Xususiy klinikalarda yotib davolanishning oʻrtacha kunlik narxi 300,000–500,000 soʻm.
Kamida 7–10 kun yotish talab qilinadi, bu esa jami 3–5 million soʻmga tushadi. Agar “yaxshiroq” klinika boʻlsa, 10 kunlik davolanish 10–20 million soʻmni tashkil qilishi mumkin.
Doktorga oʻrtacha 0,5–1 million soʻm beriladi.
Diagnostika (laborator va instrumental tekshiruvlar) uchun 2–5 million soʻm sarflanadi.
Tashxis qoʻyilgandan keyin dori-darmon yoziladi. Ularni kamida 1 oy qabul qilish kerak, bu esa oʻrtacha 5 million soʻm.
Bir oydan keyin yana tekshiruvlar buyuriladi, bu uchun yana 1–2 million soʻm ketadi.
Doktor analiz natijalariga qarab: “Muolajalarni yana 1 oy davom ettirish kerak”, deb aytsa (odatda shunday boʻladi), yana 4–5 million soʻm sarflanadi.
Shundan soʻng bemor doktordan soʻraydi:
— Endi doim dori ichib yuramanmi?
Doktor javob beradi:
— Yoʻq, agar ozsangiz shart emas.
Shunda bemorning miyasida chiroq yonadi:
“Demak, ozishim kerak!”Ozish uchun mutaxassisga murojaat qiladi.
Mutaxassis bemorga turli laborator tekshiruvlarni topshirishni buyuradi. Agar bularsiz tekshiruv oʻtkazilmasa, ozish imkonsizligi ta’kidlanadi.
Bemorga faqat shu laboratoriya natijalari asosida ishlashini aytadi va uni aynan oʻziga tanish laboratoriyaga yoʻnaltiradi. Nima uchun shunday qilishini tushunish qiyin emas…
Bemor laboratoriya tahlillari uchun yana 2–3 million soʻm sarflaydi.
Analiz natijalarini koʻrib, mutaxassis:
— Mana shu muammolarni hal qilmasak, ozolmaysiz, — deydi.
Nima deb oʻylaysiz qanday “toʻgʻirlaydi” yoki “davolaydi”?
Podarok v studiyu! BAD!!!
Ana boʻlmasa)))
Buni summasi ham chakki emas, kamida 5-10 mln sarflash kerak.
Daxshat! Paleolit davriga xos boʻlgan, tibbiyotning eng tuban “oltin” standartlari — kasalliklarni BAD’lar bilan davolaydigan zamonda yashayapmiz…
Ma’lumot uchun: BAD — ruscha qisqartma bo‘lib, “Биологическая Активная Добавка” (Oʻzbekchasi BFQ — Biologik Faol Qoʻshimcha) degan ma’noni anglatadi.
Qadoqlarda kichik harflar bilan
“Не является лекарственным средством” (ya’ni, “Dori vositasi emas”) deb yozilgan “moʻ’jizaviy” kapsulalar bemorga buyuriladi.
Tibbiyot, meni kechir… Seni shunday qoʻllarga topshirib qoʻydik.Bemorning hikoyasi davom etadi:
U BAD’larni qabul qilishni boshlaydi. Shu bilan birga unga maxsus DIYETA rejasi buyuriladi: kuniga bir yoki ikki mahal ovqatlanish.
Bundan tashqari, haftada kamida bir marta (ikki marta qilinsa effekt zoʻr boʻlishi uqtirilishi bilan birga) sutka davomida och qolish – AUTOFAGIYA qilish kerakligi aytiladi.
Azoblanish ehtiyojini qondiradigan juda yaxshi “usul”…
Autofagiya nima? Bu haqda keyinroq batafsil to‘xtalaman.
Kuniga 1–2 mahal ovqatlanib, haftasiga 1–2 sutka och qolgan bemor ozishni boshlaydi.
Lekin unga
“Bemor och qolganda unda kaloriya defitsiti boʻlayotgani uchun emas, BAD’larni ichgani uchun ozayotgani” miyasiga quyiladi.
Nega?
Chunki bemorni kerakli vaznga yetib borgunicha yana qanday qilib BADlarni sotish mumkin???
Bemor uzoq vaqt och yurishdan va BAD ichishdan charchaydi. Bir kun kelib, buni toʻxtatadi. Vazni nima boʻladi?
Juda toʻgʻri fikrlayapsiz! Bu kanalimni oʻqib borishingizni mevasi: avvalgi falonchi opa/aka pistonchi xola/amakiga aylanadi-qoladi.
Nima yutdi, nima yutqazdi?Yutgani: tajriba quyonchasi boʻldi.
Yutqazganlari esa:
— Kamida 30 million soʻm sarfladi.
— Salomatligida (vaqtincha xursand boʻlganini hisobga olmaganda) ijobiy oʻzgarish yoʻq.
— Behuda vaqti ketdi.
— Hatto sog‘lig‘iga og‘ir, qaytarib bo‘lmas jarayonlarga olib keladigan zarar bergan boʻlishi ham mumkin.
Bu real
voqea. Men uni qisqacha yozdim. Asabiylashish, ruhiy tushkunlik haqida gapirmay ham qo‘ya qolay. Bu yoʻlni biroz boʻlsada his qilsangiz oʻsha odam holatini tushunib olish qiyin emas.
Bemorning hikoyasi tugamagan… Uni keyingi safar.
@doctorferuz
