DAVLAT XIZMATLARI AGENTLIGI, NAMANGAN VILOYAT BOSHQARMASI

Бугунги кунда юртимизда тадбиркорларга ишбилармонлик муҳитини яратиш, уларнинг фаолиятига тўсқинлик қилаётган омилларга барҳам бериш, айниқса хорижий ва маҳаллий инвесоторларни жалб қилиш орқали янги иш ўринларига ега бўлиш енг муҳим омиллардан саналади. Чортоқ туман давлат хизматлари марказига рўйҳатдан “Alhamdani group” МЧЖ хорижий корхона хамда “Alarabia chickens company” МЧЖ кўшма корхонаси рўйҳатдан ўтиш учун келди. Уларга туман давлат хизматлари маркази ходимлари томонидан тез ва сифатли хизмат кўрсатилди. Ҳужжат ишларни расмийлаштириш учун кетган қисқа вақт, инвесторларни мамнун етди. Шундан сўнг, Давлат хизматлари агентлиги Наманган вилоят бошқамаси ташаббуси билан, Чортоқ туман ҳокими иштирокида эсдалик совғалари топширилди. Шуни алоҳида қайд етиш даркор, мазкур корхоналарнинг фаолият бошлаши туманда қўшимча 39 янги иш ўринлари яратилишига замин бўлди.

Савол: Экстерриториал хизмат нима? Тошкентга кўчиб кетганим учун якка тартибдаги тадбиркорлик фаолиятимни вақтинча тўхтатдим. Аммо, уни тугатишга тўғри келди. Бироқ, Тошкентдан туриб, Миробод тумани давлат хизматлари марказидан фойдалана олмадим. Айрим сабабларга кўра, Навоийга келишга мажбур бўлдим. Экстерриториал хизмат фақат айрим хизмат турлари учун ташкил этилганми?
Зариф Махмудов,
Навоий шаҳри
Кармана тумани ДХМ бўлим бошлиғи Муроджон Нуров жавоб беради:
– Ўзбекистон Республикаси Президентининг 2019 йил 15 февралдаги «Давлат хизматлари кўрсатиш миллий тизимини янада комплекс ривожлантириш чоралари ҳақида»ги қарорининг 1-бандида 2019 йил 1 июндан бошлаб жисмоний ва юридик шахслар давлат хизматларини экстерриториал тамойил бўйича олишга ҳақли эканлиги белгиланган. Давлат хизматларини олишнинг экстерриториал тамойили – бу фуқаролар доимий (вақтинча) рўйхатдан ўтган жойидан ва юридик шахслар почта манзилидан (жойлашган еридан) қатъий назар, исталган ҳудуддаги Давлат хизматлари марказларига мурожаат қилиш имконияти хисобланади. Бу хизмат барча хизмат турлари учун ташкил этилган.
Сизнинг мурожаатингиз мисолида нега экстерреториал хизмат оломаганингиз сабабини аниқладик. Боиси якка тартибдаги тадбиркорлик фаолиятингизни тугатиш учун Вазирлар Маҳкамасининг 630-сон қарорига мувофиқ ҳудудий солиқ идорасининг солиқ ва бошқа тўловлардан қарздорлиги мавжуд эмаслиги тўғрисида хулосаси ҳамда хизмат кўрсатувчи банкнинг барча ҳисоб рақамлар ёпилганлиги тўғрисида маълумотномаси мавжуд бўлмаган. Шу боисдан сизга Миробод тумани ДХМидан экстерриториал хизмат кўрсатишнинг имкони бўлмаган.

Xurmatli fuqarolar davlat xizmatlaeriga oid savollaringiz, fikr-muloxazalaringiz bo'lsa, 99893 948 56 66 raqamiga sms tarzda yoki telegramm orqali yuborishingiz mumkin!