ТАҒО ТАЙМ

Odatda ozimizga oynadan qaraganda, old tomonimiz, ya'ni to‘g‘ridan ko‘rinishimiz ko‘zga tashlanadi.

Lekin, bizning to‘laqonli qiyofamiz aslida shundangina iborat emas. Ha, odam o‘zi haqida faqat to‘g‘ri va ideal tasavvurga ega bo‘ladi. Lekin, boshqa rakurslarda qanday ko‘rinishga egaligini ko‘pam bilavermaydi.

Aslida har qanday narsaga chetdan qaraganda farqli jihatlar ko‘rinadi. Lekin bizda o‘zimizga chetdan qarash xususiyati yo‘q.

Aslimiz haqida haqiqatni bilish uchun ham atrofimizda bizni turli rakurslarda kuzatadigan odamlarning qarashlarini o‘rganish muhim.

Hammaning emas, yaqinlar, do‘stlarning va dushmanlarning(!) siz haqingizdagi tasavvurini bilib qo‘yaverish kerak.

Keyin bu xulosalardan o‘zingizni ularga moslash emas, balki ularni o‘zingizga moslashda foydalanish kerak...

@hamzajumayev

Menimcha bu insoniyat tarixidagi eng muhim fotosurat. Bu 1990 yilda Voyager 1 zondi tomonidan 6 milliard km masofadan olingan Yer sayyorasining surati. Keyinchalik, ushbu fotosuratdan ilhomlanib, fizik Karl Sagan shunday yozgan:

“Bu nuqtaga yana bir nazar tashlang. U o‘sha yerda. U bizning uyimiz. U bizmiz. Siz sevgan har bir inson, siz bilgan har bir kishi, siz eshitgan har bir kishi, mavjud bo'lgan har bir inson unda o'z hayotini o'tkazdi. Azob-uqubatlar, minglab dinlar, mafkuralar va iqtisodiy ta'limotlar, har bir ovchi va terimchi, har bir qahramon va qo'rqoq, har bir sivilizatsiya yaratuvchisi va vayron qiluvchisi, har bir shoh va dehqon, har bir kishi. Bu erda sevishgan juftliklar, har bir ona va ota, har bir yorqin bola, ixtirochi va sayohatchi, har bir axloq o'qituvchisi, har bir yolg'on siyosatchi, har bir "super yulduz", har bir "eng buyuk rahbar", bizning urug‘imiz, tarixidagi har bir avliyo va gunohkor yashagan. Mana shu quyosh nurida akslangan tashlandiq joyda...

Yer ulkan kosmik maydondagi juda kichik sahnadir. Unda sarkardalar va imperatorlar shon-shuhrat va zafar ilinjida qisqa muddat qum donasiga ega bo'lishlari uchun to'kilgan qon daryolari haqida o'ylab ko'ring. Bu nuqtaning bir burchagida yashovchilarning boshqa burchakning zo'rg'a kun ko‘rayotgan aholisiga qilgan cheksiz shafqatsizligi haqida o'ylab ko'ring. Ular o'rtasida qanchalik tez-tez kelishmovchiliklar paydo bo'lishi, ular bir-birlarini o'ldirishga intilishlari, nafratlari qanchalik issiq ekanligi haqida fikrlang.

Bizning turishimiz, tasavvurimizdagi ahamiyatimiz, koinotdagi imtiyozli maqomimiz haqidagi illyuziya - bularning barchasi mana shu rangpar yorug'lik nuqtasida ro‘y beradi. Bizning sayyoramiz - bu kosmik cheksizlikdagi yolg'iz chang zarrasi. Bu ulkan bo'shliqda bizni jaholatdan qutqarish uchun kimdir yordamga kelishiga ishora yo'q.

Yer hozirgacha hayotni qo'llab-quvvatlashga qodir bo'lgan yagona dunyodir. Boshqa boradigan joyimiz yo'q - hech bo'lmaganda yaqin kelajakda. Unda vaqtincha hozir bo‘la olamiz xolos. Mustamlaka qilishga qodir emasmiz. Xohlaysizmi yo'qmi, shu Yer endi bizning uyimiz.

Aytishlaricha, astronomiya kamtarlikni shakllantiradi va xarakterni mustahkamlaydi. Ahmoqona takabburligimizning shu mitti dunyomizning bu rasmidan ko'ra, yaxshiroq namoyishi bo'lmasa kerak. O‘ylaymanki, bu bizning mas’uliyatimizni oshiradi, bir-birimizga mehr-oqibatli bo‘lish, yagona uyimiz – rangpar ko‘k nuqtani asrab-avaylashdek burchimizni eslatib turadi”.

@hamzajumayev

Оқлов масаласида суд бошланганини хабар қилган эдим. Жараённи ёнимда ва масофадан туриб яқинларим,  дўстларим, ҳамкасблар кузатиб боришмоқда. Барчаларига чуқур таъзимдаман.

Жараёнда маълум бўлдики,  бу иш бўйича бир нечта оқлов бор экан.  Бу умидимни орттиряпти. 

"Bukva zakona"  фирмаси адвокатлари бор билим ва кучини сафарбар этмоқда.  Хуллас,  ҳозирча барчаси рисоладагидек.

Илтимосномамизга биноан суд керакли шахсларни сўроқ қилди.  Жараён музокара босқичига келди.  Тез кунда қарор қабул қилинади.

Катта умид ва ишонч билан кутяпман...

@hamzajumayev

#insonqadri #jiddiypost

Мен бу кунни 15 йилдан ортиқ куттим...

Кимдир билар, кимдир билмас, бир замонлар бир иш доирасида жавобгарликка тортилганман. Иш тафсилотларига чуқурлашмоқчи эмасман. Бўлган иш бўлди. Хуллас, “керак бўлса столбага ҳам айб қўйиб қамайдиган” замонлар эди. (Бу ҳақда бир мажлисда Президент ҳам айтган) Бир муддат жамиятдан четлаш(тирил)дим.

...Орадан вақтлар ўтди. Ниҳоят, замон ўзгариб, янги бошқарув сиёсати туфайли “қора рўйхат”дан чиқарилдим. 2017 йил (орадан 8 йил ўтиб) ишимга қайта тикландим. Аввалгидан ҳам кўпроқ натижаларга эришиб келмоқдаман ва бунга чексиз шукр қиламан. Ватанимга, халқимизга хизмат қилиш шарафидан насибадорман!

Ўтган йили kun.uz да бир маълумотга кўзим тушди. Унда айтилишича, Ўзбекистонда 2007-2015 йилларда судлар томонидан 688 354 нафар шахсга нисбатан 498 730 та жиноят иши кўриб чиқилиб, атиги 110 нафар шахс оқланган. 2016-2022 йиллар ва 2023 йилнинг биринчи ярим йиллигида эса 457 823 нафар шахсга нисбатан 352 842 та жиноят иши кўриб чиқилган ҳамда 5 304 нафар шахсга оқлов ҳукми чиқарилган. (Айни кундаги рақамлар бундан кўпроқ)

Юқоридаги рақамлар -- инсон қадри, унинг ҳақ-ҳуқуқларини тиклаш борасида чинакам инқилобий бурилишдан дарак. Яқиндагина орадан аср ўтиб номи оқланган жадид боболаримиз ҳақида ўқиганда қувондик. Мана шу ишлар менга ҳам умид бағишлади ва ушбу қарорга келишимга туртки бўлди.

Оқловга ариза бердим... Жуда кўпчилик билан маслаҳатлашдим. Сенга шу керакми, биров сенга бир нарса деяптими, ишинг бўлса, ҳаётинг изига тушган бўлса, деганлар ҳам бўлди. Ишимдан хабардор адвокатлар, дўстларим эса, албатта ариза бер, оқланиш эҳтимолинг катта, арзирли айбловнинг ўзи йўқ, дейишмоқда.

Халқимизда “Қорнимга эмас, қадримга йиғлайман” деган гап бор. Мен фарзандларим келажаги, авлодларим шаъни, яна бошқа баъзи омиллар туфайли шунга қарор қилдим. Жадид боболарим кутган кунлар менга кўзим очиқлигида насиб қилиб турган экан, нега фойдаланмай? Онам дуо қилиб турибдилар, нимадан қўрқай?

Балки, нимагадир эришарман, ёки аксинча, нимадир йўқотарман. Ҳаммасини чамалаб кўрдим. Йўқотадиганларим қадримдан, шаънимдан устун эмаслигини тушундим. Адвокатим билан судга қилган мурожаатим қабул қилинди. Суд 27-июн кунига белгиланди. (Касб байрамимизга тўғри келаётгани балки тасодифдир, балки бунда бир рамз бордир, билмайман...)

Асосийси, ҳаётим учун муҳим бу жараёнда оилам, яқинларим, дўстларим, ва жамоатчиликнинг қўлловига ва суднинг адолатига ишонаман! Натижа кутилганидек бўлса албатта сиз билан хурсандчилигимни баҳам кўраман.

P.S. Ушбу пост фақатгина менинг масаламга дахлдор. Олдиндан нимадир башорат қилувчи, бошқалар ва менинг шаънимга тегувчи изоҳлар ўқишни истамаган бўлардим. Ҳар ким ўзидан ўтганни ўзи билади. Мени қўллаб-қувватловчиларга таъзимдаман!

@hamzajumayev

Жўрабек Ўроқов билан узоқ йиллик дўстлигимиз бор. Самимий, оқкўнгил, фидойи ва меҳнаткаш йигит.

Банк соҳасида ҳар қандай мавзуда ундан маслаҳат оламан. Ҳар доим осон ва самарали ечимлар бера олган.

Алоқабанк бошқаруви раиси ўринбосари бўлганини ўқиб жуда севиндим. Бухоронинг асл фарзандига Бухоронинг буюкларидек мақом тилайман!

@hamzajumayev

Biznesda hammasi birinchi qadamga bog‘liq!

Birinchi qadamni biz bilan tashlang.
"Biznesni rivojlantirish banki" "Biznesga birinchi qadam" kreditini taklif etadi.
Hunaringizni biznesga aylantirishga imkoniyat yaratamiz.

💰Kredit miqdori: 5 million so‘mgacha
⏳Kredit muddati: 12 oy
🔋Imtiyozli davr: 1 oy
⚖️Yillik foiz stavkasi: 25%

🔍 Batafsil

☎️Qo'shimcha ma'lumot uchun 1254 raqamiga yoki @brbsupport ga murojaat eting.

Ижтимоий тармоқда ҳеч ким дардини ошкор қилмагани учун, биздан бошқа ҳамма бахтлидек туюлади.

Ичи тўла дард, мияси тўла муаммо бўла туриб бахтини кўз-кўз қилишга мойил одамзод. Айниқса Instagram да.

Аслида эса ўша одамлар бизга кўринганларидек бахтиёр эмаслар. Ижтимоий тармоқда муккасидан кетадиган даражада ўзини кўз кўз қилиш- эътибор, лайк, олқиш кутишдан далолат. Ундайлар реал ҳаётда тополмаганларини тармоқдан излайдилар...

Сўнгги кунларда шу хулосага келяпман.

@hamzajumayev

Балерина. Қуйи ракурсдан. Гўзалликни кўриш тўғри ракурсга ҳам боғлиқ...

@hamzajumayev

Ўзи тадбиркор деса бизда кўпчилик бизнесменни тушунади. Лекин, бу сўз кўпроқ "ишнинг кўзини биладиган одам" таърифига мос келади.

Бу хусусият бугун ҳар бир соҳа вакилига керак. Бугун ҳатто фикрдан ҳам, ғоядан ҳам пул қилса бўлади. Firuz Allaev нинг янги "тандирдан чиққан" китоби жамоа бошқарадиган, қайсидир эҳтиёжга ечим берадиган барча учун фойдали китоб бўлган.

Тадбиркорлик илми борасида яхшигина бўшлиқнинг бир қисмини тўлдирадиган китоб бу. Бир замонлар ўқишга киролмаган ёшлар бизнесни охирги чора сифатида танлар эди. Бугун эса тадбиркорларнинг чинакам зиёли қатлами шаклланяпти.

Ҳар бир ишнинг бир илми бор. Тадбиркорлик илми -- шу китобда.

Дарвоқе, китобнинг аудио шакли ҳам asaxiybooks иловасига жойланган. Аудиоварианти айниқса аъло чиққан.(Эшитиб кўрсангиз нега бундай деганимни тушунасиз😉) Содда, равон, ҳазми енгил, бироқ фойдали маълумотлар кўп.

Эндиям ўқимасангиз, билмадим...

@hamzajumayev

Bank bilan bog‘liq yechimini kutayotgan masalalar hali ko‘p. Bittagina misol: bir bankning plastik kartasi bilan faqat karta ochilgan filial amaliyot bajara oladi. Boshqa filial xizmat ko‘rsatishi uchun undan ham karta ochish kerak.

Bunday muammolar ko‘p. Mijoz, vaqt, resurs, IT borasida ham. "Asaxiy books" nashr qilgan "Bank 4.0" kitobi haqida soha xodimlarining o‘zlari ham iliq fikrlar aytishyapti. Menimcha bu kitobni barcha bank xodimlari, unga mutaxassis tayyorlaydigan oliy o‘quv yurtlari, bo‘lajak bankirlar o‘qishi kerak.

Bank haqidagi mavjud tasavvurlarni umuman o‘zgartiradigan kitob.

O‘sha kitob 👇
https://asaxiy.uz/product/brett-king-bank-40-doim-siz-bilan-hozir-va-shu-erda?fbclid=IwAR0j7a2JqxIKyn0lfx9LoPeK2W99XWJMJ4iSbn0Jh3poTenZ6VC746z0omM

@hamzajumayev

Ўғлим энди имзони қўл демайди, менимча. 😆

@hamzajumayev