Davlat xizmatlari yangiliklari

#Adliya_xabari

Sunʼiy intellektga asoslangan “Odil” chat-boti ishga tushirildi

Adliya vazirligi tomonidan davlat xizmatlari boʻyicha “Odil” chat-boti yaratildi. Telegram messenjeriga integratsiyalashgan va sunʼiy intellektga asoslangan chat-bot fuqarolarga davlat xizmatlari haqidagi maʼlumotlardan foydalanishni osonlashtirish uchun yaratilgan.

Uning ishga tushirilishi “1148” ishonch telefoni operatorlari yukini sezilarli darajada kamaytirish va foydalanuvchilarning soʻrovlariga real vaqt rejimida tezkor javob berish imkonini yaratadi.

❗️Maʼlumot uchun, “1148” ishonch telefoni orqali 2024-yilda fuqarolarning 135 mingga yaqin qoʻngʻirogʻi qabul qilingan. Shundan qariyb 128 mingta murojaat yoki 95%i yuzasidan mutaxassislar tomonidan huquqiy tushuntirish berilgan.

Chat-botning qanday imkoniyatlari bor?
▫️Davlat xizmatlaridan foydalanish tartiblari, talablar va jarayonlar haqida batafsil maʼlumotni taqdim etadi.
▫️Kerakli hujjatlar va arizalarni topishga yordamlashadi.
▫️Qaysi masala boʻyicha qayerga murojaat qilishni tushuntiradi.

Kelajakda chat-botning funksional imkoniyatlari va faoliyat doirasini kengaytirish ko‘zda tutilgan.

Chat-botning afzalliklari
✔️ Oson va qulay — hujjatlarni varaqlab chiqish shart emas, barcha zarur maʼlumotlar bir joyda.
✔️ Tezkor va samarali — bot sizga kerakli maslahat va javoblarni bir zumda taqdim etadi.
✔️ Doimiy takomillashish — sunʼiy intellekt foydalanuvchilar taklif va fikrlari asosida rivojlanib boradi.

💡Sizning fikringiz muhim!
Chat-botning yanada samarali ishlashi uchun sizning fikr va takliflaringiz juda muhim. Agar xato yoki kamchiliklarni uchratsangiz, ularni bartaraf etishda yordam bering!
Hoziroq sinab koʻring 📎 @Odil_chat_bot

Maʼlumot uchun, ushbu chat-bot Adliya vazirligi va “Mohirdev” kompaniyasi oʻrtasidagi hamkorlik doirasida yaratildi.

📌 Kanalga ulanish

⚡️Elektr energetika sohasida yangi imkoniyatlar!⚡️

Endi elektr energiyasini ishlab chiqarish, uzatish, taqsimlash, saqlash va savdosi bilan shug‘ullanish uchun yangi litsenziyalar joriy qilindi!

📜 Vazirlar Mahkamasining 2025-yil 13-fevraldagi 91-son qaroriga asosan, quyidagi yo‘nalishlarda faoliyat yuritish uchun litsenziya olish kerak:
🔹 Elektr energiyasini ishlab chiqarish
🔹 Uzatish va taqsimlash
🔹 Elektr energiyasini saqlash va ta’minot
🔹 Markaziy xarid qiluvchi va bozor operatori
🔹 Elektr energiyasi savdosi

💻 Arizalar Yagona interaktiv davlat xizmatlari portali (my.gov.uz) va "Litsenziya" AT tizimi (license.gov.uz) orqali ko‘rib chiqiladi.

Ma'lumot uchun, Ushbu qaror rasmiy e’lon qilingan kundan e’tiboran uch oy o‘tgach kuchga kiradi.

📌 Kanalga ulanish

🚀 Nodavlat arxivlarni tashkil etish bo‘yicha yangilik!

🖥 Endi ushbu faoliyatni boshlaganlik yoki tugatganlik haqida xabarnoma yuborish uchun Yagona interaktiv davlat xizmatlari portali (my.gov.uz) yoki “Litsenziya” axborot tizimi orqali murojaat qilish mumkin.

⏱️ Ariza avtomatik tarzda ko‘rib chiqiladi.

Tezkor va qulay xizmatdan foydalanib, biznesingizni rivojlantiring!🌟

Asos: Vazirlar Mahkamasining 2024-yil 18-dekabrdagi 847-sonli qarori.

📌 Kanalga ulanish

#Adliya_xabari

Aholi va tadbirkorlar uchun yana bir qulaylik: qurilishga ruxsat olish muddati 40%ga qisqardi

Adliya vazirligi va Qurilish va uy-joy kommunal xoʻjaligi vazirligi tomonidan Toshkent shahrida eksperiment tariqasida qurilishga ruxsat berish va arxitektura-rejalashtirish topshirigʻini (ART) ishlab chiqish davlat xizmatlari kompozit tarzda koʻrsatish boʻyicha qoʻshma qaror tasdiqlandi.

Mazkur hujjatga asosan 2025-yil 15-fevraldan boshlab, qurilishga ruxsat berish va arxitektura-rejalashtirish topshirigʻini ishlab chiqish uchun zarur boʻlgan muddatlar va koʻrib chiqish bosqichlari sezilarli darajada qisqartirildi.

Xususan, umumiy muddat 20 ish kunidan 12 ish kuniga, koʻrib chiqish bosqichlari 11 dan 7 taga qisqartirildi va yigʻim miqdori
BHMning 1,5 baravardan 0,5 baravariga tushirildi.

Muqaddam mazkur davlat xizmatlaridan foydalanish uchun talabgorlar jami 5 marotaba (ruxsatnoma uchun ariza yuborish, ruxsatnomani olish, ART uchun ariza yuborish, ART toʻlovini amalga oshirish hamda ARTni olish) davlat xizmatlari markazlariga kelishlari lozim boʻlgan boʻlsa, hozirda ushbu raqam 3 marotabagacha qisqardi (YIDXPdan yuborilsa kelish shart emas).

Bu oʻzgarishlar nafaqat ortiqcha ovoragarchilikni, balki vaqt va mablagʻni tejashga ham yordam beradi. Bitta ariza bilan qurilishga ruxsatnoma va ART hujjatlarini olish imkoniyati yaratildi.

Eksperiment 2025-yil oxiriga qadar Toshkent shahrida olib boriladi va natijalari boʻyicha respublika miqyosida joriy qilish uchun Vazirlar Mahkamasiga takliflar taqdim etiladi.

Yangi tartib shahar va respublikadagi qurilish sohasini yanada takomillashtirishga qaratilgan muhim qadam boʻlib, aholi va tadbirkorlar uchun qulayliklar yaratishga xizmat qiladi.

📌 Kanalga ulanish

📢 Biznesingiz nomini oldindan himoya qilish imkoniyati!🔥

Endi firma nomini buyurtma qilish mumkin! ✅

🔹 Agar tanlagan nom qonunchilikka mos bo‘lsa, uni birinchilardan bo‘lib egallang va oldindan band qiling!
🔹 Firma nomini 60 kungacha zaxirada saqlab, zaxiraga olingan muddat tugasa, uni qo'shimcha ravishda bir marotaba 12 oydan oshmagan muddatga BHMning 1 baravari miqdorida to'lov to'lagan holda uzaytirish mumkin.

Firma nomini oldindan zaxira qilish uchun BHMning 50% miqdorida to‘lov qilinadi.

⚡️ Ushbu davlat xizmatidan foydalanish uchun Davlat xizmatlari markazlari yoki elektron tizim orqali (birdarcha.uz) murojaat qiling!
📌 Xizmat ko'rsatish muddati – 2 ish kuni.

💼 Raqobatchilardan oldin harakat qiling va biznesingiz nomini himoya qiling! 🚀

Batafsil: Vazirlar Mahkamasining 2025-yil 6-fevraldagi 65-son qarori.

📌 Kanalga ulanish

📢 Firma nomida davlat nomidan foydalanish tartibi tasdiqlandi!

📍Ushbu davlat xizmatidan foydalanish uchun Davlat xizmatlari markaziga murojaat qilish yoki Tizimdan (birdarcha.uz) ro'yxatdan o'tish kerak.

🔹Qaysi tashkilotlar firma nomida davlat nomidan foydalana oladi?

✅ O‘zbekiston Respublikasi qonunlari, Oliy Majlis, Prezident yoki Hukumat qarorlariga muvofiq tashkil etilgan yoki faoliyat yuritadigan yuridik shaxslar (agar hujjatlarda to‘g‘ridan-to‘g‘ri ko‘rsatilgan bo‘lsa);
✅ Davlat organlari tomonidan tashkil etilgan davlat muassasalari;
✅ Ustav kapitalida davlat ulushi 50% dan ortiq bo‘lgan xo‘jalik jamiyatlari;
✅ Respublika ahamiyatiga ega bo‘lgan yuridik shaxslar birlashmalari;
✅ Hukumat va mahalliy hokimiyat organlarining O‘zbekiston Respublikasi Adliya vazirligiga taqdim etgan murojaatlariga asosan, xorijiy investitsiyalar ishtirokidagi korxonalar.

Batafsil: Vazirlar Mahkamasining 2025-yil 6-fevraldagi 65-son qarori.

📌 Kanalga ulanish

📢 Litsenziyalash va ruxsat berish tartib-taomillari soddalashtirilmoqda!

Oliy Majlis Qonunchilik palatasi tomonidan “Litsenziyalash, ruxsat berish va xabardor qilish tartib-taomillarining yanada takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi Qonun loyihasi birinchi o‘qishda qabul qilindi.

📌 Qonun loyihasida qanday o‘zgarishlar kutilmoqda?

- 12 turdagi litsenziya va ruxsat berish talabini bekor qilish;
- litsenziya, ruxsatnoma va xabarnomalarni Davlat xizmatlari markazlari orqali olish;
- O‘zbekistonda doimiy muassasasi mavjud bo‘lgan xorijiy yuridik shaxslarga litsenziya va ruxsatnomalar olish huquqini berish.
❗️ Qonun loyihasi litsenziya va ruxsat berish sohasidagi byurokratik holatlarni bartaraf etishga xizmat qiladi.

📌 Kanalga ulanish

#Ziyo_ulash

Adliya vazirligi tashabbusi bilan oʻtkazilayotgan “Ziyo ulash” aksiyasi Oʻzbekistonning barcha hududlarini qamrab olmoqda. Aksiyaga koʻplab davlat idoralari va parlament vakillari qoʻshilmoqda.

Xususan, bugun Qonunchilik palatasi Xalqaro ishlar, mudofaa va xavfsizlik masalalari qoʻmitasi raisi Ulugʻbek Shermatov Chilonzor tumanidagi davlat xizmatlari markaziga kitoblar topshirib, kitobxonlik madaniyatini rivojlantirish va barcha uchun kitoblardan foydalanish imkoniyatini kengaytirish tashabbusini qoʻllab-quvvatladi.

Agar sizda ham oʻqib boʻlgan va uyda turgan kitoblaringiz boʻlsa, oʻzingizga yaqin davlat xizmatlari markazi yoki boshqa adliya organlariga olib boring. “Ziyo ulash” javoniga qoʻying va javondan oʻzingizga yoqqan kitobni shunday olib ketavering. Oʻqib boʻlgach, qaytib olib keling va yana boshqa kitobga almashtirib ketsangiz ham boʻladi.

💡Kitob ulashing — ziyo koʻpayadi.

📌 Kanalga ulanish

#Bilasizmi

🔰 Ko‘chmas mulk sotish yoki sotib olishda "Ko‘chmas mulk tarixi haqida ma’lumot" olish xizmatidan foydalanib, mulkka nisbatan amaldagi va avvalgi huquqlar, mulk davlat ro‘yxatiga qachon kiritilgani, huquqni tasdiqlovchi hujjatlar turi, kim tomonidan berilgani, sanasi va raqami haqidagi ma’lumotlarni bilib olish mumkin.

📄Ma’lumotnomani olish uchun davlat xizmatlari markaziga kelib murojaat etish, yoki Yagona interaktiv davlat xizmatlari portalida (YIDXP) yoki O‘zbekiston Respublikasi Iqtisodiyot va moliya vazirligi huzuridagi Kadastr agentligining davreestr.uz veb-saytida ro‘yxatdan o‘tish kerak.

🏢Davlat xizmatini ko‘rsatuvchi vakolatli organ(lar):
O‘zbekiston Respublikasi Iqtisodiyot va moliya vazirligi huzuridagi Kadastr agentligi Davlat kadastrlari palatasining hududiy boshqarmalari.

💰Davlat xizmatini ko‘rsatganlik uchun undiriladigan yig‘im miqdori:
BHMning 50 foizi. Davlat xizmatini ko‘rsatish uchun YIDXP orqali murojaat etilganda, yig‘im summasining 90 foizi undiriladi.

🗓Davlat xizmatini ko‘rsatish muddati: 3 ish kuni.

Asos: O‘zbekiston Respublikasi Vazirlar Mahkamasining 2023-yil 14-avgustdagi 380-son qarori.

📌 Kanalga ulanish

🚀 Mineral o‘g‘itlarni va o‘simliklarni himoya qilish uchun foydalaniladigan kimyoviy vositalarning ulgurji hamda chakana savdosi bo‘yicha yangilik!

🖥 Endi ushbu faoliyatga litsenziya olish uchun Yagona interaktiv davlat xizmatlari portali (my.gov.uz) yoki “Litsenziya” axborot tizimi orqali murojaat qilish mumkin.

⏱️ Ariza ko‘rib chiqish muddati: 10 kun.

Tezkor va qulay xizmatdan foydalanib, biznesingizni rivojlantiring!🌟

Asos: Vazirlar Mahkamasining 2024-yil 5-avgustdagi 481-sonli qarori.

📌 Kanalga ulanish