Введите текст для поиска
Расширенный поиск каналов

Postal

Мульти-бот с премиум emoji Постинг+приветствие!
img
реклама

Продам канал с доходом 138090

Всего за 55 000. Срочно нужны деньги.
img
реклама

EFFECT.UZ | Расмий канал

@effectuz
Гео и язык канала: Узбекистан, Узбекский
Категория: Новости и СМИ

🌐 EFFECT.UZ ахборот агентлигининг расмий Telegram канали
Батафсил: @effectuz_live
Сайт: www.effect.uz
Мурожаат ва ҳамкорлик таклифлари учун: @effectgamurojaat
Почта: www.effect.uz@gmail.com
Алоқа учун:
+998939663030
+998971663232

Связанные каналы  |  Похожие каналы
Гео и язык канала
Узбекистан, Узбекский
Категория
Новости и СМИ
Статистика
Это ваш канал? Подтвердить Канал в реестре блогеров РКН? Подтвердить История канала
Фильтр публикаций

EFFECT.UZ | Расмий канал

11 Feb, 12:49

Открыть в Telegram Поделиться Пожаловаться
"Термизшаҳаргаз" газ таъминоти бўлими бошлиғи қамалди

Термиз шаҳридаги «Ҳудудгаз Сурхондарё» филиали бўлими бошлиғи 5 миллион сўм пора олгани учун 2 йил-у 6 ойга озодликдан маҳрум қилинди.

У оилавий корхонага қарашли умумий овқатланиш шохобчасида газ нуқталарини ташкил этиш ва уларни тармоққа улашга рухсат ва техник шарт хулосасини бериш эвазига 700 АҚШ доллари, шунингдек лойиҳа ҳужжатларини арзон нархларда тайёрлаб бериши учун яна 2 миллион сўм талаб қилган.

Маълумот учун, Ўзбекистонда 2024 йилда жами 6 898 нафар шахс томонидан 5 716 та коррупцияга оид жиноят содир этилган.

Унга кўра, 2023 йилга нисбатан коррупцияга оид жиноятлар «Ҳудудгазтаъминот» АЖ, сув хўжалиги, маҳаллий ҳокимликлар ҳамда банк соҳасида камайган. Бироқ, олий таълим, транспорт ҳамда қишлоқ хўжалиги соҳаларида ошган.
948 1 6 1 3
EFFECT.UZ | Расмий канал

11 Feb, 12:05

Открыть в Telegram Поделиться Пожаловаться
БАДда биринчи казино очилиши тасдиқланди

Бирлашган Араб Амирликларида биринчи казино очилиши тасдиқланди — у Рас ал-Хаймадаги Wynn Marjan курортининг бир қисмига айланади. Ҳозирги кунда амирликда қимор ўйинлари соҳасини тартибга солувчи маҳаллий қонунчилик ишлаб чиқилмоқда, бунда Сингапур ва Америка қоидалари асос сифатида олинган.

Wynn Resorts компанияси маълум қилишича, БААдаги қиморхона Лас-Вегасдаги шундай муассасадан икки баробар каттароқ бўлади. Унинг майдони 18,5 минг квадрат метрни ташкил этиб, 2026 йилда очилиши режалаштирилмоқда. Ал Маржан оролидаги янги мажмуа 1000та меҳмонхона хонасига мўлжалланган бўлиб, унда меҳмонлар учун камида 10та ресторан ва лоунг-бар, катта конференция маркази, шунингдек, савдо ва спа марказлари хизмат кўрсатади.

Янги курорт қурилиши учун Рас-Ал-Хайма туризмни ривожлантириш бошқармаси “қимор ўйинлари муассасалари” фаолиятини тартибга солувчи махсус бўлим ташкил этди.

Telegram I Facebook I YouTube I Live
1.9k 1 9 2 11
EFFECT.UZ | Расмий канал

11 Feb, 11:40

Открыть в Telegram Поделиться Пожаловаться
Видео недоступно для предпросмотра
Смотреть в Telegram
Жиззахда қуввати 330 МВт бўлган АЭС қурилади — бош пудратчи “Росатом”

Ўзбекистон кичик қувватли атом электр станцияси қурилиши учун халқаро консорциум ташкил этади.

“Бу лойиҳада нафақат Россия технологиялари, балки Хитойнинг ноядровий технологиялари, шунингдек, Европанинг турли дастурий таъминот ва аппарат мажмуалари қўлланилади”, — деб таъкидлади Ўзбекистон Атом энергияси агентлиги директори Азим Ахмедходжаев маҳаллий оммавий ахборот воситаларига берган интервьюсида.

Станция қурилиши бўйича шартнома 2024 йил май ойида имзоланган. Лойиҳа Жиззах вилоятида Россия намунаси асосида қуввати 330 МВт бўлган АЭС қуришни кўзда тутади — бош пудратчи сифатида “Росатом” фаолият кўрсатади.

Telegram I Facebook I YouTube I Live
2.4k 1 11 2 16
EFFECT.UZ | Расмий канал

11 Feb, 10:16

Открыть в Telegram Поделиться Пожаловаться
Электр энергиясидан қарздорилиги учун Кинематография агентлиги тармоқдан узилди

Чилонзор электр таъминоти корхонаси томонидан тузилган далолатномага кўра, Ўзбекистон Кинематография агентлиги электр энергиядан 2,7 млрд сўм қарздорлиги учун 10 февраль куни тармоқдан узилган.

Далолатномада ёзилишича, «Ўзбекфильм» киноконцерни Давлат унитар конрхонсига қарашли «Ренессанс» корхонаси ҳудудида олиб борилган қурилиш ишлари давомида фойдаланилган электр энергияси қарздорлик вужудга келган.

Ушбу корхона қарздорлиги «Ўзбекфильм» киноконцерни ДУК томонидан қопланишига келишилиб, кеча электр таъминотидан узиб қўйилган.
2.8k 1 8 8 10
EFFECT.UZ | Расмий канал

11 Feb, 09:17

Открыть в Telegram Поделиться Пожаловаться
10 та банк иш жараёнидаги қоидабузарликлар учун жаримага тортилди

Марказий банк томонидан ўтказилган ўрганиш ва инспекция текширувлари давомида аниқланган қоидабузарликлар учун 10 та банкка нисбатан жарима санкцияси қўлланди.

Шунингдек, Марказий банк кўрсатмалари ва қонунчилик талабларига риоя қилинмаганлиги учун 1 та тўлов тизими оператори чора ва санкциялар қўлланилиши тўғрисида огоҳлантирилди.

Аммо ушбу тўлов тизими ва жаримага тортилган банклар номи хабарда очиқланмаган.

Аввалроқ, Марказий банк 3 та молиявий ташкилотга жарима қўллагани ва 9 та банкни огоҳлантиргани ҳақида хабар берган эдик.
3.1k 1 8 2 5
EFFECT.UZ | Расмий канал

11 Feb, 08:55

Открыть в Telegram Поделиться Пожаловаться
Жавоҳир Синдоров дунёнинг 3-рақамли шахматчисини енгиб, ярим финалга йўл олди

Германиянинг Вайссенхаус шаҳрида 7-17 февраль кунлари бўлиб ўтаётган эркин услубдаги шахматнинг йирик турнирида (Freestyle Chess Grand Slam Tour) ҳамюртимиз Жавоҳир Синдоров америкалик Ҳикару Накамурани енгиб ярим финалга йўл олди.

Жавоҳир Синдоров классик қисмдаги иккита дурангдан сўнг, тезкор плей-оффда 1,5-0,5 ҳисобида ғалаба қозониб, 2022 йилги "World Fischer Random Chess" жаҳон чемпиони Ҳикару Накамурани мағлуб этди. Энди у ярим финалда бошқа бир америкалик гроссмейстер Фабиано Карунага қарши дона суради.

Шунингдек, 10 та машҳур шахматчи иштирокидаги ушбу турнирда Нодирбек Абдусатторов эса чорак финалда дунёнинг биринчи рақамли шахматчиси Магнус Карлсенга мағлуб бўлди.
3.3k 1 10 21
EFFECT.UZ | Расмий канал

11 Feb, 08:28

Открыть в Telegram Поделиться Пожаловаться
Видео недоступно для предпросмотра
Смотреть в Telegram
Абдулла Ариповга 2 ой мухлат берилди

Президент Шавкат Мирзиёев томонидан Бош вазир Абдулла Ариповга икки ой муддатда Ўзбекистонда атмосфера ҳавоси ифлосланишининг олдини олиш, хусусан, саноат корхоналари ва иссиқхоналарда босқичма-босқич чанг-газ ва локал сув тозалаш иншоотларини ўрнатиш бўйича дастурни тасдиқлаш ва ижросини қатъий назоратга олиш бўйича топшириқ берилди.

Бу ҳақда 7 февраль куни чиқарилган “Ўзбекистон – 2030” стратегиясини “Атроф-муҳитни асраш ва “яшил иқтисодиёт” йилида амалга оширишга оид давлат дастури тўғрисида”ги Президент фармонида сўз боради.

Муллиф: Юсуфжон Бўриев

Telegram I Facebook I YouTube I Live
4.4k 3 37 5 44
EFFECT.UZ | Расмий канал

11 Feb, 08:10

Открыть в Telegram Поделиться Пожаловаться
Саудия Арабистони болаларни Ҳажга олиб боришни тақиқлади

Саудия Арабистони Ҳаж ва Умра вазирлиги 2025 йил мавсумида зиёратчиларга болаларни ўзлари билан олиб келишларига рухсат этилмаслигини маълум қилди.
Ҳар йили Ҳаж вақтида ҳаддан зиёд кўп одам йиғилиши муносабати билан болалар хавфсизлигини таъминлашда муаммолар пайдо бўлмаслиги учун шундай қарор қабул қилинган, дейилади “АзерТАЖ” хабарида.

Шунингдек, мавсумни янада уюшқоқлик билан ўтказиш мақсадида хавфсизлик бўйича тушунтириш кампанияси, муқаддас қадамжоларда ҳаракатни бошқарадиган ва тартибга соладиган ақлли тизимларни амалиётга жорий этиш, қулайликни ошириш ва маросимлар жараёнини осонлаштириш учун қўналғалар ва йўлларни янгилаш каби яна бир қатор янги чора-тадбирлар жорий этилган. Анъанага мувофиқ, аввал Ҳаж зиёратини адо этмаганларга устуворлик берилиши ҳам қўшимча қилинган.
3.8k 1 27 5 17
EFFECT.UZ | Расмий канал

11 Feb, 07:16

Открыть в Telegram Поделиться Пожаловаться
Мактабгача ва мактаб таълими вазирлиги ҳам “саваланди”

Маълумки, президентнинг 2024 йил 21 февралдаги 37-сонли фармонида 2025 йил 1 январдан миллий сертификатга эга "Ўзбек тили ва адабиёти" фани ўқитувчиларига ҳам 50 фоиз устама тўланиши белгиланган. Аммо Мактабгача ва мактаб таълими вазирлигининг қайсидир ҳужжати билан бу тартиб фақат “Она тили ва адабиёт” ҳамда “Тарих” фанлари ўқитувчиларига татбиқ этилмоқда.

Фракция аъзоси Нодир Тилаволдиев ушбу масалани кўтариб, вазирликнинг бу ҳаракатини Давлат тилига ҳурматсизлик деб баҳолади.

Вазир ўринбосари Шерзод Каримов бу масала бўйича алоҳида ҳужжат тайёрланаётгани, тез кунларда ижобий ҳал қилинишини маълум қилди.
3.7k 1 9 4 16
EFFECT.UZ | Расмий канал

11 Feb, 05:58

Открыть в Telegram Поделиться Пожаловаться
«Афросиёб» поезди Каттақўрғонда тўхтаб ўтишни бошлади

2025 йил 10 феврал кунидан 768/767-сонли Тошкент—Бухоро—Тошкент йўналишидаги юқори тезликдаги «Афросиёб» электропоезди Каттақўрғон пунктига тўхтаб ўтишни бошлади. Бу ҳақда Транспорт вазирлиги хабар берди.

«Каттақўрғон бекатида илк йўловчилар тантанали равишда кутиб олинди», — дейилади хабарда.

Январ ойида президент қарори билан Транспорт вазирлиги ва «Ўзбекистон темирйўллари» акциядорлик жамиятига 2025 йилда «Афросиёб» поездининг Тошкент—Бухоро йўналишида Каттақўрғон пунктига тўхтаб ўтиши ҳамда Самарқанд—Каттақўрғон электр поезди йўналишларини ташкил этиш вазифалари топширилганди.

Шунингдек, Булунғур—Самарқанд шаҳри, Жума—Каттақўрғон шаҳри йўналишида электр поезди қатновини йўлга қўйиш белгиланган. Бунинг учун замонавий поезд вагонлари олиб келиш, оралиқ тўхташ темирйўл бекатлари инфратузилмасини яхшилаш режалаштирилган.
3.8k 1 5 9
EFFECT.UZ | Расмий канал

10 Feb, 23:00

Открыть в Telegram Поделиться Пожаловаться
Билмаганга бўлишма! – Ҳуқуқшунос «ҳуқуқ фаоллар»ини ўзлари қонунларни билмасликда айблади

Шунинг учун зиёлиларимизга мурожаат қилиб, уларни ўзларининг тегишли соҳаларида активроқ бўлишга чақириб, майдонни пиарчи ва хайпчи популистларга бериб қўйиш нотўғрилиги, муҳокамалар, танқидлар ва фикрлар билдириш конструктив, объектив ва амалдаги қонунларни эътиборга олган ҳолда бўлиши жамият ривожи учун ўта муҳимлигини эслатмоқчиман, дейди юридик фанлар бўйича фалсафа доктори Раззоқ Альтиев.

👉🏻 https://effect.uz/6180

Telegram I Facebook I YouTube I Live
4.2k 1 13 15
EFFECT.UZ | Расмий канал

10 Feb, 20:43

Открыть в Telegram Поделиться Пожаловаться
“Бухорода магистрал газ қувурида келиб чиққан ёнғин тўлиқ ўчирилди” – Энергетика вазирлиги

Вазирликнинг маълум қилишича, ҳозирда табиий газ захира қувурлари орқали ҳеч бир узилишсиз ўтказилмоқда.

https://effect.uz/6179

Telegram I Facebook I YouTube I Live
4.2k 1 2 3 7
EFFECT.UZ | Расмий канал

10 Feb, 20:24

Открыть в Telegram Поделиться Пожаловаться
"Трампнинг Ғазони сотиб олиш ҳақидаги даъволари мутлақо бемаънилик" – ҲАМАС

«Ғазо ўз халқига тегишли ва фаластинликлар ўз ерларини тарк этмайди. Улар 1948 йилда босиб олинган шаҳар ва қишлоқларга қайтишдан бошқа ҳеч қандай кўчиришга рози бўлмайди», — деб таъкидлади ҲАМАС Сиёсий бюроси аъзоси Иззат ар-Ришк ўз баёнотида.

https://effect.uz/6178

Telegram I Facebook I YouTube I Live
4.1k 2 1 1 11
EFFECT.UZ | Расмий канал

10 Feb, 19:54

Открыть в Telegram Поделиться Пожаловаться
CNN: Трамп бир центлик тангалар зарб этилишини тўхтатишни буюрди

"Бу исрофгарчилик! Мен АҚШ Молия вазирига янги 1 центлик тангалар чиқарилишини тўхтатишни буюрдим", — деди АҚШ президенти.

2024 молия йилида АҚШ зарбхонаси 1 центлик тангаларнинг ишлаб чиқариш ва тарқатиш нархи тахминан 3,7 центга тенг эканини маълум қилган, бу 2023 йилга нисбатан 20% кўпроқ.

Бунга сабаб сифатида ушбу турдаги тангаларни зарб қилишда фойдаланилувчи рух ва мис металлари нархининг ошиши кўрсатилган.
4.1k 1 2 4
EFFECT.UZ | Расмий канал

10 Feb, 19:21

Открыть в Telegram Поделиться Пожаловаться
⚡️Кинематография агентлиги қарздорлик сабаб электр энергиясидан узулди

Бугун, 10 февраль куни Ўзбекистон Кинематография агентлиги электр энергиясидан қарздорлиги сабабли тармоқдан узилди. Чилонзор электр таъминоти корхонаси томонидан йўлланган далолатномага кўра, қарздорлик ҳажми 2.7 млрд сўмни ташкил қилади.

Telegram I Facebook I YouTube I Live
4.1k 1 15 7 11
EFFECT.UZ | Расмий канал

10 Feb, 18:53

Открыть в Telegram Поделиться Пожаловаться
🇦🇿🇷🇺 Озарбойжон pоссиялик депутат Николай Валуевни “персона нон грата” деб эълон қилди

Бу ҳақда Озарбойжон Ташқи ишлар вазирлиги матбуот котиби Айхон Ҳожизода маълум қилди.

"Россия Давлат Думаси депутати Николай Валуевнинг озарбойжон халқи ҳақидаги баёнотлари ҳақоратли ва қабул қилиб бўлмайдиган деб топилди. Шу муносабат билан унинг исми Озарбойжон Республикасига кириши тақиқланган шахслар рўйхатига киритилди", — деди Ҳожизода.

Озарбойжон ТИВ вакилининг сўзларига кўра, Валуев билан бирга Константин Затулинн ва Виталий Милонов ҳам “исталмаган шахслар” рўйхатига киритилган.

"Афсуски, бу депутатларнинг барчаси Россиянинг ҳукмрон “Единая Россия” партияси аъзоларидир", — дея дея қўшимча қилди Ҳожизода.

6 феврал куни собиқ боксчи, айни пайтда Дума депутати Николай Валуев ўзининг Теlegram-каналида Боку шаҳрида “Россия уйи” муассасасининг ёпилишига муносабат билдирган. Валуев бунга жавоб чорасига сифатида Россиядаги озарбойжон диаспорасини "диққат билан кузатишни" таклиф қилган.
4.2k 1 3 3 16
EFFECT.UZ | Расмий канал

10 Feb, 17:42

Открыть в Telegram Поделиться Пожаловаться
Энди пенсия олиш учун мурожаат қилинмайди

Ўзбекистонда ёшга доир пенсияни мурожаатсиз тайинлаш тартиби жорий этилади. Бу ҳақда Олий Мажлис Қонунчилик палатаси хабар берди.

Унга кўра пенсия олиш ёшига тўлган (эркаклар – 60 ёш, аёллар – 55 ёш) фуқароларга ёшга доир пенсияни белгилашда алоҳида мурожаат талаб этилмайди. Фуқаро иш стажи, иш ҳақи ва бошқа маълумотлари вазирлик ҳамда идоралар ахборот тизимларидан олинган маълумотлар асосида бир кун муддатда проактив шаклда тайинлаш тартиби жорий этиш режалаштирилмоқда.

Шунингдек, қонун лойиҳасида фуқарода пенсия ёшига етганига қарамай меҳнат фаолиятини давом эттириш истаги бўлса, проактив шаклда тайинланадиган ёшга доир пенсияни рад этиш тартибини ҳам жорий этиш назарда тутилмоқда.

Эслатиб ўтамиз, амалдаги тартибга кўра, фуқаролар пенсия ёшига тўлганидан сўнг пенсия тайинлашни сўраб яшаш жойидаги Пенсия жамғармаси бўлимига, Давлат хизматлари марказига ёки Ягона интерактив давлат хизматлари порталига рўйхатдан ўтиб, сўровномани тўлдирган ҳолда мурожаат қилади.
6.7k 1 48 1 18
EFFECT.UZ | Расмий канал

10 Feb, 15:45

Открыть в Telegram Поделиться Пожаловаться
Мактаблардаги ўзбек тили (давлат тили) фани ўқитувчиларга устама тўланади

Ўзбекистон Республикаси президентининг “Ўзбекистон – 2030” стратегиясини “Атроф-муҳитни асраш ва “яшил иқтисодиёт” йилида амалга оширишга оид давлат дастури тўғрисида”ги Фармони қабул қилинди.

Фармонга кўра, 2025-йил 1-февралдан бошлаб Мактабгача ва мактаб таълими вазирлиги тизимидаги умумий ўрта таълим муассасаларида ўзбек тили (давлат тили) фани бўйича дарс берувчи ҳамда Билим ва малакаларни баҳолаш агентлигининг миллий баҳолаш тизимида олинган тегишли даражадаги ўзбек тили ва адабиёти сертификатига эга бўлган педагог кадрларга уларнинг тариф ставкасига нисбатан 50 фоиз миқдорида ҳар ойлик қўшимча устама тўланади.
4.6k 1 22 3 6
EFFECT.UZ | Расмий канал

10 Feb, 15:15

Открыть в Telegram Поделиться Пожаловаться
Видео недоступно для предпросмотра
Смотреть в Telegram
Норасмийлик: алданиш, ногиронлик, ўлим ҳолатлари – Махсус рейдлар давомида қандай қонунбузилиш ҳолатлари аниқланмоқда?

Кўплаб фуқароларнинг айрим корхоналарда меҳнат қилиши ва ойликка етиб келганда ишдан ҳайдалиш ёки алданиш ҳолатлари тез-тез учраб туради. Айниқса, бундай ҳолатлар пойтахт – Тошкент ва шаҳар атрофида кўп.

Ачинарлиси, қурилиш объектларида ишлаётганлар бахтсиз ҳодисалар оқибатида ҳалок бўлишади, ёки ногирон бўлиб қолишаётгани ҳам ҳақиқат. Ва бундай жараёнларда иш берувчи ва ишчи ўртасидаги муносабатлар бузилади. Бунга сабаб икки субъект ўртасидаги келишув (агар у мавжуд бўлса) шартлари аниқ бўлмайди.

Айрим идоралар эса шу кунгача ишчиларни норасмий ишлатишдан манфаатдор бўлиб келади. Ишчилар ҳам ўз ҳақ-ҳуқуқларини билмасликлари оқибатида бунинг ортидан катта зарар кўришлари мумкин.

Айнан шундай ҳолатлар содир бўлмаслигини олдини олиш мақсадида Тошкент вилояти камбағалликни қисқартириш ва Бандлик бошқармаси давлат меҳнат инспекцияси ходимлари томонидан «махсус рейд» ўтказилди. Effect.uz мухбирлари жараёнда бевосита иштирок этди.

«Бахтсиз ҳодисалар содир бўлаётгани бу жуда ҳам ачинарли. Айрим ташкилотлар ходимларининг меҳнатни муҳофаза қилиш ва техника хавфсизлиги бўйича ўқувдан ўтказмайди. Бунинг оқибатида ходим жабрланиб, ногирон бўлиб қолади ёки ўлим билан тугаган ҳолатларга ҳам гувоҳ бўлиш мумкин. Мурожаатларнинг кўп қисми мана шундай норасмий ишчилардан тушади. Аслида меҳнат шартномаси тузилса, ҳар икки томон ҳам ўзининг ҳуқуқларини яхши билган бўларди», дейди Тошкент вилоят давлат меҳнат инспекция бошлиғи Маъруфжон Тошқулов.


Зангиотадаги Қурилиш объектларидан бири кўздан кечирилганда жами 12 нафар ишчиси борлига ва уларнинг барчаси меҳнат шартномаси асосида ишлаётганлиги айтилди, аммо ҳужжатлар текширилганида улардан 2 нафари норасмий ишчи статусида эканлиги аниқланди. Шу жойнинг ўзида ишчилар билан иш берувчи ўртасида меҳнат шартномаси тузилиб қонуний ишга олиниши таъминланди.

Шунингдек, махсус рейд давомида хизмат кўрсатиш соҳасида ҳам норасмий ишлаётган ходимларнинг меҳнат шартномаси асосида ишга олиниши таъминланган.

👉🏻 ТЎЛИҚ ВИДЕО

Telegram I Facebook I YouTube I Live
5k 1 29 6
EFFECT.UZ | Расмий канал

10 Feb, 14:54

Открыть в Telegram Поделиться Пожаловаться
Йўл ҳаракати қоидасини бузган 40 мингга яқин ҳайдовчига нисбатан маъмурий иш кўрилди

2024 йилда транспорт воситалари ҳайдовчиларининг йўл ҳаракати қоидаларини бузиши жабрланувчига енгил тан жароҳати ёки анча миқдорда моддий зарар етказилишига олиб келиши (МЖтКнинг 133-моддаси) билан боғлиқ маъмурий ҳуқуқбузарлик бўйича 40 119 нафар шахсга нисбатан 39 270та иш кўриб тамомланган.

Олий суд Жамоатчилик билан алоқалар маркази раҳбари Азиз Абидов маълумотларига кўра, шундан 26 063 нафар шахсга нисбатан жарима ва транспорт воситасини бошқариш ҳуқуқидан маҳрум этиш каби маъмурий жазолар қўлланилди.

Telegram I Facebook I YouTube I Live
4.3k 1 3 5
Показано 20 последних публикаций.