Aндижон вилояти Санитария эпидемиологик осойишталик ва жамоат саломатлиги қўмитаси|Расмий канали

📢 Bozorlarda oziq-ovqat xavfsizligi nazorat ostida!

Sanitariya-epidemiologik qo‘mitasining asosiy maqsadi – aholining sog‘lig‘ini himoya qilish va xavfsiz muhitni ta’minlashdir. Shu sababli bozorlarda oziq-ovqat mahsulotlarining sifati va saqlanish sharoitlarini muntazam ravishda nazorat qilish muhim ahamiyatga ega.

✅ Sanepidqo‘mita Andijon viloyat boshqarmasi Baliqchi tuman bo‘limi mutaxassislari tomonidan oziq-ovqat xavfsizligini ta’minlash maqsadida bozorlar sanitariya qoidalariga mos ravishda o‘rganildi.

🔍 Tadbir davomida:
🔹 Savdoga qo‘yilgan mahsulotlarning saqlash sharoitlari o‘rganildi;
🔹 Ishlab chiqarish sanasi va mahsulot sifati tekshirildi;
🔹 Sotuvchilarning sanitariya talablariga rioya qilishi nazorat qilindi;
🔹 SSVning 200-son buyrug‘i asosida sotuvchilarning tibbiy ko‘rik daftarlari ko‘zdan kechirildi;
🔹 Bozor radiouzeli orqali yuqumli kasalliklarning oldini olish bo‘yicha ma’ruzalar o‘qildi.

📌 Xavfsiz oziq-ovqat – sog‘lom hayot garovi! Har bir fuqaro iste’mol qilayotgan mahsulotining sifati va gigiyena talablariga javob berishiga e’tibor qaratishi lozim.

✅ Sizning salomatligingiz biz uchun muhim!

📢 Sanitariya-epidemiologik xavfsizligi bo‘yicha muhim tadbir!

Sanitariya minimum kursi – bu turli sohalarda ishlovchi xodimlarga sanitariya-gigiyena qoidalarini o‘rgatish va ularning kasbiy faoliyatida sog‘liq uchun xavfsiz muhit yaratish maqsadida tashkil etilgan maxsus o‘quv kursidir. Ushbu kurs orqali xodimlar gigiyena, sanitariya me’yorlari va kasbiy xavfsizlik qoidalari bo‘yicha bilimlarini oshiradilar.

✅ Sanepidqo‘mita Andijon viloyat boshqarmasi Qo‘g‘ontepa tuman bo‘limi mutaxassislari tomonidan Qorasuv shahri 5-MTT (Maktabgacha ta’lim tashkiloti)da faoliyat yurituvchi xodimlar uchun sanitariya minimum kursi bo‘yicha tushuntirish ishlari olib borildi.
👩‍⚕️🧑‍🏫 Tadbir davomida:
🔹 Ish joyida tozalik va gigiyenani ta’minlash bo‘yicha muhim qoidalar tushuntirildi;
🔹 Bolalar salomatligini himoya qilishda sanitariya qoidalariga rioya qilishning ahamiyati ta’kidlandi;
🔹 Xodimlarning savollariga javob berilib, amaliy tavsiyalar berildi.
📌 Bolalar salomatligi va xavfsizligi – barchamizning ustuvor vazifamiz! Shu sababli sanitariya minimum kursi xodimlar uchun juda muhim bo‘lib, u bolalar muassasalarida gigiyena qoidalariga qat’iy rioya qilishga xizmat qiladi.
✅ Tozalik – sog‘liq garovi!
#SanitariyaMinimum #SoglomKelajak #Sanepidqom #Gigiyena

🛡 Poliomiyelit – bu poliovirus sababli yuzaga keladigan oʻta yuqumli virusli kasallik boʻlib, asosan bolalar va immuniteti zaif odamlarga taʼsir qiladi. Kasallik markaziy asab tizimini zararlaydi va baʼzan falajga, hatto oʻlimga olib kelishi mumkin.

📌 Kasallikning tarqalishi
✅ Poliomiyelit virusining yuqishi asosan fekal-oral yoʻl (iflos qoʻllar, suv, oziq-ovqat orqali) yoki tomchi-infektsiya (yoʻtalish, aksirish) orqali sodir boʻladi. Virus ichakka tushib, qon orqali butun organizmga tarqaladi.

✅ Belgilari
➡️ Koʻp hollarda kasallik yengil shaklda yoki simptomsiz kechadi.

✅ Ammo baʼzi hollarda
➡️ Dastlabki belgilar:
🔹isitma,
🔹bosh ogʻrigʻi,
🔹charchoq,
🔹koʻngil aynishi,
🔹tomoq ogʻrigʻi

➡️ Ogʻir holatlar:
🔹mushaklarda kuchsizlanish,
🔹reflekslarning pasayishi,
🔹ogʻriqlar

➡️ Falaj shakli (kamdan-kam hollarda):
🔹oyoq-qoʻllarda falaj,
🔹nafas olish qiyinlashishi

✅ Profilaktika va davolash
➡️ Hozirgi kunda poliomiyelitga qarshi maxsus davo usuli yoʻq, lekin emlash bilan uni oldini olish mumkin.

✅ Poliomiyelit vaksinalari (OPV va IPV) dunyo boʻylab kasallikni kamaytirishda muhim rol oʻynaydi.

❗️ Poliomiyelit juda xavfli boʻlishi mumkin, ammo vaksinatsiya orqali kasallik butunlay oldini olish mumkin. Shu sababli, bolalarni emlash juda muhim.

🦠 Yuqumli kasalliklarning oldini olish – har birimizga muhim!
📍 Andijon viloyatida targ‘ibot ishlari davom etmoqda!
"Mustaqillik" MFYda Sanepidqo‘mita Andijon shahar xodimlari mahallabay ishlash reja asosida ish olib borib, aholi orasida yuqumli kasalliklarning oldini olish bo‘yicha tushuntirish ishlari o‘tkazdi.
🔍 Tadbirda nimalar muhokama qilindi?
✅ Gepatit turlari – qanday yuqadi va qanday himoyalanish kerak?
✅ Gripp va O‘RVI – mavsumiy kasalliklardan o‘zimizni qanday asrash mumkin?
✅ Quturish – hayvonlar orqali yuqadigan xavfli kasallik va uning oldini olish choralari.
✅ Botulizm – noto‘g‘ri saqlangan oziq-ovqatlar sabab yuzaga keladigan kasallik haqida muhim ma’lumotlar.
✅ Emlanish – vaksinatsiyaning ahamiyati va uni o‘z vaqtida olish zarurligi.
📢 Tadbir davomida mutaxassislar tomonidan aholiga maxsus eslatmalar tarqatildi va profilaktika bo‘yicha foydali maslahatlar berildi.
👨‍⚕️ Eslatma:
✅ Qo‘llarni tez-tez yuvish va shaxsiy gigiyenaga rioya qilish
✅ Yuqumli kasalliklarning dastlabki belgilarida shifokorga murojaat qilish
✅ Emlash tadbirlarida faol ishtirok etish – salomatlik kafolati!
📍 Sog‘lom hayot sari birgalikda qadam tashlaymiz!
#Profilaktika #SoglomHayot #Sanepidqomita

⚠️ QUTURISH – XAVFLI KASALLIK⚠️
📍 Ulug‘nor tumanida muhim seminar o‘tkazildi!
Sanitariya-epidemiologik osoyishtalik va jamoat salomatligi qo‘mitasi Andijon viloyat boshqarmasi Uug‘nor tumani, FVB, Veterinariya va Obodonlashtirish boshqarmasi xodimlari hamkorligida "QUTURISH – XAVFLI KASALLIK" mavzusida o‘quv-amaliy seminar tashkil etildi.
🔬 Nima uchun bu muhim?
Quturish – o‘limga olib keluvchi xavfli kasallik bo‘lib, u asosan hayvonlardan insonlarga yuqadi. Ushbu seminar davomida mutaxassislar kasallikning oldini olish choralari, ehtiyot bo‘lish lozim bo‘lgan vaziyatlar va tibbiy yordam haqida tushuntirish berdi.
📢 Seminarda nimalar muhokama qilindi?
✅ Quturish qanday yuqadi va uning asosiy belgilari
✅ Hayvonlar bilan ehtiyotkor bo‘lish qoidalari
✅ Vaksinatsiyaning ahamiyati
✅ Favqulodda vaziyatlarda qanday yo‘l tutish kerakligi
👨‍⚕️ Mutaxassislar tavsiyasi:
📌 Yovvoyi va uy hayvonlari bilan ehtiyotkor munosabatda bo‘ling!
📌 It va mushuklaringizni quturishga qarshi emlashni unutmang!
📌 Hayvon tishlashi yoki tirnashidan so‘ng darhol shifokorga murojaat qiling!
⚠️ Eslatma: Quturish kasalligidan faqat vaksina orqali himoyalanish mumkin! O‘z vaqtida chora ko‘rish hayotingizni saqlab qolishi mumkin!
📍 Salomatlik – o‘z qo‘limizda!
#QuturishgaYoq #Xavfsizlik #Profilaktika

🛡 OPV vaksinasi – bolajonlarimizni poliomielitdan himoya qiladi!
📢 Hurmatli ota-onalar! Farzandingizning sog‘lig‘i va kelajagi siz uchun muhim ekanini bilamiz. Shuning uchun OPV (Og‘zaki poliomielit vaksinasi) haqida sizga muhim ma’lumot beramiz!
👶 OPV nima?
OPV – bu poliomielitga qarshi og‘zaki tomchi shaklida beriladigan vaksina bo‘lib, u bolani umrboqiy falajlikdan himoya qiladi.
🔬 Nima uchun OPV kerak?
✅ Poliovirus havo-tomchi yo‘li va ifloslangan suv yoki oziq-ovqat orqali yuqishi mumkin.
✅ Kasallikdan faqat vaksina orqali himoyalanish mumkin.
✅ OPV tabiiy immunitetni shakllantirib, kasallik tarqalishini oldini oladi.
📅 Vaksina qachon qilinadi?
OPV milliy emlash kalendariga muvofiq 2, 3, va 4 oylikda, shuningdek, revaksinatsiya sifatida 16-18 oylikda va 6 yoshda beriladi.
🛑 OPV xavfsizmi?
Ha, OPV – bu dunyo bo‘ylab millionlab bolalarni falajdan saqlab qolgan ishonchli vaksina. U JSST tomonidan tavsiya etiladi va yurtimizda ham mutaxassislar tomonidan tasdiqlangan.
❗️ Farzandlaringiz sog‘lig‘i – sizning eng katta boyligingiz! Ularni poliomielitdan himoya qilish uchun belgilangan muddatda emlashni unutmang!
📍 Batafsil ma’lumot uchun mahalliy poliklinikalarga yoki Saepidqo‘mita rasmiy manbalariga murojaat qiling.
#VaksinaHimoya #OPV #PoliomielitgaYoq

⚠️ Bolalar o‘yinchoqlari: gigienik talablar va xavfsizlik qoidalari ⚠️

Farzandlarimizning sog‘lom o‘sishi va xavfsiz o‘yin o‘ynashi har bir ota-onaning eng katta orzusi. Ammo ba'zan, bolajonlarimiz qo‘liga tushayotgan o‘yinchoqlar ularning sog‘lig‘iga xavf tug‘dirishi mumkin. Shu sababli, O‘zbekistonda bolalar o‘yinchoqlari gigienik talablar asosida sinovdan o‘tkazilib, maxsus me’yorlarga muvofiqligi tekshiriladi.
✅ Bolalar o‘yinchoqlari uchun gigienik talablar
🔹 Tarkib xavfsiz bo‘lishi shart
O‘yinchoqlar tarkibida bolalar organizmiga zarar yetkazishi mumkin bo‘lgan zaharli kimyoviy moddalar (formaldehid, fenol, qo‘rg‘oshin, simob va boshqalar) bo‘lmasligi kerak.
🔹 Yoshga mos kelishi lozim
O‘yinchoq har bir yosh toifasi uchun xavfsiz bo‘lishi, o‘tkir qirralar yoki bo‘g‘ilish xavfini tug‘diruvchi kichik detallarni o‘z ichiga olmasligi kerak.
🔹 Hid va bo‘yoq sifatiga e’tibor bering
Sifatsiz bo‘yoqlardan foydalanilgan yoki keskin hid tarqatadigan o‘yinchoqlar bolalarda allergik reaksiyalar yoki intoksikatsiyani keltirib chiqarishi mumkin.
🔹 Mexanik mustahkamlik
O‘yinchoq sindirilganda, uning parchalari bolaga jarohat yetkazmasligi yoki uni yutib yuborish xavfini tug‘dirmasligi kerak.
🔹 Gigienik tekshiruvdan o‘tgan bo‘lishi kerak
Har qanday bolalar o‘yinchoqlari sanitariya-epidemiologik xulosa bilan tasdiqlangan bo‘lishi, belgilangan me’yorlarga mos kelishi lozim.
❗ Noto‘g‘ri tanlangan o‘yinchoqlar qanday xavf tug‘diradi?
⚠️ Allergiya va teri kasalliklari
⚠️ Nafas olish yo‘llariga zarar yetkazish
⚠️ Zaharlanish yoki intoksikatsiya
⚠️ Jismoniy jarohatlar
✨ O‘yinchoq tanlashda ota-onalarga maslahatlar
✔️ Sertifikatlangan va gigienik nazoratdan o‘tgan mahsulotlarni tanlang
✔️ Tabiiy, ekologik xavfsiz materiallardan yasalgan o‘yinchoqlarga ustunlik bering
✔️ Yaroqlilik muddatini va ishlab chiqaruvchi haqidagi ma’lumotni tekshiring
✔️ O‘yinchoq bolangiz yoshiga mos kelishiga e’tibor bering
❗️Sanepidqo‘mitasi Andijon viloyati noshqarmasi sifatli va xavfsiz mahsulotlar tanlanishini tavsiya etadi! Farzandlaringizning salomatligi biz uchun muhim!
#BolalarSalomatligi