Fozil Farhod

​​МУҲТАШАМ

Гулжамол Асқаровага

Муҳташам баҳорлар келди заминга,
Муҳташам қирларда майсалар ўсди,
Бирор юмушингиз йўқмиди менга,
Опа, кўзгинамни ташвишлар тўсди.

Сизни йўқлолмадим, иш билан бўлиб,
Муҳташам қалбингиз эсон-омонми?
Ўзи юрагим ҳам юрибди тўлиб,
Ранги сомонмикан ёки ёмонми.

Султон укам дейсиз, дейсиз султоним,
Муҳташам бўлади бундан юрагим.
Узоқ ўлкаларга етди ултоним,
Аммо ўз элимга борми керагим?

Муҳташам қалбингиз безовтамасми,
Қандай чалиш керак бу қурғур созни?
Сиз муҳташам бўлган ижоднинг ҳасми,
Муҳташам қайғунгиз ёқар қоғозни!

Муҳташам кўринар менга бариси,
Аммо орзуимиз негадир майда?
Бизга кўринмайди ошдан нариси,
Улуғлар кўзлаган марралар қайда?

Бизга йўлдош бўлсин улкан ташвишлар,
Улкан юртнинг бўлай муҳташам ули,
Муҳташам орзулар, муҳташам ишлар,
Мен муҳташам халқнинг муҳташам қули.

Муҳташам юраклар тўхтар кун келиб,
Майда ташвишлардан топади нажот.
Опа, нима дейсиз, беринг-чи билиб,
Биздан қолармикан муҳташам ижод?

2025 йил 6 март, соат 21:20

Фозил Фарҳод

Фото бугун Адиблар хиёбонида олинган.

👉 https://t.me/fozilfarhod 👈

Mushoirani tomosha qiling, tinglang:

https://www.facebook.com/share/v/19sknVX3je/

JONLI EFIR

Hurmatli ijodkorlar!
Ayni paytda O‘zbekiston Yozuvchilar uyushmasida She’riyat kengashining 2024-yil faoliyati yakunlariga bag‘ishlangan yillik hisobot yig‘ilishi bo‘lib o‘tyapti. Marhamat, havolaga kirib ma'zruzalarni eshiting.

O‘zbekiston Yozuvchilar uyushmasi Axborot xizmati

https://www.facebook.com/share/v/15k4qgJuGe/

#adabiy_tahlil
#14_ishtirokchi

Fozil Farhodning ikkinchi kitobi "Koʻklam kuyi" toʻplamiga kiritilgan "Eng buyuk asar" hamda "Taqlid" hikoyalari uchun yozilgan adabiy tahlillar

Zarina Vayisova, Buxoro davlat universiteti Filologiya fakulteti talabasi

https://telegra.ph/Fozil-Farhodning-Eng-buyuk-asar-hamda-Taqlid-hikoyalari-uchun-yozilgan-adabiy-tahlillar-03-02

​​ДИҚҚАТ, ТАНЛОВ!

(Мукофот пули оширилди, танлов муддати узайтирилди)

Ҳомийларимиз томонидан Ўзбекистон Ёзувчилар уюшмаси аъзоси Фозил Фарҳоднинг шеър ва ҳикоялари асосида "Назм ва наср: тасвир ва таҳлил" энг яхши видеоролик ва энг яхши адабий таҳлил намуналари танловини эълон қилади.

Танловга ижодий ишлар икки номинацияда қабул қилинади.

Fozil Farhod телеграм каналидаги адибнинг шеър ё ҳикоялари асосида тайёрланган видеороликлар;

Адибнинг назм ва насрдаги ижодий ишлари асосида ёзилган адабий таҳлиллар қабул қилинади.

Танловга ижодий ишларни @fozilfarhod1 телеграм манзилига жўнатишингиз мумкин.

Ғолиблар қуйидагича тақдирланади:

"Энг яхши видеороликлар" номинацияси бўйича:

1-ўрин 1 500 000 сўм пул мукофоти ва китоблар тўплами;
2-ўрин 950 000 сўм пул мукофоти ва китоблар тўплами;
3-ўрин 800 000 сўм пул мукофоти ва китоблар тўплами.

"Энг яхши адабий таҳлиллар" номинацияси бўйича:

1-ўрин 1 500 000 сўм пул мукофоти ва китоблар тўплами;

2-ўрин 950 000 сўм пул мукофоти ва китоблар тўплами;

3-ўрин 800 000 сўм пул мукофоти ва китоблар тўплами билан мукофотланади.

Бу ҳали ҳаммаси эмас, шунингдек, ижтимоий тармоқлар (телеграм, фейсбук, инстаграм ва ютуб)да энг кўп улашилган ва лайк йиққан танлов иштирокчиларидан бир нафари "Энг оммалашган ижодий иш" номинацияси бўйича 500 000 сўм пул мукофоти ва китоблар тўплами билан мукофотланади. Унинг ҳаволасини @fozilfarhod1 манзилига жўнатинг.

Бу ҳаммаси эмас, яна уларнинг ҳар бири муаллифнинг янги нашр этилган китоби билан;

Тўртта рағбатлантирувчи ўрин эгалари "Аkademnashr" нашриёти чоп этган "Излам" тўпламлари билан;

Бир рағбатлантирувчи ўрин эгаси "Ўзбек тилининг изоҳли луғати" тўлиқ жилди билан тақдирланади.

Фозил Фарҳоднинг биринчи китоби – "Мактуб"нинг электрон нусхаси.

Фозил Фарҳоднинг иккинчи китоби – "Кўклам куйи"нинг электрон нусхаси.

Фозил Фарҳоднинг учинчи китоби "Автопортрет"га кирган шеърларнинг электрон нусхаси.

Танловга қабул муддати 15 апрелгача.

Телеграм ўзанга аъзо бўлинг: @fozilfarhod