Telegram-канал "Файзбоғ (ТемурМалик)" — @fayzboguz

Файзбоғ (ТемурМалик)

25 Sep, 18:29

01:29

Видео недоступно для предпросмотра

Муносабатлардаги зўравонлик

Ушбу видеода муносабатлардаги зўравонликнинг турли шакллари ва унинг инсонларга таъсири кўрсатилади. Зўравонлик нафақат жисмоний, балки руҳий ва эмоционал жиҳатдан ҳам намоён бўлиши мумкин.

Видеода, шунингдек, зўравонликнинг белгилари, унинг сабаб ва оқибатлари, ҳамда бу муаммони қандай ҳал қилиш мумкинлиги ҳақида маълумотлар берилади. Ижтимоий ҳимоя ва ёрдам тизимлари ҳақида ҳам муҳокама қилинади.

Ушбу видео, зўравонликка қарши курашиш ва ҳимоя чоралари ҳақида огоҳликни оширишга қаратилган. Ҳар бир инсонни ўз ҳуқуқларини билишга ва зўравонликка йўл қўймасликка чақиради.

Видеога ҳавола:
https://www.youtube.com/watch?v=UkRNuwksSwY&ab_channel=XURMO

7.4k 0 16 3 17

Файзбоғ (ТемурМалик)

25 Sep, 15:44

00:43

Видео недоступно для предпросмотра

Смотреть в Telegram

Сиёсий дебатларни ёқтирувчилар учун яхши янгилик.

27 сентябрь, жума куни соат 17:00 да сиёсий партиялар етакчиларининг жонли эфирдаги дебатлари бўлиб ўтади. Дебатни Zo‘r TV, UzReport TV, RTV, Sevimli ва My5 телеканалларида кузатиш мумкин. Унда партиялар ўз позициясини эълон қилиб, рақибларининг саволларига жавоб беради.

Жуда, америкаликчалик бўлмаса-да, ўзимизга хос ва ўзимизга мос бўлган ушбу сиёсий жараённи кузатиб борамиз)

#sаylоv24

🔥@fayzboguz

10.9k 0 12 22 96

Файзбоғ (ТемурМалик)

25 Sep, 11:43

Эрон президенти Теҳрон Москвага ракета етказиб берганини рад этди

У бу ҳақда БМТ Бош Ассамблеясининг Нью-Йоркдаги сессиясида маълум қилди.

"Эҳтимол, илгари шундай етказиб беришлар бўлгандир. Лекин, сизни ишонтириб айтаманки, мен президентлик лавозимига киришганимдан бери (2024 йил 30 июль) Россияга бундай қуроллар жўнатилмаган", — дея таъкидлади Эрон президенти.

Пизишкиён, шунингдек, Эрон Россия-Украина уруши масаласида Ғарб давлатлари билан музокаралар олиб боришни исташини айтди.

"Биз европаликлар ва америкаликлар билан мулоқот олиб бориш учун музокаралар столига ўтиришга тайёрмиз. Биз Россия томонидан Украинага қилинган тажовузини ҳеч қачон маъқулламаганмиз", — дея Пизишкиённинг сўзларини келтиради Тhe Guardian.

Эроннинг янги президенти ҳам Шимолий Россиядан иложи борича узоқ масофада бўлиш лозимлигини тушуниб етяпти.

🔥@fayzboguz

15k 0 9 19 74

Файзбоғ (ТемурМалик)

24 Sep, 19:29

Россия ва Путин ўзини Фаластинга қанчалик дўст қилиб кўрсатмасин, улар учун Исроил — содиқ иттифоқчи. Тел-Авив ҳам буни қадрлайди: Исроил ҳатто АҚШ сўраса ҳам Украинага қурол бермади ва бергани йўқ. Путин Исроилнинг барча раҳбарлари билан қалин алоқаларга эга бўлган.

Исроилнинг машҳур бош вазири Шимон Переснинг Путин билан 2015 йилги суҳбатидан парча. Ушбу парча Шимон Переснинг 2016 йилда, ўлимидан уч ҳафта олдин берган интервюсидан олинган.

Перес: Сиз 63 ёшдасиз, мен эса 93 ёшдаман. Айтинг-чи, кейинги 30 йил ичида нимага эришмоқчисиз? Ўзи нима учун курашаяпсиз? АҚШни қувиб ўтмоқчимисиз?

Путин: Йўқ.

Перес: Америка Россиянинг бир қисмини олишни хоҳлайдими? Йўқ. Обама билан музокараларда бошқа қандайдир муаммо борми?

Путин: Нега буни сўраяпсиз?

Перес: Қулоқ солинг, мен айғоқчи эмасман. У ерда нимадир бўлган бўлса менга айтинг.

Путин: Сиз нима деб ўйлайсиз?

Перес: Сиз нима қилишингиздан қатъи назар АҚШ бу курашда ғолиб бўлади.

Путин: Нега?

Перес: Чунки уларнинг омади келган, сизнинг эса — йўқ!

Америкалик одам эрталаб уйғонганида нимани кўради? Жанубда Мексика ва улар (америкаликлар) мексикаликларни ўз мамлакатига қабул қилади. Шимолда эса Канада ва улар дунёдаги энг яхши дўстлар. Шарқ ва ғарбда сув ва балиқлар.

Обама нимадан хавотирланиши мумкин?

Сиз эрталаб уйғонганда нимани кўрасиз? Япония, Хитой, Афғонистон? О, Худойим! Улар сизнинг ерингиз катта эканлигини, лекин уларга бир тийин ҳам бермаслигингизни билади. Сиз тоза сув захирасининг 20 фоизига эгасиз ва уларга ҳеч нарса бермайсиз. Шунинг учун, Сибирда қор эриганда (яъни нимадир бўлса, кучсизланса) сиз биринчи бўлиб кўрадиган нарса қуролланган хитойликлар бўлади! Чунки шарқда хитойликлар кўп, руслар кам.

АҚШ мамлакат ҳудуди ва аҳоли сони бўйича энг яхши мутаносибликка эга давлатлардан бири. Россия эса — энг ёмон! Сиз одам яшамайдиган миллион квадратлик ерлар бор. Сизда йўқ нарса – бу одамлар. Сизнинг халқингиз йўқ бўлмоқда. Қарсаклар ва одамларнинг мақтовларига алданманг. Улар сизни кечирмайди. Нима учун русларнинг ўртача умр кўриш давомийлиги 62 йил, америкаликларники эса 82 йил?

Сиз ўзингизни подшолар каби тутяпсиз.

Подшоҳлар нима қилди? Улар иккита шаҳарни – Санкт-Петербург ва Москвани ривожлантирди (Каримов кимлардан ўрнак олганига яхши ишора). У ерда сиз хоҳлаган нарсангизни топасиз. Россиянинг қолган қисми эса қор билан қопланган Нигерияга ўхшайди. Сизнинг одамларингиз ўлмоқда. Сиз уларга ҳаёт бермаяпсиз. Сизнингча, улар сизни кечирадими?

Душманлик ва адоват – ҳаётга энг катта хатолардир. Сиз аҳмоқликка сармоя киритмоқдасиз.

Путин: Яхши. Улар мендан нимани хоҳлайди? НАТОга ўзи нима керак? СССР энди мавжуд эмас. Варшава шартномаси аллақачон тугатилган. Мен НАТОга аъзо бўлишга тайёрман! Лекин НАТОга Грузия нима учун керак? Руминия НАТОга нима учун керак? Улар Европага юз бурмоқчи, майли боришсин. Аммо улар қайси армия билан жанг қилмоқчи?

Сизнингча, мен Қримнинг Россия ери эканлигини ва Хрушчёв уни Украинага тортиқ қилганини билмасмидим? Украиналиклар НАТОга аъзо бўлишни хоҳламагунча, мен бунга аҳамият бермай келаётгандим.

Перес: Қулоқ солинг, хўп барчасини ҳисобга олиб, нега сиз америкаликлар қилган ишни қилмайсиз? Бошқарувнинг бошқа шаклини яратинг. Компанияларнинг ривожланишига имкон берадиган бошқарув органи тузинг. Сизда бор ягона нарса бу – ҳукумат. Ҳукуматингизда эса энг амбицияли одамлар ўтирибди. Улар коррупционер, бошқаларни ҳам коррупционер қилади... Компаниялар яратинг ва улар Америка компаниялари каби фаолият юритсин.

Путин: Яхши. Сиз нима таклиф қиласиз?

Перес: Исроилда юз минглаб русийзабон яҳудийлар бор. Биз илм-фан соҳасида энг олдингиларданмиз. Биз сизга ёрдам беришга тайёрмиз. Ҳукуматдан ташқари идораларни фаоллаштиринг. Ёки ҳукуматни тарк этинг, барибир уларнинг ҳаммаси коррупцияга ботган. Йўқса, сиз ғалаба қозонмайсиз.

Путин: Яхши, синаб кўрамиз.

🔥@fayzboguz

10.9k 0 193 34 158

Файзбоғ (ТемурМалик)

24 Sep, 19:18

Либерал-демократларимиз таълим сифатини оширишга қаратилган янги ташаббус билан чиқяпти

Таълим соҳаси мамлакатнинг келажакдаги иқтисодий ва ижтимоий ривожланишига бевосита таъсир кўрсатишини ҳаммамиз биламиз. Сифатли таълим эса давлат тараққиётининг асосий кўрсаткичларидан бири.

ЎзЛиДеП, бу соҳага қандайдир ўзгартиришлар киритиш мақсадида, таълим муассасаларини давлат ташкилотларидан мустақил равишда баҳоловчи нодавлат таълим аудити тизими жорий этишни ўз сайловолди дастурида таклиф қиляпти.

Айтилишича, нодавлат таълим аудити тизими мактаб ва олий таълим муассасаларининг реал ҳолатини теран таҳлил қилиш имконини беради. Ушбу тизим мустақил ва холисона баҳолаш орқали таълим муассасаларидаги муаммоларни аниқлаш ва уларни бартараф этишга кўмаклашади. Шунингдек, бундай механизм таълим муассасаларининг ички тизимини янада самарали бошқариш имкониятини беради.

Партия бу ташаббуси орқали Ўзбекистондаги таълим соҳасига янги стандартлар киритиб, таълим тизимининг барча бўғинларида сифати яхшиланиши мумкин, деб ҳисоблайди. Бундай фикрлар ЎзЛиДеП'нинг телеграм саҳифасида маълум қилинган.

#sаylоv24

🔥@fayzboguz

9.1k 0 7 13 66

Файзбоғ (ТемурМалик)

24 Sep, 12:17

00:13

Видео недоступно для предпросмотра

Смотреть в Telegram

Тошкент шаҳрида Париж Олимпиадаси чемпиони Асадхўжа Мўйдинхўжаев президент совға қилган Tahoe автомобилида 110 км/соат тезликда ҳаракатланди. Шаҳарда тезлик чеклови 60 км/соатни ташкил этади.

У буни видеога олдириб, Instagram саҳифасига жойлаштирди. Видео кейинроқ ўчириб юборилди.

Текинга тушган автомобилнинг қадри бўлмайди, айниқса, у бюджет пулидан берилган бўлса. Амалдорлар ўзи тугул, спортчиларимизни ҳам текинхўрликка ўргатиб қўйишяпти.

🔥@fayzboguz

16.8k 0 23 44 250

Файзбоғ (ТемурМалик)

23 Sep, 21:20

Сирдарёда электрдан узилган тадбиркорлар ҳокимият биноси олдига йиғилди

Сирдарё туманида бир гуруҳ тадбиркорлар ҳокимлик биноси олдига тўпланди. «ГазетаUz»га мурожаат қилган тадбиркорларнинг қайд этишича, улар қуёш панеллари ўрнатмагани учун ҳудудий электр таъминоти корхонаси томонидан асоссиз равишда электрдан узиб қўйилганидан норозилик билдирган.

«Электр тармоқларига борсак биринчи мажбурий деган жойида кейин ихтиёрий деди. Ихтиёрий бўладиган бўлса, унда бизга “светларни” ёқиб беришлари керак ёки нимага ўчирганини асослаб бериши керак, булар асослаб бермади. Бу ерда тўпланган тадбиркорларнинг барчаси Сирдарё туман ҳудудий электр тармоқларидан келяпти. Бу тадбиркорларнинг барчасида “свет ўчган”. Туман ҳокимимиз жойида йўқ», — дейилади тадбиркорлар мурожаатида.

Тадбиркорларнинг қайд этишича, электр энергиясини узиб қўйиш ҳеч қандай огоҳлантиришсиз, бирданига юз берган. Шундан сўнг тадбиркорлар ҳокимлик биноси олдига борган.

«Кейин биз тадбиркорлар туман ҳокимиятига бордик ва ҳокимни 3 соат кутдик. Ҳокимлик биноси олдидан ўтувчи йўлни тўсиб қўйгунимизгача бизга ҳеч қандай реакция билдиришмади. Кейин ҳоким келиб, биз билан йиғилиш ўтказди. Кейин унинг топшириғи билан барчамизнинг электр таъминотимиз тикланди. Биз ҳокимдан нега бундай бўлганига изоҳ сўрадик. У буни президентнинг ПҚ-57-сонли қарори билан изоҳлади. Биз эса қарорда ҳар бир тадбиркор албатта қуёш панели ўрнатиши шартлиги бўйича банд бор ёки йўқлиги ҳақида сўрадик», — дейди тадбиркор.

Ҳоким бунга жавобан қарорда бундай банд йўқлигини таъкидлаган.

Тадбиркорлар қуёш панеллари ўрнатишга мажбурланаётгани масаласида KunUz`га ҳам мурожаат қилган.

«Ҳудудий электр тармоқлари корхонаси тадбиркорларнинг «свети»ни ўчирган, шунча одам сарсон. Қуёш панелларини қўйиш учун мажбурлаб ўчиришяпти. Электр таъминоти корхонасига борсак, ихтиёрий дейди, аммо асослаб беришмаяпти нега бизни электрдан узишганини», — дея таъкидлаган нашрга мурожаат қилган тадбиркорлардан бири.

KunUz бу ҳолат бўйича материал эълон қилганидан сўнг ҳолатга «Ҳудудий электр тармоқлари» АЖ Сирдарё ҳудудий филиали муносабат билдирди. Қайд этилишича, бунга президент қарорлари ижроси Сирдарё тумани электр таъминоти масъуллари томонидан нотўғри талқин қилингани сабаб бўлган.

«Маълумки, президентнинг 2023 йил 16 февралдаги ПҚ-57-сонли, 2024 йил 31 майдаги ПҚ-222-сонли қарорларига асосан мамлакат бўйлаб тадбиркорлик субъектлари томонидан ўз эҳтиёжининг маълум қисмини муқобил энергия манбаларидан ишлаб чиқариш белгиланган. Ушбу қарорлар ижроси Сирдарё тумани электр таъминоти масъуллари томонидан нотўғри талқин қилинган. Оқибатда истеъмолчилар томонидан норозигарчиликлар юзага келган. Келгусида бу каби ҳолатларга йўл қўймаслик бўйича Сирдарё тумани электр таъминоти корхонаси масъуллари қатъий огоҳлантирилди», — дейилади муносабатда.

🔥@fayzboguz

9.9k 1 38 31 149

Файзбоғ (ТемурМалик)

23 Sep, 19:33

01:29

Видео недоступно для предпросмотра

Смотреть в Telegram

Византиянинг интиҳоси

Ўрта асрларнинг тугаши ва янги даврнинг бошланиши деб қараладиган Византиянинг қулаши ҳозиргача қизиқ мавзулардан бири. Ўша пайтда икки қитъани бир-бирига боғлаб турган Константинополни ҳеч ким ишғол этолмаса керак деб ўйлашган. Лекин турклар қўшини бу гапга нуқта қўйган ҳолда нафақат Византияни олади, Истанбулдек муҳташам янги шаҳарни ҳам бунёд этади. Шундан кейин биз билган Туркия собиқ Византия ерларида жойлашади.

Константинопол қамали ҳақида жуда кўп конспирологиялар бор. Айримлари шунчаки афсона, яна айримлари эса тарихий факт. Бу видео туфайли ўша тарихга яна бир бор қайтишингизга шубҳа йўқ.

Линк:
👉 https://youtu.be/iEpedcgpv6A?si=ZV9VZ_9dPV9cp3FY

9.6k 0 47 8 43

Файзбоғ (ТемурМалик)

23 Sep, 17:07

Telegram қоидаларини бузган фойдаланувчиларнинг IP-манзиллари ва телефон рақамлари "асосли қонуний талабларга жавобан" расмийларга топширилиши мумкин — Павел Дуров

Мессенжер асосчисининг сўзларига кўра, компания бутун дунё бўйлаб фойдаланувчилар учун хизмат кўрсатиш шартлари ва махфийлик сиёсатига тегишли янгиланишлар киритган.

Дуровнинг фикрича, ушбу чоралар жиноятчиларни қўрқитиши керак. Павел Дуров мессенжернинг "кучли" қидирув тизими одамларга ноқонуний товарларнинг олди-сотдиси билан шуғулланувчи каналларни топиш имконини берганини қўшимча қилди. Лекин аслида бу тизим фақат дўстлар ва янгиликларни қидириш учун мўлжалланган.

Эслатиб ўтамиз, Павел Дуров аввалроқ Францияда ҳибсга олинган, шундан сўнг гаров эвазига қўйиб юборилганди. У Telegram орқали содир этилган жиноятларнинг (хусусан, гиёҳванд моддалар савдоси ва болалар порнографияси) олдини олиш учун Европа расмийлари билан ҳамкорлик қилишга ваъда берган.

🔥@fayzboguz

11.9k 0 29 8 93

Файзбоғ (ТемурМалик)

23 Sep, 13:06

00:12

Видео недоступно для предпросмотра

Смотреть в Telegram

Америкалик журналистлар Доналд Трампнинг бир ҳафта ичида икки марта сайловда ютқазиши мумкинлиги ҳақида гапирганига эътибор қаратишди

Республикачи номзод бу ҳақда илк бор 19 сентябр, пайшанба куни Исроил-Америка кенгашининг тадбирида гапирган. Трамп яҳудий сайловчиларнинг 60 фоизи Камала Ҳаррисни қўллаб-қувватлаганига ҳайратда қолган ва буни “адолатсизлик” деб атаган.

Кеча эса номзод WSET ABC 13 телеканалидаги «Full Measure» дастурига берган интервюсида яна эҳтимолий мағлубият ҳақида гапирди. Трамп шу пайтгача бу ҳақда умуман оғиз очмаганини айтишмоқда. Тоға ўз рақибининг потенциалини яхши англаган, чоғи. Шамол қай тарафга эсаётганини тушунаётгандек.

Ҳаррис ғалаба қозонадиган тақдирда, кўп эҳтимол Россия-Украина қарама-қаршилигига янги қон киради. АҚШ ва унинг иттифоқчилари Украинани замонавий қурол-яроғ билан қўллаб-қувватлашда давом этади, уруш яна камида 2-3 йилга чўзилади. Путиннинг энг қўрқинчли тушларидаги воқеалар ривожи ҳам шундан иборат, шунга бўлса керак, “Оқ пошшо” ҳар сафар бутун вужуди билан Доналд Трампга мухлислик қилиб келади (иложи бўлганида эди, ўзиям бориб овоз бериб келарди).

Лекин, яхши томони, демократлар, Трампдан фарқли равишда, Нетаняҳуга яхшигина босим ўтказиб, Яқин Шарқда тинчликка эришишлари мумкин. Трамп эса Исроилни уруш охиригача қўллашини кўп бора таъкидлаган. Унинг Бинямин тоға билан илдизлари бир. Бу икковлон типик автократлар сингари сиёсий легитимликни урушлар орқали ушлаб туришни маъқул деб биладилар. Демократлар ҳам жаа қойиллаётгани йўғу, лекин, ҳар ҳолда, Нетаньяҳунинг глобал миқёсидаги иштаҳасини назорат қилиб туришибди. Чарчаб қолиб, сиёсий назоратни деярли тўлиқ қўлдан бой бериб бўлган Байдендан кейин келадиган Камола опа Нетаняҳу билан юзма-юз кўришиб, бир пиёла чой устида жиддий суҳбат ўтказиши кутиляпти.

Шу билан бирга, собиқ президент интервюси чоғида сайловда яна мағлубиятга учраса, 2028 йилда қайта сайланиш учун курашмаслигини айтди. Ие, шунақасиям бўларканми😳

🔥@fayzboguz

15.8k 0 15 44 87

Файзбоғ (ТемурМалик)

21 Sep, 20:29

Amazon Prime томонидан суратга олинган «Узуклар ҳукмдори: Қудрат узуклари» сериалининг иккинчи мавсум тақдимоти бўлиб ўтди. Сусамбил ижодкорлари биринчилар қаторида мавсумнинг биринчи учта қисмини томоша қилишди ҳамда сизлар учун ажойиб таҳлил ҳозирлашди.

Хўш, Амазон ижодкорлари ваъдасида туришдими? Иккинчи мавсум биринчисига қараганда қизиқарлироқ чиқдими? Матбуот иккинчи мавсумни қандай қаршилади? Айнан мана шу саволларга бугун биз биргаликда жавоб излаб кўрамиз.

Буюк бургутларингизни ҳозирланг! Чунки биз қадимий Ўртадунё тупроқларига йўл оляпмиз!

Томоша қилиш:
👉 https://youtu.be/n2bdz-5xs_Y

11k 0 12 35

Файзбоғ (ТемурМалик)

21 Sep, 15:41

Сўнгги 8 ойда 1 миллион 880 мингдан ортиқ Ўзбекистон фуқароси Россияга борган. Уларнинг умумий сони 1,8 млн

Россия федерацияси ички ишлар вазирининг биринчи ўринбосари генерал-полковник Александр Горовой Коммерсант нашрига берган интервьюсида мамлакатдаги мигрантлар сонига тўхталиб ўтди.

Вазирликка кўра, Россияда 6,1 миллиондан ортиқ чет элликлар бўлиб, уларнинг асосий қисми Марказий Осиё ва МДҲ мамлакатларидан келган.

Маълум бўлишича, жорий йилнинг 8 ойида Россияга 1 миллион 880 мингдан ортиқ Ўзбекистон фуқароси борган. Мамлакатдан чиқиб кетганлар сони эса 1,5 миллион кишидан ошади. Шу билан бирга 1 миллион 792 минг нафардан ортиқ ўзбекистонлик меҳнат муҳожирлари айни вақтда Россияда ишламоқда.

Кейинги ўринда 1,2 миллиондан ортиқ тожикистонлик меҳнат муҳожирлари Россияда бўлиб турганини кўриш мумкин.

Марказий Осиёнинг яна бир давлати Қирғизистоннинг эса 262 мингдан ортиқ фуқароси Россияда бўлиб турибди.

Россияда бўлиб турган қарийб ярим миллион хитойликлар рўйхатда тўртинчи ўринда. Бундан ташқари, Арманистон, Озарбойжон, Беларус, Туркия ва Туркманистоннинг ҳам юз минглаб фуқаролари Россия ҳудудида бўлиб турибди.

Россия ичидаги миграцион сиёсатни назорат қилувчи амалдорга кўра, мамлакатда 739 мингга яқин ноқонуний мигрантлар ҳам бор. Уларнинг асосий қисми ҳам Ўзбекистон, Тожикистон, Қирғизистон, Арманистон ва Озарбойжон фуқаролари.

🔥@fayzboguz

16.2k 0 30 8 92

Файзбоғ (ТемурМалик)

21 Sep, 13:45

Cайловолди одоб-ахлоқ қоидалари тасдиқланди

21 сентябрь куни мамлакатдаги сиёсий партиялар томонидан сайловолди ташвиқотига оид одоб-ахлоқ қоидалари имзоланди.

Ушбу қоидалар орасида энг эътиболиси, партиялар сунъий интеллектдан фойдаланиб тайёрланган ахборот материалларини тарқатишда ҳушёр бўлишлари зарур. Бунда сайлов жараёнига халақит берувчи ёлғон ахборот тарқатиш қатъий чекланади.

Ҳиндистон ва Индонезияда ўтказилган сайловларда сунъий интеллектдан фойдаланиб, ўлган одамларни тирилтирган ҳолда, уларни овозлари билан сайловчиларни алдаш ва чалғитиш ҳолатларига бутун дунё гувоҳ бўлди.

Бу қоидалар сайловларни миллий қонунчилигимизга мос равишда, қолаверса, сайловчиларга ўз танловини эркин амалга ошириш имконини беради.

#sаylоv24

🔥@fayzboguz

13.8k 0 14 12 72

Файзбоғ (ТемурМалик)

20 Sep, 18:34

Энди Қирғизистонда: «обрўсизлантириш мақсадида» ҳуқуқ-тартибот ходимларини тасвирга олганлик учун жазолаш таклиф қилинмоқда

Қирғизистон парламенти аъзолари ҳуқуқ-тартибот идоралари ходимларининг ишини акс эттирувчи сурат ва видеоларни «обрўсизлантириш мақсадида» интернетда эълон қилганлик учун жарима ёки 7 суткагача қамоқ кўринишидаги жазо чораларини таклиф қилмоқда.

«Ушбу хатти-ҳаракатлар нафақат ҳуқуқни муҳофаза қилиш органлари ходимларининг шаъни ва қадр-қимматини обрўсизлантиради, балки бутун давлат имижига жиддий зарар етказади», — дейилади ҳужжат маълумотномасида.

Агар ўзгартиришлар қабул қилинса, ушбу ҳуқуқбузарликлар учун фуқаролар 50 ҳисобланган кўрсаткич — 5000 сўм (60 доллар) миқдорида жаримага тортилади ёки 5 дан 7 суткагача қамоқда сақланади.

Ўзбекистонда ҳам ҳуқуқ-тартибот идоралари ходимларини «обрўсизлантириш мақсадида» фаолияти ҳақидаги фотосуратлар ва видеолавҳаларни эълон қилганлик учун жазо жорий этиш таклиф этилганди. Август ойида Сенат қонун лойиҳасини рад этди ва уни қайта кўриб чиқиш учун қайтарди.

🔥@fayzboguz

10.6k 0 8 14 141

Файзбоғ (ТемурМалик)

20 Sep, 18:08

Тадбиркорлик билан боғлиқ жиноят турларини камайтириш таклиф қилинмоқда

Ўзбекистон Либерал-демократик партияси тадбиркорлик билан боғлиқ жиноят турларини камайтириш учун соҳани янада либераллаштириш ташаббусини билдирди.

Партия соҳани либераллаштириш орқали янги тадбиркорлик субъектлари ва иш ўринларининг вужудга келишига шароит яратишни мақсад қилган.

Солиқларни вақтида тўлаётган ва қонун доирасида фаолият юритаётган тадбиркорларни текширмаслик, тадбиркорлар фаолиятига асоссиз аралашган мансабдорларга нисбатан жавобгарликни кучайтириш ва мансабдор шахсларнинг фермерлар фаолиятига аралашишини қатъиян тақиқлаш бўйича партиянинг илгари сураётган режалари эътиборга молик.

Қачонки тадбиркор ўзининг ҳуқуқий ҳимояси мустаҳкам эканига ҳақиқатан ишонса, шундагина у эркин фаолият юритади. Бу эса хорижлик сармоядорларни жалб қилишда ҳам муҳим аҳамиятга эга.

#sаylоv24

🔥@fayzboguz

10.3k 0 10 4 32

Файзбоғ (ТемурМалик)

20 Sep, 16:58

Осиё тараққиёт банки Ўзбекистонга 300 миллион доллар ажратади

19 сентябрь куни Осиё тараққиёт банки (ОТБ) Ўзбекистон ҳукуматининг микрокорхоналарнинг молия олиш имкониятларини кенгайтириш бўйича чораларини қўллаб-қувватлаш учун 300 миллион доллар миқдорида секторни ривожлантириш дастурини маъқуллади.

Қайд этилишича, дастур ўз ичига банк хизматлари билан қамраб олинмаган ёки етарли даражада қамраб олинмаган микрокорхоналарни қўллашни олади. Бу эса мамлакатда барқарор ва инклюзив ўсишга имконият яратади, дейилади хабарда.

«Инклюзив ва барқарор микромолиялаш сектори Ўзбекистонда иқтисодий ўсиш ва янги иш ўринлари яратилишининг ҳаракатлантирувчи кучи ҳисобланмиш микро ва кичик бизнесни қўллаб-қувватлаш учун муҳим аҳамиятга эга. ОТБ кўмагида амалга оширилаётган молиявий ислоҳотлар Ўзбекистон ҳукуматининг давлат банкларини тижоратлаштириш бўйича саъй-ҳаракатларини қўллаб-қувватлайди», — деди ОТБнинг Марказий ва Ғарбий Осиё бўйича бош директори Евгений Жуков.

Аввалроқ, Коррупцияга қарши курашиш агентлиги «Микрокредитбанк», «Бизнесни ривожлантириш банки» ва «Туронбанк»даги 148 нафар ходим 155 та тадбиркорлик субъектида таъсисчилик қилаётганини аниқлаганди.

🔥@fayzboguz

11.4k 0 12 11 75

Файзбоғ (ТемурМалик)

20 Sep, 15:08

Москва Арманистон ҳукуматини ағдаришга уринган бир гуруҳ исёнчиларга пул тўлаган ва уларни тайёрлаган — Арманистон бош вазири Никол Пашинян

Politico нашрининг Арманистон прокуратурасига таяниб ёзишича, воқеа шу йилнинг бошида содир бўлган, бироқ маҳаллий хавфсизлик кучлари фитнанинг олдини олишга муваффақ бўлган.

Аввалроқ Пашинян Россия ҳукмронлигидаги КХШТни “Арманистон хавфсизлигига таҳдид” сифатида баҳолаган эди.

🔥@fayzboguz

13.1k 0 16 22 97

Файзбоғ (ТемурМалик)

20 Sep, 13:09

Ўзбекистон 124 та давлат қаторида БМТ Бош ассамблеясининг Исроилдан ўз кучларини Фаластин ҳудудларидан олиб чиқиб кетишни талаб қилувчи резолюциясини қўллаб-қувватлади.

Бирлашган Миллатлар Ташкилоти Бош ассамблеяси чоршанба куни Исроилдан ўз кучларини Фаластин ҳудудларидан олиб чиқишни талаб қилувчи резолюцияни қабул қилди.

Фаластин ва бошқа ўнлаб давлатлар ҳамкорлигида қабул қилинган резолюцияга 124 та делегация томонидан ёқлаб овоз берилди, шу жумладан Ўзбекистон ҳам. 43 давлат бетараф қолди, 14 давлат эса қарши чиқди.

Халқаро суднинг Исроилнинг Фаластиндаги босиб олган ҳудудида, шу жумладан, Шарқий Қуддусдаги сиёсати ва ҳаракатларининг ҳуқуқий оқибатлари бўйича хулосасига асосланиб, резолюция Исроилдан «Фаластин ҳудудида ноқонуний иштирокини зудлик билан тўхтатишни» талаб қилади.

Ҳужжатда талабни «мазкур резолюция қабул қилинганидан кейин 12 ойдан кечикмай» бажариш бўйича муддатлар ҳам кўрсатилган.

🔥@fayzboguz

15.3k 0 11 56 109

Файзбоғ (ТемурМалик)

19 Sep, 20:20

Рамзан Қодиров ўзининг пулемёт билан жиҳозланган Cybertruck машинаси Илон Маск томонидан "масофадан ўчириб қўйилгани"ни маълум қилди

"Илон Маск яхши иш қилмади. Чин юракдан қимматбаҳо совғаларни беради, кейин эса уларни масофадан туриб ўчиради", — деб ёзди Қодиров ўзининг Telegram каналида.

Чеченистон раҳбарининг сўзларига кўра, машина фронтда "жанговар топшириқларни аъло даражада бажарган", бироқ Маск яқинда Cybertruck'ни ўчириб қўйган.

17 август куни Рамзан Қодиров Илон Маск томонидан унга томида автомат ўрнатилган Cybertruck совға қилинганлигини ва бу автомобиль Россиянинг Украинадаги махсус ҳарбий операциясига жўнатилиши ҳақида эълон қилган эди. 19 август куни Илон Маск бу гапларни рад этган.

Илон Маск битта пультидаги кнопкани босиш орқали Рамзан Қодировни болаликдан орзу қилиб келган энг қимматбаҳо ўйинчоғидан айириб қўйибди. Машина томи устида жуда бахтли кўринганди бояқиш😁

🔥@fayzboguz

10.5k 0 50 35 238

Файзбоғ (ТемурМалик)

19 Sep, 17:57

01:27

Видео недоступно для предпросмотра

Смотреть в Telegram

“Энди узр сўраш билан инқироздан қутулиб қололмайсиз”, — Мирзо Зоминий

Сўнгги ҳафталардаги воқеалар медианинг жамиятга таъсири кучайганини кўрсатди. Буёғига маркетологлар, пиар мутахассислар ва умуман исталган одам медиамаконда ўзини қандай тутиши ҳақида жиддий ўйлаши керак.

Сигма Подкастнинг Мирзо Зоминий билан сони соҳага энди кириб келаётган ёшлар учун яхши қўлланма бўлади.

Тавсия қиламан:

https://youtu.be/Kg5InmUMzvg?si=zf3tay6O8tFbWpEt

10.6k 0 19 13 26

Продаю канал / Анекдоты

Файзбоғ (ТемурМалик)

Гео и язык канала

Категория

Файзбоғ (ТемурМалик)

Файзбоғ (ТемурМалик)

Файзбоғ (ТемурМалик)

Файзбоғ (ТемурМалик)

Файзбоғ (ТемурМалик)

Файзбоғ (ТемурМалик)

Файзбоғ (ТемурМалик)

Файзбоғ (ТемурМалик)

Файзбоғ (ТемурМалик)

Файзбоғ (ТемурМалик)

Файзбоғ (ТемурМалик)

Файзбоғ (ТемурМалик)

Файзбоғ (ТемурМалик)

Файзбоғ (ТемурМалик)

Файзбоғ (ТемурМалик)

Файзбоғ (ТемурМалик)

Файзбоғ (ТемурМалик)

Файзбоғ (ТемурМалик)

Файзбоғ (ТемурМалик)

Файзбоғ (ТемурМалик)

17 918

Популярное в канале

Язык сайта

Продаю канал / Анекдоты

Файзбоғ (ТемурМалик)

Гео и язык канала

Категория

17 918

Популярное в канале