Farg'ona viloyat kutubxonasi

Ahmad Farg‘oniy nomidagi Farg‘ona viloyat axborot-kutubxona markazi tomonidan Quvasoy shahridagi "Vodiy gavhari" bolalar oromgohida ma’rifatparvar shoira Uvaysiy tavalludining 245 yilligiga bag‘ishlangan “O‘zbek adabiyoti tarixida mumtoz o‘ringa ega bo‘lgan shoira” nomli sharx o‘tkazildi.

Unda Uvaysiy hayoti va ijodi aks etgan ko‘rgazma tashkil etilib, Uvaysiy she’riyati uning yashab o‘tgan hayot yo‘li haqida qiziqarli ma’lumotlar berildi.

Uvaysiy (taxallusi; ismi Jahon) (1779 — Marg‘ilon —1845) — shoira, ma’rifatparvar. Uvaysiy oilada xat-savodini chiqarib, avval xalfa, so‘ngra onasining yonida maktabdorlik qilgan. Akasi Oxunjon hofizdan she’riyat ilmini o‘rgangan, tez orada shoira, otin sifatida tanilgan. U, ayniqsa, aruzni, muammo (she’rda fikrni yashirib ifodalash) san’atini mukammal egallagan. Qo‘qon adabiy muhiti bilan yaqinlashib, mushoiralarda qatnashgan. Saroyda Nodira va boshqa xotin-qizlarga she’riyat ilmidan dars berib, ustozlik qilgan.

🏕"Summer MediaCamp-2024" loyihasi tugadi.

Ushbu oromgohda Ahmad Farg'oniy nomidagi Farg'ona viloyat axborot-kutubxona markazi mutaxassisi Mushtariybegim Orifjonova ham ishtirok etdi.

🏔Toshkent viloyati Bo'stonliq tumanida "Summer MediaCamp-2024" ning 2-mavsumi bo'lib o'tdi. Loyiha talabalar orasida mediasavodxonlikni oshirishga qaratilgan.

Ushbu oromgohga qatnashish istagini bildirib ariza topshirgan nomzodlar orasidan 50 kishi saralab olingandi.

🧑‍💻Ishtirokchilar 1 hafta davomida kiberxavfsizlik, faktcheking, media menejment, jurnalistika formatlari, videomontaj bo’yicha darslarda ishtirok etdilar.

Trening hamda maxsus tashkillangan master-klasslar o'z sohasining professionallari tomonidan o'tkazildi.

Darslardan tashqari qatnashchilarning maroqli dam olishlari uchun  sharoitlar yaratilishi ham unutilgani yo'q

🎼Musiqa terapiya va kayfiyatni ko'taruvchi turli kinokomediyalar ham namoyish etildi.

"Summer MediaCamp-2024"  chindan ham yoshlarni bir nuqtaga aniq maqsad  yo'lida birlashtiradigan  va har tomonlama rivojlantiradigan ajoyib  loyihalardan biri.

❗️Eslatib o'tamiz, dasturga qabul bir yilda bir marta iyun oyida bo'lib o'tadi.

Ahmad Farg‘oniy nomidagi Farg‘ona viloyati axborot-kutubxona markazi hamda O‘zbekiston Respublikasi Milliy gvardiyasi Farg‘ona viloyati Qo‘riqlash boshqarmasi alohida batalon va shahar-tuman qo‘riqlash bo‘limlarida xizmat qilayotgan shaxsiy tarkib bilan hamkorlikda "Biz giyohvandlikka qarshimiz" mavzusida Farg‘ona shahar "Mehrjon" nodavlat notijorat tashkiloti vrachi  ishtirokida davra suhbati o‘tkazildi.

Suhbat davomida xodimlarni sog‘lom turmush tarziga amal qilishlari, ular orasida psixotrop moddalar savdosi va uni iste’mol qilish bo‘yicha holatlarni uchrayotganligi haqida ma’lumotlar berib o‘tildi.

Xodimlarni bu illatni har qanday ko‘rinishlariga qarshi murosasiz munosabatda bo‘lishlari yuzasidan ma’lumotlar berib o‘tildi hamda videorolik namoyish etildi.

Ahmad Farg‘oniy nomidagi Farg‘ona viloyat axborot-kutubxona markazi xodimlari yoshlarni kitobga bo‘lgan qiziqishlarini oshirish ular o‘rtasida kitobxonlik madaniyatini yuksaltirish maqsadida Quvasoy shahridagi "Vodiy gavhari" bolalar oromgohida bo‘ldilar.
 
Bolajonlar uchun kutubxonada fondida mavjud jamg‘armaning eng sara kitoblari tanlanib, o‘qish uchun tavsiya etildi. Tavsiya etilgan adabiyotlar ichida bolalar ensiklopediyalari, badiiy adabiyotlar, she’riy to‘plamlar, ertaklar mavjud.
 
Oromgohda o‘quvchi yoshlarni kitobga bo‘lgan qiziqishlarini oshirishga undovchi kitoblar targ‘ibotlari, kitobxon maydoni hamda turli interfaol o‘yinlar tashkil etildi.

Shuningdek, Ahmad Farg‘oniy nomidagi Farg‘ona viloyat axborot-kutubxona markazi hamda Quvasoy shahridagi "Vodiy gavhari" bolalar oromgohi o‘rtasida ko‘chma kutubxona tashkil etish bo‘yicha shartnoma tuzildi.