Axborot xizmati xodimlarining malakasi oshirilmoqda
O‘zbekiston Ekologik partiyasi Markaziy Kengashi tomonidan partiyaning hududiy Kengashlarida faoliyat olib borayotgan axborot xizmati xodimlarining malakasini oshirishga qaratilgan o‘quv-seminari o‘tkazilmoqda.
O‘quv seminarini ochib bergan
partiya rahbari Abdushukur Xamzayev matbuot bo‘limi faoliyati samaradorligini oshirish bo‘yicha o‘z tavsiyalarini bildirdi.
Seminardan ko‘zlangan maqsad partiyaning dasturiy g‘oya va maqsadlari, saylovoldi dasturidan kelib chiqqan holda olib borilayotgan ishlarni keng jamoatchilikka sodda, tushunarli tilda yetkazish bo‘yicha xodimlar malakasini oshirish, zamon bilan hamnafas holda kontentlar tayyorlash hamda sun’iy intellekt imkoniyatlaridan foydalanish bo‘yicha bilimlarini boyitishga qaratilgan.
O‘quv-seminarining birinchi kunida O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi mas’ul xodimi Ramziddin Egamberdiyev, Jahon tillari universiteti Xalqaro jurnalistika fakulteti professori, filologiya fanlari doktori Amrullo Karimov, "Ekolog" jamoat birlashmasi rahbari, ekojurnalist Nargiza Qosimova, "Oila va tabiat" gazetasi bosh muharriri Husniddin Berdiyev, Xalqaro Nordik universiteti katta o‘qituvchisi, filologiya fanlari bo‘yicha falsafa doktori Dadaxon Muhammadiyev hamda Oliy majlis Qonunchilik palatasi deputati Botirali Shodiyev kabi katta tajribaga ega ekspertlarning mahorat darslari bo‘lib o‘tdi.
✅
Telegram|✅
Facebook | 🌐
Instagram |🌐
Web site | 📹
You Tube