G'iyosiddin Yusuf | blog

RAMAZON KELMOQDA...

▪️yil davomida yengil-yelpi qo‘shiq aytib yurgan xonandalar, ramazon haqida qo‘shiq aytmay qo‘yavering, iltimos;
▪️ramazon kelayotganini xabar qilish "savobi" kabi to‘qima gaplarni tarqatmaylik;
▪️taroveh va boshqa ro‘zaga doir fazilatlarni aytishda ham ehtiyot bo‘ling. Yo‘q gaplarni tarqatib yurmang;
▪️ro‘zada faqat tushlik qilmaymiz deb "dalda bermoqchi" bo‘lganlarga tashakkur, lekin men boshqa vaqtlarda hech qachon tong otmay nonushta qilmayman — hayotga real qaraylik, iltimos. Ro‘za tutish buyurilgani bizga kifoya, "motivatsiya" bermoqchi bo‘lsangiz, ro‘za tutishning ajr-u savobi haqida ayting yaxshisi.

#Eslatma

Kirill | Lotin

Inson kipriklari o‘rtacha 3–5 oyda yangilanar ekan. Biz bu jarayonni sezmaymiz. Hayotda ham ba’zi ishlarimiz shunaqa sekin/sezilmay bo‘lsa ham yaxshi tomonga o‘zgarsa, xursand bo‘lib qo‘yaveraman...

#Shunchaki

Kirill | Lotin

Bolaning qo'lidagi xavfliroq...

@GiyosiddinYusuf

Bolalar uchun tavsiya qilingan kitoblar ro'yxati (1)

Ko'k yozuv ustiga bosib, kitob va uning xaridi haqida ma'lumot olishingiz mumkin.

1. Erkin Malik. "Chumolilar saltanati" — o'qishni bilgan bolalar o'zi o'qisa ham bo'ladi, bilmaydiganlarga o'qib bersangiz, tushunarli bo'laveradi.
2. Antuan de-Sent Ekzyuperi. "Kichkina shahzoda" — hamma uchun!
3. Anvar Obidjon. "Oltin yurakli avtobola" — 7+.
4. Janni Rodari. "Jelsomino yolg'onchilar mamlakatida" — 7+.
5. Karlo Kallodi. "Pinokkioning boshdan kechirganlari" — 7+.
6. Anni Shmidt. "Mushuklar malikasi Minush" — o'qishni bilgan bolalar o'zi o'qisa ham bo'ladi, bilmaydiganlarga o'qib bersangiz, tushunarli bo'laveradi.
7. Sa'dulla Quronov. "Galaktikada bir kun" — 7+.
8. G'iyosiddin Yusuf. "Go'zal xulqlar" — 8+.
9. "Oyning orqasidagi sir" — 8+.
10. Qobiljon Shermatov. "Buvamning oshqozonidagi mamlakat" — 7+.

Davomi bor

#tavsiya #kitob

@GiyosiddinYusuf

"Buvamning oshqozonidagi mamlakat" — gap oshqozon haqida emas!

Qobiljon Shermatov yosh bo'lishiga qaramay, bolalar adabiyoti yo'nalishida juda samarali ijod qilib kelmoqda. U kishining asarlari tili ravon, sodda, bolalar uchun tushunarli, o'ziga xos shiraga ega bo'lishi bilan birga tarbiyaviy ahamiyatga ham ega.

Yozuvchining "Buvamning oshqozonidagi mamlakat" asari ham zohiran bir insonning ichida kechgan voqealarni bayon qilgani bilan, aslida, jajji o'quvchilarni halollik, to'g'rilik, rostgo'ylikka undaydi.

Bahodir va Baxtiyor ismli ikki bola maktabdan kelib, chanqab ketganidan muzlatkichdan sharbatga o'xshash ichimlik olib ichishadi. Lekin bu ichimlik akasining tajriba uchun tayyorlagan suyuqligi bo'lib, u kichraytiruvchi xususiyatga ega edi. Shunday qilib, ikki bolakay ko'z ilg'amas darajada kichrayib, buvasining oshqozoniga tushib ketdi.

U yerda dastlab Oshqozon shahrida bo'lishdi. Maktabda ko'chirgani uchun ko'zi ojiz bo'lib, yolg'on gapirgani uchun tili soqov bo'lib, ko'p sinovlarni boshdan kechirishdi. So'ngra Yurak shahriga yo'l olishdi. Bu yerdagi sarguzashtlar ham o'ziga xos bo'ldi...

▪️ Kitob 2022-yilda “Bolalar va o‘smirlarga bag‘ishlangan eng yaxshi kitob” deb topilgan;
▪️ Asarning bir nechta bobi maktab darsligiga kiritilgan;
▪️ “Yosh kitobxon” tanlovida o‘qilishi kerak bo‘lgan kitoblar qatoridan o‘rin egallagan.

Ushbu havola orqali kitobdan qisqacha o'qib ko'rishingiz, mundarijasi bilan tanishishingiz hamda xarid qilish uchun bog'lanishingiz mumkin.

#Kitob

@GiyosiddinYusuf

⚡️ ‘‘BUXORO MAKTABI’’da navbatdagi ma’rifiy uchrashuv!

Xususiy maktabimizda uyushtiriladigan tadbirning mehmoni bir qancha axloqiy-ta’limiy asarlar muallifi - G‘IYOSIDDIN YUSUF

G‘iyosiddin Yusufning bugunga qadar ‘‘Kundalik odoblar’’, ‘‘Mahbub payg‘ambar’’, ‘‘Ota-onamni yaxshi ko‘raman’’, ‘‘Tarbiya-chi’’, ‘‘Men bolamni yaxshi ko‘raman’’, ‘‘Go‘zal xulqlar’’ kabi kitoblari chop etilgan.

Ijodiy uchrashuv 22-fevral soat 11:00 da bo‘lib o‘tadi.

📍 5/1 mavzesi, xususiy maktab binosi

😎 Telegram | 😎 Instagram

“Kichkina shahzoda” – kattalarning ertagi!

Antuan de Sent-Ekzyuperining “Kichkina shahzoda” asari bolalar uchun yozilgandek ko‘rinsa-da, satrlar ostida kattalar teran hayotiy saboqlar yashiringan. Muallif sodda tilda insoniyat, do‘stlik, muhabbat va hayotning mazmuni haqida chuqur fikr yuritadi.

Asarning bosh qahramoni – Kichkina shahzoda, o‘z sayyorasidan sayohatga chiqib, turli olamlarni kezadi. U yo‘lda podshoh, g‘ururli odam, ichkilikboz, biznesmen, fonar yoquvchi va geograf kabi turli xil obrazlar bilan uchrashadi. Ushbu qahramonlar orqali yozuvchi kattalar dunyosining ma’nosiz bandliklari va kamchiliklarini tasvirlaydi. Nihoyat, Kichkina shahzoda Yerga kelib, bu yerda u Tulki bilan uchrashganda Tulki unga “Eng muhim narsani ko‘z bilan ko‘rib bo‘lmaydi, uni faqat yurak bilan ko‘rish mumkin” degan hayotiy haqiqatni o‘rgatadi.

Asarda samimiyat va sadoqat, do‘stlik va javobgarlikning ahamiyati aks ettirilgan. Kichkina shahzoda o‘z sayyorasida qoldirib kelgan atirgulga bo‘lgan muhabbati va unga bo‘lgan mas’uliyatni anglab yetadi. Bu esa bizga hayotdagi muhim narsalarni qadrlash va ularga mehr berish lozimligini eslatadi.

“Kichkina shahzoda” – bu oddiy ertak emas, balki hayot va insoniy munosabatlar haqidagi falsafiy asar. U har bir o‘quvchini ichki dunyosiga nazar tashlashga, mehr va sadoqatning chinakam qadriyat ekanini anglashga undaydi. Bu kitob yosh bolalar ham, kattalar ham o‘qishi va har safar yangi ma’no topishi mumkin bo‘lgan bebaho asarlardan biridir.

Qo'shimcha: asar hozirgacha dunyoning 300 ga yaqin tiliga tarjima qilingan. Yuqoridagi suratda 25 ta tildagi kitoblar rasmi berilgan. Uni bir inson jamlagan ekan.

#Kitob

@GiyosiddinYusuf

Farzandi yurishni endi o'rganganlar buni tushunadi!

#Tabassum

@GiyosiddinYusuf

“Pinokkioning boshdan kechirganlari” — yog'och bolaga "es kirishi"

Karlo Kollodining “Pinokkioning boshdan kechirganlari” asari bir necha tillarga tarjima qilingan va u asosida multfilm va videofilmlar ishlangan. Bu asar faqatgina yog‘ochdan yasalgan o‘yinchoq bola haqidagi oddiy ertak emas, balki insoniylik, halollik va mehnatsevarlik mavzularini o‘rgatuvchi asar hamdir.

Asarning bosh qahramoni – Pinokkio, u mohir duradgor Jepetto tomonidan yasalgan qo‘g‘irchoq bo‘lib, kutilmaganda u jonlanadi. Biroq u hali aqlli va odobli bola emas edi – o'qishni yoqtirmas, o‘jar va yolg‘on gapiradi. Uning burni har safar yolg‘on gapirganda o‘sib ketishi esa asarning eng mashhur timsollaridan biridir. Pinokkio turli sarguzashtlarga duch keladi, lekin oxir-oqibat o‘z xatolaridan saboq olib, haqiqiy, mehribon va aqlli bolaga aylanadi.

Asar bolalarga halollik, mehnatsevarlik va mas’uliyat hissini o‘rgatadi, bolalar tasavvurini boyitib, ularni rostgo‘ylik va ezgulik sari yo‘naltiradi. Shuning uchun bu ertakni har qanday yoshdagi o‘quvchi uchun foydali va qiziqarli deyish mumkin.

#Mutolaa2025

@GiyosiddinYusuf

Qisqa yo‘llarni izlash bilan o‘tgan hayot — hech qayerga olib bormaydigan uzun yo‘ldir.

— Naval Ravikant

#Hikmat

@GiyosiddinYusuf

Bolalarni kitobxon qilish
uchun o‘nta tavsiya

1. O‘zingiz kitob o‘qib o‘rnak bo‘ling.
2. Bolangizga kitob o‘qib bering.
3. Uyquga yotishidan oldin ertak yoki hikoya o‘qib bering.
4. Kitob o‘qishning foydalari haqida unga so‘zlab bering.
5. Kitob o‘qiydigan bolalar bilan do‘stlashtiring.
6. Kitobdan chalg‘itishi mumkin bo‘lgan narsalar: televizor, telefon, kompyuter, planshetlardan me’yorida foydalanishiga ruxsat bering. Shuningdek, bu jihozlardan me’yorida foydalanish bilan o‘zingiz ham o‘rnak bo‘ling.
7. Bolalaringizga suratli, qiziqarli kitoblar hadya qiling.
8. Kitob o‘qigani uchun mukofotlang. Masalan, bitta kitobni o‘qib bo‘lsang, falon narsa olib beraman yoki falon joyga sayrga olib boraman deb unga xush keladigan va’dalarni bering va shartni bajarganda buni darhol, mamnuniyat ila amalga oshiring.
9. Ko‘p kitob o‘qib, ilm o‘rganib muvaffaqiyatga ­erishgan kishilar haqida farzandingizga so‘zlab bering.
10. Farzandingiz bilan kitob do‘kon va kutubxonalarga boring. O‘zi istagan kitoblarni olib bering.

📚Gʻiyosiddin Yusufning «Tarbiya-chi?» kitobidan #iqtibos

Kitobni xarid qilish

Yanada ko'proq iqtiboslar

Erkin Malik domlaning "Chumolilar saltanati" nomli kitobini o'qidim. Bolalar uchun qiziqarli, tarbiyaviy ahamiyatga ega bo'lgan kitob ekan.

Domla chumolilar hayoti misolida bolalarda shakllanishi kerak bo'lgan go'zal xulqlarni o'rgatishga harakat qilganlar.

Shunchalar kirishib o'qiganingizdan, asar qahramonlari yaqin bo'lib qolganidan bitta chumoli vafot etsa ham achinasiz. Bu yozuvchining mahoratini ko'rsatadi, albatta.

#mutolaa2024

Kitobni xarid qilish

@GiyosiddinYusuf

"Kundalik odoblar" — bolalar uchun odob kitobi

"Kundalik odoblar" kitobim ilk bor 2019-yilda chop qilingan. Hozirgacha 30 mingdan oshiq nusxada nashr qilindi, alhamdulillah.

Kitob asosida onlayn va oflayn darslar tashkil qilgan vaqtimiz bo‘ldi. Bir qancha ustozlar ham bu kitob asosida odob darslari o‘tishadi.

Kitobni o‘qigan bolalardagi ijobiy o‘zgarishlar haqida juda ko‘p eshitganman. O‘zim ham o‘quvchilarimda bunga guvoh bo‘lganman.

Ushbu manfaatni kengroq yoyish maqsadida kitobni Qirg‘izistonda o‘zbek tilida nashr qildik. Shu bilan birga, qirg‘iz tiliga tarjima ishlari boshlangan.

Shuning uchun kitobni yanada foydali bo‘lsin deya to‘ldirishga qaror qildim. Har bir mavzu kengaytirildi, savollar ko‘paytirildi va bir necha yangi mavzular qo‘shildi. Xususan, "Zamonaviy texnologiyalardan foydalanish odoblari" mavzusi ham qo‘shildi.

To‘ldirilgan shakl tez orada nashr qilinadi, inshaalloh.

#Kundalik_odoblar

@GiyosiddinYusuf

Odamlar sendan bir marta yomonlik ko‘rsa, butun go‘zal o‘tmishingni unutishadi. Alloh esa chin dildan tavba qilsang, butun yomon o’tmishingni o‘chiradi. Endi o‘zing ayt – kimning roziligini istash arzirli?

— Muhammad Mutavalli Sha’roviy

#Hikmat

@GiyosiddinYusuf

Adem Gunesh | "Bola tarbiyasida 100 asosiy qoida" (6-10 yosh)

Dastlabki 10 qoidaning xulosasi:

✔️ go'dak onasi bilan birga yotishi kerak;
✔️ bola beshikda yotsa ham onasining yaqinida bo'lishi kerak. U maxsus belanchakda yotsa, atrofi panjara kabi o'ralgan bo'lmasligi kerak, onasining yoniga bemalol bora olishi kerak (tushib ketmaslik chorasi nima bo'ladi?!);
✔️ bolaning ma'naviy ehtiyojlari jismoniy ehtiyojlaridan ustundir;
✔️ ona suti bilan oziqlangan bola onasi bilan yaqinlikdan xotirjamlik, hissiy yaqinlikni his qiladi;
✔️ sutdan darhol yoki erta ayirish kerak emas, ikki yildan so'ng sekinlik bilan ayirish kerak (deydi muallif);
✔️ bola tarbiyasidagi eng muhim jihat bolaning mijozini buzmasdan voyaga yetkazishdir;
✔️ bola onasidan 3–5 yoshida ajray oladi;
✔️ bolaga bosim o'tkazmaslik kerak, uni erkin, tuyg'ularini ifoday oladigan qilib o'stirish kerak.

#Xulosa

@GiyosiddinYusuf