Dehqonobod tumani hokimligi

Assalomu alaykum, muhtarama onaxonlar, qadrli opa-singillar, dilbar qizlarimiz!

Sizlarni 8-mart – Xalqaro xotin-qizlar kuni bilan chin qalbimdan muborakbod etaman.
Aziz onaxonlar, opa-singillarim!
Sizlarning mehnatingiz, fidoyiligingiz va bag‘rikengligingiz orqali yurtimizda tinchlik va osoyishtalikni saqlash, oilalarni mustahkamlash hamda jamiyatimizda mehr-oqibat muhitini rivojlantirishda katta o‘rningiz bor.

Chidam, sabr-bardosh, oqilalik va shukronalik kabi fazilatlaringizni yuqori baholash juda qiyin. Hech ikkilanmasdan aytishim mumkinki, o‘zining go‘zalligi, mehnatkashligi va fidoyiligi bilan bizning yurtimiz ayollariga teng keladigan ayollar dunyoda kamdan-kam uchraydi.
Sizlarning rolingiz, nafaqat oilada, balki jamiyatda ham beqiyosdir. Sizlar bizning kuchimiz, ilhom manbaimiz va kelajagimizni shakllantirayotgan eng muhim shaxsiyatsiz.

Dehqonobod tumanida ham ayollarimiz o‘zining nafaqat oiladagi, balki jamiyatdagi faoliyati bilan ham alohida e'tiborga loyiqdir. Tumanimizda ko‘plab ayollarimiz turli sohalarda samarali faoliyat olib borishmoqda. Ular tumanimiz iqtisodiyoti va ijtimoiy hayotida faol ishtirok etib, ta'lim, sog‘liqni saqlash, tadbirkorlik, madaniyat va boshqa ko‘plab sohalarda yuqori natijalarga erishmoqdalar. Ayollarimizning fidoyiligi va mehnatsevarligi jamiyatimizni yanada rivojlantirishga xizmat qilmoqda.

Sizlarni yana bir bor bayramingiz bilan tabriklab, har biringizga sihat-salomatlik, baxt, omad, xonadonlaringizga esa fayzu baraka tilayman. Umringiz uzoq, iqbolingiz ziyoda bo‘lsin! Barcha ezgu orzu-niyatlaringiz amalga oshsin.

Hurmat bilan,
Dehqonobod tumani hokimi
Sherzod Shokirov.

Namuna sifatida hokimlik issiqxonasi yonidagi tokzor oralariga kartoshka mahsuloti ekilmoqda

Oziq-ovqat xavfsizligini ta'minlash va bo'sh yerlardan unumli foydalanish borasida fuqarolarga namuna koʻrsatish maqsadida, Dehqonobod tumani hokimlik issiqxonasi yonida yaqinda tashkil etilgan tokzor oralariga kartoshka ekish tajribasi joriy etildi.

Kanalga ulanish:
@Dehqonobodpress

#Diqqat 📚
#Dehqonobod_tumani

⚡️“Siyosiy-ma’rifat soati”

✅ Respublika Ma’naviyat va Ma’rifat Markazi Dehqonobod tuman bo‘linmasining tashabbusi asosida tuman hokimligi rahbarlari va mutaxassislari ishtirokida navbatdagi “Siyosiy-ma’rifat soati” o‘tkazildi.

Bugungi kunda eng muhim va dolzarb mavzular haqida ma’lumot berib boruvchi "Siyosiy-ma’rifat soati" haftaning har juma kuni Respublika Ma’naviyat va Ma’rifat Markazi, Prezident huzuridagi Davlat xizmatini rivojlantirish agentligi hamda O‘zbekiston Mahallalari uyushmasi tomonidan taqdim etiladi.

Kanalga ulanish:
@Dehqonobodpress

Dehqonobod tumanida 8-mart Xalqaro xotin-qizlar kuni munosabati bilan bayram tadbiri o‘tkazildi

Dehqonobod tumanida 8-mart – Xalqaro xotin-qizlar kuni munosabati bilan tantanali bayram tadbiri bo‘lib o‘tdi. Tadbirda turli sohalarda na’munali faoliyat olib borayotgan ayollar, mehnat faxriylari va hoji onalar ishtirok etishdi. Tadbirni tuman hokimi Sherzod Shokirov ochib, xotin-qizlarni samimiy tabriklab, ularning jamiyatdagi o‘rni va ahamiyatini alohida ta’kidladi.

Hokim, shuningdek, tumanimizda xotin-qizlar salomatligi, bandligi va ularning yaxshi sharoitlarda yashashi uchun Prezidentimiz tomonidan belgilangan topshiriqlar asosida amalga oshirilayotgan amaliy ishlar haqida so‘zlab o‘tdi. Ayollarni qo‘llab-quvvatlash va ularning hayotini yaxshilashga qaratilgan bir qator dasturlar va loyihalar doirasida ishlar olib borilayotgani ta’kidlandi. Hokim, shuningdek, ayollarimizning mehnatiga yuqori baho berib, ularning jamiyatdagi o‘rni va roli tobora ortib borayotganini alohida ta’kidladi.

Bayram dasturida san'atkorlar ijrosidagi kuy-qo‘shiqlar xotin-qizlarga xushkayfiyat ulashib, tadbirni yanada tantanali va mazmunli qildi.

Kanalga ulanish:
@Dehqonobodpress

Foto: Yangiobod mahallasida bo‘sh turgan tomorqa yerlarida issiqxonalar qurilmoqda

Dehqonobod tumani Yangiobod mahallasida bo‘sh turgan tomorqa yerlarida issiqxonalar qurilmoqda. Ushbu issiqxonalar orqali mahallada iqtisodiy faollikni oshirish, ayniqsa qishloq xo‘jaligi mahsulotlarini yetishtirishni kengaytirish maqsad qilingan. "Bir mahalla — bir mahsulot" tamoyili asosida, mahalla aholisiga zarur bo‘lgan qishloq xo‘jaligi mahsulotlari yetishtirish rejalashtirilgan. Bu loyiha mahallalarning o‘z-o‘zini ta'minlash imkoniyatlarini kuchaytirish, iqtisodiy mustahkamlikni ta'minlash va aholi daromadlarini oshirishga yordam beradi.

Kanalga ulanish: @Dehqonobodpress

Dehqonobod tumani hokimi boshchiligidagi tashkilot va idora rahbarlari ishtirokidagi navbatdagi sayyor qabul "Tepaguzar" mahallasida bo'lib o'tdi

Tumanning "Tepaguzar" mahallasida Dehqonobod tumani hokimi Sherzod Shokirov va tumandagi tashkilot va idora rahbarlari tomonidan fuqarolar uchun sayyor qabul oʻtkazildi.

Sherzod Shokirov tomonidan muloqotda yig'ilgan fuqarolar va yoshlarning murojaatlari hamda takliflari tinglanib, murojaatlar yechimi yuzasidan mas'ullarga topshiriq va yoshlar hamda fuqarolarga tegishlicha yo'naltirishlar berildi.

Tashkilot rahbarlari tomonidan sohalar boʻyicha aholi vakillarini qiynab kelayotgan muammolarni joyiga borib o'rganildi. Tuman hokimi fuqarolar tomonidan aytilgan murojaatlar soha mas’ullari tomonidan oʻrganib chiqilib, qonun doirasida ijobiy hal etilishi hamda murojaatlar ijrosi hokimlik nazoratida bo'lishini ta’kidladi.

Kanalga ulanish: @Dehqonobodpress