FJSTI | RASMIY 🏛️

Tadbirda institut professor-o‘qituvchilari, talabalari hamda mehmonlar ishtirok etishdi. Unda buyuk ajdodlarimizning hayoti va ijodiy merosi, ularning jahon adabiyotiga qo‘shgan hissasi haqida ma’ruzalar qilindi. Talabalar tomonidan ijod namunalari yod o‘qildi, sahna ko‘rinishlari namoyish etildi va milliy kuy-qo‘shiqlar ijro etildi.

✅Mazkur tadbir yoshlarda milliy g‘urur va ma’naviy merosimizga hurmatni yanada oshirishga xizmat qildi.

⚡️Farg‘ona jamoat salomatligi tibbiyot institutiga Yaponiyaning O‘zbekistondagi elchixonasi vakili janob Shunji Nagai tashrif buyurdi. Mehmonni oliygohimiz prorektorlari hamda mas’ul xodimlar institutning "Oq uy" binosida kutib olib, oliygohning faoliyati, ta’lim jarayonlari va yaratilgan sharoitlar bilan yaqindan tanishtirdilar.

Shunji Nagai institut hududida amalga oshirilayotgan ilmiy va ta’limiy islohotlar, zamonaviy laboratoriyalar, simulyatsion markazlar va talabalar uchun yaratilgan shart-sharoitlar bilan qiziqib, oliygohning o‘quv jarayonlari bilan yaqindan tanishdi. Mehmon institut talabalari va professor-o‘qituvchilari uchun xalqaro tajriba almashinuvi, ilmiy hamkorlik va innovatsion loyihalar muhimligini ta’kidlab o‘tdi.

Uchrashuv doirasida ikki tomonlama muzokaralar bo‘lib o‘tdi. Suhbat chog‘ida:

✅️Tibbiy ta’lim jarayonlariga yangicha yondashuvlar olib kirish;
✅️Zamonaviy innovatsion loyihalar ustida ishlash;
✅️Yaponiyaning JICA kompaniyasi bilan hamkorlikni yanada kengaytirish;
✅️Talabalar hamda professor-o‘qituvchilar uchun xalqaro grand tanlovlarini ko‘paytirish;
✅️Yaponiyada stajirovka va malaka oshirish imkoniyatlarini kengaytirish kabi muhim masalalar muhokama qilindi.

Shuningdek, JICA dasturi orqali o‘zbek talabalari va tibbiyot mutaxassislarini Yaponiyada o‘qitish va tajriba almashish imkoniyatlarini oshirish bo‘yicha ham muhim takliflar ilgari surildi.

Muzokaralar yakunida ikki tomon do‘stona aloqalarni yanada mustahkamlashga ishonch bildirdi. Uchrashuv yakunida esa tomonlar o‘zaro ramziy esdalik sovg‘alar almashib, hamkorlikni yanada rivojlantirish borasida kelishuvlarga erishdilar.

Ushbu tashrif Farg‘ona jamoat salomatligi tibbiyot instituti va Yaponiyaning ilmiy-tibbiy doiralari o‘rtasidagi hamkorlikning yangi bosqichiga yo‘l ochishi kutilmoqda.

1. Ariza (rektor nomiga);
2. Pasport nusxasi;
3. Diplom nusxasi (ilovasi bilan, barcha diplom nusxalari);
4. Ob’ektivka:
5. “OAK byulleteni”da yoki Ilmiy kengashga mavzu e’lon qilinganligining nusxasi;
6. Tashkilot rahbari tomonidan tasdiqlangan va muhr bosilgan (rasmiy blanklarda) xat.