Farg'ona viloyati bojxona boshqarmasi rasmiy axborot kanali

Божхона қўмитаси Раиси маслаҳатчиси М.Салиев Андижон ва Фарғона вилоятларида бўлиб, енгил атлетика федерацияси вакиллари ҳамда спортчилар билан учрашди.

Енгил атлетика спорт турларини янада ривожлантириш, ушбу йўналишдаги мавжуд муаммоларни аниқлаш ва ҳал этиш мақсадида ташкил этилган учрашувда вилоятлардаги федерациялар фаолияти ўрганилди. Мазкур йўналишда йўлга қўйилган ишлар ҳудудлар кесимида бирма-бир таҳлил қилинди.

Унда таъкидланганидек, спорт соғлом миллат, соғлом келажак бунёд этишда мустаҳкам таянчдир. Шу боис, мамлакатимизда мухтарам Юртбошимиз ташаббуслари билан соғлом турмуш тарзини кенг жорий этиш ва оммавий спорт турларини ривожлантириш бугун янги босқичга чиқмоқда. Негаки, жисмоний машғулотлар билан чиниқиш орқали турли касалликларнинг олдини олиш мумкин. Бунда эса енгил атлетикани аҳоли орасида оммалаштириш муҳим аҳамиятга эга.

Учрашув доирасида вилоят енгил атлетика федерацияси вакиллари ҳамда мураббийларнинг соҳани такомиллаштириш, илғор тажрибаларни амалиётга татбиқ этиш, бу йўналишда Республика, Осиё ва Жаҳон чемпионати ғолибларини янада кўпайтириш борасидаги таклиф ва фикрлари ҳам ўрганилди.

Шунингдек, ўтказилган учрашувларда спортчилар билан ҳам бирма-бир мулоқот қилинди. Унда 2028 йилда Лос-Анжелесда бўладиган Олимпия ўйинларида кучли ўнталикка кириш мақсад қилинганлиги, бунинг учун эса спортчиларимиз тайёргарликни кучайтириши лозимлиги таъкидланди.

#donolar_bisotidan
#kun_hikmati

Донолар бисотидан

Ватанпарварлик – номусли ва назокатли туйғудир... Муқаддас сўзларни эҳтиёт қил, ватанга муҳаббат хусусида дуч келган жойда оғиз кўпиртирма. Яхшиси – унинг фаровонлиги ва қудрати йўлида индамайгина меҳнат қил.

В. Сухомлинский

#donolar_bisotidan
#kun_hikmati

Донолар бисотидан

Ҳаракатчан кишилар одатда омадли бўладилар, аксинча, қиладиган ишларини ҳадеб ўйлайверадиган ва сусткашлик қиладиганларга омад камдан-кам насиб этади

Геродот

Д И Қ Қ А Т Э Ъ Л О Н !

Ўзбекистон Республикаси Вазирлар Маҳкамасининг 2024 йил 18 декабрдаги 847-сон қарори билан божхона брокери ва курьерлик ташкилотлари томонидан божхона тўловларини тўлаш мажбуриятини суғурталаш фақат божхона органлари билан ахборот алмашинувига эга суғурта ташкилоти орқали амалга оширилиши белгиланди.

Шунингдек, божхона брокери ва курьерлик ташкилотларининг мутахассилари ўқиганлиги тўғрисидаги малака сертификатини Божхона қўмитаси томонидан тасдиқланган ўқув режа асосида ўқитилиши йўлга қўйилган ўқув ташкилотларидан олиши қайд этилди.

Мазкур қарор билан белгиланган талабларга асосан, 2025 йил 18 февраль ҳолати бўйича қуйидагилар маълум қилинади:

Божхона қўмитаси билан қўшимча техник ҳужжатларни имзолаган суғурта ташкилотлари:

“KAPITAL SUGʻURTA” AJ (+998 71 200-11-00);

“ALFA INVEST” AJ (+998 78 120-00-70 (80);

“MY-INSURANCE” AJ (+998 71 205-19-19);

“GLOBAL INSURANCE GROUP” AJ (+998 90 001-18-55);

“ARIA SUGʻURTA TASHKILOTI” AJ (+998 71 202-88-88);

“TEMIRYOʻL-SUGʻURTA” AJ (+998 71 207-19-01).

Ўқув курсларини Божхона қўмитаси томонидан тасдиқланган ўқув режаси асосида йўлга қўйилиши маълум қилинган ўқув ташкилотлари:

BOJXONA INSTITUTI (+998 55 502-76-00, +998 71 202-99-90 (43-17);

BROKERLAR UYUSHMASI (+998 90 187-85-98);

“BISMUTH EDUCATION” MCHJ (+998 97 750-00-98);

“BERHAL-EDUCATION” MCHJ (+998 77 057-11-55);

“PERFECT CONTROL SERVICE” MCHJ (+998 97 756-00-04).

Божхона тўловларини тўлаш мажбуриятини суғурталаш учун суғурта ташкилотини ва ўқиганлик тўғрисидаги малака сертификатига эга бўлиш учун ўқув ташкилотини танлашда ушбу рўйхатга алоҳида эътибор қаратиш лозимлигини ва ушбу рўйхатга келгусида бошқа ташкилотлар ҳам қўшилиши мумкинлигини маълум қиламиз.

#qonunchilikdagi_yangiliklar

2025 йил 11 февраль куни Ўзбекистон Республикаси Вазирлар Маҳкамасининг “Божхона маъмуриятчилиги тартиб-таомилларини такомиллаштириш бўйича қўшимча чора-табирлар тўғрисида” 77-сон қарори қарори қабул қилинди.

Қарор билан:

✅ ташқи савдо операциялари мониторингини янада такомиллаштириш ҳамда шартномалар ижросида асоссиз дебитор ва кредитор қарздорликлар шаклланишини олдини олиш мақсадида:

▶️ ташқи савдо шартномалари сони 22 тадан 6 тага (экспорт, импорт, бартер, ички экспорт, инвойс асосида экспорт, инвойс асосида импорт) қисқартирилди;

▶️ ташқи савдо иштирокчилари учун битта шартнома доирасида турли божхона режимларидан фойдаланиш имкони яратилди;

▶️ эндиликда Ташқи савдо операцияларининг ягона электрон ахборот тизимида товарларни мамлакатимиздан олиб чиқишни назарда тутувчи “марказлаштирилган экспорт”, “экспорт биржа”, “экспорт-консигнация”, “қайта ишлаш (республика ҳудудида)”, “экспорт лизинг”, “олиб чиқиш” шартномалари умумий “экспорт” шартномаси шаклида, товарларни мамлакатимизга олиб киришни назарда тутувчи “марказлаштирилган импорт”, “импорт биржа”, “қайта ишлаш (республика ташқарисида)”, “импорт лизинг” ва “олиб кириш” шартномалари умумий “импорт” шартномаси тарзида шакллантирилади;

▶️ "импорт" шартномаси асосида товарларни “эркин муомалага чиқариш (импорт)” ёки “божхона ҳудудида қайта ишлаш” божхона режимларига ёхуд кейинчалик хорижга сотиш мақсадида “божхона омбори”, “эркин омбор” ва “эркин божхона зонаси” божхона режимларига расмийлаштиришга рухсат этилди;

▶️ "экспорт" шартномаси асосида товарларни “экспорт” божхона режимига ёки божхона ҳудудига аввал олиб кирилган товарларни “реэкспорт” божхона режимига ёхуд “божхона ҳудудида қайта ишлаш” божхона режимидан кейинги қайта ишлаш операцияси учун “эркин омбор” божхона режимига расмийлаштириш имконияти жорий этилди;

▶️ товарларнинг шартнома ижросида акс этиши божхона юк декларациясининг битим хусусияти бандига мувофиқ амалга оширилади.

✅ Ваколатли иқтисодий оператор мақомини олиш жараёнлари соддалаштирилди ва уларга татбиқ этиладиган қулайликлар кенгайтирилди. Бунда:

▶️ божхона тўловларини кечиктириб тўлаш муддати 20 иш кунидан 30 календарь кунгача узайтирилди;

▶️ хавф даражаси ўрта бўлган операторларнинг товарлари бир соат мобайнида расмийлаштирилиши белгиланди;

▶️ юридик шахснинг раҳбари, бош бухгалтери ва ваколатли шахсининг Маъмурий жавобгарлик тўғрисидаги кодекснинг жавобгарликка тортилганлик ҳолатлари икки ва ундан ортиқ маротаба мавжуд бўлмаслик шарти қайд этилди;

▶️ ташқи савдо операциялари бўйича муддати ўтказиб юборилган дебитор қарздорлик суммаси 10 фоиздан ошмаслиги белгилаб берилди.

Мазкур қарор расмий эълон қилинган санадан эътиборан 3 ойдан сўнг кучга киради.