🌱𝐄𝐊𝐎𝐍𝐔𝐑🌱

"PLASTIKsiz kun" aksiyasi — sog‘lom kelajak sari! 🌏

"Ekomarafon" loyihasining 8-mavsum delegatlarining tabiatni asrash borasida ikkinchi qilgan ishlari koʻchalar chetlariga tashlab ketilgan plastik chiqindilarni yig‘ish bo‘ldi.

♻️ Ular tabiatga ozodalik baxsh etish uchun eng kamida 10 dona plastik idish topishlari va ularni belgilangan chiqindi qutilariga olib borib tashlashlari kerak edilar.

✅ Vazifa muvaffaqiyatli bajarildi.
Umumiy hisobda 700 dan ortiq plastik idishlar terilib, chiqindi qutilariga joylandi!

♻️ Mazkur aksiya nafaqat chiqindilarni kamaytirish, balki tabiatga, jonivorlarga va o‘z kelajagimizga g‘amxo‘rlik qilish demakdir!

❗️Plastik chiqindilarni yig‘ish orqali har birimiz hayot muhitini tozalashga, tabiatni asrashga hissa qo‘shdik. Bu kun – tabiatga sevgi, birlashish va o‘zgarish sari tashlangan muhim qadamlardan biridir!

🌿 Biz bilan birga tabiatni asrab-avaylashga qo‘shigan delegatlarimizdan minnatdormiz! Plastik idishlarsiz hayot uchun siz ham harakat qiling!

🌿 @ekonuruz 🌿

"Xazon chiqindi emas, OʻGʻIT!" yoxud tabiatga yangi hayot baxsh etamiz!

🍁 Kuz – tabiatning go‘zallik fasli, lekin afsuski, ko‘pchilik daraxtlardan to‘kilgan xazonlarni yoqib, havoni ifloslantiradi. "Ekomarafon" doirasida biz bu noto‘g‘ri odatga qarshi chiqib, xazonlarni tabiatga qaytarish aksiyasini o‘tkazdik.

🍂 Delegatlarimiz o‘z hududlarida to‘kilgan xazonlarni yig‘ib, ularni yerga ko‘mdilar. Chunki xazon – chiqindi emas, balki yer uchun qimmatbaho organik o‘g‘it! Bu kichik qadam tabiatni tiklash va unumdor yer yaratishda katta ahamiyatga ega!

💫 Har birimiz tabiatga mehr bersak, uni asrash ishlarida faol bo‘lsak, yanada yashil va sog‘lom kelajakni yaratishimiz mumkin. Xazonlaringizni yoqmang, tabiatga hayot bering!

🐾 @ekonuruz 🐾

Tabiatga g‘amxo‘rlikning 8-mavsumiga start berildi!

🌿 Bugundan "Ekonur" eko-volontyorlar harakati loyihasining yangi mavsumi boshlandi! Oldinda bizni tabiatni asrashga, jonivorlarni muhofaza qilishga bag‘ishlangan hayajonli sarguzashtlar kutmoqda!

🌏 Har bir ishtirokchimiz bilan tabiatni sevishga, uni asrashga va jonivorlar hayoti hamda ekologiyani yaxshilashga xizmat qiladigan qadamlarni tashlaymiz! O‘zgacha g‘ayrat va mehr bilan bu marafonni o‘tkazamiz!

🤝 Ayni vaqtda delegatlar kichik guruhlarga boʻlingan holda bir-birlari bilan tanishib doʻstlashmoqdalar.

➕ Jarayonlarni siz bilan bo‘lishib boramiz. Bizni kuzatib boring, tabiat uchun birgalikda harakat qilaylik!

💚 @ekonuruz

🌍 Tabiatni asrash yo‘lida birlashamiz!

⭐️ Qabulning 5 kuni davomida bizga 427 nafar talabgor ariza topshirgani haqida aytgan edik. Ulardan dastlab 60 nafar nomzod qabul qilinishi rejalashtirilgan edi.

🌳 Ammo, qiziqishning yuqoriligi va ishtirokchilarning maqsadga uygʻunligi sababli qoʻshimcha yana 15 nafar nomzodni qabul qilishga qaror qildik!

📋 Endi esa 75 nafar ekofaollar atrof-muhitni asrash va tabiatni himoya qilish yoʻlida amaliy harakatga qoʻshiladilar.

🌱 Quyida saralashdan o‘tgan nomzodlar ro‘yxatini keltiramiz:

[ 8-MAVSUM DEELGATLARI ]

🇺🇿 "EkoNur" jamoasi tabiatni sevuvchi va asrab-avaylashga bel bogʻlagan har bir ishtirokchini qadrlaydi. Bizni kuzatishda davom eting!

💚 https://t.me/ekonuruz

🌎 "EkoNur" eko volontyorlar harakati tomonidan respublika miqyosida oʻtkazilib kelinayotgan "Eko marafon" loyihasining 8-mavsumi uchun roʻyxatdan o'tish yakunlandi.

🥰 5 kun davomida 427 nafar talabgorlardan arizalar kelib tushdi. Ular orasida
umumtaʼlim,
ixtisoslashtirilgan, ijod va
prezident maktablari oʻquvchilari,
Oliy taʼlim muassasalarining
bakalavriat talabalari,
magistrantlari,
doktorantlar,
pedagodlar,
ayrim davlat va nodavlat tashkilotlar xodimlari
kabi ekofaollar borligi bizni juda-juda quvontirdi.

😇 Biz barchaga chuqur minnatdorchiligimizni izhor etamiz. EKONUR tabiatni asrab-avaylovchi, unga mehr beruvchi barchani qadrlaydi.

🧑‍💻👩‍💻 Tashkilotchilar esa eng munosib, atrof-muhitni asrash uchun amaliy yordamga shay boʻlgan delegatlarni saralash ishlarini boshlashdi.

Natijalar ham tez orada e'lon qilinadi. 🙂

💚 https://t.me/ekonuruz

"Eko marafon" loyihasining 8⃣-mavsumida ishtirok etish niyatidagi talabgorlar diqqatiga!

⏰ Loyihaga roʻyxatdan oʻtish bugun soat 23:59 da yakunlanadi.

♻️ Shundan soʻng talabgorlar ichidan 8-mavsumda ishtirok etuvchi delegatlar roʻyxatdan oʻtish davomida anketa savollariga bergan javoblari yuzasidan saralab olinadi.

💁‍♂ Ishtirokchilar qaysi mezonlarga koʻra saralandi:
- ChatGPTdan foydalanmagan;
- Savollarga javob yozish davomida Google, Wikipediadan tayyor matnni koʻchirib olmagan;
- Berilgan savollarga aniq, ortiqcha jumlalarsiz, hayotiy misollar bilan fikr bildira olgan;
-  Ekologiyani asrab-avaylashga qaratilgan tashabbus va gʻoyalarga ega;
- Marafonda boshqalarga nisbatan koʻproq vaqt ajrata oladigan  ishtirokchilar saralab olindi!

🏃‍➡️ Roʻyxatdan oʻtishga hali ulgurmadingizmi?
Unda shoshiling. Keyin kech boʻlmasin!

🔰 Diqqat, agar javoblaringizda kamchiliklar yoki toʻldirishlar boʻlsa tahrirlashga ulguring!

🌿 EKONUR - kutilganidanda yuqori natija!

🌱 “Ekomarafon” loyihasi yuzasidan kelayotgan barcha savollarga umumiy javob beramiz:

🌿 Loyiha “EkoNur” eko volontyorlar harakati tomonidan 2023-yilning avgust oyidan buyon o'tkazilib kelinmoqda. O'tgan vaqti ichida marafonning 7️⃣ ta mavsumi tashkil etilgan bo'lib, 1️⃣0️⃣0️⃣0️⃣ ga yaqin yoshlarni bir maqsad yo'lida birlashtira olgan.

🌞 Loyiha maqsadi:
✓ Atrof-muhit muhofazasi va ekologik muhitni yaxshilash jarayonida yoshlar va jamoatchilik ishtirokini kuchaytirish;
✓ Yoshlarning ekologik bilim va koʻnikmalarini oshirish, ularda ekologik madaniyatni shakllantirish;
✓ Eko volontyorlar hamda ona tabiatni asrab-avaylashda tashabbuskorlar safini kengaytirish;
✓ Loyiha davomida hududlarda samarali ekologik harakatlarni olib borish.

🌝 Loyihani oʻtkazish tartibi:
Loyiha onlayn boʻlib oʻtadi ya’ni dars mashg'ulotlari, jamoaviy ko'ngilochar dasturlar onlayn tashkil etiladi. Qulaylik tomoni shundaki, bu loyihada respublikamiz va jahonning istalgan nuqtasidan turib ishtirok etishingiz, onlayn tarzida ekologik bilim va ko’nikmalaringizni oshirishingiz, dasturlar orqali bo’sh vaqtingizni mazmunli tashkil etishingiz, boshqa ishtirokchilar bilan o’zaro tajriba almashishingiz mumkin bo’ladi.

🌚 Ammo, o’quv treninglari va ko’ngilochar dasturlardan tashqari eko marafon doirasida beriladigan, ona tabiatni asrab-avaylash, tabiat resurslariga ehtiyotkorona munosabatda bo’lish, hayvonlarga mehrli munosabatda bo’lishga qaratilgan vazifalarni ishtirokchilar o’z hududlarida amaliy tarzida bajarishlari kerak hisoblanadi. Bu orqali albatta, ekologiyani yaxshilanishida o’zlarining hissalarini qo’shishgan hisoblanishadi.

🤩 Loyiha sizga taqdim etadi:
1) Jamoaviy ishlash ko’nikmangizni oshirishni;
2) Turli hududlardan ishtirok etayotgan tengdoshlaringiz bilan o’zao tajriba almashishni, yangi do’stlar orttirishni;
3) Intellektual qobiliyatingizni shakllantirishni;
4) Siz bilgan va bilmagan ekologik bilimlaringizni oshirish va ona tabiatga bo’lgan muhabbatingizni mustahkamlashni;
5) Jamiyatdagi faol shaxs sifatida yanada ko’proq savobli ishlarga qo’l urishingizni;
6) Loyiha doirasida faol bo’lsangiz hamkorlar tomonidan tasdiqlangan xalqaro qr kodli sertifikatni.

😊 Bir so’z bilan aytganda Eko marafon sizni eko odam sifatida qaytadan kashf etadi, Vatanga, tabiatga mehrli munosabatda bo’lishga undaydi!

❔Agarda sizda yana savol va murojaat boʻlsa marhamat izohlarda yozib qoldiring.

☘️ @ekonuruz