Фарғона вилояти судлари | Расмий канал

Ижтимоий тармоқларда эълон қилинган билдиришлар юзасидан

Билдиришларда жиноят ишлари бўйича Фарғона ва Марғилон шаҳар судлари биноларига кириб чиқишда тартибга риоя қилинмаётганлиги маълум қилинган.

Мазкур судлар биноларига кириш ва чиқиш белгиланган тартиб яъни, Олий суд ва Ички ишлар вазирлигининг қўшма қарори билан тасдиқланган “Суд бинолари, суд процесслари ва улар иштирокчиларининг хавфсизлигини таъминлаш тартиби тўғрисида”ги йўриқнома асосида амалга оширилиши таъминланади.

Каналга уланиш: @fargonaviloyatisudlari

Ижтимоий тармоқларнинг бирида эълон қилинган билдириш юзасидан

Билдиришда жиноят ишлари бўйича Марғилон шаҳар судига келиб тушган ишни синчковлик билан ўрганиш лозимлиги маълум қилинган.

Билдириш юзасидан шу маълум қилинадики, нафақат жиноят ишлари бўйича Марғилон шаҳар судига балки, судларнинг иш юритувига келиб тушган барча ишлар синчковлик билан ўрганилиб, қонуний, асосли ва адолатли қарорлар қабул қилиниши таъминланади.

Каналга уланиш: @fargonaviloyatisudlari

Фарғона вилоят судида 8-март – Халқаро хотин қизлар куни муносабати билан байрам тадбири ташкил этилди

Видеоконференцалоқа режимида ўтказилган тадбирда вилоят, туманлараро, туман ва шаҳар судларининг судья ва ходимлари ҳамда суд фахрийлари иштирок этди.

Маълумки, дунёда ҳар бир давлат ва жамиятнинг нуфузи ҳамда маданий даражаси энг аввало хотин-қизларга бўлган муносабат, уларга кўрсатилаётган ҳурмат-эҳтиром билан белгиланади. Бинобарин, аёлларни улуғлаб, уларга ҳурмат-эҳтиром кўрсатиб яшайдиган халқ ўзининг юксак маданияти ва олийжаноб қадриятларини амалда намоён қиладиган миллат сифатида ҳурмат қозонади.

Бугунги кунда Ўзбекистонда амалга оширилаётган суд-ҳуқуқ ислоҳотлари жараёнида хотин-қизларнинг ўрни муҳимдир.

8-март – Халқаро хотин қизлар ҳамда 10-март – Халқаро аёл судьялар куни билан Олий суд раисининг тегишли буйруғи асосида суд фахрийси Нуринисахон Абидова “Бенуқсон хизматлари учун” кўкрак нишони, вилоят суди судьяси Мавлудахон Умматова Олий суднинг фахрий ёрлиғи билан;
шунингдек, Судьялар олий кенгаши раисининг буйруғи билан вилоят суди судьяси Ферузахон Сиддиқова Судьялар олий кенгашининг фахрий ёрлиғи билан тақдирланди.

Тадбирда сўзга чиққанлар суд тизимида фаолият олиб бораётган хотин-қизларнинг ўрни ва уларнинг самарали меҳнатларини алоҳида эътироф этиб, гўзаллик ва нафосат байрами муносабати билан уларга самимий тилаклар билдиришди.

Суд фахриялари, аёл судьялар ва ходима аёллар эсдалик совғалари билан тақдирланди.

Каналга уланиш: @fargonaviloyatisudlari