиқ Оқ уйида ўзини ҳурматсиз тутди. У фақат тинчликка тайёр бўлгандагина яна кел

иши мумкин.

https://t.me/Hurfikruznews

РЎЗАНГНИ БУЗИБ ҚЎЙМА

  Амалларни чиройли суратда адо этмасдан, рўзангни бузиб қўйма.
— Намозингни зое қилиш орқали рўзангни бузма.
— Садақа улашмасдан, рўзангни бузма.
— Ҳиссиётга берилиб, бошқаларни сўкиш орқали рўзангни бузма.
— Меҳмондорчиликни кўпайтириб, рўзангни бузма.
— Кўп гапириб ва чақимчилик қилиб, рўзангни бузма.
— Ота онангга оқ бўлиб, рўзангни бузма.
— Кўзингни номаҳрамларга қаратиб, рўзангни бузма.
— Папиросга таслим бўлиб, рўзангни бузма.
— Вақтингни зое қилиб, рўзангни бузма.
— Ҳижобингга бепарво бўлиб, рўзангни бузма.
— Қариндошлардан алоқани узиб, рўзангни бузма.

"Рамазон ҳикматлари"дан

https://t.me/Hurfikruznews

Қонун одамига қараб ишлайдиган давлатда яшаётганимизга кўникишдан бошқа иложимиз йўқ!

2022 йилда  МИБнинг Самарқанд вилоят бошқармасида инспектор бўлиб ишлайдиган бир йигит онкологик касалликка чалинган фарзандини (озгина вақтдан кейин у вафот этган) шошилинч равишда Москвага олиб чиқишига тўғри келади.
Табиийки, вақт тиғизлигидан четга чиқишга махсус рухсатни олишга улгурмайди. Бироздан кейин унинг устидан жиноят иши қўзғатишиб, суд ҳукми билан жазо ҳам қўллашади.

Ҳукм чиқаришга асосни қаранг!
Бош прокурорнинг давлат рўйхатидан ўтказилмаган бир буйруғи ва Президентнинг чет эл хизмат сафарларини тартибга солиш ҳақидаги қарори (мен айтаётган шахс хизмат сафарига чиқмаган) шахсни жиноий жавобгарликка тортиш учун етарли экан.

Бу хатти-ҳаракат учун ҳукм қилинганлар ҳақида илгари ҳеч эшитмаганим учун уни оқлаттиришга роса ҳаракат қилдим. Фойдаси бўлмади.
Олий суд раисининг биринчи ўринбосари И.Муслимов ҳам жазо тўғри қўлланилган деб топди.
Ваҳоланки, 2018-2023 йилларда бу каби қилмиш учун ундан бошқа бирор шахс судланмаган экан.

Кеча кўп йиллар мамлакатимизнинг махсус хизматини бошқарган, бугунги кунда ҳам юксак бир лавозимда ўтирган бошқа бир шахснинг Вануату давлатининг “олтин паспорти”ни олганлиги ҳақидаги хабарни эшитдик. У бугун ҳам қўриқланадиган бир бинодаги кабинетида мазза қилиб ўтирибди.

Кун бўйи эсимдан фарзандини даволатишга олиб борган ўша йигит чиқмади.

https://t.me/Hurfikruznews

2025 ЙИЛ УЧУН ЗАКОТ, ФИТР ВА ФИДЯ МИҚДОРИ

Ўзбекистон мусулмонлари идораси Фатво марказининг милодий 2025 / ҳижрий 1446 йилги Рамазон ойи учун закот нисоби, фитр садақаси ва фидя миқдори бўйича қарори қабул қилинди, унга кўра:

Закот нисоби
Ўзбекистон мусулмонлари идораси Фатво маркази бу йилги Рамазон ойи учун закот нисобини 85 грамм 585 пробали тилланинг қийматидан келиб чиқиб  61 200 000  (олтмиш бир миллион икки юз минг) сўм деб белгилади.

Шунга кўра, кимда зарурий эҳтиёжидан ташқари камида 61 200 000 (олтмиш бир миллион икки юз минг) сўм қийматидаги пул маблағи ёки ушбу қийматдаги савдо-тижорат моли бўлса, жами маблағининг қирқдан бири (2,5%)ни закот ниятида ҳақдорларга беради.

Фитр садақаси миқдори
Фитр садақасининг миқдори қуйидагича белгиланди:
2 кг буғдой унидан – 10 000 (ўн минг) сўм;
4 кг арпадан – 16 000 (ўн олти минг) сўм;
2 кг майиздан – 110 000 (бир юз ўн минг) сўм;
4 кг хурмодан – 180 000 (бир юз саксон минг) сўм деб белгиланди.

Ҳар ким ўз имкониятига қараб ушбу тўрт маҳсулотдан хоҳлаган бири ёки  унинг қийматини фитр садақаси ниятида берса кифоя қилади.

Фидя миқдори
Бир кунлик фидя миқдори фитр садақанинг миқдори билан бир хил бўлади.

Шундай экан, ҳар ким ўз имкониятига қараб ушбу тўрт маҳсулотдан хоҳлаган бири ёки  унинг қийматини фидя ниятида берса кифоя қилади.

Ўзбекистон мусулмонлари идораси Фатво маркази

https://t.me/Hurfikruznews