DAVLAT KADASTRLARI PALATASI

🇺🇿🇺🇿🇺🇿🇺🇿🇺🇿

Bayram milliy ruhda boshlandi

💐 Bugun 8-mart Xalqaro xotin-qizlar bayrami munosabati bilan Davlat kadastrlari palatasi Markaziy apparatining ayollari erkaklar tomonidan o‘zgacha tarzda - milliy kiyimlarimizda tantanali qarshi olindi.

🫥 Ma’naviyatimiz ko‘zgusiga aylangan milliy liboslarimiz ko‘zni quvnatib yigitlarimiz boshidagi do‘ppi esa qalblarda iftixor, millatidan faxrlanish tuyg‘usini beradi.

#DavKadastrPalata #milliylik #8mart

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

🇺🇿🇺🇿🇺🇿🇺🇿🇺🇿

Kadastr atamasining ma'nosi

📝 Kadastr atamasi ko‘pincha "ko‘chmas mulk" tushunchasi yoki barcha ko‘chmas mulkni uslubiy jihozlangan inventarizatsiyasi bilan bog‘liq bo‘lib, chegaralarni belgilashga va xaritalarda grafik tasvirlashga asoslangan va davlat, huquqlar va foydalanish to‘g‘risidagi ma’lumotlarni o‘z ichiga olgan arxiv bilan uzviy bog‘liqdir.

🌐 "Kadastr" atamasi butun dunyoda keng tarqalgan. "kadastr suratga olish" atamasi kadastr bilan chambarchas bog‘liq bo‘lib, ko‘chmas mulk uchastkalarining chegaralarini o‘rganishni ta’minlaydi.

📝 Kadastr tushunchasi ko‘chmas mulkka soliq solish va qonuniy huquqlarni ro‘yxatdan o‘tkazish uchun zarur bo‘lgan ma’lumotlar tizimini ham o‘z ichiga oladi.

#DavKadastrPalata #kadastr_atamasi

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

🇺🇿🇺🇿🇺🇿🇺🇿🇺🇿

🌟 Davlat kadastrlari palatasining hududiy boshqarmalarida yer hisobiga mas'ul xodimlar uchun “Yer fondi toifalari qonun ijrosida” mavzusida navbatdagi o‘quv-amaliy seminari tashkil etildi.
Seminar ishtirokchilariga O‘zbekiston Respublikasining 937-qonuni ijrosi, Vazirlar Mahkamasining 578-sonli hamda 67-sonli Qarorlari nizom talablaridan kelib chiqib:

🔹 Yer fondi toifalarini belgilash tartibi;
🔹 Qonunchilik talablariga qat’iy rioya qilish;
🔹 Hisobot yuritishda aniqlik va shaffoflikni ta’minlash bo'yicha tushunchalar berildi:

✅ Navoiy viloyati
✅ Surxondaryo viloyati
✅ Qashqadaryo viloyati
✅ Xorazm viloyati
✅ Samarqand viloyati
✅ Namangan viloyati
✅ Farg'ona viloyati
✅ Toshkent shahar
✅ Qoraqalpog'iston Respublikasi

#DavKadastrPalata #bilishingiz_muhim

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

🇺🇿🇺🇿🇺🇿🇺🇿🇺🇿😀😃😄😆😊

Bilishingiz muhim

➡️ O'zboshimchalik bilan qurib olingan hamda huquqiy hujjatlarga ega bo'lmagan ko'chmas mulk obyektlariga mulk huquqini e'tirof etiladigan 8 toifa yer uchastkalari bilan infografika orqali tanishib oling.

🇺🇿 “O‘zboshimchalik bilan egallangan yer uchastkalari hamda ularda qurilgan bino va inshootlarga bo‘lgan huquqlarni eʼtirof etish to‘g‘risida”gi 937-sonli qonunning 1-moddasi.

#DavKadastrPalata #bilishingiz_muhim

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

🇺🇿🇺🇿🇺🇿🇺🇿 🇺🇿🇺🇿🇺🇿🇺🇿🇺🇿

Ko‘chmas mulkni ommaviy baholash tizimi joriy etiladi

“Ko‘chmas mulkni ommaviy baholash tizimini joriy etish to‘g‘risida”gi Prezident Farmoni (PF-43-son, 05.03.2025 y.) qabul qilindi

📃 Farmonga ko‘ra, ko‘chmas mulk obyektlarining bozor narxiga yaqin bo‘lgan qiymatini aniqlashning zamonaviy usullari va mexanizmlarini joriy etish va keng qo‘llash, aholi va tadbirkorlarning iqtisodiy aktivlari o‘sib borishi uchun qulay shart-sharoit yaratishning asosiy maqsadlari etib quyidagilar belgilandi:

◼️respublikadagi mavjud 8 milliondan ortiq turar va noturar joylar, 7 millionga yaqin yer uchastkalarining iqtisodiy aktiv sifatidagi qiymatini aniqlash;

◼️ ko‘chmas mulk obyektining soliq solish, oldi-sotdi qilish, garovga qo‘yish, jamoat ehtiyojlari uchun olib qo‘yish va boshqa holatlar uchun aniqlanadigan qiymati o‘zaro mutanosib bo‘lishini ta’minlash;

◼️ ko‘chmas mulk bozoriga oid ishonchli, to‘liq va davriy ravishda yangilanib boradigan axborot bazani yaratish;

◼️ soliq solishda adolatlilik tamoyilini yanada keng joriy etish.

🗓 2025-yildan bosqichma-bosqich barcha ko‘chmas mulk obyektlari ularning bozor narxiga yaqin bo‘lgan qiymatini aniqlash maqsadida davriy ravishda ommaviy baholashdan o‘tkaziladi.

✅ Ommaviy baholash ishlari quyidagi bosqichlarda amalga oshiriladi:

▪️2025–2026 yillarda – eksperiment tariqasida Toshkent shahrida;
▪️2026–2027 yillarda – Nukus shahri va viloyatlar markazlarida;
▪️2027 yil va undan keyingi yillarda – qolgan hududlarda.

⚡️ Farmonga ko‘ra, Kadastr agentligi huzurida Ko‘chmas mulkni ommaviy baholash milliy markazi tashkil etiladi.

◼️Shuningdek, quyidagilar belgilandi:

🔸Iqtisodiyot va moliya vazirligi – ko‘chmas mulkni ommaviy baholash sohasida yagona davlat siyosatini amalga oshiruvchi organ etib;
🔸Kadastr agentligi – ko‘chmas mulkni ommaviy baholash sohasida maxsus vakolatli organ etib;
🔸Milliy markaz – ko‘chmas mulkni ommaviy baholash sohasida ijro etuvchi organ etib.

📝 Ommaviy baholash tizimini normativ-huquqiy va uslubiy jihatdan ta’minlash uchun “Ko‘chmas mulkni ommaviy baholash uslubiyoti” belgilangan tartibda tasdiqlanadi.

🗓 2026-yil oxirigacha Toshkent shahridagi eksperiment natijalari, ilg‘or xorijiy tajriba hamda xalqaro ekspertlarning xulosalari va tavsiyalari asosida “Ko‘chmas mulkni ommaviy baholash to‘g‘risida”gi qonun loyihasi ishlab chiqiladi.

🌐 2025-yil 1 noyabrgacha ko‘chmas mulkni ommaviy baholash uslubiyotiga asosan quyidagilar ishlab chiqiladi va amaliyotga joriy etiladi:

▪️“Ko‘chmas mulk bozori monitoringi” avtomatlashtirilgan axborot tizimi;
▪️“Ko‘chmas mulkni ommaviy baholash” avtomatlashtirilgan axborot tizimi.

#DavKadastrPalata #qonunchilikda_yangiliklar

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter