Hazratali.uz

❗️TEMU Ўзбекистонда 20 мартдан бошлаб чекланади

Истиқболли лойиҳалар миллий агентлиги бугун, 4 мартдан бошлаб TEMU орқали ҳеч нарсага буюртма бермасликни тавсия қилди.

Агар буюртма қилинган бўлса, тўловни қайтаришни ташкил этиш тавсия этилган.

@Hazratali_uz

Суд тизимига бўлаётган норозилик асосан судьяларнинг қўпол муомаласи ортидан келиб чиқмоқда.

Менимча, судьяларнинг устидан бериладиган аксар шикоятларга уларнинг тарафлар билан бўлган қўпол ва номақбул муомаласи сабаб бўлмоқда.

Баъзи судьялар юзага келган муаммони тарафларга ҳушмуомалалик билан тўғриликча тушунтирса, ўша тараф, у фуқаро бўладими, адвокатми ёки ташкилот вакилими ҳеч қандай эътироз билдирмасдан кетади. Лекин баъзилардаги кибр ва манманлик ҳаммасини йўққа чиқаради.

Фикримча, одамларда судларга бўлаётган эътироз ва норозиликнинг асосий қисми кичик-кичик муаммолардан келиб чиқади. Бироқ, айрим судьяларнинг тарафлар билан қўпол ва номақбул муносабати ўша кичик муаммоларни жиддий тус олишига сабаб бўлади.

Мисол учун, фуқаро адвокати бошқа вилоятда эканини айтиб, судни масофадан ўтказишни илтимос қилди дейлик. Шу вақтда судья вазиятни борича тушунтириб, ҳозирда онлайн суд хонаси бандлигини ва шу сабабли судни бошқа кунга қолдириши мумкинлиги айтса, ҳаммаси жойида бўлади. Ҳеч кимда эътироз бўлмайди. Лекин манман ва кибрли судья муаммони борича тушунтириш ўрнига қўполлик билан онлайн суд ўтказиш ҳақида бир кун олдин ариза берилмагани ва тўлов тўланмаганини айтиб, фуқарога тўнғиллайди. Натижада, ўша фуқарода ва унинг бошқа вилоятда турган адвокатида бирдан норозилик юзага келади ва дарров шикоят ёзишга киришади.

Бир масалага икки хил ёндашувни кўряпсиз-а? Натижаси ҳам кўриняпти-а?

@Hazratali_uz

‼️‼️‼️"АЁЛЛАР ДАФТАРИ"ДА ТУРГАНЛАРНИНГ КОНТРАКТ ТЎЛОВИНИ МАЪЛУМ ҚИСМИ ТЎЛАБ БЕРИЛАДИ

📝📝📝 Ҳукуматнинг 2022 йилдаги 145-сон қарорида,

✅ Ўзбекистондаги олий таълим муассасаларида таҳсил олаётган (Таълим шаклидан қатъий назар) “Аёллар дафтари”га киритилган эҳтиёжманд хотин-қизлар ёхуд уларнинг олий таълимда таҳсил олаётган икки ва ундан ортиқ фарзандларининг бир нафарига бир маротаба БҲМнинг 15 бараваригача (5 625 000 сўмгача) тўлов-контрактини тўлаб берилиши мумкинлиги белгиланган.

⚡️⚡️⚡️Қўшимча маълумот:

👉 Ушбу имтиёздан фойдаланиш учун Оила ва хотин-қизлар давлат қўмитасига мурожаат қилининади;

👉 Маблағ «Аёллар дафтари» жамғармаси томонидан ажратилади;

👉 Маблағ ажратилишига кўмаклашувчи масъул ҳоким ёрдамчиси хисобланади.

@Hazratali_uz

‼️‼️‼️АЛИМЕНТ ТЎЛАШ ҚАЧОН ТЎХТАТИЛАДИ ?

⚡️САВОЛ;
🖥🖥🖥Суднинг ижро хужжатига асосан ундириладиган алимент тўлаш мажбурияти қандай ҳолларда тугатилади ?

⚡️ЖАВОБ;
📖📖📖Оила кодексининг 147-моддасига асосан, суд тартибида ундириладиган алимент тўлаш:

✅ бола вояга етганда ёки вояга етмасдан туриб тўла муомала лаёқатига эга бўлганда;

✅ фойдасига алимент ундирилаётган бола фарзандликка олинганда;

✅ суд алимент олувчининг меҳнатга лаёқати тикланган ёки уни ёрдамга муҳтож бўлмай қолган деб топганда;

✅ меҳнатга лаёқатсиз, ёрдамга муҳтож алимент олувчи собиқ эр ёки хотин янги никоҳга кирганда;

✅ алимент олувчи ёки алимент тўлаши шарт бўлган шахс вафот этганда тугатилади.

@Hazratali_uz

☝️Тавсия!

⚖️ Тошкент давлат юридик университетининг Жиноят ҳуқуқи, криминология ва коррупцияга қарши курашиш кафедраси катта ўқитувчиси Отабоев Бобурнинг шахсий Telegram канали ишга тушди!

👨‍⚖️ Каналда Жиноят ҳуқуқи ва бошқа ҳуқуқий масалалар бўйича қизиқарли таҳлиллар, янгиликлар ва фикрлар ёритиб борилади.

📌 Жиноят ҳуқуқини яхши тушунишни истайсизми? Ҳуқуқий билимингизни оширишни хоҳлайсизми? Унда ҳозироқ обуна бўлинг!

🔗 Каналга ўтиш: @jinoyathuquqi_b_otaboev

⭕️⭕️⭕️Камбағал оилалар реестрига киритилган оилаларга коммунал хизматлар (газ, электр, сув) бўйича қарздорлик қоплаб берилади.

💵💵💵Мазкур ёрдам бир йилда кўпи билан икки марта куз-қиш мавсумида (1 октябрдан 15 мартга қадар) БҲМнинг 5 бараваригача миқдорда кўрсатилади.

@Hazratali_uz

♾♾♾Янги турдаги молиявий ёрдамлар жорий этилади

📖📖📖 Қарорга кўра, “Камбағалликдан фаровонлик сари” дастурида белгиланган вазифаларни амалга ошириш учун қуйидаги янги турдаги молиявий ёрдамлар жорий этилади:

👉 озодликдан маҳрум этиш жазосини ўтаб бўлган фуқароларга улар томонидан тадбиркорлик, меъморчилик, ҳунармандчилик каби йўналишлардаги аниқ лойиҳалар амалга оширилиши учун меҳнатга ҳақ тўлашнинг энг кам миқдорининг 10 бараваригача миқдордаги субсидиялар;

👉ўзини ўзи банд қилмоқчи бўлган ишсиз фуқароларни ёки камбағал оилалар аъзоларини касаначи сифатида ишга олган тадбиркорларга уларнинг айланма маблағларини тўлдириш учун ҳар бир жалб қилинган касаначи учун БҲМнинг 10 бараваригача миқдордаги 3 йилгача муддатга фоизсиз ссудалар;

👉камбағал оила аъзоларига ўз фаолиятини бошлаши учун зарур бўлган асбоб-ускуналарни харид қилишга БҲМнинг 50 бараваригача миқдордаги 6 ойдан 3 йилгача муддатга фоизсиз ссудалар;

👉камбағал оилаларга деҳқончилик ва боғдорчилик ташкил қилиш учун деҳқон хўжаликларига сув қудуқларини бурғилаш, насос агрегатларини сотиб олиш, томчилатиб суғориш тизимини ўрнатиш ва электр тармоқларини тортиш учун 6 ойлик имтиёзли давр билан БҲМнинг 200 бараваригача миқдордаги 5 йилгача муддатга фоизсиз ссудалар;

👉маҳаллаларнинг ихтисослашуви ва драйвер йўналишларидан келиб чиқиб, ўз тажрибасини 10 тагача камбағал оилаларга ўргатган ва уларга доимий даромад манбаига эга бўлишига кўмаклашган тадбиркорларга ҳар бир камбағал оила учун БҲМнинг 3 баравари, бироқ БҲМнинг 30 бараваригача миқдордаги грантлар.

@Hazratali_uz

ЖК 243-моддасини энди барча тергов органлари тергов қилиши мумкин

Мулк (пул маблағлари ёки бошқа мол-мулк) жиноий фаолият натижасида топилган бўлса, уни ўтказиш, мулкка айлантириш ёхуд алмаштириш йўли билан унинг келиб чиқишига қонуний тус бериш — жиноий фаолиятдан олинган даромадларни легаллаштириш ҳисобланади (ЖК 243-моддаси).

Ушбу жиноятга доир ишлар бўйича дастлабки тергов ички ишлар органларининг терговчилари томонидан амалга оширилиши лозимлиги, амалиётда эса бу моддани асосан прокуратура ва ДХХ терговчилари қўллашаётганлиги, бу билан ЖПК талаблари бузилаётганлиги, жиноят ишларини тергов органлари ўртасида тақсимлашга оид 345-моддани ЖПКдан чиқариб юборса ҳам бўлавериши ҳақида мана бу постимизда тўхталган эдик.

2025 йил 26 февраль кунги қонун билан ЖПКнинг 345-моддаси 7-қисмига ўзгартириш киритилиб, ЖКнинг 243-моддасида назарда тутилган жиноят тўғрисидаги ишлар бўйича дастлабки терговнинг иш қўзғатган дастлабки тергов органи томонидан амалга оширилиши белгиланди.

Масалан, “Шаффоф” бренди асосичларига нисбатан ДХХ терговчиси томонидан 2022 йил 22 март куни ЖКнинг 184-моддаси 3-қисми, 243-моддаси билан жиноят иши қўзғатилган ва ўша пайтда ЖКнинг 184-моддаси 3-қисми тергови прокуратурага, 243-модда ички ишлар терговига тегишли бўлганига қарамай, дастлабки тергов ДХХ терговчилари томонидан олиб борилган ва терговда тўпланган далиллар асосида айблов ҳукми ўқилган.

Ҳолбуки, ЖКнинг 184-моддаси 3-қисми ёки 243-моддасида назарда тутилган жиноятларга доир ишларни ДХХ терговчиларига бериш учун ЖПКнинг 345-моддаси 11-қисмида назарда тутилган 5 та жиддий важ мавжуд бўлиши керак эди (масалан, агар жиноят ишининг тергови тегишли бўлган органнинг раҳбари ёки раҳбарнинг яқин қариндоши иш юзасидан жабрланувчи, гумон қилинувчи ёхуд айбланувчи, фуқаровий даъвогар ёки фуқаровий жавобгар деб топилган бўлса ва б.).

Мана эндигина жиноят ишини қўзғатган 4 та дастлабки тергов органининг ҳар бири ЖКнинг 243-моддасида кўрсатилган жиноятга оид ишни тергов қилиши мумкин бўлмоқда.

Бизда жиноят-процессуал жараёнлар жуда қизиқ: қонун ҳали ваколат ва рухсат бермасдан туриб иш юритамиз, кейин эса қонунийлаштирамиз.

@Hazratali_uz

"Qonunni buzganingda jarima to'laysan, amal qilganingda esa soliq"

©️Ayman Yog'iy