Дайди ўқ

Таҳлилларга кўра, онгги 7-синф маълумоти билан тенг одамлар, табиб, мулла ва фолбинга ишонади. Уларни ўз муаммосига ягона ечим сифатида кўради

Қуйидаги постни, ҳеч бўлмаса 9-синф маълумотига эга инсонларгина тушунади холос
👇👇👇
Дард чеккан одам табиб мўжизасига ишонади. Бунинг кўп сабаблари бор. Қуйида шу сабабларни таҳлил қиламиз

Дардман одам умидсизликка тушгач табибдан бошқа йўл йўқдек кўринади. Анъанавий тиббиёт самарасиз ёки жуда мураккаб кўринганда, одамлар мўъжизага ишониб, бошқа усулларни излайдилар. Бу айниқса сурункали ёки даволаб бўлмайдиган касалликлардан азият чекувчиларга хос.

Даво топаман деган ишончнинг ўзи ҳам яхши натижа келтиради. Буни плацебо эффекти дейилади. Бемор киши табибнинг фойдасига ишонса бу ҳолат касаллик аломатларини бироз енгиллатади.

Инсон табиб кучига дўстлари, қариндошлари ва бошқа танишлари таъсирида ҳам ишониб қолади. Бемор табибга бораркан ижтимоий тасдиқ ва омманинг фикрига қараб йўл тутади. Мақтовлар, мўжизавий шифо видеолари эса табибни янада кучли қилиб кўрсатади.

Инсон ғайритабиий ходисалар, афсоналарга ишонишга мойил бўлса бир табибнинг ўта кучли эканига ҳам амин бўлади. Бундай зеҳният эгаси мураккаб тиббий муаммоларнинг давоси оддий бўлиши мумкин дейди.

Халқ орасида расмий тиббиёт, шифокорлар, фармацевтика компаниялари ва касалхоналарига ишончсизлик кўп. Медицина хизматлари ўта қиммат бўлса, ёки инсон медицина даволаридан натижа кўрмаса табибга мурожаат қилади.

Маданий ва диний тушунчалар ҳам кишини табиб остонасига етаклаб боради. Табиблар кўпинча беморларга яқин рамзлардан фойдаланади (масалан: диний маросимлар, дуолар, урф-одатлар). Бу эса табибнинг обрўсини янада оширади.

Аксарият табиблар кучли харизма ва ишонтириш қобилиятига эга. Уларнинг ўзларига бўлган ишончи ва мулоқот услуби профессионаллик ва ғамхўрлик таъсуротини уйғотади.

Оммавий ахборот воситалари ва реклама орқали"мўъжизавий" даволаниш ҳақидаги маълумотларнинг тарқалиши сенсация эффектини яратади, бу эса эътиборни жалб қилади. Табибнинг муваффақияти ҳақидаги миш-мишлар кўпайтирилади, муваффақиятсизликлар эса кўпинча яширилади.

Шу омиллар бирлашиб одамларда мўъжизакор табибларга ишонч шакллантиради. DAYDI O’Q эса саломатлик масалаларида ҳар қандай маълумотга танқидий ёндашиш ва малакали мутахассислар билан маслаҳатлашишни тавсия қилади.

https://t.me/daydi2021

Хабарингиз балким бордир, балким йўқ:

Ҳузурига келган аёлни жинсий алоқа қилишга мажбурлаган дам солувчи домла қамалди. Аёл мазкур "домла"нинг олдига борганида "домла" аёлга эрини бошқа қизлар ўқитиб олганини айтиб, бунинг олдини олувчи дуо эвазига, у билан 11 марта жинсий алоқа қилишини талаб қилган.
Муллани ёнига борма куясан🔥

https://t.me/daydi2021

Қашқадарёда ҳузурига келган аёлни жинсий алоқа қилишга мажбурлаган дам солувчи домла қамалди


Аёл мазкур "домла"нинг олдига борганида "домла" аёлга эрини бошқа қизлар ўқитиб олганини айтиб, бунинг олдини олувчи дуо эвазига, у билан 11 марта жинсий алоқа қилишини талаб қилган.
2024 йил 5 декабрь куни жиноят ишлари бўйича Қумқўрғон туман судида 1981 йилда туғилган ҳуқуқбузар ўзининг яшаш хонадонида жабрланувчи аёлга ҳар хил беҳаё сўзларни гапириб, унга нисбатан шаҳвоний шилқимлик қилгани сабаб унга жазо тайинланди. Бу ҳақда Олий суд порталида маълумот келтирилган.
Суд ҳужжатларида келтирилишича, аёл бетоблиги сабабли Н.С.нинг олдига олиб бориб, дуо ўқиб қўйишини сўраган. Н.С. аёлга унинг касали оғир экани, бунга қарши дуо ўқиб қўйиш эвазига 50 млн сўм пул сўраган. Бундан ташқари, суҳбат давомида аёлнинг турмуш ўртоғи ҳақида ҳам гапириб, бошқа қизлар дуо қилиб олганлигини айтиб ишонтирган. Бунинг олдини олиш мақсадида унга Тошкент шаҳридан уй сотиб олиш учун турмуш ўртоғи йиғиб юрган барча пулларни беришни талаб қилган.
Аёл унинг шартларига рози бўлмаган. Шунда, Н.С. аёлга 11 маротаба жинсий яқинлик қилиш шартини бериб, бунга мажбурлаган.
Ҳуқуқбузар С.Н. суд мажлисида 2024 йил 17 апрель куни яшаш уйига мижозларни қабул қилиш хонасида, унга олдиндан нотаниш бўлган бир аёл келиб, ўзини Жовли фолчининг хотиниман деб таништирганлигини, оилавий масаласида мурожаат қилган. Турмуш ўртоғи у билан бирга яшамаётганлигини, у билан бирга ётмаслигини айтиб, унга турмуш
ўртоғини қайтарма қилиб беришини сўраган.
Шунда ушбу масаласи бўйича унга ёрдам беришини “эрининг жинсий аъзосини суғириб оёғини остига ташлашини ва эри олдидан кетолмаслигини мажозий маънода” айтиб татарча ва еврейча усулда ўқиши эвазига 500-1000 АҚШ доллар маблағи беришини айтиб хазил тариқасида талаб қилган.
Ҳуқуқбузар аёлга нисбатан ҳақиқатда шилқимлик қилганлиги, оилавий шароитини инобатга олиб, суддан қонуний енгиллик беришни сўради.
Суд қарори билан Н.С. МЖтКнинг 41-1-моддаси 1-қисми билан ҳуқуқбузар деб топилган ва шу модда билан унга беш сутка маъмурий қамоқ жазоси тайинланган.

https://t.me/daydi2021

Автобусда қизнинг юзига тупурган эркак, радикал диндор сифатида руйхатга олинди унинг келгусидаги ҳаракатлари кузатиб борилади

Чилонзор тумани ички ишлар бошқармаси “тупургич” эркакни пробация назоратига олди. Унга нисбатан тақиқлар ва чекловлар вазиятга қараб қўлланилади.

Ҳуқуқий жиҳатдан олганда, эркак ўзига мутлақо бегона бўлган қизнинг кийинишига эътироз билдиришга ҳаққи йўқ. Инсонийлик жиҳатдан олганда ҳам унинг ҳаракатлари ҳеч бир мезонга тўғри келмайди.

Бу шахснинг қилмишида, диний мотив ҳам йўқ. Унда психологик онг ости жароҳати бор холос. Бундайларнинг ўзи педофил, хотини, қизи опа синглиси зўрланган ёхуд онаси замонавий кийингани учун қандайдир шармандали ҳолатга учраган бўлади.

Келинига, қизига “тегиб” қўйишнинг бошланиш этапи шунақа одамларда бўлади! Атрофимизда, бунақа тоифадаги эркакларнинг кўплигини “туплагич”ни ёнини олиб коммент ёзаётганлардан билиб олаяпмиз.

Ҳуқуқ тартибот органларининг кибер хавфсизлик бўлимларидан, айнан шу масалага эътибор қаратишларини ва аёлларнинг кийиниш услубига оид радикал қарашга эга одамларни кузатиб боришни тавсия этамиз. Боиси бу каби аврат қоровуллари орасидан потенциал террорчилар
пишиб бораётгани ҳеч кимга сир эмас.

https://t.me/daydi2021