FURAN | online ta’lim markazi

Tezkor!!!

41-savol xato tuzilgan deb topilsa, hammaga maksimal ball beriladi.

Suhbat yaxshi oʻtdi, qolganini keyinroq yoritib beraman.

@ICC_KIMYO | Online KIMYO Maktabi 👍

Munosabat uchun rahmat!

Lekin odamni ustidan kulish shunaqa boʻlsa kerak😂.

Munosabat bildirish bandma band bildiriladi shekilli yoki hech boʻlmasa umumiy qilib e’tirozlarga mos ma’lumotlar yozilishi kerak.

Yoki oʻzi istagan ma’lumotlarni yozib chiqish munosabat hisoblanadimi?

Bu huddi bilimsiz ustozga fan yuzasidan savol bersangiz, oʻzini hayotini gapirib beradiku. Shunaqa munosabat boʻlibdi.

Oʻquvchi: Ustoz suv qachon bir vaqtning oʻzida 3 xil agregat holatda boʻladi?
Ustoz: Bolajonim inson doim suv kabi bir vaqtning oʻzida 3 xil, balki undan ham koʻp qiyinchiliklarga tayyor turishi kerak….. deganday boʻldi!

@Husniddin_Ergashev

Bilimni baholash agentligi quyidagi munosabat bildiribdi

👇🏼👇🏼👇🏼
Ma’lumki, 25–26-yanvar kunlari kimyo va biologiya fanlaridan milliy sertifikat imtihonlari o‘tkazilgan edi. Shundan so‘ng ijtimoiy tarmoqlarda talabgorlar tomonidan turli munosabatlar bildirildi. Shundan kelib chiqqan holda Bilimni baholash agentligi quyidagilarni ma’lum qiladi:

Talabgorlarga umumta’lim fanlaridan bilish darajasini aniqlash va sertifikat berish masalasi O‘zbekiston Respublikasi Vazirlar Mahkamasining “Umumta’lim fanlarini bilish darajasini baholashning milliy test tizimini joriy etish to‘g‘risida” 2020-yil 12-oktabrdagi 646-son qarori bilan tartibga solinadi.

Mazkur qarorning 3-bandiga asosan umumta’lim fanlarini bilish darajasini aniqlash va davlat namunasidagi sertifikatni berish uchun tuziladigan test savollari davlat ta’lim standartlariga mos ravishda hamda ta’lim o‘quv dasturiga muvofiq ishlab chiqilishi belgilangan va savollar talabgorlarning bilim darajasini aniqlashga yo‘naltirilgan.

Test topshiriqlari fan ekspertlarining ijod mahsuli hisoblanadi va u darsliklar emas, balki o‘quv dasturlari asosida shakllantiriladi.
Pedagogik o‘lchovlar nazariyasiga ko‘ra faqat qiyinlik darajasi past bo‘lgan test topshiriqlari bilan talabgorlarning bilim darajasini baholashning imkoni mavjud emas. Shu sababli nafaqat O‘zbekiston Respublikasida, balki rivojlangan mamlakatlar tajribasida ham bilim darajasi maqsadga muvofiq bo‘lgan meʼyorda - turli qiyinlik darajasidagi test topshiriqlari bilan aniqlanadi. Bundan tashqari standartlik va qiyinlik darajalari meʼyorini taʼminlash uchun test variantlarida test topshiriqlari spetsifikatsiya asosida dasturda qamrab olingan mavzular va qiyinlik darajalari bo‘yicha taqsimlanadi.

Xususan, biologiya hamda kimyo fanlaridan qisqa javobni talab etuvchi ochiq test, kengaytirilgan javobni talab etuvchi ochiq test (ya’ni yozma ish), yopiq test topshiriqlaridan foydalanilgan.

Test tuzuvchilar test topshiriqlarini kiritayotganda bu topshiriqlarni bajarish uchun qanday ko‘nikmalar (malakalar, kompetensiyalar) ishga solinishi lozimligini tahlil qilishadi, bu ko‘nikmalar testning maqsadi bilan qay darajada mos ekanligiga baho berishadi.

Xorij tajribasini o‘rganish hamda aprobatsiya natijalarini hisobga olgan holda kimyo va biologiya fanlaridan milliy test sinovi tizimi uchun test spetsifikatsiyasi qayta ishlab chiqildi va Bilimni baholash agentligining 2024-yil 24-dekabrdagi 9-son Ilmiy-metodik kengashida tasdiqdan o‘tkazildi.

Yozma ishlarni bajarish uchun ketadigan vaqt me’yorlari xorij tajribasini o‘rganish hamda aprobatsiya natijalarini hisobga olgan holda (3 ta yozma ish uchun 80 daqiqa) belgilangan.

Test sinovi natijalari Rash modeli asosida ilmiy tahlil qilinadi, tahlil natijalariga ko‘ra test topshiriqlarini takomillashtirish, Rayt xaritasiga ko‘ra test variantida har bir qobiliyat darajasiga mos test topshiriqlari mavjud bo‘lishi yuzasidan takliflar ishlab chiqiladi. Mazkur takliflar Bilimni baholash agentligining Ilmiy-metodik kengashida muhokama qilinadi. Ilmiy tahlillar asosida test topshiriqlari qayta ishlanadi. O‘tkazilgan har bir milliy sertifikat imtihonidan so‘ng talabgorlarning test natijalari tahlil qilinadi va tahlil natijalari agentlikning rasmiy veb-saytida talabgorlar diqqatiga havola qilinadi.

Manba: Bilimni baholash agentligi