ELCOM

#Savol: (Umid Nomozov)
Assalomu alaykum, shu puskatel ovoz chiqarib ishlayapdi. Men yangi elektrikman. Sheriklar ishlashi shu deyabdi. buni nima qilsa ovozi to'xtaydi?

#Javob:
Vaqt oʻtganidan keyin kontaktor va puskatellarni, magnit oʻtkazgichlari korroziya boʻladi, harakatlanuvchi mexanizmlari, zich turgan plastinka eskiradi, prujinasi boʻshashadi, Shu sababdan puskatellar ovoz chiqarishni boshlaydi.


Puskatellarni nima sababdan ovoz chiqarayotganligini bilish uchun, puskatelni qanday tuzilganligini u nimalardan tashkil topganligini tushunish kerak.

Ovoz chiqishiga quyidagilar sabab boʻladi:
1. Yakorni magnitoʻtkazgichga yaxshi tortilmaganligi sababli vibratsiya hosil boʻlib shovqin chiqaradi.
2. Puskatelni ichki qismlari chang bosishi.
3. Magnit oʻtkazgich va yakorni korroziya boʻlishi.
4. Puskatel o'ramlari orasida qisqa tutashuv boʻlib zararlanishi.
5. Zavoddan yaroqsiz holda chiqishi (zavodskoy brak)

Chiqayotgan shovqinni bartaraf qilsa boʻladi. Puskatel ichki qismlarini yakor va serdechnigi tozalash kerak. Tozalashni mayda toshli jilvir qogʻoz yordamida amalga oshiriladi yoki rastvoriteldan ham foydalansa boʻladi.

Shovqin chiqishiga yana bir sabab cho'lg'amini (katushka) qisqa tutashuv boʻlganligi deyildi. Katushkaga kuchlanish kelganda, yakor serdechnikka tortiladi, tok qisqa tutashuv boʻlgan oʻramlar orqali ham oʻtganda, katushka toʻla quvvat bilan yakorni tortishga kuchi yetmaydi shu sababli magnitoʻtkazgich va yakor oʻrtasida boʻsh joy(zazor) hosil boʻlib ovoz chiqaradi.

Yana nimalarni tavsiya qilishim mumkin:
Albatta puskatelni ichini ochib tekshirib chiqing, bir yildan ortiq ishlagan puskatelda baribir chang va yogʻlar kirgan boʻladi, bundan tashqari ichki tuzilishini ham tushunib olasiz.

@elcom_group