Daryo — LIVE

@daryo_live خوش می آید 14
آیا این کانال شماست؟ برای ویژگی های اضافی مالکیت را تأیید کنید

«Дарё» (www.daryo.uz) интернет-нашрининг муштарийлар тилида юритиладиган Телеграм канали.
Мурожаатлар учун: info@simple.uz, @daryo_livebot
Бошқа каналларимиз: @daryo
@daryo_lotin
@daryo_kirill
@daryo_sport24
ژئو و زبان کانال
ازبکستان, ازبکی


ژئو کانال
ازبکستان
زبان کانال
ازبکی
رسته
اخبار و رسانه ها
اضافه شده به شاخص
23.07.2017 07:07
ads
Telegram Analytics
Subscribe to stay informed about TGStat news.
SearcheeBot
Your guide in the world of telegram channels
TGAlertsBot
Monitoring of keywords in channels and chats
113 488
مشترکین
~30.5k
پوشش 1 انتشار
~1.2m
پوشش روزانه
~42
پست / روز
26.9%
ERR %
671.73
شاخص استناد
اعلامیه ها و اشاره های کنال
18784 اشاره کانال
7567 اشاره نشریات
7416 اعلامیه ها
Kapgir
کانال هایی که توسط "@daryo_live" نقل قول می شوند
.
Huquqiy axborot
YHXBB_UZ
IMPERIA
Uzbek Video
Allaev Uz
67 studio
STATISTIKA
نشریات اخیر
Deleted
With mentions
اعلامیه ها
Daryo — LIVE 9 Mar, 06:45
​​Ўзбекистонда пандемия эркакларга қараганда аёллар бошчилигидаги уй хўжалигига катта зарар етказди

Ўзбекистонда пандемия даврида иш жойларини йўқотиш ва чет элдан пул ўтказмаларидан тушадиган даромадларнинг камайиши аёллар ва эркаклар бошчилигидаги уй хўжаликларида бир хил даражада кузатилди, деб ёзмоқда «Gazeta.uz» «Тараққиёт стратегияси» маркази ўтказган тадқиқот натижаларига таяниб.

Аммо қайд этилишича, катта эҳтимол билан, ушбу инқироз, ўртача олганда, иқтисодий фаровонлигини қўллаб-қувватлаш манбалари кам бўлган аёллар бошчилигидаги оилаларга катта зарар етказган. Пандемиядан олдин ҳам аёллар бошчилигидаги уй хўжаликларининг ўртача ойлик даромади эркаклар бошчилигидаги уй хўжаликларига қараганда 17 фоизга кам бўлган.

Аёллар бошчилигидаги уй хўжаликлари режалаштирилмаган харажатлар қила олишининг эҳтимоли кам, кўпроқ ҳолларда асосий эҳтиёжларини (озиқ-овқат, транспорт харажатлари, дори-дармон ва ҳоказолар) қоплаш учун қарз олади ва коммунал хизматлар учун тўловларни тўлай олмайди.

2020 йил декабрь ойида аёллар бошчилигидаги уй хўжаликларининг 42 фоизи 100 минг сўм миқдоридаги кутилмаган харажатларни қоплай олмаслигини билдирган. Шундай жавоб берган эркаклар бошчилигидаги уй хўжаликларининг улуши 25 фоизни ташкил этган.

Пандемия бошланишидан олдин аёллар бошчилигидаги уй хўжаликлари тез-тез озиқ-овқат танқислиги бўлиб туриши ҳақида мунтазам равишда хабар берган. 2020 йил апрелидан декабригача бу тафовут янада ошган. Масалан, аёллар бошчилигидаги уй хўжаликларининг 17 фоизи озиқ-овқат танқислиги ҳақида маълум қилган бўлса, эркаклар бошчилигидаги уй хўжаликларининг 10 фоизи бундан шикоят қилган.

@daryo_live
Read more
Daryo — LIVE 9 Mar, 05:00
#Иқлим. Бугун Ўзбекистонда ҳаво ҳарорати илиқ бўлади. Кечаси баъзи жойларда ёмғир ёғиши мумкин.

@daryo_live
Daryo — LIVE 8 Mar, 22:13
​​Ўзбекистонда гендер тенгсизлик пандемия давридаги ишсизлик пайтида ҳам намоён бўлди

«Ўзбекистон фуқароларини тинглаш» («ЎФТ») лойиҳаси доирасида ўтказилган тадқиқотлар Ўзбекистонда эркаклар ва аёллар ўртасидаги тенгсизлик хотин-қизларни COVID-19 пандемияси каби иқтисодий ларза олдида кўпроқ ҳимоясиз қилиб қўйишини кўрсатди, деб ёзмоқда «Gazeta.uz».

Қайд этилишича, меҳнат фаолиятидан олинадиган даромаднинг, чет элдан пул ўтказмалари ва бошқа манбалардан келадиган даромаднинг йўқотилиши, уй хўжалигини юритиш юкининг ортиши ва оиладаги зўравонлик ҳолатларининг ортиши — буларнинг барчаси мамлакат шаҳар ва қишлоқларидаги кам таъминланган оилалар аёлларининг яшаш шароитлари ва саломатлигига путур етказди.

Ўзбекистонда гендер тенгсизлик муаммоси, айниқса, бандлик соҳасида сезилади. Аёлларнинг ҳақ тўланиладиган ишларда бандлиги эркакларга қараганда шундоқ ҳам кам.

«Ўзбекистон фуқароларини тинглаш» сўровномаларига кўра, ўртача ҳисобда 2018 йил октябридан 2020 йил декабригача аёлларнинг атиги 19 фоизи бир ҳафта давомида фаол ишлаган. Таққослаш учун, эркакларда бу кўрсаткич 44 фоизга етган. Тўлиқ иш кунида ишлайдиган аёллар улуши шаҳарларда 34 фоизни, қишлоқларда эса 28 фоизни ташкил этган.

Эркаклар орасида ўртача ҳисобда таълим даражасининг юқорилаб бориши билан уларнинг меҳнат бозоридаги иштирокида ҳам барқарор ўсиш кузатилади. Бироқ аёллар ишлари иқтисодий фойда келтиришни бошлаши учун улар аввал олий маълумотга эга бўлиши керак. Масалан, ўрта мактабни битириш эркакларнинг ишга кириш эҳтимолини 15 фоизга оширади, аммо аёлларда эса иш билан таъминланиш истиқболларига ҳеч қандай таъсир кўрсатмайди.

Оилавий шароит ва бола парвариши бўйича мажбуриятлар ҳам аёлларнинг ишга киришига таъсир қилади. Турмуш қурган аёлларнинг иш топиш эҳтимоли турмуш қурмаган аёлларга қараганда анча паст. Иш билан бандлик даражаси мос равишда 36 ва 52 фоизни ташкил қилади.

«ЎФТ»нинг 2020 йил ўтказилган босқичларидан бирида нега иш изламаётганликлари ҳақидаги саволга аёлларнинг 43 фоизи «уй хўжалигини юритиши»ни сабаб қилиб кўрсатган. Эркакларнинг эса 7 фоизи бу саволга шундай жавоб берган.

COVID-19 пандемияси аёллар бандлиги юқори бўлган тармоқларга салбий таъсир кўрсатди. Улар асосан инқироздан сезиларли зарар кўрган иқтисодиётнинг норасмий секторида, мавсумий ва қисман бандлик талаб этиладиган ишларда меҳнат қилади.

Аёллар озиқ-овқат ва меҳмонхона индустриясида (52 фоиз), чакана савдо (51 фоиз), шунингдек, санъат, кўнгилочар ва дам олиш (45 фоиз) соҳаларида кўпроқ банд. Пандемия бошланганидан буён ушбу соҳаларда иш жойларининг қисқариши даражаси юқори бўлгани кузатилган.

Ўзбекистонда вакансиялар бўйича энг катта онлайн-ресурс бўлган «Olx.uz» маълумотлари таҳлили апрель ойида бўш иш ўринлари бўйича янги эълонлар камайганидан сўнг уларнинг сони 2020 йил охирига келиб ҳам аввалги даражага қайтмаганини кўрсатган.

Апрелдан декабргача бўлган даврда бўш иш ўринлари ҳажми 2019 йилга нисбатан кўпроқ камайган секторлар туризм (-51 фоиз), гўзаллик, фитнес ва спорт (-43 фоиз), котибият ва маъмурий-хўжалик фаолияти (-36 фоиз), маданият ва санъат (-30 фоиз), шунингдек, барлар ва ресторанлардаги ишлар (-17 фоиз) бўлган. Ушбу соҳалар анъанавий равишда аёллар учун иш ўринлари яратади.

Аввалроқ БМТ-Аёллар ва БМТ Тараққиёт дастурининг (БМТТД) ҳисоботида COVID-19 пандемияси аёлларнинг қашшоқлик даражаси ҳамда қашшоқликда яшовчи аёллар ва эркаклар ўртасидаги фарқни кескин ошириши қайд этилганди.

Президент Шавкат Мирзиёев Тошкент шаҳридаги Конгресс-холлда 8 март — Халқаро хотин-қизлар куни муносабати билан ўтказилган тантанали маросимдаги нутқида «2020—2030 йилларда Ўзбекистон Республикасида гендер тенгликка эришиш стратегияси»ни қабул қилиб, уни амалга оширишга киришиш лозимлигини таъкидлаб ўтди.

@daryo_live
Read more
Daryo — LIVE 8 Mar, 21:36
​​Қибрайдаги «Қонли ариқ» воқеаси юзасидан расмий баёнот берилди

Қибрайдаги ариқдан ҳар куни қон оқаётгани, у Олмазор тумани марказидаги сузиш ҳавзасига қуйилиши ҳақида хабар берилганди. Ҳолат бўйича Тошкент вилояти ҳокимлиги расмий баёнот берди.

Маълум қилинишича, ҳолат ўрганилганда, «Обод Савдо Бизнес» МЧЖга қарашли кушхонадан ҳосил бўлган оқова сувлар зах ариққа оқизилганлиги аниқланган.

Ушбу ҳолат юзасидан 2021 йил 26 февраль куни Экология ва атроф-муҳитни муҳофаза қилиш соҳасидаги назорат бўйича Қибрай тумани инспекцияси томонидан 20/21-сонли огоҳлантириш хати берилган. Унда «Табиатни муҳофаза қилиш тўғрисида»ги қонуннинг 19-моддаси, «Сув ва сувдан фойдаланиш тўғрисида»ги қонуннинг 18, 19, 99-моддалари талаблари бузилиши рўй берган.

Бунинг оқибатида айбдорлар Маъмурий жавобгарлик тўғрисидаги кодекснинг 72-моддаси 1-қисми (сув захираларини муҳофаза қилиш қоидаларини бузиш) билан маъмурий жавобгарликка тортилишига сабаб бўлади.

Аниқланишича, ушбу ихтисослашган сўйиш корхонаси бинолари 2014 йилда «Нур Фаррух» фермер хўжалигидан «Обод Савдо Бизнес» МЧЖ тасарруфига ўтган ва Қибрай тумани ҳокимининг № 2494 сонли қарори 2014 йил 9 декабрда қабул қилинган. Ушбу ихтисослашган сўйиш корхонаси 2018 йил ишга туширилган, лекин ҳужжатлар кўздан кечирилганда, айнан ихтисослашган сўйиш корхонаси учун тегишли ташкилотларнинг хулосалари мавжудлиги тақдим қилинмади.

Батафсил

@daryo_live
Read more
Daryo — LIVE 8 Mar, 20:40
​​Ўзбекистоннинг 2021 йилги давлат дастурининг февраль ойида бажарилиши керак бўлган айрим бандлари ижроси таъминланмагани маълум бўлди

«Юксалиш» умуммиллий ҳаракати Олий Мажлис Сенати билан ҳамкорликда «Ёшларни қўллаб-қувватлаш ва аҳоли саломатлигини мустаҳкамлаш йили» Давлат дастури ижроси бўйича онлайн мониторинг олиб бориш мақсадида махсус платформа (jamoatchilik.uz)ни ишга туширган эди. Ушбу умуммиллий ҳаракат матбуот хизмати Давлат дастури ижроси ҳақида маълумот берди.

Қайд этилишича, Давлат дастури доирасида 2021 йилнинг февраль ойида 7 та банд бўйича вазифалар ижроси кўзда тутилган. Мониторинг давомида дастурнинг 8 та банди ижроси таъминланган, шундан 5 та банди муддатидан аввал бажарилган.

Шунингдек, февраль ойида бажарилиши лозим бўлган айрим бандлар бўйича ижро муддатларига амал қилинмаган.

Жумладан, 73-банд юзасидан Водород энергетикаси технологиялари илмий-амалий инновацион марказини ташкил этиш бўйича Президент қарори лойиҳаси ўз вақтида қабул қилиш учун киритилмаган.

151-банд бўйича Президентнинг «Ёшларнинг тадбиркорлик ташаббуслари, стартап ва ғояларини янада қўллаб-қувватлаш чора-тадбирлари тўғрисида»ги қарори лойиҳаси ишлаб чиқилган бўлиб, лойиҳа ўз вақтида қабул қилиш учун киритилмаган.

184-бандда кўзда тутилган аҳолига давлат томонидан бепул тиббий хизматлар ва дори воситалари билан кафолатланган пакет доирасида тиббий хизмат кўрсатиш тизимини босқичма-босқич амалиётга жорий этиш чора-тадбирлари бажарилмади. Бунда кафолатланган пакетга киритиладиган тиббий хизматлар ва дори воситалари рўйхатини ишлаб чиқиш ва тасдиқлаш, Сирдарё вилоятида тажриба-синов тариқасида аҳолига кафолатланган пакет доирасида тиббий хизматлар кўрсатишни йўлга қўйиш назарда тутилган.

218-банд бўйича маданий мерос объектларининг ҳисобини юритиш, сақлаш ва ҳимоясини таъминлаш бўйича дастур қабул қилинмаган.

Бугунги кунгача юқоридаги тўртта банд ижросига масъул вазирлик, идоралар томонидан ижро муддати кечиктирилгани ёки қўшимча ишланиши белгилангани ҳақида жамоатчиликка тушунтириш берилмагани таъкидланган.

«Қайд этиш керакки, Давлат дастурлари ижросини мониторинг қилиш жараёнида ижро интизомига оид қатор камчиликлар ўтган йиллар мобайнида ҳам кузатиб келинди. Давлат идораларида ижро интизоми пастлиги танқид қилинди. Жорий йилнинг 10 февраль куни Президент Шавкат Мирзиёев раислигида Давлат дастури ижросини самарали ташкил этиш масалалари юзасидан ўтказилган видеоселектор йиғилишида масъул ижрочилар — бош вазир ўринбосарлари, вазирлик ва тармоқлар раҳбарлари, ҳокимлар ва сектор бошлиқлари зиммасига тегишли ҳар бир кўрсаткичга эришиш бўйича шахсий жавобгарлик юклатилиши таъкидланди», — дейилади «Юксалиш» умуммиллий ҳаракати хабарида.

Эслатиб ўтамиз, 2021 йил 18 январь куни «Ёшларни қўллаб-қувватлаш ва аҳоли саломатлигини мустаҳкамлаш йили» Давлат дастури лойиҳаси жамоатчилик муҳокамаси учун эълон қилинди. 3 февраль куни Давлат дастурини тасдиқлаш тўғрисидаги Президент фармони имзоланди.

2021 йилги Давлат дастури 273 банддан иборат. Унда белгиланган чора-тадбирларни бажариш учун қарийб 30 триллион сўм, 2 миллиард 600 миллион доллар ва 57 миллион евродан зиёд маблағ йўналтирилиши кўзда тутилган.

@daryo_live
Read more
Daryo — LIVE 8 Mar, 19:44
​​Қозоғистоннинг SCAT авиакомпанияси Ақтау–Урганч–Ақтау йўналишида илк парвозини амалга оширди

Қозоғистоннинг SCAT авиакомпанияси Ақтау – Урганч – Ақтау йўналишида мунтазам авиақатновларни йўлга қўйиши ҳақида хабар берилганди. 8 март куни авиакомпания мазкур йўналишда илк парвозни амалга оширди. Бу ҳақда Транспорт вазирлиги хабар қилди.

Таъкидланишича, Урганч халқаро аэропортида йўловчилар тантанали равишда кутиб олинди.

Қозоғистон Индустрия ва инфратузилмаларни ривожлантириш вазирлиги маълумотига кўра, ушбу йўналишда ҳафтасига икки маротаба: душанба ва чоршанба кунлари рейслар амалга оширилади.

Маълумот учун, SCAT — 1997 йилда ташкил этилган хусусий авиакомпания бўлиб, бугунги кунда ушбу авиакомпания паркида Ғарбда ишлаб чиқарилган 60 дан ортиқ самолёт мавжуд. Авиакомпания томонидан 80 дан ортиқ маҳаллий ва халқаро ҳаво йўллари эксплуатация қилинмоқда.

Бундан аввал Грузия Ўзбекистон ва Марказий Осиёнинг яна учта давлатидан учиб келувчи фуқароларни қабул қилишни бошлагани, Uzbekistan Airways 28 мартдан бошлаб Самарқанддан янги маҳаллий йўналишларда авиақатновларни йўлга қўйиши ҳамда Ўзбекистон май ойигача Россия билан мунтазам авиақатновлар тикланишига умид қилаётгани ҳақида хабар берилганди.

@daryo_live
Read more
Daryo — LIVE 8 Mar, 19:31
​​Андижон вилояти ҳокими Марҳамат туманида рўмол тўқувчи аёлларга 5 миллион сўмдан пул берди

Андижон вилояти ҳокими Шуҳратбек Абдураҳмонов Марҳамат туманида ҳунарманд, шунингдек, «аёллар дафтари»га киритилган хотин-қизлар билан учрашди, деб хабар бермоқда ЎзА.

Маълум қилинишича, вилоят ҳокими мулоқотда тадбир қатнашчиларини Халқаро хотин-қизлар байрами билан табриклаб, мамлакатда Президент ташаббуси билан аҳолининг турмуш шароитини яхшилаш, уларни қийнаётган муаммоларни ҳал этиш, хотин-қизларни тадбиркорликка жалб этиш орқали даромадларини ошириш масалаларига алоҳида эътибор қаратилаётганлигини таъкидлаган.

Айни пайтда Марҳамат туманида 175 минг нафардан зиёд аҳоли истиқомат қилади. Аҳолининг ярмидан ортиғи хотин-қизлардир. Мулоқотда аҳоли, хусусан, хотин-қизлар бандлигини таъминлаш борасида кенг кўламли ишлар олиб борилаётган бўлса-да, лекин бу борада туманда ҳали қатор муаммолар мавжудлиги қайд этилган.

Хабарда айтилишича, Марҳамат туманининг аксарият маҳаллаларида жундан рўмол тўқиш ҳунари анча ривожланган бўлиб, рўмол тўқиш бўйича туманда ўзига хос тажриба мактаби яратилган. Шундан келиб чиқиб, вилоят ҳокими аёлларнинг бандлигини таъминлаш, уларнинг доимий даромад манбаини шакллантиришда шу йўналишдаги ишлар кўламини кенгайтириш, мавжуд имкониятлардан самарали фойдаланиш юзасидан таклиф, фикр ва мулоҳазалар билдирган.

Учрашувда Шуҳратбек Абдураҳмонов рўмол тўқиш йўналишида ўз тадбиркорлигини бошлаш ва кенгайтириш арафасида турган 75 нафар хотин-қизга АТ «Халқ банки» Марҳамат туман филиали томонидан ажратилган кредит маблағлари ҳисобидан 5 миллион сўмдан нақд пул топширган.

Мулоқотда мутахассислар томонидан туманда кредит олиш истагидаги ҳунарманд хотин-қизларга имтиёзли кредитлар ажратилиши таъкидланиб, мазкур маблағлар босқичма-босқич берилиши, уни мақсадли сафлаш ва қайтариш юзасидан тушунчалар берилган.

Аввалроқ Шавкат Мирзиёев 8 март – Халқаро хотин-қизлар куни муносабати билан бир гуруҳ аёлларни юксак унвон, орден ва медаллар билан мукофотлагани, Президент қарори билан йигирма саккиз нафар фаол қиз Зулфия номидаги Давлат мукофоти билан тақдирлангани ҳақида хабар берилган эди. Давлат раҳбари Tashkent City Конгресс-холлда ушбу мукофотларни тантанали равишда эгаларига 'https://t.me/shmirziyoyev/6570?single' rel='nofollow'>топширди.

@daryo_live
Read more
Daryo — LIVE 8 Mar, 18:42
​​«Юксалиш» ҳаракати Ўзбекистоннинг давлат ва жамият бошқарувидаги аёллар рўйхатини тузди

«Юксалиш» умуммиллий ҳаракати мутахассислари Ижтимоий ва иқтисодий ташаббуслар институти экспертлари билан ҳамкорликда Ўзбекистонда давлат тузилмалари, муассасалари ҳамда йирик жамоат ташкилотларида фаолият юритаётган аёлларнинг рўйхатини янгилади.

Қайд этилишича, ўрганиш натижалари мамлакатда тузилмавий ва институционал ўзгаришлар давом эттирилаётганини, қонунчилик такомиллаштирилаётганини ҳамда аёлларнинг роли ва мавқейи, уларнинг сиёсий-ижтимоий ҳаётда фаоллиги ортаётганлигини кўрсатди.

Ушбу рўйхатда қуйидаги аёллар ўрин олди:

Азиза Умарова — Uzbekistan Airports Кузатув кенгаши раиси;
Алия Юнусова — Омбудсман ўринбосари — Бола ҳуқуқлари бўйича вакил;
Галина Саидова — Президентнинг иқтисодиёт соҳаларини ривожлантириш, инвестиция ва савдо сиёсатини амалга ошириш масалалари бўйича масалаҳатчиси ўринбосари;
Гаяне Умерова — Маданият ва санъатни ривожлантириш жамғармаси директори;

Батафсил

@daryo_live
Read more
Daryo — LIVE 8 Mar, 18:22
​​Нурмат Отабеков кимларга эмланиш тавсия этилмаслиги ҳақида маълумот берди

COVID-19 га қарши кимларга эмланиш тавсия этилмайди? Эмлангандан кейин асоратлар бўлиши мумкинми? Ушбу саволларга Санитария-эпидемиологик осойишталик ва жамоат саломатлиги хизмати бошлиғи ўринбосари Нурмат Отабеков жавоб берди. Бу ҳақда Соғлиқни сақлаш вазирлиги маълум қилди.

— Эмлаш тадбирларини амалга ошириш пайтида ушбу вакцинани ишлаб чиқарган ташкилотнинг тавсияларига амал қилинади. ОИВ инфекциясига ёки аутоиммун касалликларига чалинган шахсларни, шу жумладан, анамнезида оғир аллергик реакциялари мавжуд бўлган шахсларни, ҳомиладорларни, эмизикли аёлларни ва 18 ёшгача бўлган аҳоли қатламини эмлаш тавсия этилмайди.

Ҳар қандай ҳолатда ҳам эмлаш тўғрисидаги қарор тиббий кўрик натижасида қабул қилинади. Мабодо эмлашга монелик қиладиган у ёки бу турдаги ҳолатлар кузатилса, тиббий кўрик ўтказаётган шифокор, албатта, унга эътибор қаратади, – дейди Нурмат Отабеков.

— Коронавирус билан касалланган шахслар билан яқин алоқада бўлганларни эмлаш мумкинми? Буни қаерда ва қандай амалга ошириш мумкин?

— Коронавирус билан касалланган одамлар билан яқин алоқада бўлган шахслар карантин (14 кун) тугаганидан кейин, шифокор кўригидан сўнг эмланади.

— Эмлангандан кейинги асоратларнинг олдини олиш борасида қандай ишлар қилиняпти?

— Коронавирусга қарши эмланган шахслар патронаж тиббиёт ходимлари томонидан эмлангандан сўнг 30 дақиқа давомида кузатиб турилади. Кейинчалик уч кун давомида уйига ташриф буюриш йўли билан мунтазам тиббий кузатувга олинади. Уларнинг соғлиғи, аҳволи кўздан кечирилиб, тегишли ҳужжат билан расмийлаштирилади.

Барча эмлаш масканларида мутахассислар (вакцинаторлар), асбоб-анжомлар ва биринчи тиббий ёрдам учун зарур бўлган дори-дармонлар захираси яратилади. Эмлаш мутахассислари эмлашдан кейинги салбий реакцияларни аниқлаш ва лозим бўлган тақдирда тегишли тиббий ёрдам кўрсатиш бўйича тайёргарликдан ўтказилган. COVID-19’га қарши эмланиш билан боғлиқ аллергик реакция кузатилган ҳолларда тез тиббий ёрдам бригадалари ҳам жалб этилади.

Яна бир бор таъкидлаб ўтамиз, фуқаролар эмланишдан олдин, албатта, тиббий текширувдан ўтказилади. Бу кутилмаган асоратларнинг олдини олишга замин яратади, – дейди Нурмат Отабеков.

Бундан аввал Нурмат Отабеков Ўзбекистонда аҳолида эмланиш жараёнида вакцинани танлаш имконияти мавжуд ёки йўқлиги ҳақида маълумот берганди.

Эслатиб ўтамиз, Ўзбекистонда коронавирусга қарши илк вакцина сифатида Хитойнинг Zhifei Longcom Biopharmaceutical Co. Ltd компанияси билан ҳамкорликда ишлаб чиқарилган вакцина 1 март куни давлат рўйхатидан ўтказилган. Ўзбекистоннинг ҳиссаси ва саъй-ҳаракатларини инобатга олиб, компания ZF 2001 вакцинани бирга яратган ҳаммуаллиф мамлакат сифатида белгилади. Ушбу янги вакцинани ZF-UZ-VAC 2001 номи билан ишлаб чиқариш фойдаланишга келишилган.

Вакцина коронавируснинг «британча» ва «африкача» штаммларига қарши Moderna вакцинасидан олти баробарга яхшироқ бўлиб чиққани маълум қилинган.

Хитой компанияси мазкур вакцинани ҳамкорликда ишлаб чиқариш учун Ўзбекистонда фаолият юритаётган бир қатор фармацевтика корхоналари фаолиятини ўрганиб, лаборатория ҳамда техник ва ишлаб чиқариш қувватларини инобатга олиб, Jurabek Laboratories МЧЖ қўшма корхонасини танлаган.

Ушбу вакцина 1 март куни давлат рўйхатидан ўтказилган.

Бундан ташқари, Россия ташқи ишлар вазири «Спутник V» вакцинаси Ўзбекистонда рўйхатга олинганини айтди. Вакцинани оммавий қўллаш жараёнига 17 февраль куни рухсат берилган эди.

Шунингдек, Ўзбекистон COVAX дастури доирасида 2,6 миллион доза AstraZeneca вакцинасини олиши маълум қилинган.

@daryo_live
Read more
Daryo — LIVE 8 Mar, 16:56
​​Шавкат Мирзиёев қўриқчилар кўришишга рухсат бермаган қизни ўтказиб юборишни буюрди

Президент Шавкат Мирзиёев 8 март—Халқаро хотин-қизлар куни муносабати билан ўтказилган тантанали маросимдан сўнг, залга ташриф буюрган аёл-қизлар билан билан кўришиб, уларни қутлаб чиқди. Бу ҳақда Президент матбуот хизматининг навбатдаги «Махсус ракурс» кўрсатувида сўз боради.

Давлат раҳбари тақдирлаш маросимидан сўнг, дастлаб дипломатик корпус вакиллари билан учрашган, кейин эса столлар оралаб йиғилганларнинг ҳар бирига вақт ажратишга ҳаракат қилган.

Йиғилганлар ҳам ўз ўрнида Президент билан кўришишдан хурсанд эканликларини таъкидлаб, табрик ва қутловлар учун миннатдорчилик билдирган.

Эълон қилинган лавҳада Президент билан кўришиш учун келган меҳмонларнинг бирига хавфсизлик ходими яқинлашиш учун рухсат бермаганини ҳам кўриш мумкин. Бироқ Шавкат Мирзиёев унга қарата рухсат беришини буюрган. Президент қиз билан алоҳида сўрашиб, уни байрам билан табриклаган. Ҳаяжонга тушган меҳмон ҳам давлат раҳбарига ўз миннатдорчилигини изҳор этган.

Эслатиб ўтамиз, Тошкент шаҳридаги Конгресс-ҳоллда Халқаро хотин-қизлар куни муносабати билан тантанали маросим ўтказилди. Президент Шавкат Мирзиёев ушбу маросимда иштирок этиб нутқ сўзлади. Шунингдек, Президентнинг тегишли фармони ва қарори билан бир гуруҳ хотин-қизлар юксак унвон, орден ва медаллар билан мукофотланиб, йигирма саккиз нафар фаол қиз Зулфия номидаги давлат мукофоти билан тақдирланган эди. Давлат раҳбари ушбу мукофотларни тантанали равишда эгаларига топширди.

@daryo_live
Read more
Daryo — LIVE 8 Mar, 16:48
​​Шайх Абдулазиз Мансурнинг ўғли вафот этди

Ўзбекистон Ислом цивилизацияси маркази директорининг ўринбосари Шайх Абдулазиз Мансурнинг ўғли Абдулбосит Мансуров вафот этди. Бу ҳақда Ўзбекистон мусулмонлари идораси матбуот хизмати хабар берди.

Идора Шайх Абдулазиз Мансурнинг фарзанди вафоти муносабати билан унинг барча оила аъзоларига таъзия билдирган.

Хабарда унинг нима сабабдан вафот этганига аниқлик киритилмаган.

Эслатиб ўтамиз, 2020 йилнинг сентябрида Муфтий Усмонхон Алимовнинг укаси Бадриддинхон Алимов вафот этганди. Ўша йилнинг октябрида Қуръони каримни биринчи бўлиб ўзбек тилига таржима қилган уламо Шайх Алоуддин Мансур 68 ёшида, ноябрида исломшунос олим Убайдулла Уватов 80 ёшида вафот этди.

@daryo_live
Read more
Daryo — LIVE 8 Mar, 16:16
​​«Бироз шошқалоқлиги унга панд берди» — Сурхондарё вилояти ҳокими товламачиликда айбланаётган блогер Отабек Сатторий ҳақида

Сурхондарё вилояти ҳокими Тўра Боболов товламачилик билан айбланиб, ҳозирда ҳибсхонада сақланаётган блогер Отабек Сатторий борасидаги фикрлари билан бўлишди, деб хабар беради «Effekt.uz» нашри.

Отабек Сатторий ҳақида гапирадиган бўлсам, у охирги икки йил ичида ижтимоий тармоқлар орқали пайдо бўлди. У болани яхши танимас эдим. Бир куни менга «Рус тилини биласизми? Кетмон, ўроқ ушлаганмисиз?» деб савол берди. Тўғриси, мен кетмон ушлаб юрганимда у ҳали туғилмаганди. Рус тилига келадиган бўлсак, хоҳлаган рус билан бемалол гаплаша оламан.

Қолган сўзларига эътибор бермадим. Отабек муаммоларни олиб чиқди, чиқмади эмас. Ўзим ҳам у кўтарган муаммолар ечимини топишга интилдим. У айтган маҳаллаларга бордим. Ҳатто раҳмат ҳам айтдим. Охирги вақтлар шаънимга тегадиган сўзлар билан мурожаатлар йўллашни бошлаганди.

Мен унга «ўйлаб гапиргин, вилоят ҳокимиман сал ҳурмат сақлагин» деб айтдим. Охири шу бола билан тенглашиб ўтирмай дедим. Ҳаддидан ошса ҳам индамадим. Отабекни ёмон демаган бўлардим. У ҳам фуқаролар учун ишлаган. Озми, кўпми муаммоларни бизга кўрсатиб берган. Аммо бироз шошқалоқлиги, ўйламай иш тутиши унга панд берди.

Отабекнинг баъзи саволларидан жаҳлим чиққан бўлиши мумкин. Бироқ унинг ҳозирги ҳолатини душманимга ҳам раво кўрмайман. У ҳам оилали, фарзандлари бор. Қолаверса, ота-онасига жуда оғир. Балки, эҳтиросга берилгандир, ҳали ёш. Агар ҳуқуқни муҳофаза қилувчи органлар унинг жазосини енгиллаштира олса, ёрдам беришса, яхши бўларди.

Тўра Боболов, Сурхондарё вилояти ҳокими

Эслатиб ўтамиз, сурхондарёлик блогер Отабек Сатторий товламачиликда айбланиб, 29 январь куни ҳибсга олинган эди. Депутат Расул Кушербаев блогернинг қўлга олинишига ўз муносабатини билдириб, бу ҳолатни «амалдорларни танқид қилаётган битта блогерга эмас, бутун бошли сўз эркинлигига, Президентнинг очиқлик сиёсатига қарши сурхондарёлик амалдорларнинг исёнидир» деб таърифлаганди.

Блогернинг ҳибсга олиниши юзасидан Миллий масс-медиани қўллаб-қувватлаш ва ривожлантириш жамоат фонди Васийлик кенгаши раиси Комил Алламжонов ҳам муносабат билдирди.

«Қонунни бузишга на журналист ва на блогер ҳақли. Мен бу ҳақда кеча ўз фикримни билдирдим. Лекин нима учун энг хавфли жиноятчидек унинг уйида тинтув ўтказилди, нима учун у кўплаб одамлар билан олиб кетилди, нима учун суд ёпиқ бўляпти?

Барча товламачиликда гумон қилинган фуқароларга шунақа муносабат қилинадими? Ёки блогер бўлгани учун шундай алоҳида ‘ҳурмат-эҳтиромми’? Бу нормал ҳолатми? Ички ишлар вазирлиги бу масала юзасидан изоҳ бериши шарт. Методлар қачон ўзгаради? Босиб олиб кетмай, идорага қонуний чақирув қоғози билан чақирилса, келмас эдими? Эҳтиёт чораси сифатида нима учун энг оғири, қамоқ танланди?

Қонун ҳамма учун баробар экан, орган ходимлари ҳам ошириб юборишмасин. Бизнинг жамоат фондимиз бундай хатти-ҳаракатни кескин қоралайди. Бош прокуратурадан ушбу ҳолатга ҳуқуқий баҳо беришларини сўраймиз», — деган у.

Кейинроқ Олий суд ушбу блогерга қўйилган айблов ўзгартирилмагани ва прокуратуранинг блогерга нисбатан қамоққа олиш эҳтиёт чораси кўрилиши ҳақидаги илтимосномаси қаноатлантирилгани маълум бўлганди. Блогернинг адвокати Шавкат Шокиров «Gazeta.uz»га берган интервьюсида у ишни уюштирилган деб ҳисоблашини айтган.

«Агар тергов органи прокуратура билан биргаликда ўз юзини йўқотишни истамаса, унда жиноят аломатлари йўқлиги тўғрисида баёнот билан уни озод қилиши керак. Ҳозирда улар бошқа бир қонунбузарлик фактини ‘яратиш’ билан банд деб қўрқаман… Ҳозир Отабек бутун тизим унга қарши ишлаяпти, деб ҳисобламоқда», — деган адвокат.

11 февраль куни Бош прокуратура блогер Сатторийнинг хатти-ҳаракатлари юзасидан 7 та ҳолат бўйича мурожаатлар келиб тушганини маълум қилганди.

@daryo_live
Read more
Daryo — LIVE 8 Mar, 15:00
​​Катта Фарғона каналида чўкиб кетган 13 ёшли спортчининг жасади икки метр чуқурликдан топилди

Катта Фарғона каналида чўкиб кетган 13 ёшли спортчининг жасади топилди, деб хабар бермоқда «Дарё» мухбири.

Таъкидланишича, 2021 йилнинг 5 март куни соат 16:00 да Ўзбекистон туманининг «Беруний» маҳалла фуқаролар йиғини Алишер Навоий кўчасида яшаган 13 ёшли Умиджон Абдусатторов эҳтиётсизлик оқибатида Катта Фарғона каналида чўкиб кетган.

Мазкур ҳолат юзасидан Ўзбекистон тумани ҳокимлиги ва ҳуқуқни муҳофаза қилувчи идоралар томонидан тезкор қидирув-қутқарув ишлари олиб борилган.

Маълум қилинишича, йигитчанинг жасади Фарғона вилояти Фавқулодда вазиятлар бошқармасининг махсус минтақавий қидирув-қутқарув отряди ғаввослари томонидан ҳодиса содир бўлган жойдан 1 200 метр узоқликда 2 метр чуқурликдан топилган.

Ўзбекистон тумани ички ишлар бўлими бошлиғи Бахтиёр Нажмиддиновнинг маълум қилишича, Умиджон Абдусатторовнинг жасади 2021 йилнинг 8 март куни соат 12:00 да сув тубидан олиб чиқилган. Ҳозирда унга нисбатан белгиланган тартибда суд-тиббий экспертизаси тайинланмоқда.

Аввалроқ вилоятнинг Ёзёвон тумани Бўтқачи қишлоғида яшовчи 17 ёшли йигит 2020 йилнинг 22 декабрь куни ўзини Катта Фарғона каналига ташлагани, унинг жасади орадан 73 кун ўтиб топилгани ҳақида хабар берилган эди.

@daryo_live
Read more
Daryo — LIVE 8 Mar, 14:23
​​ИИВ: Маҳкумларнинг видеоконференцалоқа орқали қисқа муддатли бир маротаба учрашуви 5300 сўм этиб белгиланади

Жазони ижро этиш муассасаларида маҳкумлар билан видеоконференц орқали 15 дақиқагача қисқа муддатли учрашувлар ўтказишга рухсат берилади. Бу ҳақда Жазони ижро этиш бош бошқармаси Тарбиявий ва ижтимоий психологик ишларни ташкил этиш бошқармаси бошлиғи, подполковник Жамшид Султонов «Дарё»га маълум қилди.

Эслатиб ўтамиз, жазони ижро этиш тизимига ИТ-технологияларни жорий этиш, жазо муддатини ўтаётган маҳкумлар ва уларнинг оила аъзоларига қулайлик яратиш мақсадида маҳкумларнинг қариндошлари ва бошқа шахслар билан бўлиб ўтадиган учрашувлари видеоконференцалоқа режимида онлайн тарзда ўтказилиши маълум қилинган эди.

Жамшид Султоновнинг «Дарё» мухбири Мусулмонбек Иброҳимовга маълум қилишича, жазони ижро этиш муассасалари (ЖИЭМ)да жазони ижро этаётган маҳкумлар билан видеоконференцалоқа орқали қисқа муддатли учрашувларни ўтказиш тартиби ишлаб чиқилган.

«Ҳозир ушбу тизим тест режимида ишламоқда. Бунда маҳкумлар жазони ижро этиш муассасасида туриб, маҳкум билан кўришмоқчи бўлганлар жойлардаги пробация жойларида туриб видеоконференцалоқа орқали қисқа муддатли учрашувларни ўтказиши мумкин. Амалдаги қонунчиликка кўра, учрашувлар ўртада тўсиқ бўлган ҳолда ташкил қилинади. Шунинг учун бу қўшимча чиқимларни олдини олиш, қариндошларини йўлкира харажатларидан озод қилиш мақсадида қўлланилмоқда. Бундан ташқари, замонавий технологияларни ЖИЭМга жорий этилаётган янгиликларимиздан биттаси», – деди ИИВ вакили.

@daryo_live
Read more
Daryo — LIVE 8 Mar, 14:12
​​Шавкат Мирзиёев чустлик ака-ука тадбиркорларнинг онасини мукофотлади

Президент Шавкат Мирзиёев 8 март—Халқаро хотин-қизлар куни муносабати билан ташкил этилган тантанали маросимда чустлик ака-ука тадбиркор Исматуллаевларнинг онасига ҳам мукофот топширди. Бу ҳақда «Махсус ракурс» кўрсатувининг навбатдаги сонида маълум қилинди.

Шавкат Мирзиёев ташаббуси билан жорий йилда нафақат турли касб эгаларига, балки бутун ҳаётини фарзандларини муносиб тарбиялашга бағишланган оналарга ҳам турли орден ва медаллар топширилди.

Хусусан, «Чуст текстиль» трикотаж маҳсулотларини ишлаб чиқариш корхонаси раҳбарлари ака-ука Жамшид ва Исмоил Исматуллаевларнинг онаси — Муқаддас Зиёвуддинова ҳам тақдирланди. Президент Шавкат Мирзиёев онахонга мукофотни шахсан ўзи топширди.

Маълум қилинишича, ака-ука Исматуллаевлар қисқа давр ичида Наманган вилояти Чуст шаҳридаги бўш майдонда тўқимачилик фабрикасини барпо этиб, мингдан ортиқ фуқарони иш билан таъминлашга ва 9 миллион долларлик маҳсулотларни экспорт қилишга муваффақ бўлган.

Эслатиб ўтамиз, Шавкат Мирзиёевнинг тегишли фармони ва қарори билан бир гуруҳ хотин-қизлар юксак унвон, орден ва медаллар билан мукофотланган, йигирма саккиз нафар фаол қиз Зулфия номидаги давлат мукофоти билан тақдирланган эди.

@daryo_live
Read more
Daryo — LIVE 8 Mar, 13:40
​​Тошкентда юз берган ЙТҲда Cobalt «учиб», бошқа Cobalt’нинг устига тушди. Ҳодисадан сўнг тўрт кишига тиббий ёрдам кўрсатилди

Тошкентдаги Шота Руставели кўчасининг «Тўқимачи» стадиони олдидан ўтган қисмида йўл-транспорт ҳодисаси юз берди. «Cobalt катта тезликда қарама-қарши йўлга чиқиб, бошқарувни йўқотиб, ‘столбаъга урилган ва юқорига кўтарилиб, бошқа бир Cobalt’нинг устига тушган», — дейилади ижтимоий тармоқларда қолдирилган хабарларда. ИИВ Йўл ҳаракати хавфсизлиги бош бошқармаси ахборотига кўра, ҳодиса 7 март куни соат тахминан 23:55 да юз берган.

Маълум бўлишича, Руставели кўчасида 1993 йилда туғилган ҳайдовчи О.Б. Cobalt автомобилида ҳаракатланаётган вақтда бошқарувни йўқотиб, қарама-қарши йўналишга ўтиб кетиб, симёғочга урилган ва ўз йўлида ҳаракатланиб келаётган, 1955 йилда туғилган ҳайдовчи А.Ш. бошқарувидаги бошқа бир Cobalt билан тўқнашган.

«Натижада О.Б. бошқарувидаги Cobalt йўловчилари — 29 ёшли Ш.Э., 30 ёшли С.Ю. ҳамда ҳайдовчи А.Ш. ва унинг бошқарувида бўлган Cobalt йўловчиси 27 ёшли V.Ш.га биринчи тез тиббий ёрдам кўрсатилган», — дейилади ИИВ ЙҲХББ ахборотида. Қайд этишларича, ЙТҲ юзасидан суриштирув олиб борилмоқда.

@daryo_live
Attached file
Read more
Daryo — LIVE 8 Mar, 13:30
یک اعلامیه از Daryo.uz | Rasmiy kanal
InfinBANK дан ажойиб янгилик!

2021 йил 1 мартдан биз Uzcard ва Humo дебет карталарни бепул беришимизни эълон қиламиз!

Ундан ташқари мобил иловамизга киринг ва бошқа банкнинг сўм картасидан InfinBANK'нинг сўм картасига 2021 йил 31 мартгача фоизсиз ўтказмалардан фойдаланинг.

Батафсил

Реклама
Daryo — LIVE 8 Mar, 13:17
​​Тошкентда юз берган ЙТҲда Cobalt «учиб», бошқа Cobalt’нинг устига тушди. Ҳодисадан сўнг тўрт кишига тиббий ёрдам кўрсатилди

Тошкентдаги Шота Руставели кўчасининг «Тўқимачи» стадиони олдидан ўтган қисмида йўл-транспорт ҳодисаси юз берди. «Cobalt катта тезликда қарама-қарши йўлга чиқиб, бошқарувни йўқотиб, ‘столбаъга урилган ва юқорига кўтарилиб, бошқа бир Cobalt’нинг устига тушган», — дейилади ижтимоий тармоқларда қолдирилган хабарларда. ИИВ Йўл ҳаракати хавфсизлиги бош бошқармаси ахборотига кўра, ҳодиса 7 март куни соат тахминан 23:55 да юз берган.

Маълум бўлишича, Руставели кўчасида 1993 йилда туғилган ҳайдовчи О.Б. Cobalt автомобилида ҳаракатланаётган вақтда бошқарувни йўқотиб, қарама-қарши йўналишга ўтиб кетиб, симёғочга урилган ва ўз йўлида ҳаракатланиб келаётган, 1955 йилда туғилган ҳайдовчи А.Ш. бошқарувидаги бошқа бир Cobalt билан тўқнашган.

«Натижада О.Б. бошқарувидаги Cobalt йўловчилари — 29 ёшли Ш.Э., 30 ёшли С.Ю. ҳамда ҳайдовчи А.Ш. ва унинг бошқарувида бўлган Cobalt йўловчиси 27 ёшли V.Ш.га биринчи тез тиббий ёрдам кўрсатилган», — дейилади ИИВ ЙҲХББ ахборотида. Қайд этишларича, ЙТҲ юзасидан суриштирув олиб борилмоқда.

@daryo_live
Attached file
Read more
Daryo — LIVE 8 Mar, 13:10
​​Чустлик 14 яшар дўппидўз қиз Параосиё ўйинлари ғолиби бўлмоқчи. У чақалоқлигида икки оёғидан ажралган

Чуст туманининг «Ёрқишлоқ» маҳалласида яшовчи Рухшона Ўктамова 23-умумтаълим мактабининг 7-синфида якка тартибда таҳсил олади. Чақалоқлигида икки оёғидан айрилган қаҳрамонимиз Параосиё ўйинлари ғолиби ва моҳир дўппидўз бўлиш ниятида. Бу ҳақда «Дарё» мухбири Азизбек Абдувалиев ҳикоя қилмоқда.

Рухшонанинг турмушга чиққан икки опаси ва мактабнинг иккинчи синфида ўқийдиган укаси бор. Дадаси ҳунарманд, ойиси эса уй бекаси. Муқаддас Мадумарова бундан 14 йил аввал бўлган ҳодиса учун ҳозиргача ўзини айбдор санайди.

—Ўшанда қаҳратон қиш эди, сандалга ўтин-кўмир қалаб, шу билан жон сақлаётгандик. Рухшона 8 ойлик чақалоқ. Мол-қўйга қарайин деб ташқарига чиққан пайтим эмаклаб сандалга тушиб кетган. 3 ой касалхонада қараб ётдим. Шифокорлар икки оёғини кесиб ташлашга мажбур бўлди. «Юзи, қўли куймабди, шунга шукр қилинг» дейишди юпатиб. Олдинлари бунинг учун ўзимни кечиролмай, сиқилиб юрардим. Қизим катта бўлганидан кейин бунга йўл қўймай, койиб берадиган одат чиқарди. «Мени нега ўйлайсиз, қўлларим бутун, кўзим кўрса, қулоғим эшитса, қолгани пешонамдан» дейишни қўймайди, — дейди Муқаддас Мадумарова.

Қаҳрамонимиз бундан уч йил аввал пара пауэрлифтинг билан қизиқиб қолди. Таянч-ҳаракат аппаратида нуқсони бўлган кишилар учун мўлжалланган спортнинг паралимпик турида атлет танасининг юқори қисми кучини намойиш этади.

Батафсил

@daryo_live
Read more
Daryo — LIVE 8 Mar, 12:36
​​Тошкентда Nexia автобусга урилиб, уни ағдариб юборди. Икки киши жабрланган

Тошкентнинг Олмазор туманида 7 март куни соат 23:40 атрофида шаҳар жамоат транспорти иштирокида йўл-транспорт ҳодисаси юз берди. Воқеа Беруний—Форобий кўчалари кесишмасида содир бўлган, дея хабар бермоқда ИИВ Йўл ҳаракати хавфсизлиги бош бошқармаси (ЙҲХББ).

Маълум бўлишича, 1986 йилда туғилган А.Э. ўз бошқарувидаги Nexia’ни светофорнинг қизил чироғида ҳаракатлантириши оқибатида яшил чироқда чорраҳага кириб келаётган, 1960 йилда туғилган I.В. бошқарувидаги Isuzu автобуси (8-автобус саройига тегишли) билан тўқнашув содир этган.

Тўқнашув сабаб автобус ағдарилган. ЙҲХББнинг қайд этишича, ҳодиса оқибатида Nexia ҳайдовчисига ва йўловчиси — 29 ёшли Н.К.га биринчи тез тиббий ёрдам кўрсатилган. Ҳодиса юз берган вақтда автобус салонида йўловчилар бўлганми ёки йўқ — бунга аниқлик киритилмаган.

«Мазкур ЙТҲ юзасидан Тошкент шаҳар ИИББ ЙҲХБ томонидан суриштирув ҳаракатлари олиб борилмоқда», — дейилади ИИВ ЙҲХББ ахборотида.

@daryo_live
Attached file
Read more