Discovery Education

✨Sizni orzu nima edi…💫

🏛️Maktabda birinchi marta ingliz tili darsida, kitob muqovasidagi qizil ikki qavatli avtobus 🚌, mashhur Big Ben minorasi 🕰️ va 🇬🇧 Londonning qizil telefon budkasi ☎️ menga o‘zgacha ta’sir qildi. O‘sha kichkina sinfxonada, bolalikning beg‘uborligi bilan orzu qila boshladim: qachondir shu joylarga borarmikanman, o‘sha narsalarni o‘z ko‘zim bilan ko‘rarmikanman, deb. 🌆✨

Ammo yillar o‘tib, bu oddiy orzular katta-katta maqsadlarga yo‘l berdi va unutilib ketdi. ⏳ Hayot o‘z izini qoldirar ekan, bolalikdagi oddiy orzular mayda va sodda tuyula boshlaydi, go‘yo ular hayotning shoshqin oqimida yo‘qolib ketgandek… 🌊

Bir kuni, yolg‘iz o‘tirganimda, o‘sha kichkina Sanjarni esladim. 👶💭 Bolalikdagi o‘zimga xayolan qaytdim va u menga o‘z orzularini eslatdi: Londonga borish, qizil avtobusda yurish 🚌, Big Benni va qizil telefon budkasini ko‘rish ☎️. O‘zimga va’da berdim – bu safar kichkina Sanjarning orzularini amalga oshiraman. 💪✨

Shu kuni bilet olib, London sari yo‘l oldim. Har safar bu shaharga borganimda 🛫, hozirgi men uchun bu oddiy bir sayohatdek tuyulsa-da, bolalikdagi Sanjar uchun har bir tashrif – orzularning mo‘jizasi edi. 🏰 Bu sayohatlar faqat bir manzil emas, balki qalbimda uyg‘ongan, unut bo‘lgan orzularimning qaytishi edi. 🚀

Shuning uchun barchaga maslahat beraman: “Bolalikdagi orzularingizni hech qachon unutmang. ✨ Ular qalbingizga toza quvonch olib keladi va o‘zingizni yana bolalikdagi beg‘uborlik bilan his qilasiz”.

Hech qachon ortga qaramang, o‘tgan kun o‘tadi ketadi, faqat kelajakga intiling. 🎯 Ammo yoshlikdagi orzularingizni unutmang, balki o‘tmishdagi orzularingiz kelajakdagi yutuqlaringiz uchun kuch bag‘ishlagan bo‘lishi mumkin. 💥 Katta yutuqlarga erishgach, bolalikdagi “kichkina SIZNI” 👶 xursand qilishni unutmang – bu eng chuqur va samimiy quvonchlardan biridir. 🌟

Yoshlikdagi yana boshqa orzularim haqida keyingi safar.

Hurmat bilan, sayohatsevar 🌍 @SanjarDiscovery

P.S. Koreyaga kelish orzusi “Qish sonatasi” kinosini ko’rganimda paydo bo’lgan ))) Shu kinoni ko’rganlar bitta like 👍

🗓 2021 yilda ofisimizga onasi bilan kirib kelgan bir yosh yigit hayotimda katta burilish yasadi.

❤️ Ular o‘g‘lining Koreyada ta’lim olish orzusi borligini, biroq moliyaviy qiyinchiliklar sabab, firma to’lovini umuman to’lay olmasliklarini aytishdi. Ularning umidli ko‘zlari va ichki kurashlarini ko‘rib, men va jamoamiz shunday yoshlarga yordam qo‘lini cho‘zishimiz zarurligini his qildik.

💯 Shundan buyon har semestrda, Koreyada o‘qishni xohlaydigan, lekin moliyaviy jihatdan imkoniyatlari cheklangan talabalarga MUTLOQO BEPUL yordam ko‘rsatib kelmoqdamiz.

🤝 Maqsadimiz – Koreyada o‘qishni orzu qilgan, ammo moliyaviy imkoniyatlari cheklangan talabalarga qo‘llab-quvvatlash ko‘rsatishdir.

🚀

Hozirda har semestrda, turli hududlardan kelgan iqtidorli va orzulari yuksak yoshlarga Koreyada ta’lim olish imkoniyatini yaratib bermoqdamiz. Biz uchun bu – nafaqat yordam, balki ularning hayotiga yangi sahifa ochish va kelajakda muvaffaqiyatli shaxs bo‘lib yetishishlariga yo‘l ko‘rsatishdir.

Kimga shunday yordam kerak bo’lsa bexijolat shaxsan o’zimga murojaat qilaangiz bo’ladi: @sanjar_discovery

🇰🇷 Hurmat bilan Koreyadan @SanjarDiscovery

Andijondagi konsalting firmalardan birining rahbari, hazilkash va ko‘ngli ochiq inson deb bilaman. Yaqin tanish emasmiz, ora-orada maslahatlashib turaganmiz xolos. Shunday bo’lsada Andijonda ochilishimiz bilan Tabriklaganlaridan man ham juda xursand bo’ldim. Suhbatimizga jiddiy e’tibor bermaysiz, xazillar bilan bo’lgan muloqat )

Ushbu skrinshtni quyishimning sababi esa — biznesda o‘zaro hurmat va hamkorlik muhimligini ko’rsatish. Qarama-qarshilik va raqobat o‘rniga, biz birga rivojlanishimiz kerak deb o’ylayman.

Andijonda ko‘plab shogirdlarimiz bor va ushbu ofisimizni Koreyada o‘qishni tamomlagan shogirdim rahbarligida yuritishni boshlaymiz. Bu yangi imkoniyatlar eshigini ochadi.

Qisqasi yana o’sha Seuldan @SanjarDiscovery

❔Har hafta kamida 4-5 marta beriladigan savol: Sanjar aka, IELTS 5.5 bilan o‘qishga kirish yoki grant yutish mumkinmi? Bu 100% grant rostmi?

Ko‘plab ma’lumotlar mavjud bo‘lsa-da, ko‘pchilikda hali ham aniq tushunchalar yo‘q.

❤️‍🔥❤️‍🔥❤️‍🔥 Qisqa va aniq javob: mumkin. Bir talabamizning natijasi misolida keltiraman:

✅ IELTS 5.5 bilan: 3 ta universitetga qabul qilinishi.
✅ IELTS 5.5 bilan: dunyoning TOP-1000 talik o‘qishlaridan talaba bo‘lishi.
✅ IELTS 5.5 bilan: 100% grant yutib, bepul bakalavrlikda o‘qishi. (Alohida postda batafsil yozaman.)
⚡ TOPIK 3 bilan ham 100% grant olish imkoniyati mavjud.

Ko‘rib turganingizdek, IELTS 5.5 ball bilan ham ko‘plab imkoniyatlar mavjud.

👨‍🎓Xo‘sh, Tohir ukamiz qaysi universitetni tanlagan deb o‘ylaysiz?

1. Kyung Hee (Seul)
2. Sejong (Seul)
3. Dong-A (Pusan)

U, Seuldagi TOP-1000 talikka kiruvchi ikki universitetni emas, Pusandagi Dong-A universitetini tanladi. Sababi esa 👇

💚💚💚 Koreyada o‘qish og‘ir bo‘lgan TOP universitetlarda bir vaqtning o‘zida o‘qib, ishlash juda qiyin. Ko‘pincha talabalar uyidan yordam olishiga ham to‘g‘ri keladi.

💛💛💛 Maslahatim: Agar ham o‘qib, ham ishlab, o‘zingizni qiynashni xohlamasangiz, o‘rta darajadagi universitetlardan tanlang.

📌 Bu mening shaxsiy fikrlarim – yillar davomida talabalar bilan ishlash va ularning Koreyadagi hayotini kuzatishdan kelib chiqqan xulosalarim.

❓ Xo‘sh, IELTS 5.5 bilan TOP universitetlarga topshirishni tavsiya beramanmi?

🟦🟦🟦🟦 Yo‘q, tavsiya bermayman. IELTS 5.5, hatto 6.0 yoki 6.5 bilan ham eng yuqori darajadagi universitetlarga hujjat topshirishni maslahat bermayman.

Sabablari esa, keyingi postlarimda…

Kuzatishda davom eting va obuna bo’ling: Koreyadan, @SanjarDiscovery